ಸರಮಾ

ಹಿಂದೂ ಮಹಾಕಾವ್ಯ ರಾಮಾಯಣೊಡು ಸರಮಾ ( Sanskrit , Saramā ) ಲಂಕೆದ ರಕ್ಕಸಿ, ರಾವಣನ ಮೆಗ್ಗೆ ವಿಬೀಷನನ ಬೊಡೆದಿ. ಒರೊರ ಸರಮಾನ್ ರಕ್ಕಸಿ ಪಂಡ್‍ದ್ ಪನ್ಪೆರ್ ಅಮಚನೆ ಕೆಲವೊರ ಗಂದರ್ವ ವಂಸೊದಾರ್ ಪಂಡ್‍ದ್ ಪನ್ಪೆರ್. ರಾಮನ (ಅಯೋದ್ಯೆಯ ರಾಜಕುಮಾರೆ ಬುಕ್ಕ ವಿಷ್ಣುನ ಅವತಾರ) ಬೊಡೆದಿ ಸೀತೆನ್ ಅಪಹರಿಸಾದ್ ಲಂಕೆಡ್ ಬಂದನೊಡ್ ದೀನ್ಯ ರಾವಣೆನ ಮೆಗ್ಯನ ಬೊಡೆದಿ ಸರಮಾ ಸೀತೆನೊಟ್ಟುಗು ಎಡ್ಡೆಡಿತ್ತೆರ್ ಪಂಡ್‍ದ್ ಪುರಾನೊಲು ಪನ್ಪ. ರಾವಣೆನ ವಿರುದ್ದ ಯುದ್ದೊಡ್ ರಾಮಗ್ ಬೊಡೆದಿ ಲೆಕ , ಸರಮಾ ರಾಮಗ್ ಸಹಾಯ ಮಲ್ಪುವೆರ್. ಸರಮಾ ಬುಕ್ಕ ವಿಬೀಷನಗ್ ತ್ರಿಜಟಾ ಪುದರ್ದ ಒರ್ತಿ ಮಗಲ್ ಇತ್ತೊಲ್.

ಸರಮಾ
ಸೀತೆ ಸರಮಾನೊಟ್ಟುಗು (ಬಲೊಕ್ಕ್)
Affiliation	ಲಂಕಾ ದೇಸೊದ ರಾಣಿ
ಲಿಂಗ	ಪೊಂಜೊವ್
ವೈಯಕ್ತಿಕ ಇಸಯೊಲು
ಸಂಗಾತಿ	ವಿಬೀಷಣ
ಸಂತತಿ	ತ್ರಿಜಟಾ, ತಾರನಿಸೇನ್

ಪುಟ್ಟು

ಸರಮಾ ಪುಟ್ಟಿನಿ ಮಾನಸ ಸರೋವರೊದ ದಡೊಟ್ಟ್. ಸರೋವರೊದ ನೀರ್ ಏರುನ ತೂದು ಪುರು ಬಾಲೆ ಸರಮಾ ಜೋರು ಬುಲಿಪರೆ ಸುರು ಮಲ್ಪುಮಡು. ಉಂದೆನ್ ತುಯ್ನ ಸರಮಾನ ಅಪ್ಪೆ ನೀರ್ದ ದೇವತೆಗ್ ಸರೋಮಾ ವರ್ದತಾ(ನೀರ್ ಏರೊಚ್ಚಿ ಪಂಡ್‍ದ್ ಅರ್ತ) ಪಂಡ್‍ದ್ ಪನ್ಪೆರ್. ಅಂಚಾದ್ ಬಾಲೆಗ್ ಸರಮಾ ಪಂಡ್‍ದ್ ಪುದರ್ ಬರ್ಪುಂಡು.

ಸೀತೆನೊಟ್ಟುಗಿತ್ತಿನ ಸರಮಾನ ಸಂಬಂದ

ಕ್ಯಾಮಿಲ್ಲೆ ಬಲ್ಕೆ (ರಾಮ-ಕೇಂದ್ರಿತ ಸಾಹಿತ್ಯೊದ ಪರಿನಿತ) ಪ್ರಕಾರೊ, ಸರಮಾ ಮೂಲ ರಾಮಾಯಣಡ್ ತೋಜಿದ್ ಬರ್ಪುಜೆರ್. ಆಂಡಲ ಬೊಕ್ಕೊದ ಮದ್ಯಸ್ತಿಕೆಡ್ – ಪರಿಸೀಲನೆ ಮಲ್ಪುನಗ ಪ್ರಸ್ತುತ – ವಾಲ್ಮೀಕಿನ ಪಟ್ಯೊಗು ಸರಮಾನ ಬಗ್ಗೆ ಸೇರಿಸಾವೆರ್. ಅರ್ ಸುರೂಕು ರಾಮನ ಬ್ರಮೆತ್ತ ತರೆ ಮಾಯಾ-ಶಿರ್ಸಾ ಸಂಚಿಕೆಡ್ ತೋಜಿದ್ ಬರ್ಪೆರ್. ರಾವಣೆ ಅಯೋದ್ಯೆದ ರಾಜಕುಮಾರೆ ಆಯಿನ ರಾಮನ ಬೊಡೆದಿ ಸೀತೆನ್ ಅಪಹರಿಸಾದ್ ಮದಿಮೆ ಆವರೆ ಗಡಿ ಗಡಿ ಉಪದ್ರ ಕೊರ್ಪೆ. ಆಂಡ ಪತಿವೃತೆ ಆಯಿನ ಸೀತೆ ಪ್ರತಿ ಸರ್ತಿ ಇಜ್ಜಿಂದೆ ಪನ್ಪೆರ್. ರಾಮ ತನ್ನ ವಾನರ ಸೈನ್ಯೆದೊಟ್ಟುಗು ಲಂಕೆಗ್ ಜತ್ತಿ ಬೊಕ್ಕ, ರಾವಣೆ ಜಾದುಗಾರೆ ಆಯಿನ ವಿದ್ಯುಜಿಹ್ವಾಡ ರಾಮನ ಕತ್ತೆರ್ದಿನ ಮಂಡೆ ಬೊಕ್ಕ ಬಿಲ್ಲ್ ಬಾಣೊನ್ ಸೀತೆಗ್ ತೋಜಾದ್ ರಾಮ ಕರಿದ್ ಪೋತೆ ಪಂಡ್‍ದ್ ಬ್ರಮೆ ಪುಟ್ಟಾವರೆ ಪನ್ಪೆ. ರಾಜೆ ಆದೇಸ ಕೊರ್ನ್ಯ ಲೆಕೊನೆ ರಾಮನ ಕತ್ತೆರ್ದಿನ ಮಂಡೆ ಬೊಕ್ಕ ಬಿಲ್ಲ್ ಬಾಣೊನ್ ಕೊನತ್ತ್ ದ್ ಸೀತೆನ್ ಬಂದನೊಡ್ ದಿತಿನ ಅಶೋಕ ವಾಟಿಕ ಡ್ ಸೀತೆನ ಎದುರು ದೀಪೆ. ರಾವಣೆ ಪಿದಯಿ ನಡತಿ ಲೆಕೊನೆ ಕತ್ತೆರ್ದಿನ ಮಂಡೆ ಲ ಬಿಲ್ಲ ಬಾಣೊಲ ಮಾಯಕ ಆಪುಂಡು. ರಾವಣೆ ಪೋಯಿ ಬೊಕ್ಕ ವಿಬೀಷನನ ಬೊಡೆದಿ ಸರಮಾ ಸೀತೆ ಇತ್ತಿನಡೆ ಬತ್‍ದ್ ಉಂದು ಪೂರ ರಾವಣನ ಮಾಯೆ ಪಂಡ್‍ದ್ ಸತ್ಯ ಪನ್ಪೆರ್. ರಾಮ ಸುಗ್ರೀವನ ನೇತೃತ್ವೊಡ್ ಸೈನ್ಯದೊಟ್ಟುಗು ಲಂಕೆಗ್ ಬತ್‍ದೆರ್ ಪಂಡ್‍ದ್ ಸರಮಾ ಸೀತೆಗ್ ಪನ್ಪೆರ್. ಇಂಚ ಸೀತೆಗ್ ಸರಮಾ ಸಹಾಯೊನ್ ಮಲ್ತೊಂದಿತ್ತೆರ್.

ವಿಬೀಷನ ಬುಕ್ಕ ಸರಮಾನ ಸಂಬಂದ

ಸರಮಾನ್ ವಿಬೀಷನನ ಬೊಡೆದಿ ಪಂಡ್‍ದ್ ದುಂಬೇ ರಾಮಾಯಣೊದ ಕಡೇತ ಉತ್ತರಾಕಾಂಡ ಪನ್ಪಿನ ಪುಸ್ತಕೊಡ್ ಗುರುತಿಸಾದೆರ್. ಈ ಪಟ್ಯೊದ ಪ್ರಕಾರ ರಾವಣೆ ತನ್ನ ಮೆಗ್ಗೆ ವಿಬೀಷನಗ್ ಮದಿಮೆ ಮಲ್ಪರೆ ಗಂದರ್ವ ಸೈಲುಸನ ಮಗಲಾಯಿನ ಸರಮಾನ್ ಕೇಂಡೆ ಪಂಡ್‍ದ್ ಪನ್ಪುಂಡು.

ಉಂದೆನ್ಲಾ ತೂಲೆ

• ಸೀತೆ
• ರಾಮ
• ಲಕ್ಷ್ಮಣ

ರಾಮಾಯನೊರ್ದ್ ಬೊಕ್ಕದ ಸಾಹಿತ್ಯ

ರಾಮಾಯನೊರ್ದ್ ಬೊಕ್ಕದ ಸಾಹಿತ್ಯೊಡ್, ಸರಮಾ ಬುಕ್ಕ ವಿಬೀಷಣನ ಮಗಲಾಯಿನ ತ್ರಿಜಟಾನ ಬಗೆಟ್ ಎಚ್ಚಾಯಿನ ಮಾಹಿತಿಲು ಉಂಡು. ಕೆಲವು ರೂಪಾಂತರೊಲೆಡ್, ಮೂಲ ಮಹಾಕಾವ್ಯೊಡ್ ತನ್ನ ಅಪ್ಪೆನ ಬಗೆಟ್ ಮಸ್ತ್ ವಿಸಯೊಲು ಉಲ್ಲ. ಕೃತ್ತಿವಾಸಿ ರಾಮಾಯನೊಡ್ ತ್ರಿಜಟಾನ ಬಗೆಟ್ ಕ್ರೂರ ಮನಸ್ದ ಲೆಕ ವರ್ಣನೆ ಮಲ್ದೆರ್.