ಉಪ್ಪಡಚ್ಚಿಲ್
ಉಪ್ಪಡಚ್ಚಿಲ್ ಪಂಡ ಕಾಯಿ ಪೆಲಕಾಯಿ ದ ಪಚ್ಚಿಲ್ ನ್ ಉಪ್ಪುಡು ಮೊರೆಕಾದ್ ಭರಣಿಡ್ ಪಾಡ್ದ್ ದೀಪುನು.ಇಜ್ಜಂಡ ಮಣ್ಣ್ ದ ಮಂಡೆಡ್ ಪಾಡ್ದ್ ದೀಪುನೆಕ್ ಉಪ್ಪಡಚ್ಚಿಲ್ ಪನ್ಪೆರ್. ಮರಿಯಲದ ತೆನಸ್ ಗ್ ಉಪಯೋಗಿಸಯೆರೆ ಪಚ್ಚಿಲ್ ಹಾಳಾವಂದಿಲೆಕ ಉಪ್ಪುಡು ಪಾಡ್ದ್ ದೀವೊಂದಿತ್ತೆರ್. ಪೆಲಕಾಯಿದಪೆಲಕಾಯಿ ಪಚ್ಚಿಲ್ ದೆತ್ದ್ ಐತ ಪೆಲತರಿ, ಕನ್ನಿ ಪಚ್ಚಿಲ್, ಕಾವು, ಪುರ ದೆತ್ದ್ ಅಜಾತ್ದ್ ಉಪ್ಪುಡು ಪಾಡ್ದ್ ದೀವೊಂದಿತ್ತೆರ್.
ಉಪ್ಪಡ್ ಪಚ್ಚಿಲ್ ತಯಾರ್ ಮಲ್ಪುನೆ
ಸಂಪೊಲಿಪುಲೆ- ಕಾಯಿ ಪೆಲಕಾಯಿನ್ ತಜತ್ತ್‌ದ್, ಅಯಿತ ಗಡಿತ ರೆಚ್ಚೆಡ್ದ್ ಪಚ್ಚಿಲ್ ಬೇತೆ, ಪೆಲತ್ತರಿ ಬೇತೆ, ಬೇತೆ ಮಾಲ್ಪುವೆರ್. #ಬೇತೆ ಮಲ್ತ್‌ನ ಪಚ್ಚಿಲ್‍ನ ಮಲ್ಲ ಮಣ್ಣ್‌ದ ಮಂಡೆಗ್ ಪಾಡುವೆರ್.
- ಮಂಡೆದ ಉಲಾಯಿ ಸುರೂಕ್ ಷಜ್ಜಿ ಮಲ್ತ್‌ನ ಪಚ್ಚಿಲ್, ಅಯಿತ ಮೇಲ್‍ಗ್ ತಾರೆದ ಚೆಪ್ಪರಿಂಗೆ, ಕೂಡ ಪಚ್ಚಿಲ್, ಕೂಡ ಚೆಪ್ಪರಿಂಗೆ ಇಂಚ ಮೇಲ್‌ಮೇಲ್ ಅಟ್ಟಿ ಪಾಡುವೆರ್. ಆ ಅಟ್ಟಿದ ಮೇಲ್‍ಗ್ ಉಪ್ಪು ಪಾಡುವೆರ್.
- ಪಚ್ಚಿಲ್, ಚೆಪ್ಪರಿಂಗೆ, ಉಪ್ಪು ಅಟ್ಟಿ ಪಾಡ್‍ನ ಮಂಡೆನ್ ಬಾಯಿ ಗಡಿಪ್ಪ ಮುಚ್ಚುವೆರ್. ಹೆಚ್ಚಾದ್ ಕುಂಟುಡು ಬಾಯಿ ಕಟ್ಟುವೆರ್. ಇಂಚ ಕಟ್ಟುನೆ ದಾಯೆ ಪಂಡ ಇಂದೆಕ್ಕ್ ಉಮಿಲಿ ಬರಂದಿಲೆಕೊ, ಪುರಿ ಆವಂದಿ ಲೆಕೊ ತೂವೊನುವೆರ್.
ಉಪ್ಪಡ್ ಪಚ್ಚಿಲ್‍ದ ಉಪಯೋಗೊ
ಸಂಪೊಲಿಪುಲೆ
ಕಜಿಪು
ಸಂಪೊಲಿಪುಲೆ- ಮರಿಯಾಲೊಡು ಏನೆಲ್‍ದ ಬೆನ್ನಿದಪಗಬೆನ್ನಿ, ನೇಚಿದಪಗನೇಜಿ, ತೋಟೊಗು ಸಪ್ಪು ಕಡ್ಪುನಗ ಉಪ್ಪಡ್ ಪಚ್ಚಿಲ್‍ನ್ ದೆತ್ತ್‌ದ್ ಕಜಿಪುಕಜಿಪು ಮಲ್ಪೆದೆರ್. ಆ ಸಮಯೊಡು ದುಂಬುದ ಕಾಲೊಡು ಬೇತೆ ತರಕಾರಿ ಇಪ್ಪೆದ್‍ಜಿ.ಆಟಿ ತಿಂಗೊಲುಡ್ ಮಾತಾ ಬಾರಿ ಕಷ್ಟ. ಅಪಗ ಪುರ ಈ ಉಪ್ಪಡಚ್ಚಿಲ್ ಕಜಿಪು, ಆಜಾವುನೆ,[೧] ಉಪ್ಪುಕರಿ, ಇಂಚ ಪುರ ಬೇತೆ ಬೇತೆ ಬಗೆತ ತೆನಸ್ ಗ್ಲೆನ್ ಮಲ್ತೊಂದಿತ್ತೆರ್.