ಕೊಟ್ಟಿಗೆ
ಕೊಟ್ಟಿಗೆ ಪಂಡ ತುಳುನಾಡ್‌ಡ್ ಬಾರೆದ ಇರೆಟ್ ಮಲ್ಪುನಂಚಿನ ಒಂಜಿ ನಮುನೆದ ಅಡ್ಯೆ .ಕೊಟ್ಟಿಗೆನ್ ಸಾಮಾನ್ಯದವಾದ್ ಬಾರೆದ ಇರೆಟ್ ಮಲ್ಪುವೆರ್ .[೧]
ಬಾರೆದ ಇರೆತ್ತ ವಿಶೇಷತೆ
ಸಂಪೊಲಿಪುಲೆಬಾರೆದ ಮಾತ ಭಾಗೊಡುಲ ಮರ್ದ್‌ದ ಅಂಶೊ ಉಂಡು ಅಂಚಾದ್ ಕೊಟ್ಟಿಗೆ ಕಟ್ಟೆರೆ ಬಾರೆದ ಇರೆನ್ ಉಪಯೋಗ ಮಲ್ಪುಬೆರ್.ಬಾರೆದ ದಂಟ್ ಪೂಂಬೆ ಬಾರೆದ ಕೈಲ್ ಮಾತಲ ಸರೀರೊಗು ಎಡ್ಡೆ ಅಂಚಾದ್ ಕೊಟ್ಟಿಗೆ ಪಜೆ ಮಡಿಕೆಲ್ ಮಾತ ಬಾರೆದ ಇರೆಟ್ ಮಲ್ಪುವೆರ್[೨]
ಕೊಟ್ಟಿಗೆ ಮಲ್ಪುನ ವಿಧಾನೊ
ಸಂಪೊಲಿಪುಲೆಕೊಟ್ಟಿಗೆ ಮಲ್ಪೆರೆ ಇತ್ತಿನ ಅರಿ ಬೊಕ್ಕ ಉರ್ದುದ ಬೇಳೆನ್ ಐನ್ ಆಜಿ ಗಂಟೆ ದುಂಬು ಬೊದ್‌ಲೆರೆ ಪಾಡೊಡು ಅವೆಡ್ದ್ ಬೊಕ್ಕ ಆ ಅರಿ ಬೊಕ್ಕ ಉರ್ದುನು ಪೊರ್ಲು ದೆಕ್ಕ್‌ದ್ ಕಡೆದ್ ದೀವೊಡು ಸಾಮಾನ್ಯವಾದ್ ೭ಡ್ಡ್ ೮ ಗಂಟೆ ಕಡೆದ್ ದೀದ್ ಅವೆಡ್ದ್ ಬೊಕ್ಕ ಮೂಡೆದ ಲೆಕ್ಕ ಮಲ್ತಿನ ಬಾರೆದ ಇರೆಟ್ ಬಂದೊನು ಮಯಿತ್‌ದ್ ಅಟ್ಟಿದ ಕರಟ್ ಬೆಯಿರೆ ದೀವೊಡು.
ಕೊಟ್ಟಿಗೆ ಕಟ್ಟುನ ವಿಧಾನೊ
ಸಂಪೊಲಿಪುಲೆಎಡ್ಡೆ ಅಗೆಲ ಬೊಕ್ಕ ಉದ್ದ ಇತ್ತಿನ ಬಾರೆದ ಇರೆ ಕೊಯ್ಯೊಂದು ಬತ್ತ್‌ದ್ ಅವೆನ್ ಚೂರು ಬಾಡಾದ್ ನಡುವೆ ಇತ್ತಿನ ದಾರೆನ್ ದೆತ್ತ್‌ದ್ ತಿಗುರೊಡು ಅವೆಡ್ದ್ ಬೊಕ್ಕ ಅವೆನ್ ಚಾಕಲೇಟ್‌ದ ಲೆಕ್ಕ ಸುತ್ತ್‌ದ್ ಒಂಜಿ ಮೈ ಕಟ್ಟೊಡು ಬೊಕ್ಕ ಬಂದ ಪಾಡ್ದಾತ್ ನನೊಂಜಿ ಮೈನ್ಲ ಅವ್ವೆ ಬಾರೆದ ಇರೆತ ನಾರ್‌ಡ್ ಕಟ್ಟೊಡು.ಕೆಲವೆರ್ ಇಂಚ ಕಟ್ಟೆರೆ ಬಙ ಆಪುನೆಕ್ ಬಾರೆದ ಕೊಡಿ ಇರೆಟ್ ನಡುಟು ರಡ್ದ್ ಕೈಲ್ ಬಂದ ಪಾಡ್ದ್ ಅಂಚಿ ಇಂಚಿಡ್ಡ್ ಮಡಿತ್‌ದ್ ಬೆಯಿಯೆರೆ ದೀಪೆರೆ
ಪೆಲತ ಇರೆತ ಕೊಟ್ಟಿಗೆ
ಸಂಪೊಲಿಪುಲೆಪೆಲತ ಇರೆನ್ ಮೂಡೆದ ಲೆಕ್ಕ ಕಟ್ಟ್‌ದ್ ಅಯಿತ ಉಲಯಿ ಬಂದೊ ಮಯಿತ್‌ದ್ ತಂದೊರುಡು ಬೆಯಿಪಾಂಡ ಅವೆನ್ ಪೆಲತ ಇರೆತ ಕೊಟ್ಟಿಗೆ ಪನ್ಪೆರ್