ಮಾರ್ಗರೇಟ್ ಆಳ್ವಾ
ಮಾರ್ಗರೇಟ್ ಆಳ್ವಾ ಮೇರ್ ಕಾಂಗ್ರೇಸ್ ಪಕ್ಷೊದ ಒಂಜಿ ಹಿರಿಯ ರಾಜಕಾರಣಿ. 14 ಏಪ್ರಿಲ್ 1942[೧] ಟ್ಟ್ ಕುಡ್ಲಡ್ ಪುಟ್ಟ್ ದಿನ ಆಳ್ವಾ ಬೇತೆ ಬೇತೆ ರಾಜ್ಯೊದ ರಾಜ್ಯಪಾಲೆರಾದ್ ಇತ್ತಿನ ರಾಜಕಾರಣಿ. ಸುರುಕ್ ಉತ್ತರಾಖಂಡದ ಗವರ್ನರ್ ಆದಿತ್ತಿನ ಮೇರ್, ಅವೆಡ್ದ್ ಬೊಕ್ಕ 2 ವರ್ಷ ರಾಜಸ್ಥಾನೊದ ರಾಜ್ಯಪಾಲೆರಾಯೆರ್. ಒಂತೆ ಸಮಯ ಗೋವಾದಲಾ ರಾಜ್ಯಪಾಲೆರಾದ್ ಇತ್ತೆರ್.
| ಮಾರ್ಗರೇಟ್ ಆಳ್ವ | |
|---|---|
.jpg)
| |
ಗೋವಾದ ರಾಜ್ಯಪಾಲೆ
| |
| ಅಧಿಕಾರ ಅವಧಿ 12 ಜುಲಾಯಿ 2014 – 7 ಆಗಸ್ಟ್ 2014 | |
ಗುಜರಾತ್ ದ ರಾಜ್ಯಪಾಲೆ
| |
| ಅಧಿಕಾರ ಅವಧಿ 7 ಜುಲಾಯಿ 2014 – 15 ಜುಲಾಯಿ 2014 | |
ರಾಜಸ್ಥಾನೊ ರಾಜ್ಯಪಾಲೆ
| |
| ಅಧಿಕಾರ ಅವಧಿ 12 ಮೇ 2012 – 5 ಆಗಸ್ಟ್ 2014 | |
ಉತ್ತರಾಖಂಡದ ರಾಜ್ಯಪಾಲೆ
| |
| ಅಧಿಕಾರ ಅವಧಿ 6 ಆಗಸ್ಟ್ 2009 – 14 ಮೇ 2012 | |
| ಅಧಿಕಾರ ಅವಧಿ 1999 - 2004 | |
| ಮತಕ್ಷೇತ್ರ | ಕೆನರಾ |
Union Minister of State, Ministry of Personal, Public Grievances and Pensions
| |
| ಅಧಿಕಾರ ಅವಧಿ 1991 - 1996 | |
Union Minister of State, Ministry Youth and Sports and Women and Child Development
| |
| ಅಧಿಕಾರ ಅವಧಿ 1985 - 1989 | |
Union Minister of State, Ministry of Parliamentary Affairs
| |
| ಅಧಿಕಾರ ಅವಧಿ 1984 - 1985 | |
| ಅಧಿಕಾರ ಅವಧಿ 1993 - 1996 | |
| ಅಧಿಕಾರ ಅವಧಿ 1974 - 1998 | |
| ಮತಕ್ಷೇತ್ರ | ಕರ್ನಾಟಕ |
| ವೈಯಕ್ತಿಕ ಮಾಹಿತಿ | |
| ಜನನ | 14 April 1942 ಕುಡ್ಲ |
| ರಾಜಕೀಯ ಪಕ್ಷ | Indian National Congress |
| ಉದ್ಯೋಗೊ | ಲಾಯರ್ |
ಸ್ವಂತ ವಿವರ
ಸಂಪೊಲಿಪುಲೆಕುಡ್ಲದ ಕ್ರಿಶ್ಚಿಯನ್ ಕುಟುಂಬೊಡು ಪುಟ್ಟುದಿನ ಮೇರ್ ಬೆಂಗ್ಳೂರ್ ದ ಮೌಂಟ್ ಕಾರ್ಮೆಲ್ ಕಾಲೇಜಿಡ್ದ್ ಬಿ.ಎ ಪದವಿಲಾ, ಗವರ್ನಮೆಂಟ್ ಲಾ ಕಾಲೇಜ್ ಡ್ ಕಾನೂನು ಪದವಿನ್ ಪಡೆಯೊಂದೆರ್. 24 ಮೇ 1964 ಟ್ಟ್ ಆರೆನ ಮದ್ಮೆ ನಿರಂಜನ್ ಆಳ್ವೆರೆನೊಟ್ಟುಗ್ ಆಂಡ್. ನಿರಂಜನ ಆಳ್ವ ಮೇರ್ ಸ್ವಾತಂತ್ರೋ ಸಂಗ್ರಾಮೊಡ್ ಪಾಲ್ ಪಡೆಯಿನ ಜೋಕಿಂ ಆಳ್ವ ಬೊಕ್ಕ ವಾಯ್ಲೆಟ್ ಆಳ್ವ ಮೊಕಲೆನ ಮಗೆ.[೨] ವಕೀಲೆ ಆದ್ ಕೆಲಸ ಸುರು ಮಲ್ತದ್ ಬೊಕ್ಕ ಆರ್ ಕ್ರಿಶ್ಚಿಯನ್ ಪೋಜೊವುಲೆನ ಯುವ ಸಂಘದ ಅಧ್ಯಕ್ಷೆರ್ ಆದಿತ್ತೆರ್. ಪೊಂಜೊವುಲ್ ಬೊಕ್ಕ ಜೋಕುಲೆನ ಸಮಸ್ಯೆದ ಬಗ್ಗೆ ಗಮನ ಕೊರ್ಯರೆ ಕರುಣಾ ಪನ್ಪಿನ ಸಂಸ್ಥೆಡ್ ಕೆಲಸ ಮಲ್ದೆರ್.[೩]
ರಾಜಕೀಯ ಜೀವನ
ಸಂಪೊಲಿಪುಲೆಮಾರ್ಗರೇಟ್ ಆಳ್ವೆರೆನ ಕಂಡನಿ, ಬೊಕ್ಕ ಮಾಮಡ್ದ್ ಪ್ರಭಾವಿತೆರಾದ್ ೧೯೬೯ ನೇ ಇಸವಿಡ್ ಆರ್ ರಾಜಕೀಯೊಗ್ ಬತ್ತೆರ್. ಇಂದಿರಾಗಾಂಧಿಗ್ ಬೆಂಬಲಿಸಾದ್[೪] ಕಾಂಗ್ರೆಸ್ ಸೇರಿನ ಆರ್, ಕರ್ನಾಟಕದೊ ರಾಜಕೀಯೊಡು ಸಕ್ರೀಯೆರಾದಿತ್ತೆರ್. ಏಪ್ರಿಲ್ ೧೯೭೪ಡ್ ರಾಜ್ಯಸಭೆಗ್, ಕಾಂಗ್ರೇಸ್ ಬೆಂಬಲೊಡು ಆಯ್ಕೆ ಆಪೆರ್. ಉಂದೆತ್ತ ಆಜಿ ವರ್ಷೊದ ಅವಧಿ ಮುಗಿಯಿಬೊಕ್ಕ, ಮೂಜಿ ಸರ್ತಿ, ೧೯೮೦, ೧೯೮೬ ಬೊಕ್ಕ ೧೯೯೨ಟ್ಟ್ ಆಜಿ ವರ್ಷೊದ ಅವಧಿಲೆಗ್ ಕುಡಾ ಆಯ್ಕೆ ಆಪೆರ್. ರಾಜ್ಯ ಸಭೆತ ಸದಸ್ಯೆರಾದಿತ್ತಿನ ಪೊರ್ತುಡು, ಕೇಂದ್ರೀಯ ರಾಜ್ಯ ಮಂತ್ರಿಲಾ ಆದಿತ್ತೆರ್. ೧೯೯೯ ನೇ ಇಸವಿಡ್ ನಡತಿನ ೧೩ನೇ ಲೋಕಸಭೆತ ಓಟುಡ್ ಉತ್ತರಕನ್ನಡೊಡ್ದ್ ಗೆಂದ್ ದ್ ೫ ವರ್ಷ ಕೆಲಸ ಮಲ್ಪುವೆರ್. ೫ ವರ್ಷೊಡ್ದ್ ಬೊಕ್ಕ ೨೦೦೪ನೇ ಇಸವಿಡ್ ನಡಪುನ ವೋಟುಡ್ ಸೋಪುವೆರ್. ೨೦೦೪ ಬೊಕ್ಕ ೨೦೦೯ ನೇ ಇಸವಿದ ನಡುಟ್ಟ್ ಅಖಿಲ ಭಾರತೀಯ ಕಾಂಗ್ರೆಸ್ ಕಮಿಟಿದ ಜನರಲ್ ಸೆಕ್ರಟರಿಯಾದ್ ಬೇಲೆ ಮಲ್ಪುವೆರ್. ೬ ಆಗಸ್ಠ್ ೨೦೦೯ ನೆತ್ತ ಇಸವಿಡ್ ಉತ್ತರಾಖಂಡದ ಸುರುತ್ತ ಪೊಂಜೊವು ರಾಜ್ಯಪಾಲೆಯಾದ್ ಆಯ್ಕೆ ಆಪೆರ್. ಮೇ ೨೦೧೨ಟ್ಟ್ ರಾಜ್ಯಸ್ಥಾನೊದ ರಾಜ್ಯಪಾಲೆ ಆಪೆರ್.
ಪಾಲ್ ಪಡೆಯಿನ ಕೆಲವು ಕಾರ್ಯಕ್ರಮೊದ ಚಿತ್ರೊಲು
ಸಂಪೊಲಿಪುಲೆ-
೧೯೯೫ ಡ್ ಆಯಿನ ವಿಶ್ವ ಕೊಂಕಣಿ ಸಮ್ಮೇಳನೊಡು ಆನಿದ ಮುಖ್ಯ ಮಂತ್ರಿ ದೇವೆಗೌಡೆರೆನೊಟ್ಟಿಗೆ. -
ಲೋಕಸಭೆತ ಸ್ಫೀಕರ್ ಆದಿತ್ತಿನ ಸೋಮನಾಥ ಚಟರ್ಜಿನೊಟ್ಟುಗ್ ದಿಲ್ಲಿಡ್ ೨೦೦೬ ಟ್ಟ್ -
ರಾಜಸ್ಥಾನದ ರಾಜ್ಯಪಾಲೆಯಾದ್ ಉಪ ರಾಷ್ಥಪತಿ ಶ್ರೀ ಮೊಹಮ್ಮದ್ ಅನ್ಸಾರಿ ನ್ ಎದುಕೊನುನೆ -
ಉತ್ತರಾಕಂಡದ ರಾಜ್ಯಪಾಲೆಯಾದುಪ್ಪುನಗ ಉತ್ತರಾಖಂಡದ ಅಪಗದ ಮುಖ್ಯಮಂತ್ರಿ ಶ್ರೀ ರಮೇಶ ಪೊಕ್ರಿಯಾಲ್ ನೊಟ್ಟಿಗೆ -
ಉತ್ತರಾಖಂಡದ ರಾಜ್ಯಪಾಲೆಯಾದುಪ್ಪುನಗ ಅಪಗದ ಪ್ರಧಾನ ಮಂತ್ರಿ ಶ್ರೀ ಮನಮೋಹನ್ ಸಿಂಗ್‌ಗ್ ಗೌರವ ಡಾಕ್ಟರೇಟ್ ಕೊರ್ನಗ
ಉಲ್ಲೇಕೊಲು
ಸಂಪೊಲಿಪುಲೆ- ↑ "Rajya Sabha Members Biographical Sketches 1952 – 2003" (PDF). Rajya Sabha website
- ↑ A stamp in memory of Joachim and Violet Alva Archived 2013-10-29 at the Wayback Machine रेडिफ़ डॉट कॉम, 20 नवम्बर 2008
- ↑ "Hon'ble Governor of Rajasthan: Smt. Margaret Alva". Government of Rajasthan. Archived from the original on 25 February 2014. Retrieved 19 February 2014.
- ↑ Vittal, Gita (2007). Reflections: Experiences of a Bureaucrat's Wife. Academic Foundation. pp. 68–69. ISBN 9788171884711.