ಕೃಷ್ಣ ಮಠ

ಕೃಷ್ಣ ಮಠ - ಕರ್ನಾಟಕದ ಪ್ರಸಿದ್ಧ ಯಾತ್ರಾಸ್ಥಳಕುಲೆಡ್ ಒಂಜಾಯಿನ ಉಡುಪಿಡ್ ಉಂಡು. ಮುಲ್ಪ ಉಪ್ಪುನ ಶ್ರೀ ಕೃಷ್ಣನ ದೇವಾಲಯನ್ ಕೃಷ್ಣ ಮಠ ಪಂಡ್‍ದ್ ಲೆಪ್ಪುವೆರ್. ಮುಲ್ಪ ಉಪ್ಪುನ ಕೃಷ್ಣನ ಪ್ರತಿಮೆನ್ ಶ್ರೀ ಮಧ್ವಾಚಾರ್ಯೆರ್ ಸ್ಥಾಪನೆ ಮಲ್ತೆರ್ ಪನ್ಪುನ ಉಲ್ಲೇಕುಲು ಉಂಡು.

ಪೊಲಬು

ಈ ದೇವಸ್ಥಾನದ ಪೂಜೆನ್ ಉಡುಪಿಡ್ ಉಪ್ಪುನ ಅಷ್ಟ ಮಠೊಕುಲು ತೂವೊನುನು. ಪ್ರತಿ ರಡ್ಡ್ ವರ್ಸೊಗೊರ ಒಂಜಿ ಮಠರ್ದ್ ನನೊಂಜಿ ಮಠಕ್ಕ್ ಕೃಷ್ಣ ಮಠತ್ತ ಪೂಜೆನ್ ಕೈ ದೆರ್ತ್ ಕೊರ್ಪೆರ್(ಹಸ್ತಾಂತರ ಅಪುಂಡು). ಈ ಸಂದರ್ಭೊನು ಪರ್ಯಾಯ ಮಹೋತ್ಸವ ಪಂಡ್‍ದ್ ಬಾರಿ ವೈಭವೊಡು ಆಚರಣೆ ಮಲ್ಪುವೆರ್. ಜನವರಿ ೧೮ತ ಬೊಲ್ಪುಗು ನಡಪುನ ಈ ಉತ್ಸವನ್ ಮೈಸೂರುದ ದಸರ ಪರ್ಬದ ಮಾದರಿಡ್ ವಿಜ್ರಂಭಣೆಡ್ ಆಚರಣೆ ಮಲ್ಪುವೆರ್. ಒರ ಪರ್ಯಾಯ ಪೂರೈಸಯಿನ ಮಠೊಕ್ಕು, ನನೊರ ಕೃಷ್ಣ ಮಠತ್ತ ಪೂಜೆದ ಅಧಿಕಾರ ತಿಕ್ಕಿಯೆರೆ ಪದಿನಾಲ್ (೧೪) ವರ್ಸೊಲು ಬೋಡಾಪುಂಡು. ಶ್ರೀ ಮಧ್ವಾಚಾರ್ಯೆರ್ ಸುರು ಮಲ್ತ್ ನ ಈ ಪದ್ಧತಿ ಇನಿ ಮುಟ್ಟ ಚಾಚೂ ತಪ್ಪಂದೆ ದುಂಬುವರಿಯೊಂದು ಪೊವೊಂದು ಉಂಡು.

ಕೃಷ್ಣ ಮಠದ ಪ್ರಾಂಗಣೊಡು ಮುಖ್ಯಪ್ರಾಣೆ, ಗರುಡೆ, ಸುಬ್ರಹ್ಮಣ್ಯೆ ಬೊಕ್ಕ ನವಗ್ರಹೊಕುಲೆನ ಗುಡಿಕುಲು ಉಂಡು.

ಇತಿಹಾಸೊ

ಉಡುಪಿದ ಕೃಷ್ಣಮಠಟ್ ಇತ್ತೆ ಇಪ್ಪುನ ಕೃಷ್ಣನ ಮೂರ್ತಿ, ದ್ವಾಪರಯುಗೊಟ್ಟು ರುಕ್ಮಿಣಿನ ಕೈಟ್ ಪೂಜೆ ಕೈಕೊನೊಂದು ಇತ್ತಿನವುಗೆ. ಈ ಮೂರ್ತಿನ್ ದೇವಶಿಲ್ಪಿ ವಿಶ್ವಕರ್ಮೆರ್ ರಚನೆ ಮಲ್ತೆರ್ ಪನ್ಪಿನ ನಂಬುಗೆ ಉಂಡು.

ಶ್ರೀ ಕೃಷ್ಣ ಮಠನ್ ವೈಷ್ಣವೆರೆ ಸಂತೆ ಜಗದ್ಗುರು ಶ್ರೀ ಮಧ್ವಾಚಾರ್ಯೆರ್ ೧೩ ನೇ ಶತಮಾನೊಡು ಸ್ಥಾಪನೆ ಮಲ್ತೆರ್. ಮೇರ್ ದ್ವೈತ ವೇದಾಂತ ಶಾಲೆದ ಸ್ಥಾಪಕೆರ್ ಲಾ ಅಂದ್. ಮಧ್ವರೆಗ್ ಗೋಪಿಚಂದನೊಡು ಶ್ರೀ ಕೃಷ್ಣನ ಮೂರ್ತಿ ತಿಕ್ಕ್ಂಡ್ ಪನ್ಪುನ ನಂಬಿಕೆ ಉಂಡು. ಅರೆನ ತಂತ್ರಸಾರ ಸಂಗ್ರಹೊಡು ಮಧ್ವೆರೇ ಪಂಡಿಲೆಕೊ ಶ್ರೀ ಕೃಷ್ಣನ ಮೂರ್ತಿ ಪಶ್ಚಿಮಭಿಮುಕವಾದ್ ಇತ್ತ್ಂಡ್. ಅಷ್ಟ ಮಠೊಕುಲೆಡ್‍ಲಾ ದೇವೆರನರ ಮೂರ್ತಿಲ್ ಪಶ್ಚಿಮೊಗೇ ಮೋನೆ ಪಾಡ್‍ದೇ ಉಂಡು. ಭಕ್ತೆರ್ ದೇವೆರೆನ ದರ್ಶನೊನು ಉಲಯಿದ ನವಗ್ರಹ ಕಿಂಡಿ ಅತ್ತ್ಂಡ ಪಿದಯಿದ ಕನಕನ ಕಿಂಡಿದ ಮೂಲಕಲ ಪಡೆವೊಲಿ. ಮಠ ಬೊಲ್ಪುಗು ೫:೩೦ಕ್ ಬಾಕ್‍ಲ್ ದೆಪುಂಡು. ದೇವರೆಗ್ ೯ ಒಟ್ಟೆಲುಪ್ಪುನ ಬೊಳ್ಳಿದ ಕಿಂಡಿರ್ದ್ ಪೂಜೆ ಮಲ್ಪುನವು ಮುಲ್ಪದ ವಿಸೇಸ. ಪ್ರತಿದಿನ ಬರ್ಪುನ ಭಕ್ತೆರೆಗ್ ಮಧ್ಯಾಹ್ನ ಒಣಸ್‍ದ ವ್ಯವಸ್ಥೆ ಮೂಲುಂಡು.

ಮಧ್ವಾಚಾರ್ಯೆರೆನ ಶಿಷ್ಯೆರ್

ಮಧ್ವಾಚಾರ್ಯೆರೆಗ್ ಮಸ್ತ್ ಜನ ಶಿಷ್ಯೆರ್ ಇತ್ತೆರ್. ಅಕ್‍ಲೆಡ್ ಸುರುತಾರ್ ಶ್ರೀ ಸತ್ಯ ತೀರ್ಥೆರ್. ಅಷ್ಟ ಮಠೊಕುಲೆನ್ ಬುಡ್‍ದ್ ಒರಿನ ಮಾತ ಮಠೊಕುಲೆನ್ ಸ್ಥಾಪಿಸಾಯಿನೆ ಶ್ರೀ ಪದ್ಮನಾಭ ತೀರ್ಥೆರ್. ಅಷ್ಟ ಮಠೊಕುಲೆನ ಆಡಳಿತೊಗು ಒಳಪಡ್‍ಸೆರ್ದ್ ಅರೆನ ಶಿಷ್ಯೆರೆಗ್ ಶ್ರೀ ಕೃಷ್ಣನ ಪೂಜೆ ಮಲ್ಪುನ ಓವ್ವೇ ಅಧಿಕಾರ ಇಜ್ಜಂಡ್.

ಶ್ರೀ ವಾಮನ ತೀರ್ಥೆರ್, ಶೀರೂರು ಮಠ.
ಶ್ರೀ ರಾಮ ತೀರ್ಥೆರ್, ಕಾಣಿಯೂರು ಮಠ.
ಶ್ರೀ ಅಡೋಕ್ಷಜ ತೀರ್ಥೆರ್, ಪೇಜಾವರ ಮಠ.
ಶ್ರೀ ಹೃಷಿಕೇಶ ತೀರ್ಥೆರ್, ಪಲಿಮಾರು ಮಠ.
ಶ್ರೀ ನರಹರಿ ತೀರ್ಥೆರ್, ಅದಮಾರು ಮಠ.
ಶ್ರೀ ಜನಾರ್ಧನ ತೀರ್ಥೆರ್, ಕೃಷ್ಣಾಪುರ ಮಠ.
ಶ್ರೀ ಉಪೇಂದ್ರ ತೀರ್ಥೆರ್, ಪುತ್ತಿಗೆ ಮಠ.
ಶ್ರೀ ವಿಷ್ಣು ತೀರ್ಥೆರ್, ಸೋದೆ ವಾದಿರಾಜ ಮಠ.

ಕೃಷ್ಣ ಮಠ

ಮಠತ್ತ ದಿನ ನಿತ್ಯದ ಪೂಜೆ ಪುನಸ್ಕಾರೊಲೆನ್ ಅಷ್ಟ ಮಠೊಕುಲು ತೂವೊಂದು ಬರ್ಪುಂಡು. ಪ್ರತಿ ಮಠೊಕ್ಕುಲ ೨ ವರ್ಸೊಗೊರ ಆವರ್ತಿಕ ಕ್ರಮೊಟ್ಟು ಜವಾಬ್ದಾರಿ ಬರ್ಪುಂಡು. ಕೃಷ್ಣ ಮಠೊ ತನ್ನ ಧಾರ್ಮಿಕ ಪದ್ದತಿ, ಆಚಾರ ವಿಚಾರ, ದ್ವೈತ ಬೊಕ್ಕ ತತ್ವವಾದ, ತತ್ವಶಾಸ್ತ್ರೊಗು ಪುದರ್ ಪೋಯಿನ ಜಾಗೆ. ಉಡುಪಿರ್ದ್ ಪುಟ್ಟ್ ನ ದಾಸ ಸಾಹಿತ್ಯೊದ ಜನಪ್ರಿಯತೆ ಬಾರಿ ಮಲ್ಲೆ ಉಂಡು. ಮಠೊತ್ತ ಕರ್ಚಿವೆಚ್ಚೊಲೆನ್ ಅಷ್ಟ ಮಠೊಕುಲು ಬೊಕ್ಕ ಭಕ್ತರೇ ಸ್ವತಃ ಸ್ವಯಂಪ್ರೇರಿತೆರಾದ್ ತೂವೊನುವೆರ್. ೧೯೭೫ತ ಭೂ ಸುಧಾರಣಾ ಕಾಯಿದೆದ ಅನುಷ್ಠಾನೊರ್ದು ಮಠ ತನ್ನ ಮಸ್ತ್ ಭೂಮಿಲೆನ್ ಕಳೆವೊಂಡು. ಕೃಷ್ಣ ಮಠೊತ್ತ ಪೌಳಿನ್ ನವೀಕರಿಸಾದ್ ಮೇ ೧೮, ೨೦೧೭ಟ್ ಅಯಿತ್ತ ಬ್ರಹ್ಮಕಲಶೋತ್ಸವನ್ ವಿಜೃಂಭಣೆಡ್ ಮಲ್ತೆರ್.

ಮಠತ್ತ ಬಗೆಟ್ಟ್ ಉಪ್ಪುನ ಅಗತ್ಯ ಮಾಹಿತಿಲು

ಮುಖ್ಯ ದೇವೆರ್- ಶ್ರೀ ಕೃಷ್ಣ

ಭೇಟಿ ಕೊರಿಯೆರೆ ಸರಿ ಅಯನ ಪೊರ್ತು - ಶ್ರೀ ಕೃಷ್ಣ ಜನ್ಮಾಷ್ಟಮಿ, ಆಗಸ್ಟ್-ಸೆಪ್ಟೆಂಬರ್ ತಿಂಗೊಲುಡು.

ದೇವಸ್ಥಾನದ ಪೊರ್ತು - 4pm.

ಸುರುತ ಸೇವೆ -ಉದಯಸ್ಥಮಾನ ಸೇವೆ - 5am.

ಕಡೆತ ಸೇವೆ - ಏಕಾಂತ ಸೇವೆ - 9.30pm.

ವಿಳಾಸ- ಕಾರ್ ಸ್ಟ್ರೀಟ್, ತೆಂಕಪೇಟೆ, ಮಾರುತಿ ವೀಥಿಕ, ಉಡುಪಿ, ಕರ್ನಾಟಕ ಪಿನ್-576101

ಪರ್ಬೊಲು

೨ ವರ್ಷಕೊಮ್ಮೆ ನಡೆಯುವ ಪರ್ಯಾಯ ಮಹೋತ್ಸವದಂದು ಮಠದ ಆಡಳಿತವನ್ನು ಮುಂದಿನ ಮಠಕ್ಕೆ ಹಸ್ತಾಂತರಿಸಲಾಗುತ್ತದೆ. ಪ್ರತಿಯೊಂದು ಮಠಕ್ಕೂ ಒಂದು ಸ್ವಾಮಿಗಳು ಇರುತ್ತಾರೆ ಹಾಗೂ ಪರ್ಯಾಯದ ಸಮಯದಲ್ಲಿ ಅವರು ಅಧಿಕಾರದಲ್ಲಿರುತ್ತಾರೆ. ಪರ್ಯಾಯವು ೨೦೦೮,೨೦೧೦,೨೦೧೩ ರಂತೆ ಸಹ ವರ್ಷಗಳಲ್ಲಿ ಇರುತ್ತದೆ. ಮಕರ ಸಂಕ್ರಾಂತಿ, ರಥಸಪ್ತಮಿ, ಮಧ್ವ ನವಮಿ,ಹನುಮಾನ ಜಯಂತಿ, ಶ್ರೀ ಕೃಷ್ಣ ಜನ್ಮಾಷ್ಟಮಿ, ನವರಾತ್ರಿ ಮಹೋತ್ಸವ, ವಿಜಯ ದಶಮಿ, ನರಕ ಚತುರ್ದಶಿ, ದೀಪಾವಳಿ, ಗೀತಾ ಜಯಂತಿ ಅಂತಹ ಹಬ್ಬಗಳನ್ನು ಪರ್ಯಾಯ ಮಠವು ಬಹಳ ವಿಜೃಂಭಣೆಯಿಂದ ಆಚರಿಸುತ್ತದೆ.

ತೂಲೆ

ಬಾಹ್ಯ ಸಂಪರ್ಕೊಲು

ವರ್ಗ:ಹಿಂದೂ ಧರ್ಮ