ಕುಕ್ಕು ಚಂಡ್ರುಲಿ
ಕುಕ್ಕುದ ಚಂಡ್ರುಲಿ ಪಂಡ ಕುಕ್ಕುಕುಕ್ಕುನು ಪಾಡ್ದ್ ಮಲುಪುನ ಕಜಿಪು. ಕುಕ್ಕುದ ಕೊಯಿಲ್ ದ ಪೊರ್ತುಡ್ ಹಳ್ಳಿ ದಕುಲು, ಪೇಟೆದಕುಲು ಮಾತೆರ್ಲ ಮಲ್ತ್ ತಿನ್ಪುನ ತೆನಸ್. ಕುಕ್ಕುಡು ಸುಮಾರ್ ಬಗೆ ಉಂಡು. ಐಟ್ ಕಾಟ್ ಕುಕ್ಕು ಈ ಚಂಡ್ರುಲಿ ಮಲ್ಪೆರೆ ಲಾಯ್ಕ್ ಆಪುಂಡು.ಕುಕ್ಕು ಪಂಡ ಜನೊಕುಲೆಗ್ ಬಾರಿ ಇಷ್ಟ. ಈ ಕುಕ್ಕುಡು ಬಗೆ ಬಗೆತ ತೆನಸ್ಗ್ ಲೆನ್ ಮಲ್ಪುವೆರ್. ಸಾರ್, ಕೊದ್ದೆಲ್, ಉಪ್ಪುಂಚಿ, ಮೆನಸ್ಕಾಯಿ, ಪಚ್ಚೋಡಿ, ಇಂಚ ಪುರ ಬಗೆ ಬಗೆತ ಮಲ್ಪೊಳಿ. ಹಳ್ಳಿ ಕಡೆತ ಜನೊಕುಲೆಗ್ ಕುಕ್ಕುದ ಪೊರ್ತುಡು ಏಪಲಾ ವನಸ್ ದ ಒಟ್ಟುಗು ಕುಕ್ಕುಕುಕ್ಕುದ ಚಟ್ನಿದ ಚಂಡ್ರುಲಿ ಉಪ್ಪುಂಡು. ಕುಕ್ಕು ಆರೋಗ್ಯ ಗ್ ಬಾರೀ ಎಡ್ಡೆ.ಕನ್ನಡಡ್ ನೆಕ್ ಕುಕ್ಕುದ ಸಾಸಿವೆ ಪಂದ್ಲಾ ಪನ್ಪೆರ್.[೧]
| ಮೂಲದ ಜಾಗೆ | ಕುಡ್ಲಕುಡ್ಲ |
|---|---|
| ಪ್ರದೇಸೊ | ಕುಡ್ಲ |
| ಬೊಡಾಯಿನ ಸಾಮಾನ್ | ಪುಳಿ ಕುಕ್ಕು,ತಾರಾಯಿ |
ಬೋಡಾಪುನ ಸಾಮಾನ್
ಸಂಪೊಲಿಪುಲೆ- ಪುಳಿ ಕುಕ್ಕು
- ತಾರಾಯಿ ಪಿರೆಯಿನ
- ಸಾಸೆಮಿ
- ಕೆಂಪು ಮುಂಚಿ
- ಅರಿಶಿಣ
- ಉಪ್ಪು
- ಉರ್ದುದ ಬೇಳೆ
- ತಾರಾಯಿದ ಎಣ್ಣೆ
ಕುಕ್ಕುದ ಚಂಡ್ರುಲಿ ಮಲ್ಪುನ ವಿಧಾನ
ಸಂಪೊಲಿಪುಲೆಸುರುಕು ಪರ್ಂದ್ ಕುಕ್ಕುನು ದೆತೊಂದು ದೆಕ್ಕ್ ದ್ ಅವೆತ್ತ ಚೋಲಿನ್ ದೆತ್ ದ್ ಒಂಜಿ ತಪಲೆಡ್ ಪಾರ್ದ್ ಕುಕ್ಕುದ ಚೋಲಿ ಅಂಚನೆ ಕುಕ್ಕುದ ಕೊರಂಟ್ ನ್ ಒಟ್ಟಿಗೆ ಪುರಿಂಚೋಡು. ಅವೆರ್ದ್ ಬೊಕ್ಕ ತಾರಾಯಿಗ್ ನಾಲ್ ಅರಿ ಬೆಳ್ಳುಳ್ಳಿ , ಕಾಲ್ ಚಮ್ಚ ಪಜ್ಜಿ ದಾಸಿಮಿ, ಬೇವಿರೆ ಪಾರ್ದ್, ಐಕ್ ಪುರಿಂಚಿದಿನ ಕುಕ್ಕುದ ರಸನ್ಲ ಪಾಡ್ದ್ ಒಟ್ಟಿಗೆ ಕಡೆವೊಡು. ಕಡೆಯಿನ ಅರೆಪ್ಪುನು ಕುಕ್ಕುಗ್ ಪಾರ್ದ್ ಬೆರಸೊಡು. ಅವೆರ್ದ್ ಬೊಕ್ಕ ರುಚಿಗ್ ಬೋಡಾಯಿನಾತ್ ಉಪ್ಪು ಪಾರ್ದ್ ದೀವೊಡು.ಅವೆರ್ದ್ ಬೊಕ್ಕ ಬೇವುಸೊಪ್ಪು , ದಾಸೆಮಿ , ರಡ್ಡ್ ಅರಿ ಬೆಳ್ಳುಳ್ಳಿ ಪಾರ್ದ್ ಒಗ್ಗರಣೆ ಕೊರೊಡು. ಅಂಚನೆ ನುಪ್ಪುದೊಟ್ಟುಗೆ ತಿನೊಲಿ ಅತ್ತ್ಂಡ ಕೊದಿಪಾದ್ಲಾ ವನಸ್ ಮಲ್ಪೊಲಿ.[೨]
ಉಲ್ಲೇಕೊ
ಸಂಪೊಲಿಪುಲೆ- ↑ https://kannada.boldsky.com/recipes/mavina-hannina-sacive-recipe-uttarakannada-style-mango-recipe/#:~:text=%E0%.
{{cite journal}}: Cite journal requires|journal=(help); Missing or empty|title=(help) - ↑ "Mavina hannina sasive recipe | How to make tasty mango gravy | Sweet and spicy aam ras". www.vegrecipesofkarnataka.com (in ಇಂಗ್ಲಿಷ್).