ಬೂತ ಕನ್ನಡಿ

ಬೂತ ಕನ್ನಡಿ ಪಂಡ ಎಲ್ಯ ವಸ್ತ್ ಲೆನ್ ಮಲ್ಲೆಡ್ ತೂಯೆರೆ ಗಲಸುನ ಕುಪ್ಪಿದ ಸಾಮನ್. ಉಂದೆನ್ ಎಚ್ಚಾದ್ ಓದಿಯೆರೆ, ಬಾರೀ ಎಲ್ಯ ವಸ್ತ್ ಲೆನ ಬೇಲೆ ಮಲ್ಪುನಕುಲು, ವಾಚಿ ರಿಪೇರಿ ಮಲ್ಪುನಕುಲು, ಬಂಗಾರ್ದ ಬೇಲೆ ಮಲ್ಪುನಕುಲು, ವಿಜ್ಞಾನಿಲು, ಕಂಪ್ಯುಟರ್ ದ ಬೋರ್ಡುಡು ಬೇಲೆ ಮಲ್ಪುನಕುಲು ಮಾತಾ ಗಲಸುವೆರ್.

ಕನ್ನಡಕ

Types of lenses

ಮಲ್ಪುನ ವಿಧಾನೊ

ಉಂದೆನ್ ಮಲ್ಪೆರೆ ಬಾರೀ ಚಾತುರ್ಪು ಬೋಡು. ಒಂಜಿ ಕುಪ್ಪಿನ್ ಉರುಂಟು ತುಂಡು ಮಲ್ತ್ ದ್ ಅಯಿನ ರಡ್ಡ್ ಮೈಯ್ಲಾ ನಡ್ಪತ್ತ್ ಪಿದಾಯಿದ ಮೈಕ್ ಉಬ್ಬುದು ಇಪ್ಪುನಲೆಕ ಮಲ್ತ್ಂಡ ಅಯಿನ್ ಪೀನ ಮಸೂರ ಪಂಡ್ ಲೆಪ್ಪುವೆರ್. ಉಂದೆನ್ ಒಂಜಿ ಉರೂಟುದ ಕುಪ್ಪಿದ ಗುಂಡುದ ಪಿದಾಯಿದ ಮೈ ತಲೆಕೊ ಅಂದಾಜಿ ಮಲ್ಪೊಲಿ. ಅಂಚನೆ ರಡ್ಡ್ ಮೈಲಾ ಉಲಾಯಿದ ಪುಡೆಕ್ ತಗ್ಗ್ದ್ ಇಪ್ಪುನಲೆಕೊ ಮಲ್ಪೊಲಿ. ಅಯಿನ್ ನಿಮ್ನ ಮಸೂರ ಪನ್ಪೆರ್. ಅಂಚನೆ ಒಂಜಿ ಮೈ ಪಿದಾಯಿ ಅತ್ತಾಂಡ ಉಲಾಯಿ ಬತ್ತ್ ದ್ ಬೊಕ್ಕದ ಮೈ ಸಪಾಯಿ ಇಪ್ಪುಲೆಕೊಲಾ ಮಲ್ಪೊಲಿ. ಬಾರೀ ಜಾಗ್ರತೆಡ್ ಉರ್ದುದು ಮಲ್ಪೊಡು. ಉಂದು ಮಾತಾ ಬೇತೆ ಬೇತೆ ಕಾರ್ಯೊಗು ಉಪೊಯೋಗೊ ಬಪುಂಡು. ವಿಜ್ಙಾನೊಡು ಉಂದೆನ್ ಬೊಲ್ಪುನು ಒಂಜಿ ಕಡೆಕ್ ಸೇರ್ಸಾಯೆರೆ ಗಲಸುವೆರ್. ಪೀನ ಮಸೂರ ಬೊಲ್ಪುದ ರವಿನ್ ಒಂಜಿಕಡೆಕ್ ಒಂದಾವುಂಡು. ಅಂಚನೆ ನಿಮ್ನಮಸೂರ ಬೊಲ್ಪುದ ರವಿನ್ ದೂರೊ ದೂರೊ ಮಲ್ಪುಂಡು. ಬೂತ ಕನ್ನಡಿ ಡ್ ತರಾವಳಿ ಉಂಡು. ಇಂಚಿಪ್ಪ ಅಯಿನ್ ಕುಪ್ಪಿದ ಬದಲ್ ಗ್ ಪ್ಲಾಸ್ಟಿಕ್ ಲಾ ಮಲ್ಪೆರೆ ತೊಡಗ್ದೆರ್. ಕಣ್ಣ್ ದ ದೋಸೊ ಇತ್ನಕುಲುಲಾ ಕನ್ನಡಕ ಆದ್ ಗಲಸುವೆರ್.

ಬಾಸೆಡ್ ಬಳಕೆ

ಬೂತ ಕನ್ನಡಿ ಪಾಡ್ದ್ ನಾದ್ಬೆ ಪಂಡ ಬಾರೀ ಸೂಕ್ಶ್ಮಡ್ ನಾಡೊಂದುಲ್ಲೆ ಪನ್ಪಿನ ಅರ್ತೊ.