ಅಜ್ಜಿ ಗೊಬ್ಬು

ಅಜ್ಜಿ ಗೊಬ್ಬು
ಸಕ್ರೀಯ ವರ್ಸೊ	ಪಿರಾಕ್‍ದ ಗೊಬ್ಬು
ಗೊಬ್ಬುನಕುಲು	ಏತ್ ಜನಲಾ ಗೊಬ್ಬೊಲಿ
ಸ್ತಾಪನೆ ಪೊರ್ತು	ಏತ್ ಗಂಟೆಲಾ ಗೊಬ್ಬೊಲಿ
ಗೊಬ್ಬುನ ಸಮಯೊ	ಏತ್ ಗಂಟೆಲಾ ಗೊಬ್ಬೊಲಿ
ಕೌಶಲ್ಯೊ	ಅಜ್ಜಿ ಗೊಬ್ಬು

'ಅಜ್ಜಿ ಗೊಬ್ಬು ತುಳುನಾಡ್ದ ಜನಪದ ಗೊಬ್ಬುಲು ಸ್ವತಂತ್ರವಾದ್ ಉಪ್ಪುನ ಗೊಬ್ಬುಲಾದಿಜ್ಜಿ ಆಯಿಟ್ ಸಮಾಜೊಗ್ ಸಂಬಂಧವಾಯಿನ, ಮದಿಮೆಗ್, ನಂಬಿಕೆಗ್ ಬೊಕ್ಕ ಕೃಷಿಕ್ ಜೊಡಿನವಾದುಪ್ಪು. ಜನಮಾನಿಡ್ ನನಲಾ ನಡತೊಂದುಪ್ಪುನ ಕೆಲವು ಗೊಬ್ಬುಲು ತುಳು ಪಾಡ್ದನಡ್ ಕೇನ್ಂದಿನವು. ತುಳುನಾಡ್ದ್ ಗೊಬ್ಬುಲು

ಜನಪದ ಗೊಬ್ಬುಲು

ಪಾಡ್ದನಡ್ ಬರ್ಪುನ ಕೆಲವು ಗೊಬ್ಬುಲು

ತಾರಾಯಿದ ತಪ್ಪಂಗಾಯಿ
ಬಜ್ಜೆಯಿದ ದೂದು
ಅಂಬೊಡಿ
ಸೂಟೆದಾರೆ
ಡೊಂಬೆರೆ ಆಟ
ಸೂಳೆಲೆ ಮೇಳ
ಚೆನ್ನೆಮಣೆ
ಚದ್ರಂಗ್
ಚೆಂಡ್
ಕಳೆಂಜಿಕಾಯಿ
ಯೆತ್ತ್‌ಪಿಚ್ಚಿ
ಪಲ್ಲೆದ ಗೊಬ್ಬು

ಗೊಬ್ಬುಡಿಪ್ಪುನ ಪಾತ್ರೊಲು

ಅಜ್ಜಿ
ಬಾಕಿದ ಗೊಬ್ಬುನಕುಲು

ಗೊಬ್ಬರೆ ಬೋಡಾಯಿನ ಸಾಮಾನುಲು

ಈ ಗೊಬ್ಬುಡು ವೊವ್ವೇ ರೀತಿದ ವಸ್ತುಲೆದ ಅಗತ್ಯ ಇಜ್ಜಿ

ಗೊಬ್ಬುದ ರೀತಿ

ಮೂಜಿ ಜನ ಈ ಗೊಬ್ಬುನು ಗೊಬ್ಬೊಲಿ. ಆಣ್ ಆವಡ್ ಪೊಣ್ಣ್ ಆವಡ್ ಏರಾಂಡಲಾ ಒರಿ ಅಜ್ಜಿ ಆವೊಡು. ಬಾಕಿದ ರಡ್ಡ್ ಜನ ಒಂಜಿ (ಒಂಟೆ) ಕಾರ್‌ಡ್ ನಲಿಪೊಡು. ಅಜ್ಜಿ ಕೈ ತಾಟಿ ಬೊಟ್ಟುನಾಗ ಅಯಿಕ್ ಸರಿಯಾದ್ ಪಜ್ಜೆ ಪಾಡೊಡು. ಒಂಜಿ ಕಾರ್‌ಡ್ ಬಲಿಪು ನಕ್ಲ್‌ನೆಟ್ಟ್ ಒರಿ ಬಲಿಪೆರೆ, ಒರಿ ಗಿಡಪ್ಯೆರೆ. ಅಜ್ಜಿನ ಕೈ ತಾಟಿಗ್ ಒಂಜಿ ಕಾರ್‌ಡ್ ಬಲಿಪುನಕುಲು ಬಾಯಿಡ್ ಅಂಬೋ ಅಂಬೋ ನಾಯಿಮಿರೆ ಪನೊಂದೆ ಉಪ್ಪೊಡು. ತಾಳದ ರಡ್ಡ್ ಪೆಟ್ಟ್‌ಗ್ ರಡ್ಡ್ ಪಜ್ಜೆ ಪಾಡೊಂದು ಬಲಿತೊಂದು ಉಪ್ಪೊಡು. ತಾಳ ತಟ್ಟ್ಂಡ, ಕಾರ್ ನೆಲಕ್ರೂರ್೦ಡ ಗಿಡಪುನಯೆ ಸೋತೆ ಪಂಡ್‌ದ್ ಅರ್ಥ. ಇಂಚಗೊಬ್ಬು ದುಂಬು ಪೋಪುಂಡು. ಗಿಡಪುನಯೆ ಪನ್ಪುನ ಈ ಪಾತೆರಾ ಅಂಬೊ ಪುದರ್‌ದ ಬಾಲೆ ತತ್ತ್‌ದ್ ನಾಯಿದ ಮಿರೆ ಪೇರ್ ಪರ್‌ದುಪ್ಪು, ಅಂಚ ಅವು ಬಾಯಿರ್ದ್ ಬಾಯಿಗ್ ಬತ್ತ್‌ದ್ ಗೊಬ್ಬುದ ಲೆಕ ಆದುಪ್ಪು. ಉಂದು ಒಂಜಿ ಜಾನಪದ ಗೊಬ್ಬು.

ಉಲ್ಲೇಕೊಲು

ತುಳು ಬದುಕು, ಅಮೃತ ಸೋಮೇಶ್ವರ, ಪ್ರಕೃತಿ ಪ್ರಕಾಶನ, ಕೋಟೆಕಾರು, ದ.ಕ., ಪುಟ ಸಂಖ್ಯೆ ೬೮