ರವಿಚಂದ್ರ ಕನ್ನಡಿಕಟ್ಟೆ

ರವಿಚಂದ್ರ ಕನ್ನಡಿಕಟ್ಟೆ ದಕ್ಷಿಣ ಕನ್ನಡ ಜಿಲ್ಲೆದ ಬೆಳ್ತಂಗಡಿ ತಾಲೂಕುದಾರ್. ತೆಂಕುತಿಟ್ಟು ಯಕ್ಷಗಾನೊದ ಪುಗರ್ತೆದ ಭಾಗವತೆರ್. ಎಲ್ಯ ಪ್ರಾಯೊಡೆ ಯಕ್ಷಗಾನೊ ಕ್ಷೇತ್ರೊಗು ಪ್ರವೇಶ ಪಡೆತೆರ್. ವೇಷಧಾರಿಯಾದ್ಲ ಕಲಾ ಸೇವೆ ಮಲ್ದೆರ್.

ರವಿಚಂದ್ರ ಕನ್ನಡಿಕಟ್ಟೆ
Born	ಬೆಳ್ತಂಗಡಿ
Nationality	ಭಾರತೀಯ
Occupation(s)	ಭಾಗವತೆ, ಯಕ್ಷಗಾನ

ಪರಿಚಯೊ

೧೯೮೦ಟ್ ರವಿಚಂದ್ರ ಕನ್ನಡಿಕಟ್ಟೆ ತುಳುನಾಡ್ದ ಬೆಳ್ತಂಗಡಿ ತಾಲೂಕುದ ಕನ್ನಡಿಕಟ್ಟೆ ಪನ್ಪಿನ ಊರುಡು ಪುಟ್ಯೆರ್. ಧರ್ಮಣ್ಣ ಸಾಲ್ಯಾನ್ ಬೊಕ್ಕ ಸುಶೀಲಾ ದಂಪತಿಲೆನ ಮಗೆ. ಎಲ್ಯ ಪ್ರಾಯೊಡು ಶಾಲೆಗ್ ಪೋವೊಂದು ಇಪ್ಪುನಗನೆ ಯಕ್ಷಗಾನೊದ ಸುರುತ್ತ ಹೆಜ್ಜೆಲೆನ್ ಆರ್ನ್ ಶಾಲೆದ ಗುರುಕುಲು ಆದಿತ್ತಿನ ಅನಂತ ಪದ್ಭನಾಭ ಹೊಳ್ಳೆರ್ಡ ಕಲ್ದೆರ್. ಪದ್ಯಾಣ ಗಣಪತಿ ಭಟ್, ಸಬ್ಬಣಕೋಡಿ ಕೃಷ್ಣ ಭಟ್ರ್ ಇಂಬೆರ್ನ ಯಕ್ಷಗಾನೊತ ಗುರುಕುಲು.

ಕಲಾಸೇವೆ

ಧರ್ಮಸ್ಥಳ ಯಕ್ಷಗಾನ ಕೇಂದ್ರೊದ ವಿದ್ಯಾರ್ಥಿ‍ಯಾದ್ ಸುಬ್ಬಣಕೋಡಿ ಕೃಷ್ಣ ಭಟ್ಟೆರ್ಡ ನಾಟ್ಯಾಭ್ಯಾಸೊ ಮಲ್ದೆರ್. ಸುರುಕ್ಕು ಬಾಲಗೋಪಾಲ ಬೊಕ್ಕ ಪೀಠಿಕೆ ಸ್ತ್ರೀ ವೇಸೊಲೆನ್ ಪಾಡೊಂದಿತ್ತೆರ್. ಪದ್ಯಾಣ ಗಣಪತಿ ಭಟ್ಟೆರ್ಡ ಸಂಗೀತ ಕಲ್ತ್ ದ್ ಪೂರ್ಣ ಭಾಗವತೆ ಆದ್ ಕಲಾ ಸೇವೆ ಸುರು ಮಲ್ತೆರ್. ಬೇತೆ ಬೇತೆ ತಾಳಮದ್ದಲೆ ಕೂಟೊಡು, ಯಕ್ಷಗಾನ ಮೇಳೊಡು, ಗಾನವೈಭೊವೊಡು ಪಾಲ್ ಪಡೆತ್ತೆರ್. ಇಂಬೆರೆನ್ ಗಾನಸುರಭಿ ಪಂದ್ ಪನ್ಪೆರ್.

ಪ್ರಶಸ್ತಿಲು

ಯುವವಾಹಿನಿ ಯುವಸಾಧನಾ ಪುರಸ್ಕಾರ