ಹಳೆಯಂಗಡಿ

ಹಳೆಯಂಗಡಿ ಪಂಡ ಒಂಜಿ ಊರುದ ಪುದರ್. ಕುಡ್ಲರ್ದ್ ಉಡುಪಿಗ್ ಪೋಪುನ ರಾಷ್ಟ್ರೀಯ ಹೆದ್ದಾರಿಡೆ ಪೊಂಡ ೨೪ ಕಿ.ಮೀ. ದೂರೊಡು ಉಪ್ಪುನಂಚಿನ ಒಂಜಿ ಎಲ್ಯ ಪೇಂಟೆ.

ಊರುದ ಪುದರ್

ದುಂಬು ಈ ಜಾಗೆಡ್ ಒಂಜಿ ಅಂಗಡಿ ಇತ್ತ್ಂಡ್‌ಗೆ. ಈ ಅಂಗಡಿ ಬಾರಿ ಪಿರಾಕ್‌ರ್ದ್ ಇತ್ತಿನೆಡ್ದ್ ಐಕ್ ಪರ ಅಂಗಡಿ ಪಂಡ್‌ದ್ ಲೆತ್ತೊಂದು ಇತ್ತೆರ್. ಐಡ್ದ್ ಬೊಕ್ಕ ಕನ್ನಡದ ಪ್ರಾಬಲ್ಯ ಜಾಸ್ತಿ ಆಯಿನ ಪೊರ್ತುಡು ಅವು ಪರ ಅಂಗಡಿಪೋದ್ ಹಳೆ ಅಂಗಡಿ ಆದ್ ಜನಕುಲೆನ ಬಾಯಿಡ್ ಹಳೆಯಂಗಡಿ ಅಂಡ್.

ಊರುದ ಮಹತ್ವ

ಈ ಜಾಗೆ ಸುರತ್ಕಲ್ ಪೇಂಟೆ ಕರಿಬೊಕ್ಕ ಮುಕ್ಕ ಪನ್ಪುನ ಜಾಗೆ ತಿಕ್ಕುಂಡು ಆಯಿರ್ದ್ ಬೊಕ್ಕ ಹಳೆಯಂಗಡಿ ತಿಕ್ಕುಂಡು. ಹಳೆಯಂಗಡಿ ಪೇಂಟೆರ್ದ್ ಬಲತ್ತ್‌ಗ್ ತಿರ್ಗ್ಂಡ ಪಕ್ಷಿಕೆರೆ ತೋಕೂರು ಅವೊಂದು ಎಸ್‌ಕೋಡಿಗ್ ಬತ್ತ್‌ದ್ ಸೇರುಂಡು. ಎಸ್‌ಕೋಡಿರ್ದ್ ಬಲತ್ತ್‌ಗ್ ತಿರ್ಗ್ಂಡ ಕಿನ್ನಿಗೋಳಿಗ್‍ಲಾ ಎಡತ್ತ್‌ಗ್ ತಿರ್ಗ್ಂಡ ಮುಲ್ಕಿಗ್‌ಲಾ ಪೋವೊಲಿ. ಹಳೆಯಂಗಡಿ ಪೇಂಟೆರ್ದ್ ಎಡತ್ತ್‌ಗ್ ತಿರ್ಗ್ಂಡ ಸಸಿಹಿತ್ಲ್ ಗ್ ಪೋಯೆರೆ ಅಪುಂಡು.

ಹಳೆಯಂಗಡಿಡ್ ಉಪ್ಪುನ ಧಾರ್ಮಿಕ ಕ್ಷೇತ್ರೊಲು

1. ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನ, ಪಾವಂಜೆ.
2. ಶ್ರೀ ಜ್ನಾನಶಕ್ತಿ ಸುಬ್ರಹ್ಮಣ್ಯ ದೇವಸ್ಥಾನ, ಪಾವಂಜೆ.
3. ಶ್ರೀ ಸುಬ್ರಹ್ಮಣ್ಯ ಸ್ವಾಮಿ ದೇವಸ್ಥಾನ, ತೋಕೂರು.
4. ಶ್ರೀ ಉಮಾಮಹೇಶ್ವರ ದೇವಸ್ಥಾನ, ಹೊಯ್ಗೆಗುಡ್ಡೆ, ಪಡುಪಣಂಬೂರು.
5. ಅಮ್ಮನ್ನ್ ಮೆಮೋರಿಯಲ್ ದೇವಾಲಯ
6. ಭಗವತಿ ಕ್ಷೇತ್ರ, ಸಸಿಹಿತ್ಲು

ಹಳೆಯಂಗಡಿಡ್ ಉಪ್ಪುನಂಚಿನ ಶಿಕ್ಷಣ ಸಂಸ್ಥೆಲು

1. ಯು.ಬಿ.ಎಮ್.ಸಿ. ಹಿರಿಯ ಪ್ರಾಥಮಿಕ ಶಾಲೆ
2. ಸಿ.ಎಸ್.ಐ ಆಂಗ್ಲ ಮಾದ್ಯಮ ಶಾಲೆ
3. ಸರಕಾರಿ ಪದವಿ ಪೂರ್ವ ಕಾಲೇಜು
4. ಸರಕಾರಿ ಪ್ರಥಮ ದರ್ಜೆ ಕಾಲೇಜ್

ಊರುದ ವಿಸೇಸೊ

1. ಅರಸುಲೆ ಕಂಬುಲ
2. ವಿದ್ಯಾವಿನಾಯಕ ಯುವಕ ಮಂಡಲ