ರವೆ ದೋಸೆ

ರವೆ ದೋಸೆ ರವೆ ಬೊಕ್ಕ ಅರಿನ್ ಉಪಯೋಗಿಸಾದ್ ದೋಸೆ ಮನ್ಪುನಿ ಸರ್ವೇ ಸಾಮಾನ್ಯ. ಅವೆತೋ ಬೇತೆ ಬೇತೆ ನಮೂನಿದ ದೋಸೆ ಮನ್ಪುನ ವಿಧಾನೊಲು ಇತ್ತುಂಡಲಾ ಆಟಿ ತಿಂಗಳುಡು ಕೀರ್ ಕಟ್ಟುದು ಬರ್ಸ ಬನ್ನಗ , ಆಯಿನಾತ್ ಬೇಗ ಮನ್ಪರೆ ಆಪಿನ ತುಳುನಾಡ್ ಡ್ ಅತೀ ಜನಪ್ರಿಯ ಆದ್ ಉಪ್ಪುನ ರವೆ ದೋಸೆ ಮನ್ಪುನ ವಿಧಾನೊನು ಮುಲ್ಪ ತೂಕಾ.

ದೋಸೆ ಮನ್ಪರೆ ಬೋಡಾಪಿನ ಸಾಮಾಗ್ರಿಲು

1½ ಲೋಟ ಅರಿತ ಹಿಟ್ಟ್, ½ ಲೋಟ ರವೆ , ¾ ಚಮ್ಚ ಉಪ್ಪು, 4 ಲೋಟ ನೀರ್, 1 ಈರುಳ್ಳಿ, 1 ಕ್ಯಾರೆಟ್ , 2 ಮುಂಚಿ, ಒಂಜಿ ಚೂರು ಕೊತ್ತಂಬರಿ ಸೊಪ್ಪ್ , ಒಂಜಿ ಚೂರು ಬೇಸೊಪ್ಪುದ ಇರೆಲು, 1 ಚಮ್ಚ ಜೀರಿಗೆ, ಎಣ್ಣೆ .

ಚಟ್ನಿ ಮನ್ಪರೆ ಬೋಡಾಪಿನ ಸಾಮಾಗ್ರಿಲು

ಒಂಜಿ ಚೂರು ತಾರಾಯಿದ ಪೂ, 2 ಚಮ್ಚ ಎಣ್ಣೆ, ¼ ಲೋಟ ಕಡ್ಲೆಕಾಯಿ, 3 ನುಂಗುದಿನ ಕೆಂಪು ಮುಂಚಿ, 2 ಬೊಳ್ಳುಳ್ಳಿ, ಎಲ್ಯ ತುಂಡು ಪುಳಿ, ½ ಚಮ್ಚ ಉಪ್ಪು, ½ ಲೋಟ ನೀರ್.

ದೋಸೆ ಮನ್ಪುನ ಕ್ರಮ

ಸುರುಕಾದ್, 1½ ಲೋಟೆ ಅರಿತ ಹಿಟ್ಟು, ½ ಲೋಟೆ ರವೆ ಬೊಕ್ಕ ¾ ಚಮ್ಚ ಉಪ್ಪು ಸೇರಾಲೆ. 4 ಲೋಟೆ ನೀರ್ ಪಾಡ್ ದ್ ಸಣ್ಣ ಕಡೆಯೊಡು ಬೊಕ್ಕ. ಕುಡ 1 ನೀರುಳ್ಳಿ, 1 ಕ್ಯಾರೆಟ್, 2 ಕಾಯಿ ಮುಂಚಿ, ಒಂತೆ ಕೊತ್ತಂಬರಿ ಸೊಪ್ಪು, ಒಂತೆ ಬೇಸೊಪ್ಪು ಬೊಕ್ಕ 1 ಚಮ್ಚ ಜೀರಿಗೆನ್ ಸೇರಾದ್ ಸಣ್ಣ ಕಡೆದು ಮಿಶ್ರಣ ಮನ್ಪುಲೆ. ಬೊಕ್ಕ ರವೆನ್ ಎಡ್ಡೆ ಮಂತ್ ನೆನೆಯರೆ ದೀಲೆ 20 ನಿಮಿಷ ಅಂಚೆನೇ ಬುಡ್ಲೆ. 20 ನಿಮಿಷದ ಬೊಕ್ಕ ,ಅಗತ್ಯ ಇತ್ತುಂಡಾ ನೀರ್ ಸೇರಾಲೆ. ಕಾವಲಿ ಎಡ್ಡೆ ಬೆಚ್ಚ ಆನಾಗ, ಕಾವಲಿದ ಮಿತ್ತು ಬಂದ ಒಯಿತುದು ದೋಸೆ ಮನ್ಪುಲೆ. ಅಯಿತ ಮಿತ್ತು 1 ಚಮ್ಚ ಪೆತ್ತದ ನೈ ಪಾಡುದು ಬುಡ್ಲೆ. ದೋಸೆ ಗರಿಗರಿ ಆನ ಮುಟ್ಟ ಕಾಯಾರೆ ಬುಡ್ಲೆ. ರವೆ ದೋಸೆ ತಿನರೆ ತಯಾರಾಪುಂಡು.

ರವೆ ದೋಸೆ

ಚಟ್ನಿ ಮನ್ಪುನ ಕ್ರಮ

ಸುರುಕಾದ್ , ಕಾವಲಿಡ್ 2 ಚಮ್ಚ ಎಣ್ಣೆನ್ ಬೆಚ್ಚ ಮಂತು , ¼ ಲೋಟ ಕಡ್ಲೆಕಾಯಿನ್ ಕುರುಕುರು ಆನಾ ಮುಟ್ಟ ಬೆಚ್ಚ ಮನ್ಪುಲೆ. 3 ನುಂಗೆಲ್ ಕೆಂಪು ಮುಂಚಿ, 2 ಬೆಳ್ಳುಳ್ಳಿ ನ್ ಲಾ ಸೇರಾಲೆ. ನುಂಗೆಲ್ ಕೆಂಪು ಮುಂಚಿ ಕಂದು ಬಣ್ಣ ಬರ್ಪುನ ಮುಟ್ಟ ಕಾಯಾಲೆ. ಸಂಪೂರ್ಣ ಚಪ್ಪೆ ಆಯಿನ ಬೊಕ್ಕ , ಒಂತೆ ತಾರಾಯಿದ ಪೂತ ಒಟ್ಟುಗ್ ಸಣ್ಣ ಕಡೆಲೆ .ಒಂಜಿ ಎಲ್ಯಾ ತುಂಡು ಪುಳಿ, ½ ಚಮ್ಚ ಉಪ್ಪು ಬೊಕ್ಕ ½ ಲೋಟ ನೀರ್ ನ್ ಸೇರಾಲೆ. ಚಟ್ನಿನ್ ಎಲ್ಯಾ ಪಾತ್ರೆಗ್ ಪಾಡುದು ಬೊಕ್ಕ ಒಗ್ಗರಣೆ ಪಾಡುಲೆ. . ರವೆತ ದೋಸೆದೊಟ್ಟು ಉಂದು ಚಟ್ನಿ ತಿನರೆ ಮಸ್ತ್ ಎಡ್ಡೆ ಆಪುಂಡು.