ಮೆತ್ತೆ

ಮೆತ್ತೆ (ಟ್ರೈಗೋನೆಲಾ ಫೇನಮ್-ಗ್ರೇಕಮ್) ಫ್ಯಾಬೇಸೀಯೇ ಕುಟುಂಬದ ಒಂಜಿ ದೈ. ಮೆತ್ತೆನ್ ಕನ್ನಡೊಡು ಮೆಂತೆ ಪಂದ್ ಪನ್ಪೆರ್. ಅಯಿನ್ ಸಪ್ಪು ಆದ್ ಲಾ ಕಜಿಪುಗು ಗಲಸುವೆರ್. ಮೆತ್ತೆದ ಬಿತ್ತ್  ಸಾಂಬಾರಡ್  ಬಳಕೆ ಆಪುಂಡು. ಉಂದೆನ್ ವಿಸ್ವೊಡು ಮಾತಾ ಜಾಗೆಲೆಡ್ ಲಾ ಒಂತೆ ನೀರ್ ಇತ್ತಿನ ಜಾಗೆಡ್ ಬುಳೆಪಾವೆರ್. ಅಯಿನ ಸಪ್ಪುನು ಸಾಂಬಾರ್ , ಚಟ್ನಿ ಗ್ ಲಾ , ಅಂಚನೆ ಬಿತ್ತ್ ನ್ ಕೆಲವು ಮರ್ದ್ ಗಾದ್ ಲಾ ಗಲಸುವೆರ್.  

ಮೆತ್ತೆ ಸಪ್ಪು
Scientific classification
Kingdom:	plantae
(unranked):	Angiosperms
(unranked):	Eudicots
(unranked):	Rosids
Order:	Fabales
Family:	Fabaceae
Genus:	Trigonella
Species:	T. foenum-graecum
Binomial name
Trigonella foenum-graecum L.

ಬೊಲೆಚ್ಛಿಲ್

ಭಾರತೊ ಮೆತ್ತೆ ಬೊಳೆಪುನ ದೇಶೊಲೆಡ್ ಮಲ್ಲ ಪಾತ್ರ ದೆತೊಂದುನು. ಅಯಿತ ೮೦ % ಮೆತ್ತೆ ರಾಜಾಸ್ಥನೊಡೆ ಬೊಳೆಪುಂಡು.

ಮರ್ದದ ಗಣೊಕ್ಕುಲು

1. ಮೆತ್ತೆ ಜೀರ್ಣೊ ಕ್ರಿಯೆಗ್ ಬಾರೀ ಸಹಾಯೊ ಮಲ್ಪುಂಡು.

1. ಮುಂಗೆ ಬತ್ತಿನ ಮೆತ್ತೆ ಕೆಮ್ಮು, ದಮ್ಮು ಕಟ್ಟುನೆಕ್ ಮರ್ದಾದ್ ಬಳಕೆ ಆಪುಂಡು.

1. ಬಾಲೆಗ್ ಪೇರ್ ಪರ್ಪಾವುನ ಅಪ್ಪೆನಕುಲೆಗ್ ಎಡ್ಡೆ ವಸ್ತ್.

1. ಚೀಪೆ ಪಡಿಕೆದಕುಲೆಗ್ ಲ ಉಂದು ಮರ್ದ್. ಒಂಜಿ ಲೋಟೆ ನೀರ್ ಗ್ ಒಂಜಿ ಚಮಚದಾತ್ ಮೆತ್ತೆದ್ ಪೊಡಿ ಪಾಡ್ದ್ ಕಾಂಡೆ ಕಾಲೊ ಬಂಜಿಗ್ ಪರ್ಂಡ ಬಾರಿ ಎಡ್ಡೆ. ಉಂದು ಚೀಪೆ ಪಡಿಕೆನ್ ನಿಯಂತ್ರಣಡು ದೀಯೆರೆ ಉಪಕಾರ ಮಲ್ಪುಂಡು.

1. ತರೆಕೂಜಲ್ ಪೊರ್ಲಾದ್ ಬಳಪೆರ್ಲಾ ಊಂದು ಮರ್ದ್

1. ಆಟಿದ ಅಮಾವಾಸ್ಯೆದಾನಿ ಪಾಲೆದ ಮರ ತ್ತ ಕೆತ್ತೆನ್ ಕಡೆದ್ ಪರಿ ಬೊಕ್ಕ ಮೆತ್ತೆದ ಗಂಜಿ ಪರ್ಪುನ ಕ್ರಮೊ ಉಂಡೂ.

2017 ಮೆತ್ತೆ ಬೀಜ

ಮೆತ್ತೆದ ಶಕ್ತಿದ ಲೆಕ್ಕೊ

೧೦೦ ಗ್ರಾಂ ಮೆತ್ತೆಡ್ ೧,೩೫೦ ಕಿಲೊ ಜ್ಯೂಲ್ಸ್ ( ೩೨೩ ಕಿಲೊ ಕ್ಯಾಲರಿ) ದಾತ್ ಶಕ್ತಿ ಉಂಡು.ಅಯಿಟ್ ೯ % ನೀರ್, ೫೮ % ಕಾರ್ಬೊಹೈಡ್ತ್ರೆಟ್, ೨೩ % ಪ್ರೊಟೀನ್, ೬ % ಎಣ್ಣೆದ ಅಂಶೊ, ಅಂಚನೆ ಕ್ಯಾಲ್ಸಿಯಮ್ ಉಂಡು.