ಓಡುಪಾಳೆ

ಓಡುಪಾಳೆ , ಉಂದು ತುಳುನಾಡ್‍ದ ಮಾಂತ ಇಲ್ಲಡ್ಲಾ ಮಲ್ಪಿನ ಒಂಜಿ ಬಗೆತ್ತ ಅಡ್ಯೆ. ಈ ಅಡ್ಯೆಗ್ ಓಡುಪಾಲೆ ಪಂದ್ಲಾ ಪುದರ್ ಉಂಡು. ಈ ರೊಟ್ಟಿನ್ ಮಲ್ಪರೆ ಬಂದೊನ್ ದುಂಬುನಾನಿ ರಾತ್ರೆ ಕಡೆದ್ ಬಂದ ಬರ್ರೆ ದೀವೊಡು. ಈ ಅಡ್ಯೆ ಸಾಮಾನ್ಯವಾದ್ ಓಡುದ ಕಾವಲಿಡೇ ಮಲ್ಪುವೆರ್.

ಓಡುಪಾಳೆ

ಬೇತೆ ಪುದರ್	ಕಪ್ಪರೊಟ್ಟಿ
ಬಗೆ	ರೊಟ್ಟಿ
ಮೂಲದ ಜಾಗೆ	ಭಾರತ
ಪ್ರದೇಸೊ	ಕುಡ್ಲ, ಉಡುಪಿ
ಬೊಡಾಯಿನ ಸಾಮಾನ್	ಅರಿ, ತಾರಾಯಿ

ತಯಾರ್ ಮಲ್ಪರೆ ಬೋಡಾಯ್ನ ಸಾಮಾನುಲು

• ಬೊಲಂತೆ ಅರಿ - ಮೂಜಿ ಲೋಟೆ
• ನುಪ್ಪು(ಬೊಲಂತೆ ಇಜ್ಜಾಂಡ ಉರ್ಪೆಲ್) - ಒಂಜಿ ಲೋಟೆ.
• ಉಪ್ಪು
• ತಾರಾಯಿ - ಅರ್ದ ಗಡಿ
• ಅಡಿಗೆ ಎಣ್ಣೆ
• ಬೊಂಡದ ನೀರ್ (ಬೋಡಾಂಡ ಮಾತ್ರ ಗಲಸೊಲಿ)

ಮಲ್ಪುನ ವಿದಾನೊ

ರಾತ್ರೆ ಬಂದ ಕಡೆದ್ ದೀವೊಡಾಂಡ ಮಿತ್ತ್ ಕೊರ್ತಿನ ಪ್ರಮಾಣೊದಾತ್ ಅರಿನ್ ಕಾಂಡೆನೆ ನೀರ್‍ಡ್ ನೆನೆತ್ ದ್ ದೀವೊಡು. ಅವೆರ್ದ್ ಬೊಕ್ಕ ಉಂದೆನ್ ರಾತ್ರೆ ಕಡೆವೊಡು. ಕಡೆನಗ ಜಾಸ್ತಿ ನೀರ್ ಮಯ್ಪಂದೆ ಅರ್ದ ಗಡಿ ತಾರಾಯಿ ಪಾರ್ದ್ ಸನ್ನ ಹದ ದಪ್ಪ ಕಡೆವೊಡು . ಕಡೆನಗ ಮಿತ್ತ್ ಕೊರ್ತಿನ ಪ್ರಮಾಣದಾತ್ ಅರಿ ಬುಕ್ಕ ನುಪ್ಪು ಪಾರ್ದ್ ಕಡೆದ್ ದೀವೊಡು. ಅವೆಕ್ಕೆ ಕಾಲ್ ಚಮ್ಚ ಎಣ್ಣೆ ಪಾರ್ದ್ ಕಲಪ್ಪೊಡು. (ಬೊಂಡದ ನೀರ್ ಪಾಡ್ಂಡ ನಲ್ಲ ರೊಟ್ಟಿ ಮೆತ್ತನೆ ಆಪುಂಡು , ಬೋಡಾಂಡ ಪಾಡೊಲಿ)ಬಂದೊಗ್ ರುಚಿಗ್ ಬೋಡಾಯ್ನಾತ್ ಉಪ್ಪು ಪಾರ್ದ್ ಕಾಂಡೆ ದೋಸೆ ಮಲ್ಪೊಡು. ರಾತ್ರೆನೆ ಓಡುದ ಕಾವಲಿಗ್ ಚೂರು ಎಣ್ಣೆ ಪೂಜಿದ್ ದೀವೊಡು. ಕಾವಲಿಗ್ ದಪ್ಪ ದಪ್ಪ ದೋಸೆ ಮಯ್ತ್ಂಡ ಕಪ್ಪರೊಟ್ಟಿನ್ ಕೆಂಪು ಚಟ್ನಿ ದೊಟ್ಟುಗು ತಿನೊಲಿ.

ಗಲಸುನೆ

• ಕಾಂಡೆ ಚಾತೊಟ್ಟುಗು ತಿನ್ಪುನ ತಿಂಡಿ

ಬೇತೆ ಪುದರುಲು

• ಕಪ್ಪರೊಟ್ಟಿ

ಬೇತೆ ಬಾಸೆಲೆಡ್ ಕೆರೆಂಗ್ ದ ಪೋಡಿ

• ಇಂಗ್ಲಿಷ್ - ಆಪ್ಪಂ