ಬಳಕೆದಾರೆ:Mahaveer Indra/ಕಲ್ಪುನ ಕಳ3

ಅರ್ಮೇನಿಯಾ- ಅಧಿಕೃತ ಪುದರ್ ಅರ್ಮೇನಿಯಾ ಗಣರಾಜ್ಯ ಪಶ್ಚಿಮ ಏಷ್ಯಾದ ಒಂಜಿ ದೇಸೊ. ಉಂದು ಕಾಕಸಸ್ ಪ್ರದೇಶೊದ ಒಂಜಿ ಭಾಗ ಆದುಂಡು. ಅರ್ಮೇನಿಯಾದ ಪಡ್ಡಾಯಿಡ್ ಟರ್ಕಿ, ಬಡಕಾಯಿಡ್ ಜಾರ್ಜಿಯಾ ಮೂಡಾಯಿಡ್ ಅಝರ್‌ಬೈಜಾನ್ ಬೊಕ್ಕ ತೆಂಕಾಯಿಡ್ ಇರಾನ್ ದೇಸೊಲು ಉಲ್ಲ.[೩] ಯೆರೆವಾನ್ ಅರ್ಮೇನಿಯಾ ದೇಸೊದ ರಾಜಧಾನಿ. ದೇಸೊದ ಮಲ್ಲ ನಗರ ಬೊಕ್ಕ ಆರ್ಥಿಕ ಕೇಂದ್ರಲಾ ಅಂದ್.

ಅರ್ಮೇನಿಯಾ ದೇಸೊಗು ಮಸ್ತ್ ಪಿರಾಕ್‌ದ ಇತಿಹಾಸೊ ಉಂಡು. ಕ್ರಿ.ಪೂ. ೬೦೦ತ ಪೊರ್ತುಡು, ಇಂಡೋ-ಯುರೋಪಿಯನ್ ಬಾಸೆದ ಗುಂಪುಡು ಬರ್ಪಿನ, ಪ್ರೊಟೊ-ಅರ್ಮೇನಿಯನ್ ಭಾಷೆದ ಒಂಜಿ ಪುರಾತನ ರೂಪ, ಅರ್ಮೇನಿಯನ್ ಪ್ರದೇಸೊಡು ಪಗರ್ದ್ ಬುಲೆಂಡ್. ಕ್ರಿ.ಪೂ ೮೬೦ದ ಪೊರ್ತುಡು ಉರಾರ್ತು ಪುದರ್‌ದ ಸುರುತ ಅರ್ಮೇನಿಯನ್ ರಾಜ್ಯೊ ಉಂಡಾಂಡ್. ಕ್ರಿ.ಪೂ ೬ನೆ ಶತಮಾನೊಗು ಸಟ್ರಾಪಿ ರಾಜ್ಯೊನು ಸ್ಥಾಪನೆ ಆಂಡ್. ಕ್ರಿಸ್ತಪೂರ್ವ ೧ನೆ ಶತಮಾನೊಡು ಟಿಗ್ರೇನ್ಸ್ ದಿ ಗ್ರೇಟ್ ಅರಸುನ ರಾಜ್ಯಬಾರೊಡು ಅರ್ಮೇನಿಯಾ ರಾಜ್ಯೊ ಮಸ್ತ್ ಎತ್ತರದ ತಾನೊಗು ಮುಟ್ಟುದಿತ್ಂಡ್. ಅತ್ತಂದೆ, ಕ್ರಿ.ಪೂ. ೩೦೦ದ ಪೊರ್ತುಡು ಕ್ರಿಶ್ಚಿಯನ್ ದರ್ಮೊನು ಅಧೀಕೃತ ಧರ್ಮೊ ಪಂದ್ ಸ್ವೀಕಾರ ಮಲ್ತಿನ ಜಗತ್‌ದ ಸುರುತ ದೇಸೊ ಪನ್ಪಿನ ಪುಗರ್ತೆ ಪಡೆಂಡ್. ಅರ್ಮೇನಿಯಾ ಇತ್ತೆಲಾ ಜಗತ್ತ್ ದ ಅತ್ಯಂತ ಪಿರಾಕ್ದ ರಾಷ್ಟ್ರೀಯ ಚರ್ಚ್ ಆಯಿನ ಅರ್ಮೇನಿಯನ್ ಅಪೊಸ್ತೊಲಿಕ್ ಚರ್ಚ್ ನ್ ದೇಶದ ಪ್ರಾಥಮಿಕ ಧಾರ್ಮಿಕ ಸ್ಥಾಪನೆ ಪಂಡ್ದ್ ಗುರುತಿಸವುಂಡು.