ಆಟಿ ಅಮವಾಸ್ಯೆದ ತೀರ್ಥ ಸ್ನಾನ

ಆಟಿ ಅಮವಾಸ್ಯೆದ ತೀರ್ಥ ಸ್ನಾನ

ಆಟಿದ ಅಮಾವಾಸ್ಯೆ ಅಥಾವೋ ಆಟಿ ಅಮಾಸೆ ತುಳುನಾಡುದ ಆಟಿ ತಿಂಗಳೊಡು ಆಚರಣೆ ಮನ್ಪುನ ಒಂಜಿ ಪರ್ಬ. ಈ ಅಮಾವಾಸ್ಯೆನ್ ಆಷಾಡ ಅಮಾಸೆ ಅಥಾವೋ ಭೀಮೊನ ಅಮಾವಾಸ್ಯೆ ಪಂದ್ ಲ ಲೆಪ್ಪುವೆರ್. ಆಟಿ ತಿಂಗಳೊಡು ಬರ್ಪಿನ ಈ ಅಮಾವಾಸ್ಯೆ ತುಳು ಜನಕುಲೆಗ ವಿಶೇಷವಾಯಿನ ದಿನ ಬೊಕ್ಕ ಉಂದು ದುಂಬುಡ್ದು ಲಾ ಆಚರಣೆ ಮಂತು ಬರೊಂದಿತ್ತಿನ ಒಂಜಿ ಪರ್ಬ ಆದುಂಡು.

ತೀರ್ಥ ಸ್ನಾನ

ಆಟಿದ ಅಮಾವಾಸ್ಯೆದಾನಿ ಕರಾವಳಿದ ಬೇತೆ ಬೇತೆ ಶಿವ ಕ್ಷೇತ್ರೊಲೆಡ್ ಆಟಿದಾನಿ ತೀರ್ಥ ಸ್ನಾನ ದ ಸಂಭ್ರಮ ಜರಗುಂಡು. ಆಯಿಟುಲಾ ಐತಿಹಾಸಿಕ ಹಿನ್ನೆಲೆ ಉಪ್ಪುನ ಮಹತೋಭಾರ ಕಾರಿಂಜ ಶ್ರೀಕಾರಿಂಜೇಶ್ವರ ದೇವಸ್ಥಾನ ಬೊಕ್ಕ ನರಹರಿ ಪರ್ವತ ಶ್ರೀ ಸದಾಶಿವ ದೇವಸ್ಥಾನೊಡು ನಡಪುನ ತೀರ್ಥಸ್ನಾನ ಭಾರೀ ವಿಶೇಷ ಸ್ಥಾನ ಪಡೆದುಂಡು. ಆಟಿದ ಅಮಾವಾಸ್ಯೆದಾನಿ ತುಳುನಾಡುದ ಜನಕುಲು ಪುಲ್ಯನೆ ಕಾಂಡೆ ಬೇಗ ಲಕ್ಕುದು , ಪಾಲೆದ ಮರತ್ತ ಕೆತ್ತೆ ಕಂತುದು, ಕಶಾಯ ಮಂತು, ಮೀದು, ಕಶಾಯಾ ಪರ್ದು. ಈಶ್ವರ ದೇವೆರ್ ನ ದೇವಾಸ್ಥಾನೊಗು ಪೋದು ತೀರ್ಥಸ್ನಾನ ಮನ್ಪುವೆರ್.

ಈಶ್ವರ ದೇವೆರ್ ನ ದೇವಾಸ್ಥಾನೊ

ಕಾರಿಂಜ ಶ್ರೀಕಾರಿಂಜೇಶ್ವರ ದೇವಸ್ಥಾನ ಬೊಕ್ಕ ಶ್ರೀನರಹರಿ ಪರ್ವತ ಶ್ರೀ ಸದಾಶಿವ ದೇವಸ್ಥಾನೊಡು ಉಪ್ಪುನ ತೀರ್ಥದ ಉಗ್ಗೆಲುಡು ಮಾತಾ ದಿಕ್ಕುದ ತುಳುಜನಕುಲು ತೀರ್ಥ ಸ್ನಾನ ಮನ್ಪರೆ ಬರ್ಪೆರ್.

ತೀರ್ಥ ಸ್ನಾನೊದ ‌ಫಲೊ

ತೀರ್ಥ ಸ್ನಾನ ಮಂತುಂಡಾ ಸಕಲ ಇಷ್ಟಾರ್ಥೊಲುಲಾ ಸಲೀಸಾದು ನೆರವೇರುಂಡು ಪನ್ಪಿನ ಪ್ರತೀತಿ ಉಂಡು.ಪಾಪ ಪರಿಹಾರಕ್ಕಾಗದ್ ಮುಲ್ಪಾದ ಉಗ್ಗೆಲುಡುಲು ಮಹಾಭಾರತೊದ ಪಾಂಡವರ್ ಲ ಮೀದು ಅಕಲೆಗ ಅಂಟುದಿನ ಪಾಪನ್ ಪರಿಹಾರ ಮಂದೆರ್ ಪಂದ್ ಐತಿಹ್ಯಲುಂಡು.