ಉಂಡ್ಲುಗೊ
ಉಂಡ್ಲುಗೊ ಪಂಡ ಒಂಜಿ ಬಗೆತ ತೆನಸ್ಸ್ ಉಂದೆನ್ ಜಾಸ್ತಿಯಾದ್ ಮರಿಯಲೊಡು ಅತ್ತ್ಂಡ ಆಟಿ ತಿಂಗೊಲುಡು ಮನ್ಪುವೆರ್ .ಚೌತಿದ ಬರ್ಬೊಗು ಕೆಲವು ಕಡೆಟ್ ಉಂಡ್ಲುಗೊ ಭಾರಿ ವಿಷೇಶ ತೆನಸ್ಸ್ ಗಣಪತಿಗ್ ಉಂಡ್ಲುಗ ಬಳಸುನ ಕ್ರಮಲ ಉಂಡು .ಉಂಡ್ಲುಗೊಟು ಬೇತೆ ಬೇತೆ ಬಗೆ ಉಂಡು ಅರಿತ[೧] ಉಂಡ್ಲುಗೊ,ಉಪ್ಪಡಚ್ಚಿಲ್ದ ಉಂಡ್ಲುಗೊ [೨]
ಬೋಡಾಯಿನ ವಸ್ತುಲು
ಸಂಪೊಲಿಪುಲೆಬೊಳಂತೆ ಅರಿ,ತಾರಾಯಿದ ಪಿರೆ,ಜೀರಿಗೆ,ಉಪ್ಪಡಚ್ಚಿಲ್,ಉಪ್ಪು,ಎಣ್ಣೆ
ಅರಿತ ಉಂಡ್ಲುಗೊ
ಸಂಪೊಲಿಪುಲೆಅರಿನ್ ದೆಕ್ಕ್‌ದ್ ಮೂಜಿ ನಾಲ್ ಗಂಟೆ ಬೊದ್‌ಲೆರೆ ಬುಡೊಡು.ಬೊದುಲ್ನೆಡ್ದ್ ಬೊಕ್ಕ ನೀರ್ ಅರಿತ್‌ದ್ ತಾರಾಯಿದ ಪಿರೆ ಸೇರಾದ್ ಉಪ್ಪು ಪಾಡ್ದ್ ಗಟ್ಟಿದೆ ಕಡೆಪಿಕಲ್ಲ್‌ಡ್ ಎಡ್ಡೆ ಸಣ್ಣ ಕಡೆವೊಡು .ಅವೆಡ್ದ್ ಬೊಕ್ಕ ದಿಕ್ಕೆಲ್‌ಡ್ ಬಣಲೆ ದೀದ್ ಎಣ್ಣೆ ಪಾಡೊದು ಎಣ್ಣೆ ಎಡ್ಡೆ ಕಾಯಿ ಬೊಕ್ಕ ಕಡೆದ್ ದೀನ ಬಂದೊನು ಎಲ್ಯ ಎಲ್ಯ ಉಂಡೆ ಮಲ್ತ್‌ದ್ ಕಾಯಿನ ಎಣ್ಣೆಗ್ ಪಾಡೊಡು. ಉಂಡ್ಲುಕೊ ಎಡ್ಡೆ ಕಾಯಿನೆಡ್ದ್ ಬೊಕ್ಕ ಅರಿತ್‌ದ್ ದೆಪ್ಪೊಡು[೩]
ಉಪ್ಪಡಚ್ಚಿಲ್ದ ಉಂಡ್ಲುಗೊ
ಸಂಪೊಲಿಪುಲೆಅರಿನ್ ದೆಕ್ಕ್‌ದ್ ಮೂಜಿ ನಾಲ್ ಗಂಟೆ ಬೊದ್‌ಲೆರೆ ಬುಡೊಡು ಅಂಚನೆ ಉಪ್ಪಡ್ ಪಚ್ಚಿಲ್‌ನ್ ದೆತ್ತ್‌ದ್ ಮೂಜಿ ನಾಲ್ ಗಂಟೆ ನೀರ್‌ಡ್ ಪಾಡ್ದ್ ದೀವೊಡು ಅವೆತ ಉಪ್ಪು ಮಾತ ಪೋಯಿ ಬೊಕ್ಕ ಸಣ್ಣ ತಿಗ್‌ರೊಡು ಅವೆಡ್ಡ್ ಬೊಕ್ಕ ಬೊದ್‌ಲ್ನ ಅರಿತ ನೀರ್ ಅರಿತ್‌ದ್ ತಾರಾಯಿದ ಪಿರೆ ಸೇರಾದ್ ತಿಗ್‌ರ್ದ್ ದೀನ ಉಪ್ಪಡಚ್ಚಿಲ್ ಸೇರಾವೊಂದು ಉಪ್ಪು ಪಾಡ್ದ್ ಗಟ್ಟಿಡೆ ಕಡೆಪಿಕಲ್ಲ್‌ಡ್ ಎಡ್ಡೆ ಸಣ್ಣ ಕಡೆವೊಡು .ಅವೆಡ್ದ್ ಬೊಕ್ಕ ದಿಕ್ಕೆಲ್‌ಡ್ ಬಣಲೆ ದೀದ್ ಎಣ್ಣೆ ಪಾಡೊದು ಎಣ್ಣೆ ಎಡ್ಡೆ ಕಾಯಿ ಬೊಕ್ಕ ಕಡೆದ್ ದೀನ ಬಂದೊನು ಎಲ್ಯ ಎಲ್ಯ ಉಂಡೆ ಮಲ್ತ್‌ದ್ ಕಾಯಿನ ಎಣ್ಣೆಗ್ ಪಾಡೊಡು. ಉಂಡ್ಲುಕೊ ಎಡ್ಡೆ ಕಾಯಿನೆಡ್ದ್ ಬೊಕ್ಕ ಅರಿತ್‌ದ್ ದೆಪ್ಪೊಡು