ಬಾಬು ಪರವ

ಪುಟ್ಟು

ಬಾಬು ಪರವೆರ್ ಬಂಟ್ವಾಳ ತಾಲೂಕುದ ವಿಟ್ಲದ ಕಾಪು ಮಜಲ್ದಾರ್

ಪೊಲಬು

ಬಾಬು ಪರವೆರ್ ಒರಿ ಮಲ್ಲ ಹಿರಿಯ ಭೂತೊಗು ಕಟ್ಟುನ ಕಲಾವಿದೆರ್. ಬಾಬು ಪರವೆರ್ ಬಂಟ್ವಾಳ ತಾಲೂಕು ವಿಟ್ಲ ಕಾಪು ಮಜಲ್ದಾರ್. ಮೇರೆನ ಹಿರಿಯೆರ್ಲಾ ಬೂತ ಕಲಾವಿದೆರೇ. ಅಮ್ಮೆರ್ ಪಕ್ರು ಪರವೆರ್. ವಿಟ್ಲ ಸೀಮೆಡ್ ಭೂತ ಕಟ್ಟುನೆಟ್ ಮೇರೆನವು ಮಲ್ಲ ಪುದರ್. ರಾಜಂದೈವೊಲಾಯಿನ ಮಲರಾಯೆ, ಪಿಲಿಚಾಮುಂಡಿ, ಪಂಜುರ್ಲಿ, ಉಳ್ಳಾಲ್ತಿ ಇಂಚಿನ ಮಾತ ಬೂತೊಲೆಗ್ ಕಟ್ಟ್‌ದ್ ಕಾರಣಿಕೊನು ಮೆರೆಯಿನಕುಲು. ಮೇರೆ ಮಗೆ ಬಾಬು ಪರವೆರ್ಲಾ ಅಮ್ಮೆರೆನವೇ ಪರಂಪರೆನ್ ಮುಂದುವರಿಸಾವೊಂದು ಉಲ್ಲೆರ್. ಬಂಟ್ವಾಳ ತಾಲೋಕುದ ಕೇಪು, ಕೆಲೆಂಜ, ಅನಂತಾಡಿಡ್ ಮೇರ್ ಕಟ್ಟುನ ಉಳ್ಳಾಲ್ತಿ ಮೆಚ್ಚಿ ಪುದರ್ ಪಡೆಯಿನವು. ಮೇರ್ ಕಟ್ಟುನ ಮಲರಾಯೆ ದೈವೊ ಪುಗರ್ತೆ ಪಡೆಯಿನವು. ಪಾರಂಪರಿಕ ಬಣ್ಣಗಾರಿಕೆ, ಕುಣಿತ, ಪಾತೆರೊ,ಅಣಿ ವಿನ್ಯಾಸೊ ಉಂದು ಮಾತ ಪುದರ್ ಪಡೆಯಿನವೇ. ಪಾಳೆನ್ ವಿವಿಧ ಆಕೃತಿಡ್ ಕೊಯಿದ್ ಅಟ್ಟೆಗ್ ಒಂಜೊಂಜೆನೇ ತಿಕ್ಕಾದ್ ಮಲ್ಪಿ ಬೃಹತ್ ಅಣಿ ತೂವೊಡಾಯಿನವೇ. ಇತ್ತೆದ ಕಲಾವಿದೆರ್ ಆಧುನಿಕತೆಗ್ ಒಗ್ಗೊಂದೆರ್ಂಡಲಾ ಬಾಬು ಪರವೆರ್ ಮಾತ್ರ ಪರತ್ತ್ ಕ್ರಮೊನೇ ಒರಿತ್ತೊಂದೆರ್. ಭೂತೊದ ಪಾತೆರೊಡೇ ಪನ್ಪುನಾಂಡ ಪರತ್ತ್‌ನ್ ನಿಗಿಪ್ಪಡ ಪೊಸತ್ತ್‌ನ್ ತೋಡಡ ಪನ್ಪಿಲೆಕ ಪರಂಪರೆದ ಶೈಲಿಯೇ ಮೇರೆನ ಜೀವಾಳ. ಆರ್ಥಿಕವಾದ್ ಮೇರ್ ಬಡವೆರಾಂಡಲಾ ಸಾಂಸ್ಕೃತಿಕವಾದ್ ಮಲ್ಲ ಶ್ರೀಮಂತೆರ್ಂದ್ ಪನೊಲಿ.

ಪ್ರಶಸ್ತಿ/ಪುರಸ್ಕೊರೊಲು

• ಮೇರೆನ ಸೇವೆನ್ ಪರಿಗಣಿಸಾದ್ ಕರ್ನಾಟಕ ಸರಕಾರದ ಜಾನಪದ ಬೊಕ್ಕ ಯಕ್ಷಗಾನ ಅಕಾಡೆಮಿ ಪುರಸ್ಕಾರೊ ಕೊರ್ದ್ ಗೌರವಿಸಾದ್ಂಡ್.
• ಮಾಲಾಡಿ ಅಜಿತ್ ಕುಮಾರ್ ರೈಕುಲು ಧರ್ಮನೇಮದಪಗ ಮಲ್ತ್‌ನ ಸಮ್ಮಾನ
• ಉಡುಪಿದ ಭೂತಾರಾಧನೆದ ಸಮ್ಮೇಳನದ ವೇದಿಕೆದ ಸಮ್ಮಾನ
• ವಿಟ್ಲ ಅರಮನೆಡ್ ನಡತಿ ಸಮ್ಮಾನ

ಮೇರ್ ಅನಾರೋಗ್ಯ ಬೊಕ್ಕ ಪ್ರಾಯೊ ಆಯಿನೆರ್ದ್ ಭೂತೊ ಕಟ್ಟುನ ಬೇಲೆನ್ ಉಂತಯೆರ್.

ತೀರ್‌ನೆ

ಸುಮಾರ್ ವರ್ಸೊ ಕಾಲ ಬೂತೊಲೆನ ಸೇವೆ ಮಲ್ತ್‌ನ ಬಾಬು ಪರವೆರ್ ರಡ್ಡ್ ವರ್ಸೊಗು ದುಂಬು ತೀರ್‌ದ್ ಪೋಯೆರ್.

ಉಲ್ಲೇಕೊ

	ಉಂದೊಂಜಿ ಎಲ್ಯ ಲೇಕನೊ. ಈ ಲೇಕನೊನು ದುಂಬರಿಪೆರೆ ಸಹಾಯೊ ಮಲ್ಪುಲೆ.