ಮಾಲಿನಿ ಅವಸ್ತಿ

ಮಾಲಿನಿ ಅವಸ್ತಿ (ಜನನ 11 ಫೆಬ್ರವರಿ 1967) ಮೇರ್ ಭಾರತೀಯ ಜಾನಪದೋದ ಗಾಯಕಿ.ಮೇರ್ ಭೋಜ್ ಪುರಿ,ಅವಧಿ ಬೊಕ್ಕ ಹಿಂದಿ ಬಾಸೆಲೆಡ್ ಗಾಯನ ಮಲ್ಪುವೆರ್. ಅವ್ಲ ಅತ್ತಾಂದೆ, ಠುಮ್ರಿ ಬೊಕ್ಕ ಕಜ್ರಿ ಡ್ ಲಾ ತನ್ನ ಪದ್ಯೋನ್ ಪ್ರಸ್ತುತ ಮಲ್ದೆರ್.ಭಾರತ ಸರ್ಕಾರ ಮೆರೆಗ್ ೨೦೧೬ ಡ್ ಪದ್ಮಶ್ರೀಯ ನಾಗರಿಕ ಗೌರವೊನು ಕೊರ್ತುಂಡ್.ಆರ್ ಭೋಜ್ ಪುರಿ ಸಂಗೀತಗ್ ಕೊರ್ತಿನ ಕೊಡುಗೆದಾಡ್ಸರಾದ್ ಮಲ್ಲ ಪುದರ್ ಮಲ್ತೆರ್.

ಸುರುತ ಜೀವನೊ

ಮಾಲಿನಿ ಅವಸ್ತಿ ಮೇರ್ ಉತ್ತರ ಪ್ರದೇಶೊದ ಕನೌಜ್‌ ಪನ್ಪಿನ ಊರುಡು ಪುಟಿಯೆರ್.ಲಕ್ನೋದ ಭಾತಖಂಡೆ ಪನ್ಪಿನ ವಿಶ್ವವಿದ್ಯಾನಿಲಯೊಡ್ದ್ ಸ್ನಾತಕೋತ್ತರ ಪದವಿನ್ ಪಡೆದೆರ್ ಬೊಕ್ಕ ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತೊಡು ಬಂಗಾರ್ ದ ಪದಕೊನ್ ಗೆಂದಿನ ವಿಜೇತೆ. ಅವ್ಲ ಅತ್ತಾಂದೆ ಲಕ್ನೋ ವಿಶ್ವವಿದ್ಯಾನಿಲಯೊದ ಮಧ್ಯಕಾಲೋದ ಬೊಕ್ಕ ಆಧುನಿಕ ಭಾರತೀಯ ವಾಸ್ತುಶಿಲ್ಪೋದ ಪರಿಣತಿನ್ ಪಡೆತಿನೊಟ್ಟುಗ್, ಎಂ.ಎ ದ ಆಧುನಿಕ ಇತಿಹಾಸೊಡು ಬಂಗಾರ್ ದ ಪದಕೊನ್ ಗೆಂದ್ ದ್ ಮಲ್ಲ ಸಾಧನೆ ಮಲ್ದೆರ್.ಮೇರ್ ಲೆಜೆಂಡರಿ ಹಿಂದೂಸ್ತಾನಿದ ಶಾಸ್ತ್ರೀಯ ಗಾಯಕಿ, ಬನಾರಸ್ ಘರಾನ್ ದಾ ಪದ್ಮವಿಭೂಷಣ ವಿದುಷಿಯಾಯಿನ ಗಿರಿಜಾ ದೇವಿ ಮೇರ್ ನ ವಿಧ್ಯಾರ್ಥಿನಿ.ಮೇರ್ ಪ್ರಸ್ತುತೊಡ್ ಉತ್ತರ ಪ್ರದೇಶ ಸರ್ಕಾರದ ಪ್ರಧಾನ ಕಾರ್ಯದರ್ಶಿಯಾದ್ ಸೇವೆ ಸಂದಾವೊಂದುಪ್ಪುನ ಹಿರಿಯೆರ್ ಆಯಿನ IAS ಅಧಿಕಾರಿ ಅವನೀಶ್ ಕುಮಾರ್ ಅವಸ್ತಿ ಪನ್ಪಿನಾರೆನ್ ಮದಿಮೆ ಆಯೆರ್.

ವೃತ್ತಿ ಜೀವನೊ

ಮಾಲಿನಿ ಅವಸ್ಥಿ ಮೇರ್ ಜನಪ್ರಿಯ ಶಾಸ್ತ್ರೀಯ ಸಂಗೀತೊದ ಉತ್ಸವವಾಯಿನ 'ಜಹಾನ್-ಎ-ಖುಸ್ರೌ' ಡ್ ಮುಖ್ಯವಾಯಿನಂಚಿನ ಕಲಾವಿದೆರ್.ಉನ್ನತವಾಯಿನ ಸ್ವರ ಪಡೆದಿನಾರ್ ಅತ್ತಾಂದೆ ಠುಮರಿ, ತಾರೆ ರಹೋ ಬಂಕೆ ಶ್ಯಾಮ್ ಪನ್ಪಿನ ನಿರೂಪಣೆಗಾದ್ ಜನಪ್ರಿಯೊನ್ ಪಡೆದಿನಾರ್. ಮೇರ್ ಭೋಜ್‌ಪುರಿತ - ಮ್ಯೂಸಿಕಲ್ ರಿಯಾಲಿಟಿ ಶೋ ಆಯಿನ "ಸುರ್ ಸಂಗ್ರಾಮ್"ಗ್ ತೀರ್ಪುಗಾರೆರ್ ಆದ್ ಇತ್ತೆರ್. ಮೇರ್ NDTV ಇಮ್ಯಾಜಿನ್‌ನ ಜುನೂನ್‌ಗಾದ್ ದೂರದರ್ಶೊನಡ್ ಭಾಗವಹಿಸಾದೆರ್. UP ಚುನಾವಣೆಲು 2012 ಬೊಕ್ಕ 2014 ದ ಚುನಾವಣಾ ಆಯೋಗಡ್ದ್ ಮೆರೆನ್ ಬ್ರ್ಯಾಂಡ್ ಅಂಬಾಸಿಡರ್ ಆದ್ ನೇಮಕ ಮಲ್ದೆರ್. ಗಾಯಕೆ ಅನು ಮಲಿಕ್ ಪನ್ತಿನ ಸಂಗೀತೊದ (2015)ಚಲನಚಿತ್ರ ಆಯಿನ "ದಮ್ ಲಗಾ ಕೆ ಹೈಸ್ಸಾ" ಡ್ ಆರ್ "ಸುಂದರ್ ಸುಶೀಲ್" ಪನ್ಪಿನ ಸಂಗೀತೊಗು ರಾಗ ಪಾಡ್ದೆರ್.

ಶೈಕ್ಷಣಿಕ ಗೌರವೊಲು ಬೊಕ್ಕ ಪಿಲೋಸಫಿಲು

ಬನಾರಸ್ ಹಿಂದೂ ವಿಶ್ವವಿದ್ಯಾನಿಲಯೊಡು ಭಾರತ ಅಧ್ಯಯನ ಕೇಂದ್ರೋದ ಶತಮಾನೋತ್ಸವ ಪೀಠದ ಪ್ರಾಧ್ಯಾಪಕೆರ್ ಆದ್ ಸೇವೆ ಮಲ್ದೆರ್. ಮೇರ್ ನ ಜಾನಪದ ಪದ್ಯೊಲು ಜನಕ್ಲೆನ ಮಿತ್ತ್ ಮಸ್ತ್ ಪರಿಣಾಮ ಬುರುನತ್ತಾಂದೆ,ಇಂಚಪ ಸಂಗೀತ ಪ್ರೇಮಿಲೆಡ್ ತನ್ನ ಗೌರವೊನು ಬೊಕ್ಕ ಮನ್ನಣೆನ್ ಪಡೆತೆರ್. ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತೆರಾದ್ ದುರ್ಗಮತಿ (2020), ದಮ್ ಲಗಾ ಕೆ ಹೈಶಾ (2015) ಮತ್ತು ಏಜೆಂಟ್ ವಿನೋದ್ (2012) ಚಿತ್ರೊಲೆಡ್ ಧ್ವನಿನ್ ಕೊರ್ತೆರ್.

ಸಾಂಸ್ಕೃತಿಕ ಪ್ರದರ್ಸನೊಲು

ರಾಷ್ಟ್ರೀಯ

• ಉತ್ತರ ಪ್ರದೇಶೊಡ್ ಠುಮ್ರಿ-ಉತ್ಸವ ಬೊಕ್ಕ ರಾಗ್-ರಂಗ-ಉತ್ಸವ, ತಾಜ್-ಮಹೋತ್ಸವ, ಗಂಗಾ-ಮಹೋತ್ಸವ, ಲಕ್ನೋ-ಉತ್ಸವ, ಬುಧ್-ಮಹೋತ್ಸವ, ರಾಮಾಯಣ-ಮೇಳ, ಕಜ್ರಿ-ಮೇಳ, ಕಬೀರ-ಉತ್ಸವ್ ಇತ್ಯಾದಿಲು.
• ಶ್ರುತಿ-ಮಂಡಲ್-ಸಮಾರೋಹ್, ಕುಂಭಲ್-ಗಢ್-ಉತ್ಸವ, ತೀಜ್- ಉತ್ಸವ-ಜೈಪುರ್ ರಾಜಸ್ಥಾನ.
• ಪಂಜಾಬ್ ಮತ್ತು ಹಯಾನಾಡ್ ಸೂರಜ್‌ಕುಂಡ್-ಕ್ರಾಫ್ಟ್-ಮೇಳ ಬೊಕ್ಕ ಹೆರಿಟೇಜ್-ಫೆಸ್ಟಿವಲ್-ಪಿಂಜೋರ್.

ಅಂತಾರಾಷ್ಟ್ರೀಯ

• ಟ್ರಿನಿಡಾಡ್‌ ಡ್ ಪ್ರವಾಸಿ ದಿವಸ್, 2017
• ಮಾರಿಷಸ್‌ ಡ್ ಭಾರತದ ಉತ್ಸವ, 2015
• ICCR 40ನೇ, ಫಿಜಿ ಡ್ ವಾರ್ಷಿಕೋತ್ಸವ ಆಚರಣೆ, 2011
• ಸ್ವಾತಂತ್ರ್ಯ ದಿನಾಚರಣೆದ ಹೂಸ್ಟನ್, USA, 2004
• ಪಾಕಿಸ್ತಾನ ಡ್ ಸಾಂಸ್ಕೃತಿಕ ಪ್ರದರ್ಶನ; 2007
• ಸೌತ್ ಬ್ಯಾಂಕ್ ಸೆಂಟರ್, ಲಂಡನ್, 2011 ಡ್ ಸಾಂಸ್ಕೃತಿಕ ಪ್ರದರ್ಶನ
• ನೆದರ್ಲ್ಯಾಂಡ್ ಡ್ ಭಾರತೀಯ ಹಬ್ಬದ ಆಚರಣೆ: 2002, 2003, 2015 ಮತ್ತು 2016
• ವಿಶ್ವ ಭೋಜಪುರಿ ಸಮ್ಮೇಳನ, ಮಾರಿಷಸ್; 2000, 2004, 2016
• ಫಿಲಡೆಲ್ಫಿಯಾ ಬೊಕ್ಕ ಲಾಸ್ ಏಂಜಲೀಸ್ ಡ್ ಸಾಂಸ್ಕೃತಿಕ ಗೋಷ್ಠಿ; 2016

ಚಿತ್ರಕತೆಲು

• ಜೈ ಹೋ ಛತ್ ಮೈಯಾ - ಶೈಲೇಂದ್ರ ಸಿಂಗ್, ಮಾಲಿನಿ ಅವಸ್ತಿ
• ಭೋಲೆ ಸಿವ್# ಶಂಕರ್
• ಬಮ್ ಬಮ್ ಬೋಲೆ
• ಏಜೆಂಟ್ ವಿನೋದ್
• ದಮ್ ಲಗಾ ಕೆ ಹೈಶಾ
• ಭಗನ್ ಕೆ ರೇಖಾನ್ ಕಿ - ಇಸಾಕ್ (2013 ಚಲನಚಿತ್ರ)
• ಚಾರ್ಫುಟಿಯಾ ಚೋಕರೆ (2014 ಚಲನಚಿತ್ರ)

ಪ್ರಸಸ್ತಿಲು

• ಯಶ್ ಭಾರತಿ ಯುಪಿ ಸರ್ಕಾರ 2006
• ಉತ್ತರ ಪ್ರದೇಶ ಸಂಗೀತ ನಾಟಕ ಅಕಾಡೆಮಿ ಫೆಲೋಶಿಪ್ ರಾಷ್ಟ್ರ ಸಂಗೀತ ನಾಟಕ ಅಕಾಡೆಮಿ
• ಮಾರ್ಚ್ 28 2016 ಡ್ ರಾಷ್ಟ್ರಪತಿ ಶ್ರೀ ಪ್ರಣಬ್ ಮುಖರ್ಜಿ, ನವದೆಹಲಿದ ರಾಷ್ಟ್ರಪತಿ ಭವನಡ್ ನಡೆತಿನ ನಾಗರಿಕ ಹೂಡಿಕೆ ಸಮಾರಂಭಡ್ ಶ್ರೀಮತಿ ಮಾಲಿನಿ ಅವಸ್ತಿ ಅರೆಗ್ ಪದ್ಮಶ್ರೀ ಪ್ರಶಸ್ತಿನ್ ಕೊರಿಯೆರ್

==ಪಾತೆರೊಲ್==

ಕರೆಯಿನ ಕೆಲವು ತಿಂಗೊಲ್ ದಂಚಿ, ಮಾಲಿನಿ ನಾಲ್ ದೇಶೋಗ್ ಪ್ರವಾಸನ್ ಮಲ್ದೆರ್ ಬೊಕ್ಕ ೨೦೨೨ನೇ ವರ್ಷಡ್ ಕುಡೊಂನ್ಜಿ ಪ್ರವಾಸೊದ ಸಿಧ್ದತೆಡಿತ್ತೆರ್. “ಭಾರತಡಾವಡ್ , ವಿದೇಶಡಾವಡ್ ಎನ್ನ ಪ್ರೇಕ್ಷಕೆರ್ ಹೆಚ್ಚಾದ್ ಯುವಕರೆ ಆದಿಪ್ಪುವೆರ್. “ಕೆಲವೊರ ಯಾನ್ ಮಸ್ತ್ ಚಲನಚಿತ್ರ ಪದ್ಯೊಲೆನ್ ಮಲ್ಪುಜಿ ಅಂದ್ ಯೆಂಕ್ ಅನಿಸುಂಡ್. ಆಂಡಲಾ ಯೆಂಕ್ ಚಿತ್ರೊಲೆನಾ ಆಫರ್ ಮಾತ್ರ ಬರೊಂನ್ದೆ ಉಂಡು. ಜಾನಪದ ಬೊಕ್ಕ ಅರೆ ಶಾಸ್ತ್ರೀಯ ಸಂಗೀತದ ಕಡೆಗ್ ಒಲವು ತೋರುನ ಎನ್ನ ಹೃದಯನ್ ಅನುಸರಿಸುನ ಎನ್ನ ದೃಢವಿಶ್ವಾಸನೇ ನೆಕ್ಕ್ ಕಾರಣ! ಯಾನ್ ಸಾಂಪ್ರದಾಯಿಕವಾಯಿನ ಪದ್ಯೋಲೆನ್ ಅವೆತ ಮೂಲ ಅವತಾರಡ್ ಸಮಕಾಲೀನ ಸಂಗೀತ ಚಿಕಿತ್ಸೆಯೊಟ್ಟುಗ್ ಎನ್ನ ಅನ್ವೇಷಣೆನ್ ಮುಂದುವರಿಸಾವೆ".