ಕಣಿಲೆ ಕಡ್ಲೆ

ಕಣಿಲೆ ಕಡ್ಲೆ ಪಂಡ ಕಣಿಲೆಲ ಕಡ್ಲೆಲ ಪಾಡ್ದ್ ಮಲ್ತಿನ ಕಜಿಪು. ಕಣಿಲೆ ಪಂಡ ಬೆದ್ರ್‌ದ ತೆಗ್ರ್.ಬೆದ್ರ್‌ದ ಪುಂಡೆಲ್‌ದ ಮುದೆಲ್ಡ್ ಮರಿಯಲೊಗು ದಯಿಕ್ಕುಲು ಪುಟ್ಯರೆ ಮುಂಗೆದಲೆಕ್ಕ ಬರ್ಪುಂಡು ಐಕ್ ಕಣಿಲೆ ಪಂಡ್ದ್ ಪನ್ಪೆರ್. (ಲತ್ತ್ ಬೆದ್‍ರ್). ಕಣಿಲೆನ್ ಕನ್ನಡೊಡು ಕಳಲೆ ಪನ್ಪೆರ್, ಇಂಗ್ಲಿಷ್‍ಡ್ Bamboo shoot , ಕನಿಲೆದ ತೆಗ್‌ರ್ ಪನ್ಪರ್. ಬೆದ್ರ್ದ ತೆಗ್‍ರ್ ಕೊಯಿದ್ ಅಟಿಲ್‍ಡ್ ಉಪಯೋಗ ಮನ್ಪುವೆರ್. ಕಣಿಲೆಡ್ ಮರ್ದ್‌ದ ಸತ್ವ ಉಪ್ಪುನೆರ್ದಾತ್ರ ಆಟಿ ತಿಂಗೊಳುಡು ಜಾಸ್ತಿಯಾದ್ ಅಟಿಲ್‍ಡ್ ಉಂದೆನ್ ಗಳಸುವೆರ್. ಬೆದ್ರ್ದ ಪುಂಡೆಲ್‍ಡ್ ಇತ್ತಿನ ಅಯಿನ ತೆಗ್‍ರ್ ಕಿನ್ಯ ಉಪ್ಪುನಗನೆ ಕೊಯ್ಯೊಡು ಜಾಸ್ತಿ ಉದ್ದ ಆನಗ ಕಣಿಲೆ ಬುಲೆದ್ ತಿನರೆಗ್ ಆಪುಜಿ. ಜಾಸ್ತಿ ಪಂಡ ಒಂಜಿ ಒಂಜರೆ ಫೀಟ್ ದಾತ್ ಉದ್ದ ಆಪುನೆಗ್ ದುಂಬೆ ಕೊಯಿಂಡ ಎಡ್ಡೆ.

ಕಣಿಲೆ ಕಡ್ಲೆ ಮಲ್ಪುನ ಕ್ರಮ

ಕಣಿಲೆ ಮಿತ್ತ್ದ ಚೋಲಿನ್ ದೆತ್ತ್ದ್ ಎಲ್ಯ ಎಲ್ಯ ತುಂಡು ತುಂಡು ಮೂರ್ದ್ ಮೂಜಿ ದಿನ ಮುಟ್ಟ ನೀರ್ಡ್ ಪಾಡ್ದ್ ದೀವೊಡು.ದಿನಾಲ ತುಂಡುನು ದೆಕ್ದ್ ಐತಾ ನೀರ್ನ್ ಬದಲ್ಪೊಡು. ಅಪಗ ಐಟ್ ಇತ್ತಿನ ಕೈಪೆ ಅಂಶ ಬುಡ್ಪುಂಡು. ಆಜಾವು ನೆರ್ದ್ ೬-೭ ಗಂಟೆರ್ದ್ ದುಂಬು ಪದೆಂಗಿ ಆತಂಡ ಕಡ್ಲೆನ್ ನೀರ್ಡ್ ಪಾಡ್ದ್ ದೀವೊಡು. ಬೊಕ ಬಾಣಲೆ ದೆತೊನ್ದ್ ಐಕ್ ಎಣ್ಣೆ ಪಾಡ್ದ್ ಉರ್ದುದ ಬೇಳೆ, ಬೆಳ್ಳುಳ್ಳಿ, ಸಾಸೆಮಿ , ಬೇವು ಸೊಪ್ಪು, ನೀರುಳ್ಳಿ ಪಾಡ್ದ್ ಒಗ್ಗರಣೆ ದೀವೊಡು.ಐಕ್ ಕಣಿಲೆ, ಕಡ್ಲೆ , ದೆಕ್ದ್ ಪಾಡ್ದ್ ಐನ್ ಅಡಿಮೆಲ್ ಮಗ್ರತ್ದ್,ಚೂರು ನೀರ್ ಪಾಡ್ದ್ ರುಚಿಕ್ ಉಪ್ಪುಲ ಪಾಡ್ದ್ ೨೦ ನಿಮಿಷ ಬೇಯೆರೆ ದೀವೊಡು. ಕಣಿಲೆ ಪಂಡ ಮಾತೆರೆಗ್ಲಾ ,ಐಟ್ಲಾ ಮಲ್ನಾಡು ಬೊಕ ಕರಾವಳಿ ದಕುಲೆಗ್ ಬಾಯ್ಡ್ ನೀರ್ ಬರ್ಪುಂಡು. ಕಣಿಲೆ ಪಂಡ ಬೆದ್ರ್ದ ತೆಗ್ರ್ .ಆಟಿ ತಿಂಗೊಲುಡು ಜನೊಕುಲು ಕಣಿಲೆನ್ ನಾಡೊಂದ್ ಕಾಡ್ಡೆ ಪುರಾ ತಿರ್ಗುವೆರ್.ಕಣಿಲೆ ತಿಕ್ನ್ಡ ಐತ ಬಗೆ ಬಗೆತ ತೆನಸ್ ಮಲ್ಪುವೆರ್.

ಬೊಡಾಯಿನ ಎಚ್ಚರೊ

ಕಣಿಲೆ ಬಳಕೆ ಮಲ್ಪುನಗ ಜಾಗ್ರತೆ ಬೊಡು. ಉಂದೆಟ್ ಸಯಾನೋಜೆನಿಕ್ ಗ್ಲೈಕೋಸೈಡ್ ಪನ್ಪಿನ ಒಂಜಿ ನೈಸರ್ಗಿಕ ವಿಸ ಇಪ್ಪುಂಡು, ಕಣಿಲೆದ ಪಿದಾಯಿತ ಚೊಲಿ ದೆತ್ತ್‌ದ್ ತೆಲುಪುಟು ಕೊಯಿತ್ ನೀರ್ಗ್ ಪಾಡೊಡು. ಪರಪುನ ನೀರ್‌ಡ್ ಅವೆನ್ ರಡ್ಡ್ ದಿನ. ಇಲ್ಲಡ್ ಬೇತೆ ಪಾತ್ರೊಲೆಟ್ ದೀಂಡ ನಾಲ್ ದಿನ ನೀರ್‌ಡ್ ದಿಡೊಡು. ನೀರ್ ನ್ ದಿನೊಲ ಬದಲಾಪೊವೊಡು.

ಪೋಷಾಕಾಂಸೊ

ಉಂದು ಸಕ್ಕರೆ ಕಾಯಿಲೆ ರೋಗಿಲೆಗ್ ಎಡ್ಡೆ ತೆನಸ್. ಉಂದೆಟ್ ಪ್ರೋಟೀನ್, ಕಾರ್ಬೋಹೈಡ್ರೇಟ್, ಖನಿಜೊಲು, ನಾರ್ ಜಾಸ್ತಿ ಉಪ್ಪುಂಡು ಬೊಕ್ಕ ಚರ್ಬಿ, ಕ್ಯಾಲ್ಸಿಯಂ ಕಮ್ಮಿ ಉಪ್ಪುಂಡು. ಕರುಳು ಸಂಬಂಧಿಸಿದ ಸಮಸ್ಯೆಲೆಗ್ ಉಂದು ಒಂಜಿ ಮರ್ದ್.

2017 0419 Thanin market bamboo shoots

ಮರ್ದ್

• ಸಕ್ಕರೆ ಕಾಯಿಲೆಗ್ ಬಾರಿ ಎಡ್ಡೆ.
• ಕನಿಲೆದ ಉಪ್ಪಡ್ ಜೀರ್ಣೊಗು ಎಡ್ಡೆ; ಬಡವು ಉಂಡು ಮಲ್ಪುಂಡು

ಪಾತೆರೊ

ಕಣಿಲೆ ಪೋಳ್ಲೆಕ್ಕೊ ರಾವಣನ್ ಪೋಳ್ತಡಕ್ತಾಳೆನ್ ಪೆರಪ ಕೊಂಡ್ರುನೇಟಲ.