ಸುಧಾ ಚಂದ್ರನ್

ಸುಧಾ ಚಂದ್ರನ್ ಭಾರತದ ಚಲನಚಿತ್ರ ಬೊಕ್ಕ ಕಿರುತೆರೆದ ನಟಿ. ಅಯಿತ ಒಟ್ಟುಗು ಮೇರ್ ಮಹಾನ್ ಭರತನಾಟ್ಯ ನೃತ್ಯ ಕಲಾವಿದೆ ಆದುಲ್ಲೆರ್ . ಸುಧಾ ಚಂದ್ರನ್ ಬೊಕ್ಕ ಆರೆನ ಪೊಪ್ಪ ,ಅಮ್ಮನ ಒಟ್ಟು ಗ್ ಮೇ 2, 1981 ಇಸವಿಡ್ ದೇವಸ್ಥಾನಕ್ ಪೋನಗ ತಮಿಳುನಾಡ್ದ ತಿರುಚಿರಾಪಲ್ಲಿದ ಕೈತಲ್ ರಸ್ತೆ ಅಪಘಾತೊಡು ಅರೆನ ಒಂಜಿ ಕಾರ್ ನ್ ತುಂಡು ಮನ್ಪೋಡಾದ್ ಬತ್ತುಂಡು. ಅಯಿಡ್ ದ್ ಬೊಕ್ಕ ಕೃತಕ ಕಾರ್ ದ ಸಹಾಯೊಡು ಸುಧಾ ಚಂದ್ರನ್ ನಡಪರೆ ಪ್ರಾರಂಭ ಮಂತುದು ಭಾರತ ನಾಟ್ಯ ಡ್ ಆರ್ ಮಂದಿನ ಸಾಧನೆಲು ಪೂರಾ ಇತಿಹಾಸೊ.

ಸುಧಾ ಚಂದ್ರನ್ ರವೀಂದ್ರನಾಥ ಟ್ಯಾಗೋರ್ ಅವರ 150ನೇ ಜನ್ಮದಿನಾಚರಣೆಯಲ್ಲಿ

ಸುಧಾ ಚಂದ್ರನ್ ಕಾಹಿನ್ ಕಿಸ್ಸಿ ರೋಜ್ ಡ್ ರಾಮೋಲಾ ಸಿಕಂದ್ , ನಾಗಿನ್ 1 ಬೊಕ್ಕ ನಾಗಿನ್ 2 ಡ್ ಯಾಮಿನಿ ಸಿಂಗ್ ರಹೇಜಾ , ದೈವಂ ತಂದ ವೀಡು ಡ್ ಚಿತ್ರಾದೇವಿ ಹಮ್ ಪಾಂಚ್ ( 2) ಟ್ ಆನಂದ ನ ಸುರುತ ಬೊಡೆದಿಯಾದ್ , ಪರ್ದೇಸ್ ಮೆ ಹೆ ಮೇರಾ ದಿಲ್ ಡ್ ಹರ್ಜೀತ್ ಖುರಾನ , ಯೆ ಹೆ ಮೊಹೋಬತೆ ಡ್ ಸುಧಾ ಶ್ರೀವಾತ್ಸವ್ ಪನ್ಪಿನ ಪಾತ್ರೊಲೆಡ್ ನಟನೆ ಮಂತ್ ಮಸ್ತ್ ಪುಗರ್ಮೆ ಗ್ ಪಾತ್ರರಾತೇರ್.

ಜನನ , ಆರಂಭಿಕೊ ಜೀವನೊ

ಸುಧಾ ಚಂದ್ರನ್ 27 ಸೆಪ್ಟೆಂಬರ್ 1965 ಆನಿ ಮುಂಬೈಡ್ ತಮಿಳು ಪಾತೆರುನ ಕುಟುಂಬಡ್ ಜನ್ಮ ತಾಳಿಯೆರ್. ಅರೆನ ಕುಟುಂಬ ತಮಿಳುನಾಡುದ ತಿರುಚಿರಪಳ್ಳಿಯ ವಯಾಲೂರ್‌ ದಕುಲು, ಆಂಡಾ ಆರ್ ಪುಟ್ಟುದ್ , ಬುಲೆದಿನಿ ಪೂರಾ ಮುಂಬೈ ಡೇ. ಮೆರೆನ ಪೊಪ್ಪ ಕೆ.ಡಿ.ಚಂದ್ರನ್, ಯುಎಸ್ಎ ಡ್ ಬೇನೊಂದು ಇತ್ತೆರ್ ಬೊಕ್ಕ ಆರ್ ಮಾಜಿ ನಟೆಲ ಆದು ಇತ್ತೆರ್.

ಸುಧಾ ಚಂದ್ರನ್ ಬಿ.ಎ. ಪದವಿನ್ ಮುಂಬೈದ ಮಿಥಿಬಾಯ್ ಕಾಲೇಜುಡ್ದ್ ಬೊಕ್ಕ ಎಂ.ಎ ಪದವಿನ್ ಅವ್ವೇ ಕಾಲೇಜುಡು ಪೂರ್ತಿ ಮಂತೆರ್.

ಅಪಘಾತದೊ ಸಂದರ್ಭ

ಸುಧಾ ಚಂದ್ರನ್ ರೆಗ್ 1981 ತ ಮೇ 2 ದಿನ ಕರಾಳ ದಿನ ಪಂಡಲಾ ತಪ್ಪು ಆವಂದ್. ಆ ದಿನ ಆರ್ ಬೊಕ್ಕ ಅರೆನ ಪೊಪ್ಪ, ಅಮ್ಮ ದೇವಸ್ಥಾನಗ್ ಪೋವೊಂದು ಉಪ್ಪುನಗ ಮಧ್ಯ ರಾತ್ರಿ ಆರ್ ಪ್ರಯಾಣ ಮಂತೊಂದು ಇತ್ತೀನ ಬಸ್ ಗು ಭೀಕರವಾಯಿನ ಅಪಘಾತ ಆಂಡ್ . ಸುಧಾ ಚಂದ್ರನ್ ಚಾಲಕೆರ್ನ ಪಿರಾವುದಾ ಸೀಟ್ ಡ್ ಕಾರ್ ನ್ ಎದುರು ಬುಡುದು ಕುಲ್ಲುದಿತ್ತೇರ್. ಅಂಚಾ ಅರೆನ ಕಾರ್ ಸೀಟುದ ಮಧ್ಯ ತಿಕ್ಕೊಂಡು. ಬಸ್ ಟ್ ಇತ್ತಿನ ಮಸ್ತ್ ಜನೊಕ್ ಗಾಯ ಆದು ಇತ್ತುಂಡು. ಅಪಘಾತ ಆಯಿನ ಜಾಗದಲ್ಪ ದಕುಲು ಆರೆನ್ ಕೈತಲ್ ದ ಆಸ್ಪತ್ರೆಗ್ ದಾಖಲೆ ಮಂತೆರ್ . ಅರೆನ ಬಲತ ಕಾರ್ ಗ್ ಮಸ್ತ್ ಗಾಯ ಆದಿತ್ತುಂಡು . ವೈದ್ಯೆರ್ ಆರೆಗ್ ಪ್ರಥಮ ಚಿಕಿತ್ಸೆನ್ ಕೊರಿಯೆರ್ . ಆಂಡಾ ಕೆಲವು ದಿನೊಲು ಕರಿಬೊಕ್ಕ ಆರೆನ ಕಾರ್ ಗ್ಯಾಂಗ್ರೀನ್ ಆತುಂಡು ಪಂದ್ ಗೊತ್ತಾಂಡು . ಕೂಡ್ಲೇ ಕಾರ್ ನ್ ತುಂಡು ಮನ್ಪುನು ಸೂಕ್ತ ಇಜ್ಜಿಂಡಾ ಪ್ರಾಣಕ್ ಅಪಾಯ ಪಂದ್ ವೈದ್ಯೆರ್ ಸಲಹೆ ಕೊರಿಯರ್. ಸಲಹೆದ ಲೆಕ್ಕನೇ ಆರೆನ ಕಾರ್ ನ್ ತುಂಡು ಮಂತೇರ್. ಬೊಕ್ಕ ಕ್ರಮೇಣ ಕಾರ್ ದ ಬದಲಾಗ್ ಮರತ ಕಾರ್ ನ್ ಜೋಡಣೆ ಮಂತೆರ್. ಸುರು ಸುರು ಗ್ ಅರೆಗ್ ಮಸ್ತ್ ಬೇಜಾರಾದ್ ಬುಲ್ತೊಂದು ಇತ್ತೆರ್. ಕ್ರಮೇಣ ಆರೆಗ್ ಅವು ಅಭ್ಯಾಸ ಆದ್ ಪೋಂಡು.ದಿನ ನಿತ್ಯ ಅರೆನ ಜೀವನೊನು ಮರತ ಕಾರ್ ದೊಟ್ಟೇ ಕಳೆಯೊಂದು ಇತ್ತೆರ್ ದಿನ ಕಳೆಯೊಂದು ಪೋಯಿಲೆಕ್ಕನೇ ಅರೆನ ಆತ್ಮವಿಶ್ವಾಸಲ ಬೆಳೆಯೊಂದು ಪೊಂಡು. ದುಂಬಗ್ ಉನ್ನತ ಶಿಕ್ಷಣಡ್ ಆಸಕ್ತಿ ವಹಿಸಾದ್ ಅವೆನ್ ಕಲ್ಪರೆ ಶುರು ಮಂತೆರ್ . ಅರೆನ ಪೊಪ್ಪ ಸಂಪೂರ್ಣ ವಾದ್ ಮೆರೆಗ್ ಬೆಂಬಲವಾದ್ ಇತ್ತೆರ್. ಒರ ವೀಲ್ ಚೇರ್ ನ್ ಉಪಯೋಗ ಮನ್ಪರೆ ಸೂಚನೆ ಕೊರ್ನಗ, ಸುಧಾ ಚಂದ್ರನ್ ಅವೆನ್ ಅದಗನೇ ನಿರಾಕರಣೆ ಮಂತೆರ್. ಮರತ ಕಾರ್ ಡೇ ನಡಪರೆ ಪ್ರಾರಂಭ ಮಂತೆರ್. 6 ತಿಂಗಳೊ ಆಯಿನ ಬೊಕ್ಕ ಸುಧಾ ಚಂದ್ರನ್ ಒಂಜಿ ಮ್ಯಾಗಜಿನ್ ಓದೊಂದು ಉಪ್ಪುನಗ ಡಾಕ್ಟರ್ ಸೆತ್ತಿ ಜೈಪುರ ಅರೆನ ಕೃತಕ ಕಾರ್ ದ ಬಗ್ಗೆ ವಿಶಯ ತಿಕ್ಕು೦ಡ್. ಈ ವಿಶಯ ಸುಧಾ ಚಂದ್ರನ್ ಅರೆನ ಕತ್ತಾಲಾದ್ ಇತ್ತಿನ ಕಲಾ ಲೋಕೊಗ್ ಆಶೆದ ಬೆಳಕು ಬತ್ತಿ ಲೆಕ್ಕಾಂಡ್ .

ಶಿಕ್ಷಣ

ಸುಧಾ ಚಂದ್ರನ್ ಮಿಥಿಬಾಯ್ ಕಾಲೇಜ್ ಮುಂಬೈಡ್ ಬಿ.ಎ ಬೊಕ್ಕ ಎಮ್.ಎ ಪದವಿನ್ ಪಡೆದೆರ್.

ವೃತ್ತಿಜೀವನ

ರವೀಂದ್ರನಾಥ್ ಟ್ಯಾಗೋರ್ , ಅರೆನ 150 ನೇ ಜಯಂತಿದ ಅಪಗ ಸುಧಾ ಚಂದ್ರನ್, ಮಯೂರಿ ಪನ್ಪಿನ ತೆಲುಗು ಚಲನಚಿತ್ರೊಡುದು ತನ್ನ ವೃತ್ತಿಜೀವನಕ್ ಪಾದಾರ್ಪಣೆ ಮಂತೆರ್. ಈ ಚಲನಚಿತ್ರೊ ತಮಿಳು , ಮಲೆಯಾಳಂ ಬೊಕ್ಕ ಹಿಂದಿಡ್ ನಾಚೆ ಮಯೂರಿ ಪುದರ್ ಡ್ ಡಬ್ ಮಂತೆರ್ . ಈ ಚಿತ್ರೊಡು ಅಭಿನಯ ಮಂತಿನ ಸುಧಾ ಚಂದ್ರನ್ ಗ್ 1986 ಡ್ ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿದ ಅಡಿಟ್ ವಿಶೇಷವಾಯಿನ ಜ್ಯೂರಿ ಪ್ರಶಸ್ತಿನ್ ಕೊರುದು ಸನ್ಮಾನ ಮಂತೆರ್ .

ಪ್ರಶಸ್ತಿಲು

• ನ್ಯಾಷನಲ್ ಫಿಲ್ಮ್ ಅವಾರ್ಡ್ / ಜ್ಯೂರಿ ಪ್ರಶಸ್ತಿ - 1986. [೪೪]
• ಸ್ಟಾರ್ ಪರಿವಾರ್ ಅವಾರ್ಡ್ಸ್ - 2004. [೪೫]
• ಇಂಡಿಯನ್ ಟೆಲಿವಿಷನ್ ಅಕಾಡೆಮಿ ಅವಾರ್ಡ್ ಫಾರ್ ಬೆಸ್ಟ್ ಆಕ್ಟ್ರೆಸ್ ಇನ್ ನೆಗೆಟಿವ್ ರೋಲ್ -2005.
• ಏಷಿಯನೆಟ್ ಟೆಲಿವಿಷನ್ ಅವಾರ್ಡ್ಸ್ - 2013.[೪೬]
• ವಿಜಯ್ ಟೆಲಿವಿಷನ್ ಅವಾರ್ಡ್ - 2014.[೪೭]
• ವಿಜಯ್ ಟೆಲಿವಿಷನ್ ಅವಾರ್ಡ್(ಬೆಸ್ಟ್ ಮಾಮಿ) - 2015.
• ಕಲರ್ಸ್ ಗೋಲ್ಡನ್ ಪೆಟಲ್ ಅವಾರ್ಡ್ಸ್ - 2016.[೪೮]
• ಕಲರ್ಸ್ ಗೋಲ್ಡನ್ ಪೆಟಲ್ ಅವಾರ್ಡ್ಸ್(ಬೆಸ್ಟ್ ಕಾಮಿಕ್ ರೋಲ್) - 2017 .[೪೯]

ಸುಧಾ ಚಂದ್ರನ ರೆನ ಜೀವನೊದ ಕಥೆಡ್ದ್ ನಮ ಸಮರ್ಥತೆ, ದೃಢತೆ ಬೊಕ್ಕ ಎದುರಾಳಿಡ್ ದಾಲಾ ಅಡೆ ತಡೆಲು ಬತ್ತುಂಡಲ , ಅಯಿಡ್ ದ್ ಪೂರಾ ಜಯಿಸುನ ಶಕ್ತಿನ್ ಕಲ್ಪೊಲಿ ಪಂದ್ ತೆರಿಯುಂಡು. ಒಂಜಿ ಕಾರ್ ಕಳೆದ್ ಪೊಂಡಲಾ, ಅರೆನ ಕನಸುಲೆನ್ ಬುಡಂದೆ , ಧೃಡ ವಿಶ್ವಾಸೊಡ್, ಅರೆನ ಇಷ್ಟದ ಕಾರ್ಯಕ್ಷೇತ್ರೊಡು ಯಶಸ್ವಿ ಆಯೆರ್. ಅಂಚಾದ್ ಸುಧಾ ಚಂದ್ರನ್ ಅರೆನ ಕಥೆ ಕಠೋರತೆದ ಎದುರು ಧೈರ್ಯ ಬೊಕ್ಕ ನಿರ್ಣಯದ ಮಹತ್ವನ್ ಮುಖ್ಯವಾದ್ ದೆರುತ್ ತೋಜಾವುಂಡು.