ವಾರುಣಿ
ವಾರುಣಿ ಪನ್ಪಿನ ಹಿಂದೂ ದೇವೆರ್ ವರುಣನಗ್ ಸಂಬಂಧಿಸಯಿನ ಬೇತೆ ಬೇತೆ ದೇವತೆಲೆನ ಪುದರ್ . ಈ ಪುದರ್‌ನ್ ಅಯನ ಬುಡೆದಿ (ಆಳೆನ್ ವರುಣಾನಿ ಪನ್ಪೆರ್), ಅಯನ ಮಗಲ್ (ವೈನ್ ದೇವತೆ), ಬೊಕ್ಕ ಅಯನ ಶಕ್ತಿದ ವ್ಯಕ್ತಿ ರೂಪೊಡು ತೂಪುನ ಮಾತೃಕಾ ದೇವತೆಲೆನ್ ಈ ಪುದರ್ಡ್ ಲೆಪ್ಪುವೆರ್.[೧] ಕೆಲವು ಸರ್ತಿ, ಈ ದೇವತೆಲೆನ್ ಒಂಜೆ ದೇವತೆ ಪಂದ್‌ಲ ಪೊಲಬು ಮಲ್ಪುವೆರ್ . ಈ ದೇವತೆ ದ್ರಾಕ್ಷಾರಸದ ದೇವತೆಯಾದಿತ್ತ್‌ದ್ ಸಮುದ್ರ ಮಂಥನದ ಪೊರ್ತುಡು ಪಿದಯಿ ಬತ್ತ್‌ಲ್ ವರುಣನ್ ತನ್ನ ಸಂಗಾತಿಯಾದ್ ಆಯ್ಕೆ ಮಲ್ತಲ್ ಪನ್ಪಿನ ನಂಬಿಕೆಲ ಉಂಡು . ವಾರುಣಿ ಪನ್ಪಿ ಪದೊ ಆಲ್ಕೊಹಾಲ್(ಅಮಲ್) ಇಪ್ಪುನ ಬಾಜೆಲ್ ಪನ್ಪಿನ ಅರ್ಥೊಲ ಉಂಡು.[೨] [೩] ಕೆಲವು ಉಲ್ಲೇಖದ ಪ್ರಕಾರ ಭೃಗು ಮಹರ್ಷಿಗ್ ವಾರುಣಿ ಅತ್ತ್ಂಡ ವರುಣಿಭೃಗು ಪನ್ಪಿ ಪುದರ್ ಉಂಡು.
ವರುಣನ ಬುಡೆದಿ
ಸಂಪೊಲಿಪುಲೆಸುರುತ ವಾರುಣಿನ್ ವರುಣಾನಿ ಬೊಕ್ಕ ಜಲದೇವಿ ಪಂದ್ ಲೆಪ್ಪುವೆರ್. ಆಳ್ ವರುಣನರಡ್ಡ್ ಮುಖ್ಯ ಬುಡೆದಿಯಲ್ಲೆಡ್ ಒರ್ತಿ, ನನೊರ್ತಿ ಗೌರಿ ದೇವತೆ. ಕೆಲವು ಗ್ರಂಥೊಲೆಡ್ ಗೌರಿ ಪನ್ಪಿನವು ವರುಣಾನಿಗ್ ಕುಡೊಂಜಿ ಪುದರಾದುಂಡು ಆಳೆನ್ ಸಾಮಾನ್ಯವಾದ್ ಆಲೆನ ಕಂಡನೆನೊಟ್ಟುಗು ಚಿತ್ರೊಲೆಡ್ ತೂವೊಳಿ. ಪದ್ಮಪುರಾಣದ ಭೂಮಿ ಕಾಂಡದ ೧೧೯ನೇ ಅಧ್ಯಾಯೊಡು ವರುಣಾನಿನ ಪ್ರಸ್ಥಾಪ ಉಂಡು. ಸಮುದ್ರಮಥನದ ಪೊರ್ತುಡು ಸುಲಕ್ಷ್ಮಿ, ವಾರುಣಿ, ಕಾಮೋದ ಬೊಕ್ಕ ಶ್ರೇಷ್ಟ ಪನ್ಪಿ ನಾಲ್ ಕನ್ಯೆನಕುಲು ಪ್ರತ್ಯಕ್ಷರಾಯೆರ್ ಬೊಕ್ಕ ಮುಕುಲೆಡ್ ವಾರುಣಿ ವರುಣನ್ ಮದಿಮೆ ಆಯಳ್ ಪನ್ಪಿ ಉಲ್ಲೇಖ ಉಂಡು.[೩]
ವರುಣನ ಮಗಳು
ಸಂಪೊಲಿಪುಲೆವಾರುಣಿ ಪನ್ಪಿ ಪುದರ್‌ದ ರಡ್ಡನೇ ದೇವತೆ ವರುಣನ ಮಗಳ್. ಅಳೆನ್ ದ್ರಾಕ್ಷಾರಸ ಅತ್ತ್ಂಡ ವೈನ್ ದೇವತೆ ಪಂದ್ ಲೆಪ್ಪುವೆರ್. ಪುರಾಣದ ಪ್ರಕಾರ, ದೇವತೆಲು ಬೊಕ್ಕ ಅಸುರರು(ರಕ್ಕಸೆರ್) ಕಡಲ್ ಮಥನ ಮಲ್ಪುನಗ, ವಾರುಣಿ ಅವೆಡ್ದ್ ಪಿದಯಿ ಬತ್ತಲ್. ಸಮುದ್ರಮಂಥನದ ಪೊರ್ತುಡು ವರುಣ ಬೊಕ್ಕ ಸೋಮ ದೇವರುಲು ಅಂಬ್ರೋಯ್ಸ ಪನ್ಪಿ ಪವಿತ್ರ ಪಾತ್ರೆಡ್ದ್ ನಾಲ್ ಕನ್ಯೆನಕುಲು ಪಿದಯಿ ಬರ್ಪಿಲೆಕ್ಕ ಮಲ್ಪುವೆರ್. ಅವೆಟ್ ವಾರುಣಿಲ ಒರ್ತಿ. ಅಂಚಾದ್ ಆಳೆಗ್ ವರುಣನ ಮಗಳ್ ಪನ್ಪಿನ ಉಲ್ಲೇಖಲ ಉಂಡು. ಸಮುದ್ರಮಂಥನೊಡು ಪ್ರತ್ಯಕ್ಷ ಆಯಿನ ಮೋಲ್ನ ಕೈಟ್ ಮದ್ಯದ(ಮಧುಪಾನ)ದ ಕರ ಇತ್ತ್ಂಡ್.[೪] ಭಾಗವತ ಪುರಾಣದ ಪ್ರಕಾರ, ವಾರುಣಿನ್ ರಕ್ಕಸೆ ಒರಿ ದೆತೊಂಡೆಂದ್‌ಲ. ರಾಮಾಯಣೊಡು ವಾರುಣಿ ದೇವತೆಲೆನೊಟ್ಟುಗು ವಾಸ ಮಲ್ಪುವೆಂದ್ ಪಂದ್ ಆಯ್ಕೆ ಮಲ್ತಲ್ಂದ್ ಪನ್ಪುಂಡು .
ಮಾತೃಕಾ ದೇವಿ ವಾರುಣಿ
ಸಂಪೊಲಿಪುಲೆಮೂಜನೆ ದೇವತೆ ವಾರುಣಿ ಮತ್ಸ್ಯ ಪುರಾಣೊಡು ಉಲ್ಲೇಖ ಉಪ್ಪುನಂಚಿನ (ಸಪ್ತಮಾತೃಕೆಯರು)ಮಾತೃಕೆ .[೫] ಆಳ್ ಸುರುಕು ವಾರುಣಿ ಬೊಕ್ಕ ವರುಣನ ದೈವಿಕ ಶಕ್ತಿದ ಅಭಿವ್ಯಕ್ತಿ. ಕಥೆತ ಪ್ರಕಾರ ಅಂಧಕ ಪನ್ಪಿ ರಾಕ್ಷಸನ ನೆತ್ತೆರ್ ಪರಿಯೆರೆ ಆಳೆನ್ ಸೃಷ್ಟಿ ಮಲ್ತೆರ್ .ಆಲ್ 64 ಯೋಗಿನಿಲೆಡ್ ಒರ್ತಿ
ವರುಣಿ ಭೃಗು/ವಾರುಣಿ
ಸಂಪೊಲಿಪುಲೆಸಪ್ತರ್ಷಿಲೆಡ್ ಒರಿಯಾಯಿನ ಭೃಗು ಮಹರ್ಷಿ ಬ್ರಹ್ಮನ ಮಾನಸ ಪುತ್ರೆರೆಡ್ ಒರಿ ಪನ್ಪಿ ನಂಬಿಕೆ ಉಂಡು. ಇಂಬ್ಯೆ ತನ್ನ ತಮ್ಮಲೆ ದಕ್ಷಪ್ರಜಾಪತಿನ ಯಜ್ಞೊಡು ಪಾಲ್ ಪಡೆದಿಪ್ಪುವೆ. ಶಿವ ಇಜ್ಜಾಂದೆ ಯಜ್ಞ ಮಲ್ತ್ಂಡ ಅಲ್ಪ ಉಪ್ಪುನ ಮಾತೆರೆಗ್ಲ ಆಪತ್ತು ಬರ್ಪುಂಡು ಪನ್ಪಿನ ಜಾಗ್ರತೆದ ಪಾತೆರ ಇತ್ತ್ಂಡಲ ಯಜ್ಜೊನು ದುಂಬರಿಪೆರೆ ಪನ್ಪೆ ಆ ಯಜ್ಞಕುಂಡೊಡು ಪಾರ್ವತಿ ಬೂರ್ದು ತಯಿಪಲ್ ಅವೆಡ್ದ್ ಬೊಕ್ಕ ಶಿವನ ಕೊಪೊಡ್ದು ಪ್ರತ್ಯಕ್ಷ ಆಯಿನ ಕಾಲಭೈರವಡ್ದ್ ಇಂಬ್ಯೆ ತನ್ನ ಪ್ರಾಣೊನು ಕಳೆವೊನುವೆ. ಬೊಕ್ಕ ವರುಣಡ್ದ್ ಪುನಃ ಜನ್ಮ ಪಡೆಯಿನ ಇಂಬ್ಯನ್ ವರುಣಿ ಭೃಗು/ವಾರುಣಿ ಪನ್ಪಿನ ಪುದರ್ಡ್ ಲೆಪ್ಪುವೆರ್. ವರುಣಡ್ದ್ ಪುನಃ ಜನ್ಮ ಪಡೆಯಿನ ಕಾರಣ ಇಂಬ್ಯನ್ ವರುಣನ ಮಗೆಂದ್‌ಲ ಲೆಪ್ಪುವೆರ್
ಉಲ್ಲೇಕೊಲು
ಸಂಪೊಲಿಪುಲೆ- ↑ Dalal, Roshen (2014-04-18). Hinduism: An Alphabetical Guide (in ಇಂಗ್ಲಿಷ್). Penguin UK. ISBN 978-81-8475-277-9.
- ↑ Stutley, Margaret (2019-04-09). The Illustrated Dictionary of Hindu Iconography (in ಇಂಗ್ಲಿಷ್). Routledge. ISBN 978-0-429-62425-4.
- ↑ ೩.೦ ೩.೧ Puranic Encyclopedia: a comprehensive dictionary with special reference to the epic and Puranic literature, Vettam Mani, Motilal Banarsidass, Delhi, 1975, p. 833.
- ↑ Mani, Vettam (1975). Puranic encyclopaedia : a comprehensive dictionary with special reference to the epic and Puranic literature. Robarts - University of Toronto. Delhi : Motilal Banarsidass. ISBN 9780842608220.
- ↑ Rajeswari, D. R. (1989). Sakti Iconography (in ಇಂಗ್ಲಿಷ್). Intellectual Publishing House. ISBN 978-81-7076-015-3.