ಮಂಜಲ್ ಇರೆತ ಗಟ್ಟಿ
ಮಂಜಲ್ ಇರೆತ ಗಟ್ಟಿ ಮಂಜಲ್ ಗ್ ರೋಗನಿರೋಧಕ ಶಕ್ತಿನ್ ಹೊಂದುದುಂಡು,ಅಂಚಾದ್ ರೋಗ ರುಜಿನ ಬರಂದಿಲೆಕ್ಕ ತಡೆಯುನ ಮಾ ಮಲ್ಲ ಶಕ್ತಿ ಮಂಜಲ್ ಗ್ ಉಂಡು. ಮಂಜಲ್ ಆಹಾರ ಕ್ರಮೊಟ್ ಸೇರುಂಡಾ ಕ್ಯಾನ್ಸರ್ ದಂಚಿನ ಮಾರಕ ರೋಗಲೆನ್ ಪೂರಾ ತಡೆಯೊಲಿ ಪಂದ್ ವೈಜ್ಞಾನಿಕವಾದ್ ಲಾ ದೃಢ ಮಂದೇರ್. ಚರ್ಮ ರೋಗೊಲೆಗ್ ಲಾ ಮಂಜಲ್ ರಾಮಬಾಣ ಪಂದ್ ಪೂರಾರೆಗ್ಲಾ ಗೊತ್ತುಪ್ಪುನ ಸತ್ಯ. ಮಂಜಲ್ದ ಕೊಂಬು, ಅಯಿತ ಪೊಡಿನ್ ತುಳುನಾಡ್ ದ ಜನ ದಿನ ನಿತ್ಯೊದ ಆಹಾರ ಕ್ರಮೊಟ್ ಉಪಯೋಗಿಸುವೆರ್. ಬೇತೆ ಕಡೆ ಮಂಜಲ್ ದ ಇರೆ ಉಪಯೋಗ ಮನ್ಪುನು ಮಸ್ತ್ ಕಡಿಮೆ. ಆಂಡಾ ಕರಾವಳಿ ಭಾಗದ ತುಳುನಾಡುಡ್ ಮಂಜಲ್ ದ ಇರೆತ ತೀಪೆದ ಗಟ್ಟಿ ಇಜ್ಜಿಂಡಾ ನಾಗರ ಪಂಚಂಚಮಿ ಆವಾಡ್ ದೀಪಾವಳಿ ಪರ್ಬ ಆವಾಡ್ ಪರಿಪೂರ್ಣ ಪಂದ್ ಆಪುಜಿ. ಮಂಜಲ್ ದ ಇರೆತ ಅಡ್ಡೆದ ರುಚಿ ಬೊಕ್ಕ ಅಯಿತ ಪರಿಮಳೊ ಮರೆಯರೆ ಸಾಧ್ಯ ಇಜ್ಜಿ.ಉಂದು ಬಾಯಿಗ್ ರುಚಿಕರ ಅಂಚೇನೆ ಆರೋಗ್ಯಕ್ ಲಾ ಹಿತಕರ.
ಮಂಜಲ್ ಇರೆತ ಗಟ್ಟಿ
ಸಂಪೊಲಿಪುಲೆಮಂಜಲ್ ಇರೆತ ಗಟ್ಟಿನ್ ಸಿಕೆಟ್ ಬೇಯಿಪಾವುನು. ಉಂದು ಮಸ್ತ್ ಪರಿಮಳ. ಮರೆಗಾಲ ಬನ್ನಗನೇ ಕರ್ನಾಟಕೊದ ಕರಾವಳಿ ಭಾಗೊಲೆಡ್ ಮಂಜಲ್ ದ ದೈಲು ಸೊರ್ಕುದು ಬುಲೆಯರೆ ಸುರು ಆಪುಂಡು. ಅದಗ ಹೆಚ್ಚಾದು ಮಂಜಲ್ ದ ಇರೆನ ದೆತ್ತುದು 'ಮಂಜಲ್ ಇರೆತ ಗಟ್ಟಿ' ಪನ್ಪಿನ ತೀಪೆದ ಗಟ್ಟಿನ್ ಗಳಿಸವೆರ್. ಉಂದೆಕ್ ಉರ್ಪೇಲು ಅರಿ, ಆಥವೊ ಬೊಳಂತೆ ಅರಿ , ನೆನಪರೆ ದೀದ್, ಬೊಕ್ಕ ಅವೆನ್ ದಪ್ಪ ದಪ್ಪ ಕಡೆದ್ ತಪ್ಪದ ಬಂದೊನ್ [೧]ಮಂಜಲ್ ದ ಇರೆತ ಮಿತ್ತ್ ಪುಡಪ್ಪಾವೋಡು. ಆಯಿತ ಮಿತ್ತ್ ಬೆಲ್ಲ ಬೊಕ್ಕ ತಾರಾಯಿದ ಮಿಶ್ರಣ ಪಾಡೋಡು. ಬೊಕ್ಕ ಅವೆನ್ ಸಿಕೆಟ್ ಬೇಯಿಪಾವೊಡು. ಅಂಚ ಸಿಕೆಟ್ ಬೇಯಿಪಾನಗ ಮಂಜಲ್ ದ ಇರೆ ಸೂಕ್ಷ್ಮ ಪರಿಮಳನ್ ಬಿಡುಗಡೆ ಮನ್ಪುಂಡು. ಅಂಚಾ ಇಡೀ ಇಲ್ಲ್ ಒಂಜಿ ನಮೂನಿದ ಪರಿಮಳೊಡು ಆವರಿಸಾದು ಉಪ್ಪುಂಡು. ಅವು ಒಂಜಿ ತರ ಶುದ್ಧತೆದ ಭಾವನೆನ್ ಉಂಟುಮಂತು ಉಪ್ಪುಂಡು.
ಮಂಜಲ್ ಇರೆತ ಗಟ್ಟಿ ಮನ್ಪರೆ ಬೋಡಾಪಿನ ಸಾಮಗ್ರಿಲು:
ಸಂಪೊಲಿಪುಲೆ- ಮಂಜಲ್ ಇರೆಲು
- ಉರ್ಪೆಲು/ಬೊಳಂತೆ ಅರಿ
- ತಾರಾಯಿದ ಪೂ
- ಬೆಲ್ಲೊದ ಪೊಡಿ
- ಉಪ್ಪು
- ನೀರ್
ಮಂಜಲ್ ಇರೆತ ಗಟ್ಟಿ ಮನ್ಪುನ ವಿಧಾನೊ
ಸಂಪೊಲಿಪುಲೆಉರ್ಪೇಲು ಅರಿ, ಆಥಾವೊ ಬೊಳಂತೆ ಅರಿನ್ ದುಂಬುನಾನಿ ನೆನಪರೆ ದೀವೋಡು, ಮನದಾನಿ ಕಾಂಡೆ ಅವೆನ್ ದಪ್ಪ ದಪ್ಪ ಕಡೆದ್ ದಪ್ಪೊದ ಬಂದೊನ್ ಮಂಜಲ್ ದ ಇರೆತ ಮಿತ್ತ್ ಪುಡಪ್ಪಾದ್ ಪಾಡೊಡು. ಆಯಿತ ಮಿತ್ತ್ ಬೆಲ್ಲ ಬೊಕ್ಕ ತಾರಾಯಿದ ಮಿಶ್ರಣ ಪಾಡ್ದು. ಮಂಜಲ್ ದ ಇರೆನ್ ಮಡುತುದು, ಮಲ್ಲ ತೊಂದುರುಡ್ ನೀರ್ ಬೆಚ್ಚ ಮಂತ್ ಸಿಕೆ ಬರ್ರೆ ಸುರು ಆನಗ, ಮಡ್ದಿನ ಮಂಜಲ್ ದ ಅರಿತ ಗಟ್ಟಿನ್ ಒಂಜೊಜೆ ಪೊರ್ಲುಡು ಅಟ್ಟಿದ ಮಿತ್ತ್ ದೀದ್ ಸಿಕೆಟ್ ಬೇಯಿಪಾವೊಡು. ಒಂಜಿ ಅರ್ಧ ಗಂಟೆ ಬೀಯಿ ಬೊಕ್ಕ ತೊಂದುರುನ್ ಜಾದ್ ಬೀಯಿಪಾಯಿನ ಮಂಜಲ್ ಇರೆತ ಗಟ್ಟಿ ತಿನರೆ ತಯಾರು ಆದ್ ಉಪ್ಪುಂಡು.