ಶ್ರೀ ರಾಜರಾಜೇಶ್ವರೀ ದೇವಸ್ಥಾನ ಇಚ್ಲಂಪಾಡಿ

ಶ್ರೀ ರಾಜರಾಜೇಶ್ವರೀ ದೇವಸ್ಥಾನೊ
ಶ್ರೀ ರಾಜರಾಜೇಶ್ವರೀ ದೇವಸ್ಥಾನೊದ ಕೆರೆ

ಇತಿಹಾಸೊಸಂಪೊಲಿಪುಲೆ

ದೇವೆರೆನ ಸ್ವಂತ ಊರು ಆಯಿನ ಕೇರಳದ ಉತ್ತರೊಡು, ಪೆರ್ಮೆದ ತೌಳವ ಅರಸುಲೆನ ಬೂಡು ಆಯಿನ, ಸತ್ಯದ ಸಿರಿಸೀಮೆ ಆಯಿನ ಕುಂಬಳೆ ಸೀಮೆದ ಇಚ್ಲಂಪಾಡಿ ಗ್ರಾಮೊಡು ಉಪ್ಪುನ ಮುಂಡಪಳ್ಳ ಪನ್ಪುನ ಜಾಗೆ ಐನವೇ ಆಯಿನ ವೈಭಅವದ ಪೂರ್ವೊದ ಇತಿಹಾಸನ್ ಬೊಕ್ಕ ನಾಲ್ ದಿಕ್ಕ್‌ಲೆಡ್ ಪಸರೊಂದು ಉಂಡು. ತುಳುಟ್ಟು ಮುಂಡ ಪಂಡ್ಂಡ ಕನ್ನಡೊಡು ಹಣೆ. ಪಳ್ಳ ಪಂಡ್ಂಡ ಸರೋವರ ಪನ್ಪನ ಅರ್ತೊ. ಇಚ್ಲಂಪಾಡಿ ಗ್ರಾಮೊಗು ತಿಲಕಪ್ರಾಯವಾದ್ ಉಪ್ಪುನ, ವಿಶಾಲವಾಯಿನ ಸರೋವರ ಉಪ್ಪುನ ಮುಂಡಪಳ್ಳ ಪುಣ್ಯಭೂಮಿ ಪನ್ಪುನ ನನೊಂಜಿ ವಿಸೇಸೊ.

  • ವೈವಿಧ‍್ಯಮಯವಾಯಿನ ಜಲಚರೊಜೀವಿಲೆನ ವಾಸಸ್ಥಾನವಾಯಿನ ಮುಂಡಪಳ್ಳದ ಪರಿಸರೊ ಪುರಾತನ ಕಾಲೊಡು ಋಷಿಮುನಿಲೆನ ತಪೋಭೂಮಿ ಆದ್ ಇತ್ತ್ಂಡ್ ಪನ್ಪುನ ಐತಿಹ್ಯೊಲು,ಇತಿಹಾಸಲು ತೆರಿಪಾವುಂಡು.
  • ಸುಮಾರ್ ಎಣ್ಮನೂದು ವರ್ಸೊಗು ದುಂಬು ಈ ಪ್ರದೇಸೊ ಇಚ್ಚಿಲತ್ತಾಯ ಪನ್ಪುನ ಪ್ರಸಿದ್ಧ ತುಳು ಬ್ರಾಣೆರೆನ ಕುಟುಂಬದಕುಲೆನವು ಆದ್ ಇತ್ತ್ಂಡ್. ಮೊಕುಲೆನ ಸೋದರ ಸಂಬಂಧಿಲಾಯಿನ ಕಾರಿಂಜತ್ತಾಯೆರ್ ಕೈತಲ್‍ಡೇ ಉಪ್ಪುನ ಕಾರಿಂಜ ಪನ್ಪುನವುಲು ನೆಲೆ ಆದ್ ಇತ್ತೆರ್.
  • ರಡ್ಡ್ ಕುಟುಮೊದಕುಲು ಅಕುಲೆನ ಭಕ್ತಿಶ್ರದ್ಧಾ ಕೇಂದ್ರವಾದ್ ಕಾರಿಂಜೊಡು ಶ್ರೀ ಮಹಾದೇವ - ಶಾಸ್ತಾರ ದೇವಸ್ಥಾನೊನು ಕಟ್ಟಯೆರ್.
  • ಇಚ್ಚಿಲತ್ತಾಯೆರ್ ಮುಂಡಪಳ್ಳೊಡು ಶ್ರೀ ರಾಜರಾಜೇಶ್ವರೀ ಕ್ಷೇತ್ರೊನು ನಿರ್ಮಾಣ ಮಲ್ತ್‌ದ್ ಆರಾಧನೆ ಮಲ್ತೊಂದು ಬತ್ತೆರ್.
  • ಕುಂಬಳೆ ಸೀಮೆನ್ ಆ ಕಾಲೊಡು ಆಳೊಂದು ಇತ್ತ್‌ನ ಬಲ್ಲಾಳ ಅರಸುಲು ಕಂಚಿಕಟ್ಟೆಡ್ ಅರಮನೆ ಕಟ್ಟಾದ್ ಮುಂಡಪಳ್ಳದ ಶ್ರೀ ರಾಜರಾಜೇಶ್ವರೀ ದೇವಸ್ಥಾನೊಡು ಆರಾಧನೆ ಮಲ್ತೊಂದು ಇತ್ತ್‌ನ ನಗೆಟ್ಟ್ ಚರಿತ್ರೆದ ಪುಟೊಟ್ಟು ಮಾಹಿತಿಲು ತಿಕ್ಕುಂಡು.
  • ಇಚ್ಚಿಲತ್ತಾಯೆರೆಗ್ ಸಂತತಿ ಇಜ್ಜಂದೆ ಉಪ್ಪುನಗ ಬೋಳಗುತ್ತುದ ಬಂಟ ಸಮುದಾಯದಕುಲೆನ್ ಲೆಪ್ಪಾದ್ ಇಚ್ಚಂಪಾಡಿಡ್ ನೆಲೆ ಉಂತಾದ್ ಅಕುಲೆಗ್ ಅರೆನ ಸರ್ವಸ್ವೊನುಲಾ ಹಸ್ತಾಂತರ ಮಲ್ತ್‌ದ್ ಕಾಶೀ ಯಾತ್ರೆಗ್ ಪೋಯೆರ್.
  • ಸಂಪ್ರದಾಯೊಗು ಅರಸು ಮನೆತನೊದ ಪೊಸ ರಾಜೆರೆಗ್ ಇಚ್ಲಂಪಾಡಿ ಇಲ್ಲದ ಪಡಿಪ್ಪಿರೆಡ್ ಪಟ್ಟಾಭಿಷೇಕ ಕಾರ್ಯಕ್ರಮ ನಡತೊಂದು ಇತ್ತ್ಂಡ್. ಅಯಿರ್ದ್ ದುಂಬು ಪಂಡ ನಾಂದಿ ಆದ್ ಕಾರಿಂಜ ಶ್ರೀ ಮಹಾದೇವ - ಶಾಸ್ತಾರ ದೇವಸ್ಥಾನೊಡು ಕಲಶ ಮೀಪುನವು ಪದ್ಧತಿ ಆದ್ ಇತ್ಂಡ್. ಪಟ್ಟಾಭಿಷೇಕದ ಇತಿಹಾಸೊನು ಚಿರಸ್ಥಾಯಿ ಆದ್ ಉರಿಪಾವುನ ಪಟ್ಟದಮಣೆ ಇನಿಕ್‍ಲಾ ಇಚ್ಚಂಪಾಡಿ ಇಲ್ಲಲ್ ಉಂಡು.
  • ಪಟ್ಠಾಭಿಷೇಕ ಆಯಿನೆರ್ದ್ ಬೊಕ್ಕ ಅರಸುಲು ಕೈತಲ್ ಉಪ್ಪುನ ಮುಂಡಪಳ್ಳದ ಶ್ರೀ ರಾಜರಾಜೇಶ್ವರೀ ದೇವಿನ ದಿವ್ಯ ದರ್ಶನ ಮಲ್ತ್‌ದ್ ಕೈತಲ್‍ಡ್ ಸುರುತ ದರ್ಬಾರ್ ನಡಪಾದ್ ಅರಮನೆಗ್ ಪೋಪುನವು ಪೂರ್ವ ಪದ್ಧತಿ ಆದ್ ಉಪ್ಪುಂಡು. ಆಂಚಾದ್ ಮುಂಡಪಳ್ಳದ ಕೈತಲ್‍ಡ್ ಉಪ್ಪುನ ದರ್ಬಾರ್ ಕಟ್ಟೆ ಪನ್ಪುನ ಜಾಗೆ ಉಂಡು.
  • ರಾಜೆರೆನ ಆಳ್ವಿಕೆಲ್ ಕಡೆ ಆಯಿನೆರ್ದ್ ಬೊಕ್ಕ ಕಾರಣಾಂತರೊಡು ಶ್ರೀ ರಾಜರಾಜೇಶ್ವರೀ ಕ್ಷೇತ್ರ ಜೀರ್ಣಾವಸ್ಥೆಗ್ ಮುಟ್ಟ್‌ದ್ ತನ್ನ ಅಸ್ತಿತ್ವನೇ ಕಳೆವೊಂದ್ ಪೋಂಡ್.
  • ಇತ್ತೆ ಪಿರ ಕೆ.ಕೆ ಶೆಟ್ಟಿರೆನ ಬಂಡವಾಳ, ಮುಂಜುನಾಥ ಆಳ್ವೆರೆನ ನೇತೃತ್ವೊಡು ಶ್ರೀ ರಾಜರಾಜೇಶ್ವರೀ ಕ್ಷೇತ್ರೊದ ನಿರ್ಮಾಣ ಆದ್ ಪ್ರತಿಷ್ಥಾ ಬ್ರಹ್ಮಕಲಶಾಭಿಷೇಕ ನಡತ್ಂಡ್.

ಉಲ್ಲೇಕೊಸಂಪೊಲಿಪುಲೆ