ರಿಷಿ ಸುನಕ್

ರಿಷಿ ಸುನಕ್ ಯುನೈಟೆಡ್ ಕಿಂಗ್‌ಡಮ್‌ದ ನಿಯೋಜಿತ ಪ್ರಧಾನಿ, ಬೊಕ್ಕ ೨೪ ಅಕ್ಟೋಬರ್ ೨೦೨೨ಡ್ದ್ ಕನ್ಸರ್ವೇಟಿವ್ ಪಕ್ಷದ ನಾಯಕೆರಾದ್ ಸೇವೆ ಮಲ್ತಿನ ಬ್ರಿಟಿಷ್ ರಾಜಕಾರಣಿ. ಮೇರ್ ದುಂಬು ೨೦೨೦ ಡ್ದ್ ೨೦೨೨ ಮುಟ್ಟ ಖಜಾನೆದ ಕುಲಪತಿಯಾದ್ ಬೊಕ್ಕ ೨೦೧೯ ಡ್ಡ್ ೨೦೨೦ ಮುಟ್ಟ ಖಜಾನೆದ ಮುಖ್ಯ ಕಾರ್ಯದರ್ಶಿಯಾದ್ ಸೇವೆ ಮಲ್ತೆರ್, ಆರ್ ೨೦೧೫ ಡ್ದ್ ರಿಚ್ಮಂಡ್ (ಯಾರ್ಕ್ಸ್) ಗ್ ಸಂಸತ್ತ್‌ದ ಸದಸ್ಯರಾದುಲ್ಲೆರ್.ರಿಷಿ ಸುನಕ್ ೧೯೮೦ ಡ್ ಮೇ ೧೨ನೇ ತಾರೀಕ್‌ದಾನಿ ಪುಟ್ಟುದೆರ್.

ರಿಷಿ ಸುನಕ್

ಸುರುತ ಜೀವನೊ

೧೯೬೦ ನೇ ದಶಕೊಡು ಪೂರ್ವ ಆಫ್ರಿಕಾಡ್ದ್ ಬ್ರಿಟನ್‌‌ಗ್ ವಲಸೆ ಬತ್ತಿನ ಭಾರತೀಯ ಪಂಜಾಬಿ ಮೂಲದ ಆಫ್ರಿಕನ್ ಮೂಲದ ಹಿಂದೂ ಪೋಷಕರಾಯಿನ ಯಶ್ವೀರ್ ಬೊಕ್ಕ ಉಷಾ ದಂಪತಿಗ್ ಮಗೆಯಾದ್ ಸುನಕ್‌ಗೆ ಸೌತಾಂಪ್ಟನ್‌ಡ್ ಪುಟ್ಟುವೆರ್. ಮೇರ್ ಮೂಜಿ ಜನೊ ಒಪ್ಪ ಪುಟ್ಟಿನಕುಲೆಡ್ ಮಲ್ಲಾರ್ (ಹಿರಿಯಾಯೇ). ಮೆರೆನ ಅಮ್ಮ್ವೆರ್ ಕೀನ್ಯಾದ ಕಾಲೋನಿ ಬೊಕ್ಕ ಪ್ರೊಟೆಕ್ಟರೇಟ್‌‌ಡ್ (ಇತ್ತೆದ ಕೀನ್ಯಾ) ಪುಟ್ಟು ಬಳತೆರ್, ಮೆರೆನ ಅಪ್ಪೆ ಟ್ಯಾಂಗನಿಕಾಡ್ ಪುಟ್ಟಿನಾರ್. ರಿಷಿ ಸುನಕ್‌ನ ಅಜ್ಜೆರ್ ಬ್ರಿಟಿಷ್ ಇಂಡಿಯಾದ ಪಂಜಾಬ್ ಪ್ರಾಂತ್ಯೊಡು ಪುಟ್ಟುವೆರ್. ಬೊಕ್ಕ ೧೯೬೦ ನೇ ದಶಕೊಡು ತನ್ನ ಕುಟುಂಬೊದುಟ್ಟುಗು ಪೂರ್ವ ಆಫ್ರಿಕಾಡ್ದ್ ಯು.ಕೆಗ್ ವಲಸೆ ಬತ್ತೆರ್. ರಿಷಿ ಸುನಕ್ ವಿಂಚೆಸ್ಟರ್ ಕಾಲೇಜಿಡ್ ಶಿಕ್ಷಣ ಪಡೆಯೆರ್ , ಆಕ್ಸ್‌ಫರ್ಡ್‌ದ ಲಿಂಕನ್ ಕಾಲೇಜಿಡ್ ತತ್ವಶಾಸ್ತ್ರ, ರಾಜಕೀಯ ಬೊಕ್ಕ ಅರ್ಥಶಾಸ್ತ್ರ (ಪಿಪಿಇ) ಅಭ್ಯಾಸ ಮಲ್ತೆರ್ ಬೊಕ್ಕ ಕ್ಯಾಲಿಫೋರ್ನಿಯಾದ ಸ್ಟ್ಯಾನ್‌ಫೋರ್ಡ್ ವಿಶ್ವವಿದ್ಯಾಲಯಡ್ದ್ ಫುಲ್‌ಬ್ರೈಟ್ ವಿದ್ವಾಂಸರಾದ್ ಎಂಬಿಎ ಪದವಿ ಪಡೆಯೆರ್. ಸ್ಟ್ಯಾನ್‌ಫೋರ್ಡ್‌ಡ್ ಓದೊಂದು ಉಪ್ಪುನಗ ಅರ್ ತನ್ನ ಬುಡೆದಿ ಆಪಿನ ಅಕ್ಷತಾ ಮೂರ್ತಿನ್ ಭೇಟಿಯಾಪೆರ್, ಅಕ್ಷತಾ ಇನ್ಫೋಸಿಸ್‌ನ್ ತಾಪನೆ ಮಲ್ತಿನ ಭಾರತದ ಬಿಲಿಯನೇರ್ ಉದ್ಯಮಿ ಎನ್‌ಆರ್ ನಾರಾಯಣ ಮೂರ್ತಿನ ಮಗಳ್. ರಿಷಿ ಸುನಕ್‌ನ ಸಹೋದರೆಯಾದಿತ್ತಿನ ಸಂಜಯ್ ಮನಶ್ಶಾಸ್ತ್ರಜ್ಞ. ಅಂಚನೆ ತಂಗಡಿ ರಾಖಿ ಶಿಕ್ಷಣದ ಕಾರ್ಯತಂತ್ರ ಬೊಕ್ಕ ಯೋಜನೆಲೆನ ಮುಖ್ಯಸ್ಥೆರಾದಿತ್ತೆರ್. ಸಂಡೇ ಟೈಮ್ಸ್ ಶ್ರೀಮಂತರೆನ ಪಟ್ಟಿ ೨೦೨೨ ಯುಕೆಡ್ ಸುನಕ್ ಬೊಕ್ಕ ಮೂರ್ತಿನ್ ೨೨೨ ನೇ ಶ್ರೀಮಂತ ವ್ಯಕ್ತಿ ಪಂದ್ ಉಲ್ಲೇಕ ಮಲ್ತ್ಂಡ್, ಸುಮಾರ್ £730 ಮಿಲಿಯನ್ ಸಂಪತ್ತ್ ಇತ್ತ್‌ದ್ ಸುನಕ್ "ಶ್ರೀಮಂತರೆ ಪಟ್ಟಿಗ್ ಸೇರಿನ ಸುರುತ ಮುಂಚೂಣಿ ರಾಜಕಾರಣಿ" ಪಂದ್ ಪುಗರ್ತೆ.ಬ್ರಿಟನ್ ಸಂಸತ್ತಡ್ ಸುರುತ ಸರ್ತಿ ಭಗವದ್ಗೀತೆನ್ ಮುಟ್ಟ್‌ದ್ ಪ್ರಮಾಣ ವಚನ ಸ್ವೀಕಾರ ಮಲ್ತಿನ ವ್ಯಕ್ತಿ ರಿಷಿ ಸುನಕ್‌.

ವ್ಯಾಪಾರ ವೃತ್ತಿ

ಸುನಕ್ ೨೦೦೧ ಬೊಕ್ಕ ೨೦೦೪ ದ ನಡುವೆ ಹೂಡಿಕೆ ಬ್ಯಾಂಕ್ ಗೋಲ್ಡ್‌ಮನ್ ಸ್ಯಾಚ್‌ಗ್ ವಿಶ್ಲೇಷಕೆರಾದ್ ಬೇಲೆ ಮಲ್ತೆರ್. ಆರ್ ಜೋಕುಲೆ ಹೂಡಿಕೆ ನಿಧಿ ನಿರ್ವಹಣೆದ ಹೆಡ್ಜ್ ಫಂಡ್ ಮ್ಯಾನೇಜ್‌ಮೆಂಟ್ ಸಂಸ್ಥೆಡ್ ಕೆಲಸ ಮಲ್ತೆರ್, ಸೆಪ್ಟೆಂಬರ್ ೨೦೦೬ಡ್ ಪಾಲುದಾರೆ(ಷೇರ್) ಆಯೆರ್. ಆರ್ ನವೆಂಬರ್ ೨೦೦೯ಡ್ ಕ್ಯಾಲಿಫೋರ್ನಿಯಾದ ಮಾಜಿ ಸಹೋದ್ಯೋಗಿಲೆನ್ ಸೇರಿಯೆರೆ ಪೊಸ ಹೆಡ್ಜ್ ಫಂಡ್ ಫರ್ಮ್, ಥೆಲೆಮ್ ಪಾರ್ಟ್‌ನರ್ಸ್,ನ್ ಅಕ್ಟೋಬರ್ ೨೦೧೦ಡ್ $700 ಬಜೆಟ್‌ಡ್ ಸುರು ಮಲ್ತೆರ್ .ಮೆರ್ ೨೦೧೩ ಬೊಕ್ಕ ೨೦೧೫ದ ನಡುಟು ಭಾರತದ ಉದ್ಯಮಿ ಎನ್‌ಆರ್ ನಾರಾಯಣ ಮೂರ್ತಿನ(ಅರೆನ ತಮ್ಮಲೆ) ಕ್ಯಾಟಮರನ್ ವೆಂಚರ್ಸ್‌ನ ಷೇರ್ ಸಂಸ್ಥೆದ ನಿರ್ದೇಶಕೆರಾಯೆರ್.

ಸುರುತ ರಾಜಕೀಯ ವೃತ್ತಿಜೀವನ

ಅಕ್ಟೋಬರ್ ೨೦೧೪ಡ್ ರಿಚ್ಮಂಡ್‌ಗ್ ಕನ್ಸರ್ವೇಟಿವ್ ಅಭ್ಯರ್ಥಿಯಾದ್ ಸುನಕ್ ಆಯ್ಕೆ ಆಯೆರ್ ವೆಂಡಿ ಮಾರ್ಟನ್‌ನ್ ಸೋಪಯೆರ್. ಈ ಸ್ಥಾನೊಡು ದುಂಬುಡು ಪಕ್ಷದ ಮಾಜಿ ನಾಯಕೆ, ವಿದೇಶಾಂಗ ಕಾರ್ಯದರ್ಶಿ ಬೊಕ್ಕ ಸುರುತ ರಾಜ್ಯ ಕಾರ್ಯದರ್ಶಿ ವಿಲಿಯಂ ಹೇಗ್ ಇತ್ತೆರ್. ಈ ಸ್ಥಾನ ಯುನೈಟೆಡ್ ಕಿಂಗ್‌ಡಮ್‌ಡ್ ಸುರಕ್ಷಿತವಾಯಿನ ಕನ್ಸರ್ವೇಟಿವ್ ಸ್ಥಾನೊಲೆಡ್ ಒಂಜಾದುಂಡು ಬೊಕ್ಕ ೧೦೦ ವರ್ಷೊಡ್ದಿಂಚಿ ಪಕ್ಷದ ಕೈವಶ ಉಂಡು. ಅವ್ವೆ ವರ್ಷೊಡು ಸುನಕ್ ಕೇಂದ್ರ-ಬಲ ಥಿಂಕ್ ಟ್ಯಾಂಕ್ ಪಾಲಿಸಿ ಎಕ್ಸ್‌ಚೇಂಜ್‌ದ ಕಪ್ಪು ಬೊಕ್ಕ ಅಲ್ಪಸಂಖ್ಯಾತ ಜನಾಂಗೀಯ ಸಂಶೋಧನಾ ಘಟಕದ ಮುಖ್ಯಸ್ಥೆರಾದಿತ್ತೆರ್, ಉಂದೆಕ್ ಬೋಡಾದ್ ಆರ್ ಯುಕೆ ಡ್ ಅಲ್ಪಸಂಖ್ಯಾತ ಜನಾಂಗೀಯ ಸಮುದಾಯೊಲೆನ ಬಗ್ಗೆಟ್ ವರದಿನ್‌ಲ ಬರೆಯೆರ್. ಮೆರ್ ೨೦೧೫ದ ಸಾರ್ವತ್ರಿಕ ಚುನಾವಣೆಡ್ 19,550 (36.2%) ಬಹುಮತದೊಟ್ಟುಗು ಕ್ಷೇತ್ರದ ಸಂಸದೆರಾದ್ ಆಯ್ಕೆ ಆಯೆರ್.

ಖಜಾನೆ ಮುಖ್ಯ ಕಾರ್ಯದರ್ಶಿ

ರಿಷಿ ಸುನಕೆರೆನ್ ಪ್ರಧಾನ ಮಂತ್ರಿ ಬೋರಿಸ್ ಜಾನ್ಸನ್ ೨೪ ಜುಲೈ ೨೦೧೯ಡ್ ಖಜಾನೆಗ್ ಮುಖ್ಯ ಕಾರ್ಯದರ್ಶಿಯಾದ್ ನೇಮಕ ಮಲ್ತೆರ್, ಚಾನ್ಸೆಲರ್ ಸಾಜಿದ್ ಜಾವಿದ್ ಮೆರೆನ ಕೈತಿರ್ತ್ ಬೇಲೆ ಮಲ್ತೆರ್. ಮನದಾನಿಯೇ ಪ್ರಿವಿ ಕೌನ್ಸಿಲ್ ಸದಸ್ಯೆರಾಯೆರ್.