ಮಾಯ್ಪು

ಮಾಯ್ಪು ಪಂಡ ನೆಲ ಅಡಿಪೆರೆ ಉಪಯೋಗ ಮಲ್ಪುನ ವಸ್ತು.ಬೇತೆ ಬೇತೆ ನಮುನೆದ ಮಾಯ್ಪುಲು ಉಂಡು ಪಂತಿದ ಮಾಯ್ಪುನು ಒಂಜಿ ನಮುನೆದ ಪಂತಿಡ್ ಮಲ್ಪುವೆರ್,ಅಂಚನೆ ತಾರೆದ ಮಾಯಿಪುನು ತಾರೆದ ಮಡಲ್ದ ಚೀಂಕೃಡ್ ಮಲ್ಪುವೆರ್ ಅಂಚೆನೆ ಕಂಗ್‌ದ ಮಾಯಿಪುನು ಸೋಗೆದ ಚೀಂಕೃನ್ ಸೂಡಿ ಕಟ್ಟ್‌ದ್ ಮಲ್ಪುವೆರ್. ಉಂದೆನ್ ಕಂಗ್‌ದ ಸೋಗೆಡ್ಡ್ ಮಲ್ಪುವೆರ್ ಅಂಚನೆ ತಾರೆದ ಮಡಲ್ಡ್ ಮನ್ಪುವೆರ್

ಕಂಗ್‌ದ ಸೋಗೆಡ್ ಮಾಯಿಪು ಮಲ್ಪುನ ಕ್ರಮ

ಮಾಯಿಪು ಮಲ್ಪೆರೆ ಕಂಗ್ದ ನಾಲ್ ಸೋಗೆ ಬೋಡಾಪುಂಡು ಆ ಸೋಗೆದ ಚೀಂಕೃ ದೆತ್ತ್‌ದ್ ಅಯಿನ್ ಪೆರಪ್ಪ ಗೀಸೊಡು ಅಯಿನ ಸೋಗೆದ ಒಲಿನ್ ಪೂರಾ ದೆಪ್ಪೊಡು ಕಡ್ಡಿದ ಕಡೆನ್ ಕೋಯಿದ್ ದೆತ್ತ್‌ದ್ ಚೀಂಕ್ರುನ್ ಸೂಡಿ ಪತ್ತ್‌ದ್ ಬಿಗಿತ್ತ್ ಕಡೆಕ್ಕ್ ಕಟ್ಟ್‌ಂಡ ಒಂಜಿ ನಮುನೆದ ಮಾಯಿಪು ಬೊಕ್ಕೊಂಜಿ ನಮುನೆಡ್ ಮಾಯಿಪು ಮಲ್ಪೆರೆ ಆಪುಂಡು. ಸೋಗೆದ ಚೀಂಕೃ ಮಾತ ದೆತ್ತ್‌ದ್ ದೊಂಬುಡು ಲುಂಗೆರೆ ಪಾಡೊಡು ಮೂಜಿ ನಾಲ್ ದಿನ ಲುಂಜಿ ಬೊಕ್ಕ ನೆಲಟ್ ಪಾಡ್ದ್ ಸೋಕು ಉರ್ದೊಡು ಅವೆತ ಸೋಗೆ ಪೂರಾ ಪೋಯಿ ಬೊಕ್ಕ ಸೂಡಿ ಪತ್ತ್‌ದ್ ಬಿಗಿತ್ತ್ ಕಡೆಕ್ಕ್ ಕಟ್ಟೊಡು

ತಾರೆದ ಮಾಯಿಪು, ಮಡಲ್ದ ಮಾಯಿಪು

ಮಾಯಿಪು ಮಲ್ಪೆರೆ ಬೋಡಾಯಿನ ಎಡ್ಡೆ ಲುಂಗೆಲ್ ಅತ್ತ್ಂಡ ಪರ್ಂದ್ ತಾರೆದ ಮಡಲ್ ದೆತ್ತೊಂದು ಅಯಿತ ಚೀಂಕೃ ದೆತ್ತ್‌ದ್ ಅಯಿನ್ ಗೀಸೊಡು ಅಯಿನ ಒಲಿನ್ ಪೂರಾ ದೆಪ್ಪೊಡು ಕಡ್ಡಿದ ಕಡೆನ್ ಕೋಯಿದ್ ದೆತ್ತ್‌ದ್ ಚೀಂಕ್ರುನ್ ಸೂಡಿ ಪತ್ತ್‌ದ್ ಬಿಗಿತ್ತ್ ಕಡೆಕ್ಕ್ ಕಟ್ಟೊಡು ಉಂದು ಒಂಜಿ ನಮುನೆದ ಮಾಯಿಪು ಬೊಕ್ಕೊಂಜಿ ನಮುನೆಡ್ ಮಾಯಿಪು ಮಲ್ಪೆರೆ ಆಪುಂಡು. ಮಡಲ್‌ದ ಚೀಂಕೃ ಮಾತ ದೆತ್ತ್‌ದ್ ದೊಂಬುಡು ಲುಂಗೆರೆ ಪಾಡೊಡು ಮೂಜಿ ನಾಲ್ ದಿನ ಲುಂಜಿ ಬೊಕ್ಕ ನೆಲಟ್ ಪಾಡ್ದ್ ಸೋಕು ಉರ್ದೊಡು ಅವೆತ ಮಡಲ್ ಪೂರಾ ಪೋಯಿ ಬೊಕ್ಕ ಸೂಡಿ ಪತ್ತ್‌ದ್ ಬಿಗಿತ್ತ್ ಕಡೆಕ್ಕ್ ಕಟ್ಟೊಡು.