ನಾಯ್ಕಿ ಬಾಸೆ
ನಾಯಕಿ, ಅತ್ತಂಡ ಆಗ್ನೇಯ ಕೊಲಾಮಿ, ಭಾರತೊದ ಮಹಾರಾಷ್ಟ್ರ ರಾಜ್ಯೊಡು ಗಳಸುನ ಬುಡಕಟ್ಟ್ ಮಧ್ಯ ದ್ರಾವಿಡ ಬಾಸೆ. ಉಪಬಾಸೆಲು ನಾಯ್ಕಿ ಮೂಲ, ಅತ್ತಂಡ ಚಂದ, ಬುಕ್ಕೊ ನಾಯ್ಕ್ರಿ.[೧] (ಕೃಷ್ಣಮೂರ್ತಿ 2003:57)
ನಾಯ್ಕಿ | |
---|---|
కొలామి | |
ಬಳಕೆಡುಪ್ಪುನ ಪ್ರದೇಸೊಲು | ಭಾರತ |
ಮೂಲ ಬಾಸಿಗೆರ್ | 10,000 |
ದ್ರಾವಿಡ
| |
ದೇವನಾಗರಿ, ತೆಲುಗು ಲಿಪಿ | |
ಬಾಸೆದ ಸಂಕೇತೊಲು | |
ISO 639-3 | nit |
ನಾಯ್ಕಿ ಮಧ್ಯದ್ರಾವಿಡ ಬಾಸೆದ ವರ್ಗೊಗು ಸೇರ್ನ ಉಪಬಾಸೆಲೆ ಒಂಜಿ ಬಾಸೆ. ರಾಬರ್ಟ ಕಾಲ್ಡ್ವೆಲ್ ದ್ರಾವಿಡ ಬಾಸೆಲೆ ತೌಲನಿಕ ವ್ಯಾಕರಣೊನು ರಚಿಸಯಿನ ಕಾಲೊಗು ತೆರಿಯಂದಿನ, ಇಂಚಿಪ ಸುಮಾರ್ 1925ಡ್ ಬೊಲ್ಪುಗು ಬತ್ತ್ನ ಬಾಸೆ. ಟಿ. ಬರೊ ಬುಕ್ಕೊ ಭಟ್ಟಾಚಾರ್ಯ ಅಕುಲು ತಯಾರ್ಮಲ್ತ್ನ ಪರ್ಜಿ ಬಾಸೆ ಪನ್ಪುನ ಗ್ರಂತೊಡು ನಾಯ್ಕಿ, ಪರ್ಜಿ, ಗದಬ ಬಾಸೆಲೆ ಪ್ರಸ್ತಾಪೊ ಉಂಡು. ಮಹಾರಾಷ್ಟ್ರ ರಾಜ್ಯೊದ ಛಾಂದಾ ಜಿಲ್ಲೆದ ಸುತ್ತಮುತ್ತ ಪ್ರದೇಸೊಡು ನಾಯ್ಕಿ ಬಾಸೆನ್ ಪಾತೆರುನಕುಲು ತೂಯರ ತಿಕುವೆರ್. 1961ನೆ ಜನಗಣತಿದ ಪ್ರಕಾರೊ ಮೆಕ್ಲೆನ ಸಂಕ್ಯೆ ಸುಮಾರ್ ರಡ್ಡ್ ಸಾವಿರೊಗು ಎಚ್ಚ.
ಟಿ.ಬರೊ ಮತ್ತು ಎಂ.ಬಿ. ಎಮಿನೊ ದ್ರಾವಿಡ ಬಾಸೆಲೆ ಜ್ಞಾತಿಪದಕೋಶೊದ ಪ್ರಸ್ತಾವನೆಡ್ ನಾಯ್ಕಿ ಬಾಸೆನ್ ಕೊಲಾಮಿ ಬಾಸೆದ ಉಪಬಾಸೆ ಇಪ್ಪುಂದು ಊಹಿಸದೆರ್. ನಾಯ್ಕಿ ಮಾಂತ ನೆಲೆಟ್ಲಾ ಅದಿಲಾಬಾದ್ ಕೊಲಾಮಿನೆ ಹೋಲುನ ಸಂಶಯೊ ಇದ್ಯಾಂಡಲ ಕೃಷ್ಣಮೂರ್ತಿ, ಎಂ.ಬಿ ಎಮಿನೊ, ಟಿ.ಬರೊ ಬುಕ್ಕೊ ಎಸ್. ಭಟ್ಟಾಚಾರ್ಯ ಇಂಚಿತ್ತಿ ದ್ರಾವಿಡ ವಿಜ್ಞಾನಿಲು ಇಂಚಿಪ ಕೊಲಾಮಿ ಬುಕ್ಕೊ ನಾಯ್ಕಿ ಬಾಸೆಲೆನ್ ಬೇತೆ ಬೇತೆ ಸೊಸಂತ್ರೊ ದ್ರಾವಿಡ ಬಾಸೆಲುಂದು ಒಪ್ಪುದೆರ್. [೨] ಆಂಡ ಇಂದೆನ್ ಕೊಲಾಮಿದ ಉಪಬಾಸೆಯಾಯಿನ ನಾಯ್ಕಿ ಪಂಡ್ದ್ ಲೆಕ್ಕೊಡು ದೀಡೊನೊಡುಂದು ಇಂಚಿಪದ ಸಂಶೋದನೆಲು ತೋಯ್ಪಾದ್ಂಡ್. [೩]
ದ್ವನಿಶಾಸ್ತ್ರೊ ಸಂಪೊಲಿಪುಲೆ
ಸ್ವರೊಲು ಸಂಪೊಲಿಪುಲೆ
ನಾಲಗೆದ ಎದುರು | ನಾಲಗೆದ ನಡು | ನಾಲಗೆದ ಪಿರವು | ||||
---|---|---|---|---|---|---|
ಹ್ರಸ್ವೊ | ದೀರ್ಗೊ | ಹ್ರಸ್ವೊ | ದೀರ್ಗೊ | ಹ್ರಸ್ವೊ | ದೀರ್ಗೊ | |
ಉನ್ನತೊ | i | iː | u | uː | ||
ನಡು | e | eː | o | oː | ||
ಅವನತೊ | a | aː |
ವ್ಯಂಜನೊಲು ಸಂಪೊಲಿಪುಲೆ
ತುಟಿ | ಕೂಲಿ | ಮೂರ್ದನ್ಯೊ | ತಾಲವ್ಯ | ಕಂಟೆಲ್ | ಗಲಕುಹರಿ | |||
---|---|---|---|---|---|---|---|---|
ಅನುನಾಸಿಕೊ | m | n | ŋ | |||||
ಸ್ಪರ್ಷ /ಗರ್ಷ |
ಅಗೋಷ | ಸರಳ | p | t, ts | ʈ | tʃ | k | |
ಮಹತ್ವಾಕಾಂಕ್ಷೆ | pʰ | tʰ | ʈʰ | kʰ | ||||
ಗೋಷ | ಸರಳ | b | d | ɖ | dʒ | g | ||
ಮಹತ್ವಾಕಾಂಕ್ಷೆ | bʱ | dʱ | ɖʱ | dʒʱ | gʱ | |||
ಗರ್ಷ | v | s | h | |||||
ಕಂಪಿತೊ | r | |||||||
ಅಂದಾಜು | l | ɭ | j |
ಉಲ್ಲೇಕೊ ಸಂಪೊಲಿಪುಲೆ
- ↑ "Naiki language". iiab.me.
- ↑ https://aptribes.ap.gov.in/pdfViewer.jsp?pdf=4117&id=digital[dead link]
- ↑ https://theswissbay.ch/pdf/Books/Linguistics/Mega%20linguistics%20pack/Dravidian/Kolami%20-%20A%20Dravidian%20Language%20%28Emeneau%29.pdf
- ↑ Krishnamurti (2003), pp. 72
- ↑ Krishnamurti, Bhadriraju (16 January 2003). "The Dravidian Languages" (in ಇಂಗ್ಲಿಷ್). Cambridge University Press.