ಛಾಯಾ

For other uses, see ಛಾಯಾ (disambiguation).

ಛಾಯಾ ಸೂರ್ಯನ ಬೊಡೆದಿ ಸಂಜ್ಞೆನ ಪ್ರತಿಬಿಂಬ ದ ಪುದರ್ ; ಸಂಜ್ಞೆ ವಿಶ್ವಕರ್ಮನ ಮಗಳ್. ಮನು, ಯಮ, ಬೊಕ್ಕ ಯಮುನೆ ಪನ್ಪಿನ ತ್ರಿವಳಿ ಜೋಕುಲು ಅಲೆಗ್.

ಛಾಯಾ
ನೆರಳಿನ ದೇವತೆ
ಪತ್ನಿ ಸಂಜ್ಞೆ ಮತ್ತು ಛಾಯಾ ಜೊತೆ ಸೂರ್ಯ
ದೇವನಾಗರಿ	छाया
ಸಂಸ್ಕೃತ	ಛಾಯಾ
ಇಪ್ಪುನ ಜಾಗೆ	ಸೂರ್ಯಲೋಕ
ಮಂತ್ರ	ಓಂ ಛಾಯವೇ ನಮಃ
ವೈಯಕ್ತಿಕ ಇಸಯೊಲು
ಸಂಗಾತಿ	ಸೂರ್ಯ
ಸಂತತಿ	ಸವರ್ನಿ ಮನು, ಶನಿ, ತಪತಿ

ಸಂಜ್ಞೆ ನ ಕಷ್ಟ

ಸೂರ್ಯನ ದೇಹದ ತಾಪೊನು ತಾಳಲಾರಂದೆ ಸಂಜ್ಞೆ , ಅಲೆನ‌ ಶರೀರೊಡ್ದು ಅಲೆನ ಲೆಕ್ಕ ನೇ ಇಪ್ಪುನ ಒಂಜಿ ಪೊಣ್ಣನ್ ಸೃಷ್ಟಿ ಮಂತ್ ಅಲೆಗ್ ಛಾಯೆ ಪಂದ್ ಪುದರ್ ದೀದ್ ಅಲೆನ ಕಂಡನಿನೊಟ್ಟು ಸಂಸಾರ ಮಂತೊಂದು ಉಪ್ಪುಂದು, ತನ್ನ ಜೋಕುಲೆನ್ ಮಾತೃ ವಾತ್ಸಲ್ಯೊಡು ತೂವೊಂದು ಉಪ್ಪೊಡು ಪಂದ್ ಬೊಕ್ಕ ಈ ಗುಟ್ಟುಲೆನ್ ರಟ್ಟು ಮನ್ಪರೆ ಬಲ್ಲಿ ಪಂದ್ ಸಂಜ್ಞೆ ತಪಸ್ಸುಗ್ ಪೋಪಳ್.

ಛಾಯಾ ನ ಸ೦ಸಾರ

ಇಂಚಿಡ್ ಸೂರ್ಯ ಛಾಯೆನ್ ಸಂಜ್ಞೆ ಪಂದ್ ಎನ್ನುದು ಸಂಸಾರ ಮಂತೊಂದು ಇತ್ತೆರ್. ಅಯಿತ ಫಲವಾದ್ ಛಾಯೆಗ್ ಸೂರ್ಯಡ್ದ್ ಮನು ಲೆಕ್ಕನೇ ಉಪ್ಪುನ ಸಾವರ್ಣಿ, ಮನು, ಶನಿ ಬೊಕ್ಕ ತಪತಿ ನಕಲೆಗ್ ಜನ್ಮ ಕೊರ್ಯಲ್ . ಕ್ರಮೇಣ ಛಾಯೆ ಸಂಜ್ಞೆಯ ಜೋಕುಲೆನ್ ಅಸಡ್ಡೆ ಮನ್ಪರೆ ಶುರು ಮಂತೆರ್. ಉಂದೆನ್ ಸಹಿಸವಂದೆ ಯಮೆ ತನ್ನ ಬಲಗಾಲನ್ ದೆರ್ತುದು ತೋಜಪಾದ್ ಛಾಯೆನ್ ಪೋಡಾಪಾಯಿಯೇ. ಅದಗ ಛಾಯೆ ನಿನ್ನ ಕಾರ್ ಗ್ ಪುರಿ ಆದ್ ವಾಸನೆ ಪತ್ತು ಪೋವಡ್ ಪಂದ್ ಶಾಪ ಕೊರ್ಯಲ್.

ಯಮ ನ ದೂರು

ಬೊಕ್ಕ ಯಮ ಸೂರ್ಯಗ್ ಈ ವಿಚಾರ ತೆರಿಪಾಯಿ ಬೊಕ್ಕ ಛಾಯೆ ಎನ್ನ ಅಮ್ಮ ಆದ್ ಉಪ್ಪಯೆರ್ ಪಂದ್ ಪಂಡೆರ್. ಸೂರ್ಯ ಪುರಿ ಆಯಿನ ಯಮನ ಕಾರ್ ಗ್ ಮರ್ದ್ ಪಂದ್, ಸಂಜ್ಞೆಯ ಅಪ್ಪ ವಿಶ್ವಕರ್ಮಡ ಪೂರಾ ವೃತ್ತಾಂತನ್ ಪಂಡೆರ್. ಅದಗ ವಿಶ್ವಕರ್ಮೆರ್ ವಾಸ್ತವಾಂಶನ್ ಸೂರ್ಯಗ್ ಪಂದ್ ಸಂಜ್ಞೆ ಬೋಡಾಂಡ ತನ್ನ ಪ್ರಖರತೆನ್ ಕಡಿಮೆ ಮನ್ಪರೆ ಸೂಚನೆ ಕೊರಿಯೆರ್. ಅದಗ ಸೂರ್ಯ ತನ್ನ ಪ್ರಖರತೆಯನ್ನು ಕಡಿಮೆ ಮನ್ಪರೆ ಒಪ್ಪಿಯೆರ್. ಸೂರ್ಯನ ದೇಹನ್ ಕೊರೆದ್ ವಿಷ್ಣುನ ಚಕ್ರ, ಶಿವನ ಶೂಲ ಬೊಕ್ಕ ಇಂದ್ರನ ವಜ್ರಾಯುಧಗಳೆನ್ ನಿರ್ಮಾಣ ಮಂತೆರ್. ತನ್ನ ತೇಜಸ್ಸು ಕಡಿಮೆ ಆಯಿಬೊಕ್ಕ ಸೂರ್ಯ ಉತ್ತರ ಕುರುಭೂಮಿಡ್ ಅಶ್ವರೂಪೊಡು ಮೇಯೊಂದು ಇತ್ತಿನ ಸಂಜ್ಞೆನ್ ತೂದು‌ ತಾನೂ ಅಶ್ವರೂಪ ಆದ್ ಸಂಜ್ಞೆ ನ್ ಸೇರಿಯೆರ್. ಆದಗ ಸಂಜ್ಞೆ ಸೂರ್ಯನ್ ಗುರುತಿಸವಂದೆ ಪರಪುರಷೆ ಪಂದ್ ಎನ್ನುದು ಸೂರ್ಯನ ತೇಜಸ್ಸನ್ನು ಮೂಕುಡ್ದು ಪಿದಾಯಿ ಬುಡ್ಯಳ್‌. ಆ ತೇಜಸ್ಸುಡ್ ಪುಟ್ಟುದಿನಕುಲೇ ಅಶ್ವಿನೀ ದೇವತೆಲು. ಅಯಿಡ್ ದ್ ಬೊಕ್ಕ ಸಂಜ್ಞೆ ಸೂರ್ಯನ್ ಗುರುತಿಸಾದ್ , ಕಂಡನಿನೊಟ್ಟು‌ ಪೋಯೆರ್ . ಈ ಪೂರಾ ವೃತ್ತಾಂತ ಮತ್ಸ್ಯಪುರಾಣೊಡು ಉಂಡು.

ಛಾಯಾದೇವಿನ ದೇವಸ್ಥಾನ

ಸೂರ್ಯನ ಬೊಡೆದಿ ಛಾಯಾದೇವಿನ ದೇವಸ್ಥಾನ ಉಪ್ಪುನ ಒಂಜಿ ಕ್ಷೇತ್ರ. ಕರ್ನಾಟಕದ ಗುಲ್ಬರ್ಗ ಜಿಲ್ಲೆದ ಸುರಪುರ ತಾಲೂಕುದ ನಾರಾಯಣಪುರದ ಕೈತಲ್ ಕೃಷ್ಣಾನದಿತ ದಂಡೆದ ಮಿತ್ತುಂಡು. ಕೃಷ್ಣಾನದಿ ಮುಲ್ಪ ಮಸ್ತ್ ಕವಲಾದು ಪರಪುಂಡು. ಈ ತುದೆತ ಒಂಜಿ ಸರಳ್ ದಡೊಟು ಉಪ್ಪುನ ಗುಡ್ಡೊನು ಕೊರೆದ್ ಅಲ್ಪದ ಗುಹೆಟ್ ಪೊಗ್ಗುದು ಪಿರ ಬರುಪುಂಡು. ತುದೆತ ಹರಿವು ಮೇಲ್ನೋಟಗ್ ಎಲ್ಯಾ ಆದ್ ಸೌಮ್ಯ ಆದ್ ತೋಜಿಂಡಲಾ. ಉಲಯಿ ಪ್ರವಾಹೊದ ಸೆಳೆತವುಂಡು. ಛಾಯಾ ಭಗವತಿದ ತಿರ್ತುದ ಮಗ್ಗುಲುಡ್ ಎದುರುದ ದಂಡೆದ ಮಿತ್ತು ಜಲ ದುರ್ಗ ಪಂದ್ ಪ್ರಾಚೀನ ಕೋಟೆ ಉಂಡು. ನೆತ್ತ ಕೈತಲ್ ಒಂಜಿ ಜಲಪಾತೊಲ ಉಂಡು. ಒಟ್ಟುಡ್ ಛಾಯಾ ಭಗವತಿ ನಿಸರ್ಗ ರಮಣೀಯವಾದುಂಡು. ಛಾಯಾ ಭಗವತಿದ ದೇವಸ್ಥಾನ ಕಡಿದಾಯಿನ ತುದೆತ ತಟೊಡು ಗುಡ್ಡದ ಆಸರೆಡ್ ಉಂಡು. ಪ್ರಾತಃ ಸೂರ್ಯನ ಸುರುತ ಕಿರಣೊಲು ಮೂರ್ತಿನ್ ಸ್ಪರ್ಶಿಸುಲೆಕ್ಕ ದೇವಸ್ಥಾನೊನ್ ಕಟ್ಟುದೆರ್. ಛಾಯಾ ದೇವಿಗ್ ಅರೆಡ್ದ್ ಆಯಿನ ಅಪಚಾರಲೆನು ಸರಿಪಡಿಸರೆ ಸೂರ್ಯ ದೇವ ಛಾಯಾ ದೇವಿನ್ ಪ್ರತಿ ಪ್ರಾತಃಕಾಲೊಡು ಪೂರೆರ್ಲೆನ ದುಂಬುಗ್ ಭೇಟಿ ಮನ್ಪುವೆ ಪಂದ್ ಪಂದಿತ್ತೆರ್ ಗೆ. ಅವು ಈ ದೇಗುಲೊಡು ಸಿದ್ಧಿ ಆಪಿನೇನ್ ತೂವೊಲಿ.

ಜಾತ್ರೆ

ವೈಶಾಖ ಶುದ್ಧ ತದಿಗೆದ ದಿನ ಮುಲ್ಪ ಜಾತ್ರೆ ಆಪುಂಡು. ಉಂದು ದುರ್ಗಮವಾಯಿನ ಕ್ಷೇತ್ರ ಆಂಡಾಲ ಸಾವಿರಾರ್ ಜನ ಭಕ್ತರೆನ್ ತನ್ನ ಕಡೆಗ್ ಆಕರ್ಷಿಸಾವೊಂದು ಉಂಡು.