ತಂಬಿಲ
ತಂಬಿಲ ಭೂತಾರಾಧನೆದ ಬೇತೆ ಬೇತೆ ಆಚರಣೆಲೆಡ್ ಒಂಜಿ. ದೇವಕ್ರಿಯೆದ ತಂಬಿಲ. ಅಯಿಟ್ ತಂಬಿಲೊ ಪಂಡ ಪನಿವಾರ ಬಲಸ್‍ದ್ ಭೂತೊಲೆನ್ ಸರಲವಾದ್ ಸಮಧಾನ ಮಲ್ಪುನ ಕ್ರಮೊ.
ತಂಬಿಲ ಪದೊತ ಅರ್ತೊ
ಸಂಪೊಲಿಪುಲೆತಂಬಿಲ ಪದೊನು ಸಂಬಿಲ ಪನ್ಪೆರ್. ತಂಬಿಲ ಪಂಡ ಭೂತಾರಾಧನೆಡ್ ಬೂತೊಗು ಸಾತ್ವಿಕ ರೂಪೊಡು ಕೊರ್ಪುನ ನೈವೇದ್ಯೊ. ಇಂದೆಕ್ ವೈದಿಕ ಕ್ರಮೊದ ಪೂಜೆ ಆಪುಜಿ. ತಂಬಿಲ ಪಂಡ ತಮ್ಮನೊ. ಬೂತೊಲೆಗ್ ತಮ್ಮನೊ ಆಯಾ ಊರುದ ವಾಡಿಕೆದ ಲೆಕೊ ನಡಪ್ಪುಂಡು. ಚೌತಿ, ಪರ್ಬೊ, ಪತ್ತನಾಜೆಡ್ ತಂಬಿಲೊ ಆಪುಂಡು.
- ಬೂತೊಗು ಅಗೆಲ್ ಪಾಡುನ ಕ್ರಮೊ ತುಳುವೆರೆಡ ಉಂಡು. ಇಂದೆನ್ ತಂಬಿಲೊಂದು ಪನ್ಪೆರ್.
- ಬೇಸ ತಿಂಗೊಲುಡು ಬೈರವಗ್ ಅಗೆಲ್ ತಂಬಿಲೊ ಪಾಡುನೆ.
- ಕಾರ್ತಿಂಗೊಲುಡು ಕಲ್ಲುರ್ಟಿ ಅಗೆಲ್ ಪಾಡುನ ಕ್ರಮೊ.
- ಆಟಿ ತಿಂಗೊಲುಡು ಗುಳಿಗಗ್ ಅಗೆಲ್ ತಂಬಿಲೊ ಪಾಡುನೆ.
ತಂಬಿಲೊದ ಬಗೆ
ಸಂಪೊಲಿಪುಲೆ- ಅಸುರಕ್ರಿಯೆದ ಅಗೆಲ್
- ದೇವಕ್ರಿಯೆದ ತಂಬಿಲ
- ನಾಗ ತಂಬಿಲ[೧], ಭೂತ ತಂಬಿಲ ಇನ್ಪಿ ಭೇದ ಉಂಡು
- ಭೂತೊಗು ತಂಬಿಲ ಅಪಿನಾಂಡ ತರತರೊಟು ಆಪುಂಡು
- ಬೆರ್ಮ ತಂಬಿಲ: ಸುತ್ತೆ (ಚಂದ್ರಿಕೆ) ದೀದ್‍ ಇರೆಟ್ಟ್‍ ಗಜ್ಜೆಯಿ ಪೂಪೂಜನೆ
- ಲೆಕ್ಕೆಸಿರಿ ತಂಬಿಲ
- ನಂದಿಗೋಣಗ್‍ ಬೆಯಿಪಾದಿನ ಕುಡು
- ಬಬ್ಬರ್ಯಗ್‍ ಕಡುಂಬು ಕಲಿ
- ಮೈಸಂದಾಯಗ್‍ ಪೇರ್ ನೆಯಿ
ಪಾಕದೆಕ್‍ ಕೊರಿ ಕುದುಪುನಿ, ಪಾಕದೆಕ್‍ ತಾರಾಯಿ ದರ್ಪುನಿ, ಪಾಕದೆಕ್‍ ಗಜ್ಜೆಯಿ ಇರೆಟ್‍ ದೀದ್‍ ಭೂತೊಗು ಬಲಸುನಿ
ಕ್ರಮೊ
ಸಂಪೊಲಿಪುಲೆಸಾಧಾರಣವಾದ್ ಬೇಷಡ್‍ ಪತ್ತ್‍ ಪೋಪಿನಾನಿ ಭೂತೊಲೆಗ್‍ ಒಂಜಿ ಸೇರ್ ಆರಿ, ಒಂಜಿ ತಾರಾಯಿ, ಬಾರೆದ ಇರೆಟ್‍ ದೀತಿ ಗಂಧ, ಕೇಪುಲ ಪೂ ಕೊರ್ಪಿನಿ, ಐಡ್ದ್ ಬೊಕ್ಕ ಭೂತೊಗು ದೀಪ ತೋಜಾದ್‍ ಬಾರೆದ ಇರೆ ಎದ್‍ರ್‍ ದೀದ್‍ ಪೊದ್ದೊಲು, ನೆಯಿ, ಪಂರ್ದ್, ಬೆಲ್ಲ, ಬಚ್ಚಿರೆ ಬಜ್ಜೆಯಿ, ಕೇಪುಲಪೂ, ಬೊಂಡ ದೀಪಿನಿ. ಗ್ರಾಮದ ಸಾನೊಡು ಭೂತೊಲೆಗ್‍ ಮಂಚವುದ ಮಿತ್ತ್‍ ಒಂಜಿ ಸುತ್ರೆ ಒಂಜೊಂಜಿ ಕೊಡಿ ಇರೆಟ್‍ ಪಣಿಯಾರ, ಮಂಚವುದ ತಿರ್ತ್‍ ಒಂಜಿ ಇರೆಟ್‍ ಮುದ್ರೆ ಬಳಸ್‍ದ್‍ ಒಂಜೊಂಜಿ ಕೋಲು ನಿನೆ ಐಕ್‍ ಊರೊಡು. ಬೊಕ್ಕ ಕುರಿ ನೀರ್‍ ಐಕ್‍ ತಲಿತ್‍ದ್‍ ಹೋಮ ದೀದ್‍ ಜುಮಾದಿಗ್‍ ಒರಿ, ಬಂಟಗ್‍ ಒರಿ ಕುಂಬರಿಯೆರೆ ಉಂತೊಡು.
ಉಲ್ಲೇಕೊಲು
ಸಂಪೊಲಿಪುಲೆ- ↑ "Archive copy". Archived from the original on 2016-10-25. Retrieved 2021-08-08.
{{cite web}}: Unknown parameter|dead-url=ignored (help)CS1 maint: archived copy as title (link)