ತೇಟ್ಲದ ಗಸಿ

ತೇಟ್ಲದ ಗಸಿ ಪಂಡ ಒಂಜಿ ಬಗೆತ ಕಜಿಪು ಈ ಕಜಿಪು ಮಲ್ಪೆರೆ ಮುಖ್ಯವಾದ್ ಚೇವುದ ಇರೆ ಬೋಡಾಪುಂಡು. ಚೇವುದ ಇರೆ ಆರೋಗ್ಯೊಗು ಭಾರಿ ಎಡ್ಡೆ .ಉಂದು ಬರ್ಸದ ಪೊರ್ತುಡು ಉಪ್ಪುಂಡು .ಆಟಿ ತಿಂಗೊಳುದ ವಿಶೇಷ ತೆನಸ್ಸ್ ಚೇವುದ ಇರೆ ತೇವುದ ಕಜಿಪು ಆರೋಗ್ಯಗ್ ಭಾರಿ ಎಡ್ಡೆ.

ಬೋಡಾಪಿನ ಸಾಮಾನುಲು

• ತೇವು
• ತಾರಾಯಿ
• ಮುಂಚಿ
• ಜೀರಿಗೆ
• ಕೊತ್ತೊಂಬರಿ
• ದಾಸೆಮಿ
• ಓಮ
• ಉಪ್ಪು
• ಮಂಜೊಲ್ ದ ಪೋಡಿ
• ಬೊಳ್ಳೊಳ್ಳಿ
• ನೀರುಳ್ಳಿ
• ಫುಳಿ

ಮಲ್ಪುನ ವಿಧಾನೊ

ತೇಟ್ಲ ಕಟ್ಟುನೆ

ಚೇವುದ ಇರೆನ್ ಒಂಜಿ ದಿನೊಕು ದುಂಬು ಕಿನ್ಕೊಂದು ಬತ್ತ್‌ದ್ ನೆಲಟ್ ಪದ್‌ರೊಡು.ಅವ್ವ್ ಮಾತ ಬಾಡಿ ಬೊಕ್ಕ್ ಮನದಾನಿ ಒಂಜಿ ಇರೆನ್ ದೆತೊಂದು ಒಂಜಿ ಕೋಡಿಡ್ದ್ ಗಟ್ಟಿಡೆ ಬತ್ತಿದ ಲೆಕ್ಕ ಸುತ್ತೊಂದು ಬರೊಡು ಸುತ್ತುದಾದ್ ನಮಕ್ ತೆರಿಪುಲೆಕ್ಕ್ ಅಯಿನ್ ಒಂಜಿ ಅರ್ಕಟ್ ಪಾಡೊಡು .ಅಂಚ ಮಾತೆನ್ಲ ಮಲ್ತಿ ಬೊಕ್ಕ ಅಯಿಕ್ ಒಂತೆ ಪೆಲತ್ತರಿ ತೊಲ್ಲ್‌ದ್ ಪಾಡ್ದ್ ಬೆಯಿಯೆರೆ ದೀವೊಡು ,ಪೆಲತ್ತರಿ ದುಂಬು ಬೆಯಿರೆ ದೀವೊಡು ಬೊಕ್ಕ ಅರೆಪ್ಪು ಪಾಡಿ ಬೊಕ್ಕ ತೇಟ್ಲ ಪಾಡುನೆ .ಬೆಯಿದಾನಗ ಜೀರಿಗೆ, ಬೆಳ್ಳುಳ್ಳಿ, ಮೆಂತೆ ,ಕೊತ್ತಂಬರಿ ಬೇಸೊಪ್ಪು ,ಕುಮ್ಟೆ ಮುಣ್ಚಿ, ಉಂದೆನ್ ಮಾತ ಬಣಲೆಡ್ ಚೂರು ಎಣ್ಣೆ ಪಾಡ್ದ್ ಪೊವೊಪೊಡು ಅವೆಕ್ ಚೂರು ಪುಳಿ ಸೇರಾದ್ ಬೊಕ್ಕ ಪಿರೆಯಿನ ತಾರಾಯಿ ಪಾಡ್ದ್ ಸಣ್ಣ ಕಡೆದ್ ಅರೆಪ್ಪು ಮಲ್ತ್‌ದ್ ಅವೆನ್ ಬೆಯಿಪಾಯಿನ ತೇಟ್ಲ ,ಪೆಲತ್ತರಿಗ್ ಪಾಡ್ದ್ ಎಡ್ಡೆ ಕೊದಿಪಾವೊಡು