ಸಂಗೀತಾ ಕಟ್ಟಿ
ಸಂಗೀತಾ ಕಟ್ಟಿ ಸಂಗೀತಾ ಕಟ್ಟಿ ಕುಲಕರ್ಣಿ - ಇಂಬೆರ್ ಸಂಗೀತಾ ಕಟ್ಟಿ ಪನ್ಪಿನ ಪುದರ್ ಡ್ ಜನಪ್ರಿಯರಾದುಪ್ಪುನ ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತೊದ ಸುಪ್ರಸಿದ್ಧ ಆಯಿನ ಪದ್ಯ ಪನ್ಪಿನಾರ್. ಸುಗಮ ಸಂಗೀತ ದಲಾ ಪದ್ಯೊನ್ ಪನ್ಪೆರ್ ಅಂಚೆನೆ ಮಸ್ತ್ ಚಲನೊಚಿತ್ರೊದ ಹಿನ್ನೆಲೆಡ್ ಲಾ ಪದ್ಯ ಪಂತೆರ್.
ಸಂಗೀತ ಕಟ್ಟಿ (Kulkarni) | |
|---|---|
 Sangeeta Katti Receiving Karnataka Rajotsava Award in 2006 From CM & Deputy CM | |
| Background information | |
| Born | 07 ಅಕ್ಟೋಬರ್ ಧಾರವಾಡ, ಕರ್ನಾಟಕ, ಭಾರತ |
| Occupation(s) | ಗಾಯಕಿ, musician, composer |
| Instrument(s) | Vocals |
| Spouse(s) | ಮನಮೋಹನ್‍ಕುಲಕರ್ಣಿ |
ಪರಿಚಯೊ
ಸಂಪೊಲಿಪುಲೆಸಂಗೀತಾ ಕಟ್ಟಿ ಕರ್ನಾಟಕೊದ ಧಾರವಾಡೊಡ್ ಅಕ್ಟೋಬರ್ 7, 1970ಡ್ ಪುಟ್ಟುದೆರ್ . ಮೇರ್ ಡಾ.ಎಚ್.ಎ.ಕಟ್ಟಿ ಬೊಕ್ಕ ಶ್ರೀಮತಿ ಭಾರತಿ ಅರೆನ ಮಗಳ್. ಮೇರ್ ದಸರೆದ ಸರಸ್ವತೀ ಪೂಜೆದ ದಿನ ಪುಟ್ಟುದಿನಿ.[೧]
ಬಾಲ್ಯೊ
ಸಂಪೊಲಿಪುಲೆಸಂಗೀತೊದ ಹಿನ್ನೆಲೆ ಇತ್ತಿನ ಕುಟುಂಬೊಡು ಪುಟ್ಟುದಿನ ಸಂಗೀತಾ ಕಟ್ಟಿ ಪ್ರಾರಂಭೊದ ಪಾಠಲೆನ್ ಪೊಪ್ಪನ ಮೂಲಕನೇ ಪಡೆದೆರ್. ನಾಲ್ ವರ್ಷ ಉಪ್ಪುನಗ ನೌಷಾದ್ ಅಲಿ ಅರೆನ್ ಭೇಟಿಯಾತಿನಿ ಅರೆನ ಬದುಕುಗ್ ಒಂಜಿ ಎಡ್ಡೆ ತಿರುವು ಕೊರುಂಡು. ನೌಷಾದ್ ಅಲಿ ಆರ್ ಸಂಗೀತಾಗ್ ಕೆಲವು ರಾಗೊಲೆನ್ ಪದ್ಯದ ಮೂಲಕ ಪನರೇ ಸೂಚನೆ ಕೊರಿಯೆರ್. ಅಂಚ ಪದ್ಯ ಪಂಡಿನ ಈ ಬಾಲ ಪ್ರತಿಭೆ ನ ಪದ್ಯೊಗ್ ಪ್ರಭಾವಿತರಾಯಿನ ನೌಷಾದ್ ಅಲಿ ಸಂಗೀತನ್ ಶಿಷ್ಯೆಯಾದ್ ಸ್ವೀಕಾರ ಮಂತೆರ್.ಶ್ರೀ ಶೇಷಗಿರಿ ದಂಡಾಪುರ ಬೊಕ್ಕ ಪಂಡಿತ ಚಂದ್ರಶೇಖರ ಪುರಾಣಿಕಮಠ ಅರೆಡ್ದು ಆರಂಭಿಕ ತರಬೇತಿ ಪಡೆದ್ ಸಂಗೀತಾ, ಹೆಚ್ಚಿನ ತರಬೇತಿಗ್ ಕಿರಾಣಾ ಬೊಕ್ಕ ಗ್ವಾಲಿಯರ್ ಘರಾಣಾದ ಪದ್ಮಭೂಷಣ ಪಂಡಿತ ಬಸವರಾಜ ರಾಜಗುರು ಅರೆಡ್ದು ಸುಮಾರು ಪದಿರಾಡ್ ವರ್ಷೊ ಕಾಲ ಪಡೆಯೆರ್. ಇತ್ತೆ ಆರ್ ಪದ್ಮವಿಭೂಷಣ ಸನ್ಮಾನಿತರಾಯಿನ ಗಾನಸರಸ್ವತಿ ಶ್ರೀಮತಿ ಕಿಶೋರಿ ಅಮೋನ್ಕರ್ ಅರೆನ ಶಿಷ್ಯೆ.
ಶಿಕ್ಷೊಣ
ಸಂಪೊಲಿಪುಲೆಸಂಗೀತಾ ಆರ್ ರಸಾಯನಶಾಸ್ತ್ರೊ ಪದವಿಡ್ ಡಿಸ್ಟಿಂಕ್ಷನ್ ಡ್ ಪಾಸ್ ಮಂದೆರ್. ಆರ್ ಕನ್ನಡ ಮಾತ್ರ ಅತ್ತವಂದೆ ಹಿಂದಿ, ಇಂಗ್ಲೀಷ್, ಮರಾಠೀ ಭಾಷೆಲೆನೂ ಲಾ ಎಡ್ಡೆಡ್ ಪಾತೆರುವೆರು.
ಇತರ ಮಾಹಿತಿ
ಸಂಪೊಲಿಪುಲೆಇದನೆಟ್ಟ ಆರ್ 2500 ದುಲಾ ಜಾಸ್ತಿ ಸಂಗೀತ ಕಾರ್ಯೊಕ್ರಮನ್ ಕೊರುತೆರ್. ಸುರುತ ಕಾರ್ಯಕ್ರಮೊನು ಅರೆಗ್ ನಾಲ್ ವರ್ಷೊ ಉಪ್ಪುನಗ ಕೊರ್ತೆರ್. ಯುನೈಟೆಡ್ ಸ್ಟೇಟ್ಸ್, ಯುನೈಟೆಡ್ ಕಿಂಗ್‌ಡಂ, ಕೆನಡಾ ಬೊಕ್ಕ ಅವೇತೋ ದೇಶೊಲೆಡ್ ಕಾರ್ಯಕ್ರಮೊಲೆನ್ ಕೊರ್ತೆರ್. ಭಾರತೊಡು ಬಹುಮುಖ್ಯ ಸಂಗೀತ ಸಮಾರಂಭೊಡು ಸಾಮಾನ್ಯವಾಗದ್ ಅರೆನ ಕಾರ್ಯಕ್ರಮೊ ಉಪ್ಪುಂಡು. ಬೆಂಗಳೂರುದ ಭಾರತೀಯ ವಿದ್ಯಾಭವನೊಡು ಆರ್ ಸಂಗೀತೊ ಕಲ್ಪಾವೊಂದು ಇತ್ತೆರ್.
ಪ್ರಶಸ್ತಿಲು ಬೊಕ್ಕ ಗೌರವೊಲು
ಸಂಪೊಲಿಪುಲೆ006-2007 ದ ಸುವರ್ಣ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪಡೆದೆರ್. ( ಉಂದು ನಮ್ಮ ರಾಜ್ಯೊದ ಅತ್ಯುನ್ನತ ಗೌರವ).[೨]
ಬಜೀ ನಾಲ್ ವರ್ಷೊಡು ಉಪ್ಪುನಗನೇ ಸಂಗೀತ ಸಾಮ್ರಾಟ್ ನೌಷಾದ್ ಸಾಹೇಬರೆಡ್ದ್ " ಸಂಗೀತದ ಅದ್ಭುತ" ಪಂದ್ ಪುಗರ್ಮೆ ಪಡೆದಿನಾರ್. ನವೆಂಬರ್ 1975 ಟ್ ಜೋಕುಲೆನ ದಿನ ತ ಆನಿ, ಆಕಾಶವಾಣಿಡ್ ಬಾಲಪ್ರತಿಭೆಯಾದ್ ಶಾಸ್ತ್ರೀಯ ಸಂಗೀತ ಕಾರ್ಯಕ್ರಮ ನಡಪಾದ್ ಕೊರ್ದು ಇತ್ತೆರ್. 1977ಟ್ ಮದರ್ ತೆರೇಸಾ ಡ್ದ್ ಆಶೀರ್ವಾದ ಪಡೆದಿತ್ತೆರ್ . ದಾಸಮಂಜರಿ ಪನ್ಪಿನ ಸುರುತ ಭಜನಸಂಗ್ರಹೊನ್ ಧ್ವನಿ ಮುದ್ರಿಸಾಯೆರ್. ಹಿಂದೂಸ್ತಾನಿ ಶಾಸ್ತ್ರೀಯ ಗಾಯನೊದ ಜ್ಯೂನಿಯರ್ , ಸೀನಿಯರ್ ಬೊಕ್ಕ ವಿದ್ವತ್ ಪರೀಕ್ಷೆಡ್ ರಾಜ್ಯೊಕೇ ಸುಶ್ರುತ ಸ್ಥಾನೊ ಪಡೆಯೆರ್. ಹಿಂದೂಸ್ತಾನಿ ಶಾಸ್ತ್ರೀಯ ಬೊಕ್ಕ ಸುಗಮ ಸಂಗೀತೊಡು ಆಕಾಶವಾಣಿದ ವಾರ್ಷಿಕ ಪ್ರಶಸ್ತಿಲೆನ್ ಪಡೆಯೆರ್. ನಾಗಪುರೊಡು 1987 ಟ್ ನಡೆತಿನ ರಾಷ್ಟ್ರೀಯ ಸಂಗೀತೋತ್ಸವೊಡು ಕರ್ನಾಟಕ ರಾಜ್ಯೊನು ಪ್ರತಿನಿಧಿಸಾದು ಇತ್ತೆರ್. 1990ಟ್ CCERT - ನವದೆಹಲಿಡ್ ನಡೆತಿನ "ರಾಷ್ಟ್ರೀಯ ಸಮಗ್ರತೆದ ಕ್ಯಾಂಪ್"ಡ್ ಹಿಂದೂಸ್ತಾನಿ ಶಾಸ್ತ್ರೀಯ ಗಾಯೊನೊಡು ನಮ್ಮ ರಾಜ್ಯೊನು ಪ್ರತಿನಿಧಿಸಾದ್ ಇತ್ತೆರ್. ಅಮೇರಿಕ , ಇಂಗ್ಲೆಂಡು ದ "ಅಕ್ಕ" ಸಮ್ಮೇಳೊನೊಡು ಕರ್ನಾಟಕನ್ ಪ್ರತಿನಿಧಿಸಾದ್ ಇತ್ತೆರ್. ಮಂಗಲಪಲ್ಲಿ ಬಾಲಮುರಳಿಕೃಷ್ಣ, ಕೆ. ಜೆ. ಯೇಸುದಾಸ್, ಪಿ. ಬಿ. ಶ್ರೀನಿವಾಸ್,ಎಸ್. ಪಿ. ಬಾಲಸುಬ್ರಹ್ಮಣ್ಯಂ ಬೊಕ್ಕ ರಾಜಕುಮಾರ್ ಅಂಚಿನ ದಿಗ್ಗಜೆರೆನೊಟ್ಟು ಲಾ ಪದ್ಯ ಪಂತೆರ್.ದಕ್ಷಿಣ ಭಾರತೊದ ಪುದರ್ ಪೋತಿನ ಸಂಗೀತ ನಿರ್ದೇಶಕರಾಯಿನ ಉಪೇಂದ್ರಕುಮಾರ್, ಎಮ್. ರಂಗರಾವ್ , ವಿಜಯಭಾಸ್ಕರ್, ರಾಜನ್ ನಾಗೇಂದ್ರ, ಸಿ. ಅಶ್ವತ್ಥ್ ಎಂ. ಎಂ. ಕೀರ್ವಾಣಿ, ಹಂಸಲೇಖಾ, ಮನೋಹರ್ ಅಂಚಿನ ಮಲ್ಲ ಮಲ್ಲ ದಿಗ್ಗಜೆರೊಟ್ಟು ಲಾ ಕೆಲಸ ಮಂದೆರ್.ಬೆಂಗಳೂರು ಆಕಾಶವಾಣಿಗಾದ್ ಭಾರತೊರತ್ನ ಪಂಡಿತ್ ರವಿಶಂಕರ್ ಅರೆನ ಠುಮರಿ ರಚನೆಲೆದ ಪದ್ಯ ಪಂತಿನೆಕ್ ಅರೆಡ್ದುಲಾ ಪ್ರಶಂಸೆ ಪಡೆದೆರ್.
ಬೆಂಗಳೂರುಡ್ ನಡೆತಿನ 62 ನೇ ಎಐಸಿಸಿ ಸಮಾವೇಶೊಡು "ವಂದೇಮಾತರಂ" ಪದ್ಯ ಪಂತಿನೆಕ್ ಎಐಸಿಸಿ ಅಧ್ಯಕ್ಷೆ ಶ್ರೀಮತಿ ಸೋನಿಯಾಗಾಂಧಿ ಅರೆಡ್ದುಲಾ ವೈಯುಕ್ತಿಕ ಅಭಿನಂದನೆನ್ ಪಡೆದೆರ್. ಅಮೇರಿಕದ ಓಹಿಯೋ ವಿಶ್ವವಿದ್ಯಾನಿಲೊಯೊಡು , ಸಂಗೀತೊಡು ಪೊಂಜೊವುಲೆನ ಪಾತ್ರೊ ಬೊಕ್ಕ ಭಾರತೀಯ ಸಂಗೀತದ ಮಹತ್ವದ ಕುರಿತಾಯಿನ ಭಾಷೊಣ ಮಂತು ಇತ್ತೆರ್. ಸಂಗೀತ ಸರಿತಾ ಪನ್ಪಿನ ಶಾಸ್ತ್ರೀಯೊ ಸಂಗೀತ ರಾಗೊಲೆನ್ ಭಾರತೀಯ ಸಿನೇಮಾ ಮೂಲಕ ಪರಿಚಯಿಸುನ ಕಾರ್ಯಕ್ರಮಕ್ಕಾದ್ ಸಂಶೋಧನೆ ಮಂತು ಇತ್ತೆರ್. ಶ್ರೀಮತಿ ಸಂಗೀತಾ ಕಟ್ಟಿ ಕುಲ್ಕರ್ಣಿ ಪ್ರತಿ ವರ್ಷ ಮಾಘ ಮಾಸೊಡು ಬಿಜಾಪುರ ಜಿಲ್ಹೆದ ಯಲಗೂರಕ್ ಸ್ವಯಂ ಪ್ರೇರಣೆಡ್ದ್ ಯಲಗೂರೇಶಗ್ ಸಂಗೀತ ಸೇವೆ ಮನ್ಪುವೆರ್.