ಶಬರಿ

ಶಬರಿ ಹಿಂದೂ ಮಹಾಕಾವ್ಯೊ ರಾಮಾಯಣೊಡ್ ಬರ್ಪಿನ ಪ್ರಾಯೊದ ಒ೦ಜಿ ಪೊಂಜೊವು. ಮಹಾ ತಪಸ್ವಿನಿ. ರಾಮನ ಮಿತ್ತು ಇತ್ತಿನ ಅಗಾಧವಾಯಿನ ಭಕ್ತಿಗಾದ್ ರಾಮನ ದರ್ಶನ ಬೊಕ್ಕ ಆಶೀರ್ವಾದೊನು ಪಡೆಯರೆ ಅತೀ ಶ್ರದ್ಧೆಡ್ ಇತ್ತಿನಾರ್.

ಶಬರಿ
ಸಿಂಹಾಚಲಂ ಡ್ ಉಪ್ಪುನ ಶಬರಿ ರಾಮನ ಪ್ರತಿಮೆಲು.

(ಸಂಸ್ಕೃತೊಡ್) प्रेम्नावशिष्टमुच्छिष्ठ भुक्त्वा फल चतुष्टयम् ।

कृता रामेण भक्तानाम् शवरी कबरी मणिः ||

(इति पद्म पुराण)

ಹಿನ್ನೆಲೆದ ಕಥೆ

ಶಬರಿ ಒಂಜಿ ಹಳ್ಳಿದ ಪೊಂಜೊವು. ಕೃಷ್ಣದತ್ ಪ್ರಕಾರ, ಆರ್ ಜ್ಞಾನದ ಅನ್ವೇಷಕಿ ಬೊಕ್ಕ ಧರ್ಮದ ಅರ್ಥೊನು ತೆರಿಯರೆ ಬಯಸಿದಿನಾರ್. ಅವೇತೋ ದಿನ ಪ್ರಯಾಣ ಮಂತಿ ಬೊಕ್ಕ , ಆರ್ ಋಷ್ಯಮುಖ ಪರ್ವತೊದ ತಪ್ಪಲುಡ್ ಮಾತಂಗ ಋಷಿನ್ ಭೇಟಿಯಾಯೆರ್ . ಮಾತಂಗ ಮುನಿಲೆನ್ ಗುರುವಾದ್ ಸ್ವೀಕರಣೆ ಮಂತಿ ಬೊಕ್ಕ ಅವೇತೋ ವರ್ಷ ಕಾಲ ಭಕ್ತಿದ ಸೇವೆ ಸಲ್ಲಿಸಾವೊಂದು ಇತ್ತೆರ್. ಮಾತಂಗ ಮುನಿ ಸೈಪಿನ ಕಾಲದಪಗ, ಪ್ರಾಯದ ಶಬರಿ, ಎನ್ನ ಜೀವನದ ಉದ್ದಲಾ ಇರೆಗ್ ಸೇವೆ ಮಂದೆ, ಎಂಕ್ ಲಾ ಶಾಂತಿ ದ ನೆಲೆ ಕೊರ್ಲೆ ಪಂದ್ ಕೇನ್ ನಗ, ನಿನ್ನ ಸೇವೆ ನನ ದುಂಬುಗು ರಾಮನ ದರ್ಶನ ಆನಗ ಶ್ರೀ ರಾಮನ ಮೂಲಕ ಮೋಕ್ಷ ತಿಕ್ಕುಂಡು, ರಾಮನ ಆಗೊಮನಕ್ ಕಾತೋಂದು ಉಪ್ಪುಲೆ, ಪಂದ್ ಮಾತಂಗ ಮುನಿ, ತಾವರೆದ ಭಂಗಿಡ್ ಕುಲ್ದು, ಋಷಿ ಮಹಾಸಮಾಧಿ ಪಡೆಯೆರ್. ಗುರು ಮಾತಂಗ ಅರೆನ ಸಲಹೆದಕಲ್ನೆ ಶಬರಿ ರಾಮನ ಆಗಮನೊಗು ಕಾತೊಂದು ಇತ್ತೆರ್.

ಪ್ರತಿ ದಿನೊಲ ಶಬರಿ ಅರೆನ ಆಶ್ರಮೊಡ್ದು ಪಿದಾಯಿ ಪೋದು, ದಂಟೆದ ಸಹಾಯೊಡು ರಾಮಗಾತ್ರ ಕಾಯಿ ಪರ್ಂದ್ ಪೂರಾ ಕನೊಂದು ಇತ್ತೆರ್. ಅಲ್ಪಲ ಒಂಜೆ ಕಾಯಿನ್ ದೆತ್ತು, ರುಚಿ ತೂವೊಂದು, ಒಂಜಿ ವೇಳೆ ಕೈಪೆ ಇತ್ತುಂಡ ದಕ್ಕುದು, ತೀಪೆ ಇತ್ತುಂಡ ಅರೆನ ಬುಟ್ಟಿ ಡ್ ಪಾಡೊಂದು ರಾಮಗ್ ಎಡ್ಡೆ ಎಡ್ಡೆ ಕಾಯಿಲೆನ್ ಕೊರೊಡುಂದು ಎನ್ನುದು ಇತ್ತೆರ್. ಇಂಚಾ ಒಂಜಾತ್ ಕಾಯಿಲೆನ್ ಸಂಗ್ರಹ ಮಂತ್ ಶಬರಿ ಆಶ್ರಮಕೊ ಪಿರ ಪೋದು ರಾಮನ ಆಗಮನೊಕು ಕಾತುರೊಡು ಕಾತೊಂದು ಇತ್ತೆರ್.

ರಾಮನೊ ಆಗಮನ

ಶಾಸ್ತ್ರಗ್ರಂಥದ ಪ್ರಕಾರ, ಅವೇತೋ ಜನ ಯೋಗಿನಕುಲು ರಾಮನ್ ಅಕಲೆನ ಆಶ್ರಮೊಡು ಸ್ವೀಕರ ಮನ್ಪರೆ ಕಾತೊಂದು ಇತ್ತೆರ್ಡಲ, ರಾಮ ಶಬರಿನ ಆಶ್ರಮಕ್ ಮಾತ್ರ ಪೋತಿನಿ , ಉ೦ದು ಶಬರಿನ ಪ್ರಾಮಾಣಿಕ ಭಕ್ತಿಡಾತ್ರ. ಅಂಚ ರಾಮನ್ ತೂಯೀನ ಶಬರಿ ಭಾವ ಪರವಶ ಆದ್ "ನಿನ್ನ ದರ್ಶನಕ್ಕಾದ್ ಅವೇತೋ ಶ್ರೇಷ್ಠೊ ಯೋಗಿಲು ಕಾತೊಂದು ಇತ್ತೆರ್ಡಲ, ಈರ್ ಮಾತ್ರ, , ಈ ಅಯೋಗ್ಯಳಾಯಿನ ಭಕ್ತೆನ ಕೈತಲ್ ಬೈದರ್. ಒರ್ವ ಭಕ್ತೆ ಅರಮನೆಡ್ ವಾಸ ಮನ್ಪಡ್ ಅಥವೋ ಗುಡಿಸಲುಡ್ ವಾಸ ಮನ್ಪಡ್ , ವಿದ್ವಾಂಸೆ ಆವಾಡ್ ಅಥವೋ ಅಜ್ಞಾನಿಯಾವಡ್. ಜಾತಿ ಅಥವೋ ಬಣ್ಣನ್ ತೂಪುಜೆರ್. ಪಂದ್ ಎಂಕ್ ನೆಟ್ಟೆ ಸ್ಪಷ್ಟವಾದ್ ತೋಜುಂಡು. ಈರ್ ನಿಜವಾಯಿನ ಭಕ್ತಿನ್ ಮಾತ್ರ ತೂವೊಂದು ಉಲ್ಲರ್. ಎನ್ನ ಹೃದಯ ನ್ ಬುಡ್ದು ಬೇತೆ ಕೊರ್ರೆ ಎನಡ ದಾಲ್ ಇಜ್ಜಿ. ಆಂಡಾ, ಮುಲ್ಪ ಇರೆಗಾದ್ ಕಂದಿನ ಕೆಲವು ತೀಪೆದ ಕಾಯಿಲು ಉಂಡು, ಉಂದು ಇರೆನ್ ಮೆಚ್ಚಿಸಾಡ್ ಪ್ರಭು. ಪಂದ್, ತಾನ್ ಕೂಲಂಕುಷವಾದ್ ಸಂಗ್ರಹ ಮಂದಿನ ಕಾಯಿಲೇನ್ ಪೂರಾ ಅರ್ಪಣೆ ಮಂತೆರ್. ರಾಮ ಅವೆನ್ ಪೂರಾ ತಿಂದ್ ರುಚಿ ತೂನಗ, ಲಕ್ಷ್ಮಣೆ , ಶಬರಿ ಅವೆನ್ ರುಚಿ ತೂತೆರ್ ಅಂಚಾ ಅವೆನ್ ತಿನರೆ ನಮ ಅನರ್ಹರಾದ್ ಉಲ್ಲ ಪಂದ್ ಆತಂಕ ವ್ಯಕ್ತಪಡಿಸೆಯೆರ್. ಅಯಿಕ್ ರಾಮ ನಮ ಇದನೆಟ್ಟ ಸವಿನ ಅವೆತೋ ಬಗೆತ ಆಹಾರೊಡು, "ಆತ್ ಭಕ್ತಿಡ್ ಅರ್ಪಣೆ ಮಂದಿನ ಈ ಹಣ್ಣು, ಕಾಯಿ ಗ್ ಸರಿಸಾಟಿ ಒವುಲಾ ಇಜ್ಜಿ. ಏರ್ ಹಣ್ಣು, ಇರೆ, ಪೂ ಅಥವೋ ಒಂತೆ ನೀರ್ ನ್ ಪ್ರೀತಿಡ್ ಅರ್ಪಣೆ ಮನ್ಪುವೆರಾ, ಅವೆನ್ ಯಾನ್ ಮಸ್ತ್ ಖುಷಿ ಟ್ ಸ್ವೀಕಾರ ಮನ್ಪುವೆ. ಶಬರಿನ ಭಕ್ತಿಗ್ ಪ್ರಸನ್ನ ಆಯಿನ ರಾಮ ಅರೆನ ದರ್ಶನೊಡು ಅನುಗ್ರಹ ಮನ್ಪುವೆರ್ ಅಂಚೆನೆ ಶಬರಿ ರಾಮಗ್ ಸುಗ್ರೀವೊನ ಸಹಾಯನ್ ದೆತ್ತೊನರೆ ಬೊಕ್ಕ ಸುಗ್ರೀವ ನ್ ಒಲ್ಪ ನಾಡುನಿ ಪಂದ್ ಲಾ ಪಂದ್ ಕೊರ್ಪೆರ್ . ಶಬರಿ ಅತೀ ತೇಜಸ್ವಿ ಬೊಕ್ಕ ಜ್ಞಾನ ಇತ್ತಿನ ಸನ್ಯಾಸಿನಿ ಪಂದ್ ರಾಮಾಯಣ ಪನ್ಪುಂಡು. ಶಬರಿ ಶ್ರೀರಾಮನ್ ಕಾತೊಂದು ಇತ್ತಿನ, ಆಶ್ರಮೊನು ಇತ್ತೆ ಶಿವನಾರಾಯಣ ನೆಲೆಸಿನ ಜಾಗನ್ ಶಬರಿ ನಾರಾಯಣ ಪಂದ್ ಲೆತ್ತೆರ್.

ರಾಮನೊ ಪ್ರವಚನ

ರಾಮನ್ ಶಬರಿಗ್ ನವ-ವಿಧ ಭಕ್ತಿ (ಪಂಡ ಒರುಂಭ ವಿಧದದ ಭಕ್ತಿ) ದ ಕುರಿತು ಪ್ರವಚನೊ ಕೊರ್ಪೇರ್,. ಶುದ್ಧ ಭಕ್ತಿ ಪನ್ಪಿನ ಒರುಂಬ ರೀತಿಡ್ ವ್ಯಕ್ತವಾಪುಂಡು. ಸುರುತ ಪ್ರೀತಿದ ಅಮಲಿನಲ್ ದ ಭಕ್ತೆರ್ ಬೊಕ್ಕ ನೀತಿವಂತ ಜನಕಲೆನ ಸಹವಾಸ.

ರಡ್ಡನೇ ತಾ ದೇವೆರ್ ನ ಅಮೃತದಂಚಿನ ಕಥೆಗುಲೆನ್ ಕೇನುನ ಅಭಿರುಚಿ ಬುಲೆಪಾವುನು.

ಮೂಜಿನೆತ ಗುರುನ ಸೇವೆ.

ನಾಲ್ನೆತ ಭಜನೆ , ಕೀರ್ತನೆ , ಜಪ ತಪ.

ಐನೆತಾ ಅಭಿವ್ಯಕ್ತಿ ಎಪೋಲ ಧರ್ಮಗ್ರಂಥದ ಆಜ್ಞೆಲೆನ್ ಅನುಸರಿಸುನು, ಇಂದ್ರಿಯೊಲೆನ ನಿಯಂತ್ರಣೊನು ಅಭ್ಯಾಸ ಮನ್ಪುನು.

ಆಜಿನೆತ ನಿಸ್ವಾರ್ಥ ಸೇವೆ.

ಏಳನೆತ್ತ ಸಾಧು ಸಂತರೆನ್ ಪೂಜಿಸುನು.

ಎಡ್ಮನೆತ ಏರ್ಡಾಲ , ಒವುಲಾ ತಪ್ಪನ್ ತೂವಂದೆ ಉಪ್ಪುನು.

ದೇವೆರ್ ಗ್ ಶರಣಾಗತಿ ಆಪಿನ ಒರುಂಬನೇ ತ ಬೊಕ್ಕ ಅತೀ ಉನ್ನತ ಹಂತದ ಭಕ್ಥಿ.

ಶಬರಿ, ಈ ರೀತಿ ನವ ಭಕ್ತಿಡು ಒರುಂಬ ವಿಧಾನೊಡು ಒಂಜಿ ಆಂಡಾಲ ಅಭ್ಯಾಸ ಮನ್ಪುನುಕಲು ದೇವೆರೊ ದರ್ಶನ ಗ್ ಪಾತ್ರರಾಪೆರ್. ಶ್ರೇಷ್ಠ ಯೋಗಿನಕಲೆಗ್ ದೇವೇರ್ ನ ದರ್ಶನ ಅತ್ಯಂತ ಕಷ್ಟಕರವಾನಗ. ಓ,ಶಬರಿಯೇ, ಇರೆನ ಪ್ರಾಮಾಣಿಕ ಭಕ್ತಿಡ್ದ್ ದರ್ಶನ ಅತೀ ಸುಲಭೊಡು ಪ್ರಾಪ್ತವಾಂಡ್.

ಶಬರಿನ ಕಥೆ ನೀತಿ, ಭಕ್ತಿ, ಧೈರ್ಯ ಬೊಕ್ಕ ನಿಸ್ವಾರ್ಥ್ಯದ ಶಕ್ತಿದ ಬಗ್ಗೆ ಪನ್ಪುಂಡು. ಉಂದು ಅಮೋಘವಾಯಿನ ನಂಬಿಕೆದ ಮಹತ್ವೊನು ಬೊಕ್ಕ ಪ್ರೀತಿಯುತವಾದ್, ಅವಮಾನ ರಹಿತವಾದ್ ಸೇವೆ ಮನ್ಪುನ ಸಂತೋಷೊನು, ಅಯಿಕ್ ದೇವೇರ್ ಒಲಿಯುವೆರ್ ಪಂದ್ಲ ಗೊತ್ತಾಪುಂಡು.

ಪಿದಾಯಿದ ಕೊಂಡಿಲು

ಭಗವಾನ್ ರಾಮನು ಬ್ರಿಗ್ ಅವರ ಶಬರಿ ಜಿಯವರ ಪ್ರೇಮಕ್ಕಾಗಿ ಮಾತ್ರ ಬಾಯಾರಿಕೆ ಮಾಡಿದನು. ಪರತಾಪ್ ಸಿಂಗ್ ಜಿ ಜಸ್ಪಾಲ್ (ನಿವೃತ್ತ. ) ಭಕ್ತ ಶಬರಿಯ ದಂತಕಥೆ Archived 2021-10-20 ವೇಬ್ಯಾಕ್ ಮೆಷಿನ್ ನಲ್ಲಿ.