ತಜಂಕ್ ವಡೆ
ತಜಂಕ್‌ದ ವಡೆ ಉಂದು ಒಂಜಿ ಆಟಿದ ತೆನಸ್ .ತಜಂಕ್‌ದ ತಪ್ಪು ಪಾಡ್ದ್ ಮಲ್ಪುನ ಒಂಜಿ ಬಗೆತ ತೆನಸ್ ಗ್ ತಜಂಕ್ ವಡೆ ಪನ್ಪೆರ್.ತಜಂಕ್ ಪಂಡ ಒಂಜಿ ಬಗೆತ ದಯಿ. ತೊಜಂಕ್‌ ಉಂದೆನ್ ಕೆಲವೆರ್ ತಜಂಕ್, ಸಜಂಕ್, ಅಜಂಕ್, ಪನ್ಪೆರ್. ತಜಂಕ್ ಒಂಜಿ ದಯಿ. ಉಂದು ಬರ್ಸ ಬರ್ಪಿನ ಕಾಲೊಡು ತನ್ನಾತೆಗೆ ಪಡಿಲ್ ಇತ್ತಿನ ಜಾಗೊಡು ಕೊಡಿದ್ ಬುಲೆವುಂಡು.. ಈ ತಪ್ಪುನು ಪಾಡ್ದ್ ವಡೆ ಮಲ್ಪುವೆರ್ .ಉಂದು ತಗತೆ ಸೊಪ್ಪು ಪನ್ಪಿನವು ಇಂಗ್ಲಿಷ್‌‌ಡ್ Cassia Tora ಅಥವಾ Senna Tora ಪನ್ಪೆರ್. ಉಂದು ಮುಖ್ಯವಾದ್ ಮರಿಯಲೊಡು ಮೈದಾನ್‌ಡ್ ಅತ್ತ್ಂಡ ಮಾರ್ಗದ ಬರಿಟ್ ಕಾಟ್ ದಯಿತಂಚ ಬಳಪುಂಡು. ಉಂದು ಭಾರಿ ಉಪಯೋಗ ಇತ್ತಿನ ದಯಿ ಉಂದೆನ್ ಸಸಾರ ಮಲ್ಪುವೆರ್ ಆಂಡ ಉಂದೆಟ್ ಮರ್ದ್‌ದ ಸತ್ವ ಜಾಸ್ತಿ ಉಂಡು ಉಂದೆತ ಇರೆ ಮಾತ್ರ ಅತ್ತಂದೆ ಬಿತ್ತ್‌ಲ ಆಯುರ್ವೇದಡ್ ಜಾಸ್ತಿಯಾದ್ ಗಳಸುವೆರ್.[೧]
ಬೇತೆ ಬೇತೆ ಪುದರುಲು
ಸಂಪೊಲಿಪುಲೆ- ಕನ್ನಡ: ಚಗ್ತೆ ಸೊಪ್ಪು
- ಕೊಂಕಣಿ: ತೈಕುಳೊ
- ಬ್ಯಾರಿ ಭಾಷೆ: ತಗಲೆ
- ಹಿಂದಿ: ಚಾಕ್ ವಾಡ್
ತಜಂಕ್ ದಯಿತ ಬುಳೆಚ್ಚಿಲ್
ಸಂಪೊಲಿಪುಲೆ
ಉಂದು ಒಂಜಿ ನಮುನೆದ ಪಚ್ಚೆ ಎಲ್ಯ ಎಲ್ಯ ತಪ್ಪುದ ದಯಿ.ಉಂದು ಬಿತ್ತ್ ಬೂರ್ದು ತನ್ನಾತೆಗೆ ಕೊಡಿತ್‌ದ್ ದಯಿ ಆಪುಂಡು. ಸಾದಿ ಬರಿಟ್, ಜಾಲ ಬರಿಟ್, ಇಂಚ ಪೂರಾ ಕಡೆಟ್‍ಲ ಜಾಸ್ತಿ ಬುಲೆಪುಂಡು. ಉಂದೆತ ಉದ್ದ ೧-೫ ಅಡಿಕೋಲು ಮುಟ್ಟ ಎತ್ತರೊ ಬುಲೆಪ್ಪುಂಡು[೨]. ಮರ್ಯಯಲಡ್ ಮಂಜೊಲ್ ಪೂ ಬುಡ್ಪುಂಡು. ಉಂದೆಟ್ ಒಂತೆ ಮರ್ದುದ ಗುನೊ ಉಂಡು.ಉಂದೆನ್ ಆಟಿ ತಿಂಗೊಲುಡು ಜಾಸ್ತಿ ಕಜಿಪು ಮಲ್ತ್‌ದ್ ಸೇವನೆ ಮಲ್ಪುವೆರ್[೩]
ತಜಂಕ್ ವಡೆ
ಸಂಪೊಲಿಪುಲೆತಜಂಕ್ ಇರೆಟ್ ಮಸ್ತ್ ನಮೂನೆದ ತೆನಸ್ಸ್ ಮಲ್ಪುವೆರ್ ತಜಂಕ್ ಆಜಾಯಿನ ,ತಜಂಕ್ ಪತ್ರೊಡೆ,ತಜಂಕ್ ವಡೆ ಮಲ್ಪೆರೆ ಬೋಡಾಯಿನ ವಸ್ತುಲು ತಜಂಕ್‌ದ ತಪ್ಪು ದೋಸೆದ (ಬೊಳಂತೆ) ಅರಿ ಕಡ್ಲೆ ಬೇಳೆ - ಕುಮ್ಟೆ ಮುಣ್ಚಿ- ಉಪ್ಪು ಹಿಂಗ್ ಪುಳಿ - ತಾರಾಯಿದ ಪಿರೆ - ಈರುಳ್ಳಿ -
ಮಲ್ಪುನವಿಧಾನ
ಸಂಪೊಲಿಪುಲೆಅರಿ ಬೊಕ್ಕ ಬೇಳೆನ್ ದೆಕ್ಕ್‌ದ್ 3 ಗಂಟೆಗಳ ಬೊದ್‌ಲೆರೆ ದೀವೊಡು.ಬೊದ್‌ಲಿ ಬೊಕ್ಕ ಚೂರು ನೀರು ಸೇರಾದ್ ಸಣ್ಣ ರವಾತ ಲೆಕ್ಕ ತರಿತರಿ ಕಡೆವೊಡು .ಕಡೆನಗ ಕುಮ್ಟೆ ಮುಣ್ಚಿ,ತಾರಾಯಿದ ಪಿರೆ, ಪುಳಿ,ಹಿಂಗ್ ಮಾತ ಸೇರಾದ್ ಚೂರು ಗಟ್ಟಿ ಕಡೆದ್ ದೀವೊಡು ಅಯಿಕ್ ತಜಂಕ್‌ದ ತೆಗ್‌ರ್ ಇರೆನ್ ದೆಕ್ಕ್‌ದ್ ಸಣ್ಣ ಮೂರುದು ಪಾಡೊಡು ,ನೀರುಳ್ಳಿ ,ಕಾಯಿ ಮುಣ್ಚಿ ಮಾತ ಮೂರ್ದ್ ಪಾಡ್ದ್ ಪೊರ್ಲು ಬೆರೆಕೆ ಮಲ್ಪೊಡು ಎಲ್ಯ ಬಣಲೆ ದಿಕ್ಕೆಲ್ ದೀದ್ ಎಣ್ಣೆ ಪಾಡ್ದ್ ಎಣ್ಣೆ ಬೆಚ್ಚ ಆನಗ ಬೆರಕೆ ಮಲ್ತ್ ದೀನ ಬಂದೊನು ದೆತ್ತೊಂದು ಉಂಡೆ ಮಲ್ತ್‌ದ್ ಆ ಉಂಡೆನ್ ಅಂಗೈಡ್ ಚೂರು ತಟ್ಟ್‌ದ್ ಡೀಪ್ ಫ್ರೈ ಮಲ್ಪೊಡು.