ಶುಭಾ ಸತೀಶ್

ಶುಭಾ ಸತೀಶ್ ಭಾರತದೊ ಪೊಂಜೊವುಲೆನ ಕ್ರಿಕೆಟ್ ಗೊಬ್ಬುದಾರ್ . ಮೆರ್ ಪ್ರಸ್ತುತ ರೈಲ್ವೇಸ್ ಬೊಕ್ಕ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರವಾದ್ ಗೊಬ್ಬುವೆರ್. ಮೆರ್ ಬಲಗೈ ಬ್ಯಾಟರ್ ಬೊಕ್ಕ ಬಲಗೈ ಬೌಲರ್ ಆದ್ ಗೊಬ್ಬುವೆರ್. ಉಂದೆಕ್ಕ್ ದುಂಬು ಕರ್ನಾಟಕದ ಪರವಾದ್‌ಲ ಗೊಬ್ಬುದೆರ್ .

ಶುಭಾ ಸತೀಶ್

Personal information
ಪುದರ್	ಶುಭಾ ಸತೀಶ್
ಪುಟ್ಟಿನಿ	ಬೆಂಗಳೂರು, ಕರ್ನಾಟಕ ಭಾರತ
ಬ್ಯಾಟಿಂಗ್	ಎಡಗೈ
ಬೌಲಿಂಗ್	ಬಲಗೈ
ಪಾತ್ರೊ	ಆಲ್-ರೌಂಡರ್
International information
ದೇಶೊದ	ಭಾರತ
Only Test (cap ೯೨)	೧೪,ಡಿಸೆಂಬರ್ ೨೦೨೩ v ಇಂಗ್ಲೆಂಡ್
Domestic team information
Years	Team
2012/13–2022/23	ಕರ್ನಾಟಕ
೨೦೨೩/೨೪–ಪ್ರಸ್ತುತ	ರೈಲ್ವೆ

ಮೆರ್ ಡಿಸೆಂಬರ್ ೨೦೨೩ ಟ್ ಇಂಗ್ಲೆಂಡ್ ವಿರುದ್ಧ ಭಾರತದ ಪರವಾದ್ ಟೆಸ್ಟ್ ಪಂದ್ಯೊಡು ಗೊಬ್ಬುದಿತ್ತೆರ್, ಉಂದು ಅರೆನ ಅಂತರರಾಷ್ಟ್ರೀಯ ಸುರುತ ಪ್ರವೇಶದ ಗೊಬ್ಬು.

ವಯಕ್ತಿಕ ಜೀವನ

ಶುಭಾ ಸತೀಶ್ ೧೩ನೇ ಜುಲೈ ೧೯೯೯ಡ್ ಬೆಂಗಳೂರುಡು ಪುಟ್ಟ್ಯೆರ್. ಮೆರ್ ಬೆಮಲ್ ಉದ್ಯೋಗಿಯಾದಿತ್ತಿನ ಎನ್.ಸತೀಶ್ ಬೊಕ್ಕ ತಾರಾ ದಂಪತಿಲೆನ ಮಗಳ್ . ಮೆರೆನ ೧೨ನೇ ವರ್ಸೊ ಪ್ರಾಯೊಡು ಕ್ರಿಕೆಟ್ ಗೊಬ್ಬೆರೆ ಸುರು ಮಲ್ತೆರ್

ವೃತ್ತಿ ಜೀವನ

ಕ್ರಿಕೆಟ್ ಗೊಬ್ಬುನವೆ ಮೆರೆನ ವೃತ್ತಿ ಮೆರ್ ಎಡ ಕೈ ಬ್ಯಾಟಿಂಗ್ ಬೊಕ್ಕ ಬಲಗೈ ಮಧ್ಯಮ ವೇಗದ ಬೌಲರ್ ಆದುಲ್ಲೆರ್. ಮೆರ್ ಕ್ರಿಕೆಟ್‌ಡ್ ಆಲ್-ರೌಂಡರ್ ಆದುಲ್ಲೆರ್ ಶುಭಾ ಸುರುಕು ಬ್ಯಾಟರ್ ಆದ್ ಗೊಬ್ಬುವೆರ್ ಆಂಡ ಚೂರು ಮಧ್ಯಮ ವೇಗದ ಬೌಲಿಂಗ್ ಮಲ್ಪುನ ಸಾಮರ್ಥ್ಯ ಇತ್ತಿನಾರ್. ಆರ್ ಮಹಿಳಾ ಸೀನಿಯರ್ ಏಕದಿನ ಟ್ರೋಫಿ 2021/22 ಡ್ ಏಳ್ ಪಂದ್ಯೊಡು 43.83 ಸರಾಸರಿಟ್ 263 ರನ್ ಪಡೆದ್ ಕರ್ನಾಟಕದ ರಡ್ಡನೆ ಪ್ರಮುಖ ರನ್ ಪಡೆಯಿನ ಗೊಬ್ಬುದರಾಯೆರ್.ಭಾರತ ಬಿ ಪರ ಗೊಬ್ಬೊಂದಿಪ್ಪುನಗ ಇಂಚಿಪೊಗು ನಡತಿನ ಹಿರಿಯ ಮಹಿಳಾ ಏಕದಿನ ಚಾಲೆಂಜರ್ ಟ್ರೋಫಿಡ್ ಸೌತ್‌ಪಾವ್ ಮೂಜಿ ಪಂದ್ಯೊಲೆಡ್ 60 ರನ್ ಪಡೆಯೆರ್.

ಇಂಚಿಪೊಗು ಮುಂಬೈಡ್ ನಡೆತಿನ ಮಹಿಳಾ ಪ್ರೀಮಿಯರ್ ಲೀಗ್ (ಡಬ್ಲ್ಯೂಪಿಎಲ್) ಹರಾಜ್‌ಡ್ ಸ್ಮೃತಿ ಮಂಧಾನ ಗುರ್ಕಾರ್ಮೆದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) INR 10 ಲಕ್ಷೊಗು ಮೆರೆನ್ ಆಯ್ಕೆ ಮಲ್ಪುನಗ ಮಾತೆರೆನಲ ಗುಮನೊ ಮೆರೆನಂಚಾಂಡ್.

ದೇಶೀಯ ಗೊಬ್ಬು

ಶುಭಾ ಸತೀಶ್ ನವೆಂಬರ್ ೨೦೧೨ಡ್ ಆಂಧ್ರ ವಿರುದ್ಧ ಕರ್ನಾಟಕ ತಂಡೊನು ಪ್ರತಿನಿಧಿಸದೆರ್. ಆರ್ ಜನವರಿ ೨೦೧೭ಕ್ಕ್ ಅರೆನ ಸುರುತ ಟ್ವೆಂಟಿ ೨೦ ಅರ್ಧಶತಕೊನು ಸೌರಾಷ್ಟ್ರ ವಿರುದ್ಧ ೬೧* ಬೊಕ್ಕ ಡಿಸೆಂಬರ್ ೨೦೧೮ ಡ್ ತಮಿಳುನಾಡು ವಿರುದ್ಧ ೭೨ ರನ್ ದೊಟ್ಟುಗು ಅರೆನ ಸುರುತ ಲಿಸ್ಟ್ ಎ ಅರ್ಧ ಶತಕೊನು ಪಡೆತೆರ್. ಮೆರ್ ೨೦೨೦-೨೧ ನ ಮಹಿಳಾ ಸೀನಿಯರ್ ಏಕದಿನ ಟ್ರೋಫಿಡ್ ನಾಲ್ ಅರ್ಧಶತಕೊ ಸೇರ್ದ್ ೩೪೬ ರನ್‌ ಪಡೆದ್ ನಾಲನೇದಾರಾದ್ ಜಾಸ್ತಿ ರನ್ ಪಡೆಯಿನ ಗೊಬ್ಬುದಾರಾದುಲ್ಲೆರ್. ಅವರು ೨೦೨೩-೨೪ ಆವೃತ್ತಿಗ್‌ಲ ದುಂಬೇ ರೈಲ್ವೇಗ್ ಪೋಯೆರ್.

ಮೆರ್ ೨೦೧೭-೧೮ ಡ್ ಹಿರಿಯ ಮಹಿಳಾ ಕ್ರಿಕೆಟ್ ಅಂತರ ವಲಯ ಮೂಜಿ ದಿನತ ಪಂದ್ಯಾಟೊಡು ದಕ್ಷಿಣ ವಲಯದ ಪರವಾದ್ ರಡ್ಡ್ ಪಂದ್ಯಾಟೊಲೆನ್ ಗೊಬ್ಬುದೆರ್.

ಡಿಸೆಂಬರ್ ೨೦೨೩ ಡ್, ಮಹಿಳಾ ಪ್ರೀಮಿಯರ್ ಲೀಗ್‌ದ ರಡ್ಡನೇ ಸೀಸನ್‌ಗಾದ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡೊಗು ಸೇರಿಯೆರ್. ಡಿಸೆಂಬರ್ ೯ ನಾನಿ, ಡಬ್ಲ್ಯೂಪಿಎಲ್ ಹರಾಜ್‌ಡ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ೯ ಲಕ್ಷೊಗು ಮೆರೆನ್ ವಹಿಸೊಂದುಂಡು.

ಅಂತರರಾಷ್ಟ್ರೀಯ

ಡಿಸೆಂಬರ್ ೨೦೨೩ಟ್, ಶುಭಾ ಸತೀಶ್ ಇಂಗ್ಲೆಂಡ್ ಬೊಕ್ಕ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಪಂದ್ಯೊಗಾದ್ ಭಾರತ ತಂಡೊಗು ಸುರುತ ಸರ್ತಿ ಆಯ್ಕೆ ಆಯೆರ್. ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಪಂದ್ಯೊಡು ಸುರುತ ಇನ್ನಿಂಗ್ಸ್‌‌ಡ್ ೬೯ ರನ್ ಪಡೆದ್ ಅಂತರಾಷ್ಟ್ರೀಯ ಕ್ರಿಕೆಟ್‌‌ಗ್ ಪಜ್ಜೆ ದೀಯೆರ್ . ಉಂದು ವಿಶ್ವ ಮಹಿಳಾ ಟೆಸ್ಟಡ್ ಮೂಜಿನೆ ಅತೀ ವೇಗದ ಅರ್ಧಶತಕವಾದುಂಡು. ಉಂದೆಕ್ ದುಂಬು ಗಾಯದ ಕಾರಣದಾತ್ರ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಪಂದ್ಯೊಡ್ದು ಪಿದಯಿ ಇತ್ತೆರ್.

ಉಲ್ಲೇಕೊಲು

ವರ್ಗ:ಭಾರತೀಯ ಪೊಂಜೊಲೆನ ಕ್ರಿಕೆಟ್‌ದಾರ್