ತಮ್ಮನ

ತಮ್ಮನ ಪಂಡ ವಿಸೇಸವಯಿನ ಓನಸ್‍ದ ಏರ್‍ಪಾಡ್ ಮಲ್ತ್ಂಡ ಆಯಿನ ತಮ್ಮನ ಪನ್ಪೆರ್.

ತಮ್ಮನೊ ಪದೊ-ಅರ್ತೊ

• ತಮ್ಮನೊ ಇಂದೆನ್ ಸಮ್ಮನೊ ಇಂಚಲಾ ಪನ್ಪೆರ್.
• ತಮ್ಮನೊ ಪಂಡ ನೆರಡೆ, ನೆರ್ಪುನೆಗ್ ಪನ್ಪುನ ಪದೊಂದು ಬಳಕೆಡ್ ಉಂಡು.
• ಸನ್ಮಾನ ಪನ್ಪುನ ಕನ್ನಡ ಪದೊತ ರೂಪೊನೆ ತಮ್ಮನೊ/ಸಮ್ಮನೊ ಆದಿಪ್ಪೊಡು. ಸನ್ಮಾನೊ ಪಂಡ ಬೊಮ್ಮನೊ, ಪುಗರ್ತೆದ ಕೂಟೊ, ಗೌರವೊ ಇಂಚಿತಿ ಅರ್ತೊಲು ಉಂಡು.
• ತಮ್ಮನೊನು ಮಾಮಿ ಸಿಕೆಂದ್ ಪನ್ಪುನವುಲಾ ಉಂಡು. ಉಂದು ಬಂಟ್ರ್, ಪೂಜಾರಿ ಮೊಕ್ಲೆಡ್ ಹೆಚ್ಚಾದುಂಡು.
• ಬೂತೊಲೆಗ್ ಅಗೆಲ್ ಬಲಸುನೆಕ್‍ಲಾ ತಮ್ಮನೊಂದು ಪನ್ಪೆರ್.
• ತುಳುಟು ತಮ್ಮನೊದ ಒನಸ್ ಪನ್ಪುನ ಪಾತೆರೊ ಉಂಡು. ಮದಿಮೆಗ್ ಪೊದುವೆರ್ ಸುರೂಕು ಬತ್ತ್ಂಡ ಸಮ್ಮನೊ ಕೊರ್ಪುನ ಕೆರ್ಮೊ ಉಂಡು.

ತಮ್ಮನದ ವಿದೊಕುಲು

• ಮದಿಮಾಯೆ ಮದಿಮಾಲೆ ತಮ್ಮನ
• ಬಂಜಿನಾಲೆನ ತಮ್ಮನ
• ಬಯಕೆದ ತಮ್ಮನ
• ಬಿನ್ನೆರೆಗ್ ಮಲ್ಪುನ ತಮ್ಮನ
• ವಿಸೇಸ ದಿನತ ತಮ್ಮನ
• ಪರ್ಬದ ತಮ್ಮನ

ವಿಸೇಸೊ ಬಳಕೆ

• ನಿಕ್ಕ್ ಎಡ್ಡೆ ಸಮ್ಮನೊ ತಿಕ್ಕ್‌ಂಡ ಪನ್ಪೆರ್. ಸಮ್ಮನೊ ತಿಕ್ಂಡಾ ಪಂಡ ನೆರಡೆ ತಿಕ್ಂಡಾ ಪನ್ಪುನ ಅರ್ತೊ ಆಪುಂಡು.
• ಮಾಮಿ ಇಲ್ಲಡೆ ಸಮ್ಮನೊ ಬಾರಿ ಕಮ್ಮೆನೊ ಪನ್ಪುನ ಒಂಜಿ ಗಾದೆಲಾ ಉಂಡು. ಅರುವತೆ ಮಾಮಿ ಇಲ್ಲಡೆಗ್ ಸಮ್ಮನೊಗು ಪೋಯೆಗೆ. ಇಂಚ ತುಳುಟೊಂಜಿ ಪೆದ್ದನ ಕತೆ ಉಂಡು.