ರಂಭೆ

ರಂಭೆ ದೇವಲೋಕದ ಅಪ್ಸರೆ. ನೃತ್ಯ, ಪದ ಬೊಕ್ಕ ಪೊರ್ಲುಡ್ ರಂಭೆನ್ ಸೋಪಾವರೆ ಏರೆಗ್ ಸಾಧ್ಯ ಇಜ್ಜಿ ಪಂಡ್ದ್ ಪುರಾಣೊಡು ಬರ್ಪುಂಡು. ರಂಭೆನ ಪುಟ್ಟು ಸಮುದ್ರ ಮಥನೊದ ಪೊರ್ತುಗ್ ಆತಿನಿ

ರಂಭೆ
ರಂಬೆ ದೇವಲೋಕದ ಅಪ್ಸರೆ
ವೈಯಕ್ತಿಕ ಇಸಯೊಲು

ಪುರಾಣೊಡು ಕತೆಕುಲು

ವಿಶ್ವಾಮಿತ್ರನ ಶಾಪ

ಹಿಂದೂ ಕತೆಕ್ ಲೆದ ಪ್ರಕಾರ ಋಷಿಕ್ಲೆನ ತಪಸ್ಸ್ ನ್ ಹಾಳ್ ಮಲ್ಪರೆ ಇಂದ್ರೆ ರಂಭೆನ್ ಕಡಪುರೊಂದಿತ್ತೆ. ಒಂಜಿ ಸರ್ತಿ ಬ್ರಹ್ಮರ್ಷಿ ಆವೊಡುಂದು ತಪಸ್ಸು ಮಲ್ತೊಂದಿತ್ತಿನ ವಿಶ್ವಾಮಿತ್ರನ ತಪಸ್ಸ್ ನ್ ಹಾಳ್ ಮಲ್ಪರೆ ಇಂದ್ರೆ ರಂಭೆನ್ ಕಡಪುರುವೆ. ಉಂದು ಗೊತ್ತಾದ್ ವಿಶ್ವಾಮಿತ್ರೆರ್ ಆಲೆಗ್ 10,000 ವರ್ಷ ಕಲ್ಲಾದ್ ಉಪ್ಪುನ ಶಾಪ ಕೊರ್ಪೆರ್.

ರಾವಣಗ್ ಶಾಪ

ಪುರಾಣೊಡು ರಂಭೆ ಕುಬೇರನ ಮಗೆ ನಲಕುವರನ ಬೊಡೆದಿ. ಒಂಜಿ ಸಲ ಕಂಡನನ್ ತೂವೆರ ಕೈಲಾಸೊಗ್ ಪೋನಗ ರಾವಣೆ ಆಲೆನ್ ತೂದು ಆಲೆನ ರೂಪೊಗು ಮರ್ಲಾಪೆ. ಆಲೆನ್ ಪುದೆಲ್ಗ್ ಒಯಿತೊಂದು ಪೋಪೆ. ರಂಭೆ ಬುಡಿಯರೆ ಏತ್ ವಿನಂತಿ ಮಲ್ತ್ಂಡಲಾ ಬುಡಂದೆ ಆಳೆನ್ ಹಾಳ್ ಮಲ್ಪುವೆ. ತಿರ್ತ್ ಬೂರ್ದಿನ ರಂಭೆನ್ ಬುಡ್ದ್ ರಾವಣೆ ಆಯನ ರಾಜ್ಯೊಗ್ ಪೋಪೆ. ಒಂತೆ ಪೊರ್ತುಡ್ದ್ ಬೊಕ್ಕ ಅಡೆ ಬರ್ಪಿನ ನಲಕುವರೆ ಬೊಡೆದಿನ್ ತೂಪೆ. ಕೋಪೊಡ್ ಆಯನ ಮಾಮ ರಾವಣಗ್ ಆಯೆ ಶಾಪ ಕೋರ್ಪೆ. ಉಂದೆಡ್ದ್ ಬೊಕ್ಕ ಒವ್ವೇ ಪೊಣ್ಣನ್ ರಾವಣೆ ಹಾಳ್ ಮಲ್ಪರೆ ಪ್ರಯತ್ನ ಮಲ್ತಂಡ 7 ತುಂಡು ಆದ್ ಪೋವೊಡು ಪಂಡ್ದ್ ಶಾಫ ಕೊರ್ಪೆ. ಕೆಲವು ಕತೆತ ಪ್ರಕಾರ ರಂಭೆನೇ ಆ ಶಾಪನ್ ರಾಮಣಗ್ ಕೊರ್ಪಿನಿ. ಈ ಶಾಪೊಢ್ದಾತ್ರನೇ ರಾವಣೆ ಸೀತೆನ್ ಅಪಹರಣ ಮಲ್ತಿ ಬೊಕ್ಕ ಸಯ್ತಿನಿ ಪಂಡ್ದ್ ಪುರಾಣೊದ ಕಥೆ ಪನ್ಪುಂಡು.

ರಂಭೆನ ವಿಶೇಷತೆ

ರಂಭೆನ ಪುದರ್ ದ ವೃತೊನ್ ಕೆಲವು ಕಡೆಟ್ ಮಲ್ಪುವೆರ್. ಶುಕ್ಲ ಪಕ್ಷೊಡ್ ಮಲ್ಪುನ ರಂಭಾತೀಜ್ ಪನ್ಪಿನ ವೃತೊನ್ ಸೌಭಾಗ್ಯ, ಸಂತಾನ ಸುಖೊಕ್ ಮಲಪುವೆರ್. ಕಾರ್ತಿಕ ತಿಂಗೊಲುದ ಒಂಜಿ ಕೃಷ್ಣ ಪಕ್ಷೊದ ಒಂಜಿ ಏಕಾದಶಿದ್ ರಂಭಾ ಏಕಾದಶಿ ವೃತ ಮಲ್ಪುವೆರ್.

ಚಿತ್ರ ಸಂಪುಟ

• 
  ರಂಭೆ
• 
  ಋಷಿಡ ಮಾಪು ಕೇನುನ ರಂಭೆ
• 
  ಕೋಗಿಲೆ ಬುಲ್ಪುನ ಶಬ್ಧ ಕೇನ್ದ್ ರಂಭೆನ್ ತೂಪಿನ ವಿಶ್ವಾಮಿತ್ರ