ಸರಸ್ವತಿ ಭಂಡಾರಿ

ನೂದು ವರ್ಸದ ಸರಸ್ವತಿ ಭಂಡಾರಿನ ಮೋಕೆದ ಪುದರ್ ಸರ್ಸ.

ಪುಟ್ಟು

೧೯೦೯ಡ್ ಬ್ರಹ್ಮಾವರ ತೆಂಕುಮನೆ ಮಹಾಬಲೇಶ್ವರ ಶೆಟ್ರ್ ಅಮ್ಮೆರ್ ಬೊಕ್ಕ ಅಪ್ಪೆ ಮುತ್ತೂರು ಮನೆ ಲಕ್ಷ್ಮಿ ಶೆಡ್ತಿ ಮೊಕ್‌ಲೆಗ್ ಪುಟ್ಟುನ ನಾಲನೇ ಮಗಲ್. ಅಮ್ಮೆರ್ ಪರಂಪರೆದ ಕೃಷಿ ಮಲ್ತೊಂದಿತ್ತಿನಾರ್ ಬೊಕ್ಕ ಒಂಜಿ ಓಡುದ ಕಾರ್ಖಾನೆದ ದನಿ.

ಶಿಕ್ಷಣ

ಸೈಂಟ್ ಸಿಸಿಲಿ ಕಾನ್ವೆಂಟ್‌ಡ್ ೮ನೇ ಮುಟ್ಟ ಓದುದೆರ್.

ಕಲೆ ಸಂಸ್ಕೃತಿದ ಒಡಿಪು

ಹಿಂದೂಸ್ಥಾನಿ ಸಂಗೀತ, ಕನ್ನಡ ಪುರಾಣ ಬೊಕ್ಕ ಯಕ್ಷಗಾನೊಲೆನ್ ತೂವೊಂದು ಸಂಸ್ಕೃತಿದ ಅಡಿಪಾಯ ಪಾಡಿಯೆರ್. ಒಟ್ಟಿಗೆ ಇಂಗ್ಲೀಶ್ ಕಾವ್ಯೊನುಲಾ ಅಬ್ಯಾಸ ಮಲ್ತೆರ್. ಕೊಡಗುಡ್ ಸರ್ಸಗ್ ಪೂರ್ವ ಪಶ್ವಿಮದ ಸಂಸ್ಕೃತಿದ ಬಗ್ಗೆ ನನಲಾತ್ ತೆರಿಯೊಂಡೆರ್.

ಮದಿಮೆ

ಸ್ಕಾಟ್‌ಲ್ಯಾಂಡ್‌ಡ್ ಕಲ್ತ್ನ ಕೊಡ್ಲಮೊಗರು ಲಕ್ಕಣ್ಣ ಭಂಡಾರಿಲೆನ ಒಟ್ಟಿಗೆ ೧೯೨೮ಗ್ ಮದಿಮೆ ಆಂಡ್. ಬೊಕ್ಕದ ಜೀವನ ಕೊಡಗುದ ಸೊಮವಾರ ಪೇಂಟೆಡ್, ಮೂಲು ಸಿಂಧಿ ಪೆತ್ತ ಕೈಕಂಜಿಲೆನ್ ಸಾಂಕಿಯೆರ್. ಮಗೆ ಅನಿಲ್ ಕುಮಾರ್ ಬೊಕ್ಕ ಮಗಲ್ ಉರ್ಮಿಳಾ.

ಅಭ್ಯಾಸ

ನಾಯಿಲೆಗ್ ಟ್ರೈನಿಂಗ್ ಕೊರ್ಪಿನವು ಅರೆಗ್ ಕುಸಿತ ಬೇಲೆ. ಪುಸೊತ್ತುದ ಪೊರ್ತುಗು ಸಂಗೀತಾಭ್ಯಾಸ ಮಲ್ತೆರ್. ಕನ್ನಡೊಡು ಎಲ್ಯ ಕತೆಕ್ಲೆನ್ ಬರೆಯೊಂದಿತ್ತೆರ್. ಫೋಟೊಗ್ರಫಿನ್ ಹವ್ಯಾಸವಾದ್ ಮಲ್ತ್‌ದ್ ಅಚ್ಚಿ ಮಲ್ಪುನ ಬೇಲೆಲಾ ಮಲ್ತೊಂದಿತ್ತೆರ್. ಪೈಂಟಿಂಗ್, ತೋಟಗಾರಿಕೆ, ಟೆನ್ನಿಸ್ ಬೊಕ್ಕ ಶಟ್ಲ್ ಬ್ಯಾಡ್ಮಿಂಟನ್ ಗೊಬ್ಬುನು.

ಮೈಸೂರುದ ಜೀವನ

ತನ್ನ ಆರೋಗ್ಯದ ದಿಟ್ಟಿಗಾದ್ ಕಂಡನಿನೊಟ್ಟು ಮೈಸೂರುಡು ಜೀವನ. ಯೂರೋಪ್ ಪ್ರವಾಸಲಾ ಪೋಯೆರ್. ಅರೆನ ತೋಟೊಗು ಏಪಲಾ ದಸರಾ ಬಹುಮಾನ ತಿಕೊಂದಿತ್ತ್ಂಡ್.

ಸಂಘುಟನೆಲು

ಮಹಿಳಾ ಮಂಡಲದ ಕಾರ್ಯಂತೆರಾದುಪ್ಪುನಪಗ ಮೈಸೂರು ಮಹಾರಾಣಿದ ಗುರ್ಕಾರ್ಮೆ ವಹಿಸ್‌ದಿತ್ತೆರ್. ಮೂಲು ಸಮಾಜ ಸೇವೆಗ್ ಜತ್ತೆರ್, ಬೈಲ್‌ಕುಪ್ಪೆಡ್ ಟಿಬೆಟಿಯನ್ದಕ್ಲು ಉಂತುನ ಪೊರ್ತುಡು ಐಕ್ಕ್ ಬೋಡಾಯಿನ ಪನವು ಒಟ್ಟು ಮಲ್ತ್‌ದ್ ಮಲ್ತ್ ಬೇಲೆ ಮಲ್ತೆರ್.