ನಿರ್ಭಯೋ ನಿಧಿ

ನಿರ್ಭಯೋ ನಿಧಿ ಪನ್ಪಿನವು  2013 ಇಸವಿದ ಕೇಂದ್ರ ಬಜೆಟ್‌ಡ್ ಭಾರತ ಸರ್ಕಾರ ಘೋಷಣೆ ಮಂತಿನ ಭಾರತದ ರೂಪಾಯಿ 10 ಬಿಲಿಯನ್ ದ ನಿಧಿ ಆದು೦ಡು. ಹಣಕಾಸ್‌‍ದ  ಸಚಿವರಾಯಿನ ಪಿ. ಚಿದಂಬರಂ , ಮೇರ್ ಭಾರತಡ್ ಪೊಣ್ಣು ಪೊಂಜುವುಲೆನ  ಘನತೆ ಬೊಕ್ಕ ರಕ್ಷಣೆ ನ್ ಖಾತ್ರಿ ಮನ್ಪುನ  ಉಪಕ್ರಮಲೆನ್ ಪೂರಾ  ಬೆಂಬಲ ಮನ್ಪರೆ ಉಂದು ನಿಧಿತ ನಿರೀಕ್ಷಣೆ ಉಂಡು. ನಿರ್ಭಯಾ, 2012 ಇಸವಿಡ್ ನಮ್ಮ ದೇಶದ ರಾಜಧಾನಿ ದೆಹಲಿ ಡ್ ಆಯಿನಂಚಿನ ಸಾಮೂಹಿಕ ಅತ್ಯಾಚಾರಡ್ ಆಯಿನ  ಸಂತ್ರಸ್ತ ಪೊಣ್ಣಗ್  ದೀತಿನ ಗುಪ್ತ ಪುದರಾದುಂಡು. ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಸಚಿವಾಲಯ ಬೊಕ್ಕ ಅವೇತೋ  ಸಚಿವಾಲಯಲ್ ನಿಧಿತ ಅನ್ವಯನ್ ನಿಘಂಟು ಮಂತೆರ್. ಹಿಂಸೆಗ್  ಉಂಡಾಯಿನ ಪೊಣ್ಣು ಪೊಂಜುವುಲೆನ್ ಬೆಂಬಲ ಮನ್ಪರೆ *ಒನ್ ಸ್ಟಾಪ್ ಸೆಂಟರ್*  ದೆಪ್ಪುನ ಒಂಜಿ ಉಪಯೋಗ ಆದಿತ್ತುಂಡು.

ಲಕ್ನೋದ ಒನ್ ಸ್ಟಾಪ್ ಸೆಂಟರ್ 2019 ತ(ನಿರ್ಭಯಾ ಧನೊ ಸಹಾಯ) ಅಂತರಾಷ್ಟ್ರೀಯ ಪೊಂಜೊವುಲೆನ ದಿನ ತಾನಿ ಪುರಸ್ಕಾರೊ ಕೊರ್ಪಿನ ಪೊರ್ಲು

ಇತಿಹಾಸೊ

ನಿರ್ಭಯಾ ನಿಧಿನ್ ಹಣಕಾಸು ಸಚಿವರ್ ಅರೆನ 2013 ಇಸವಿದ  ಬಜೆಟ್ ದ  ಭಾಷಣಡ್  ಘೋಷಣೆ ಮಂತೆರ್, ಸರ್ಕಾರದ ಕೊಡುಗೆ,  ಪೊಂಜುವುಲು ಬೊಕ್ಕ ಪೊಣ್ಣು ಜೋಕುಲೆನ ಸಬಲೀಕರಣ, ರಕ್ಷಣೆ  ಬೊಕ್ಕ  ಭದ್ರತೆಗಾದ್ 1000 ಕೋಟಿ ರೂಪಾಯಿದ ನಿಧಿನ್ ನಮ್ಮ  ಹಣಕಾಸು ಸಚಿವಾಲಯದ ಆರ್ಥಿಕ ವ್ಯವಹಾರೊಲೆನ  ಇಲಾಖೆ ನಿರ್ವಹಣೆ ಮಂತೊ೦ದು ಉ೦ಡು.

ನಿಧಿತ ಬಳಕೆ

ಪೊಣ್ಣು ಪೊಂಜುವುಲೆನ ರಕ್ಷಣೆ ಬೊಕ್ಕ  ಭದ್ರತೆಲೆನ್  ಹೆಚ್ಚ್ ಮನ್ಪರೆ  ಈ ನಿಧಿನ್ ಉಪಯೋಗ ಮನ್ಪರೆ ಅವೇತೋ ಸಚಿವಾಲಯೊಲು ಯೋಜನೆಲೆನ್  ಪ್ರಸ್ತಾವನೆ ಮಂದೆರ್.

ಪ್ರಸ್ತಾವನೆ ಮಂದಿನ  ಕೆಲವು ಸಚಿವಾಲಯೋಲು ಇಂಚ ಉಂಡು:

• ಮಾಹಿತಿ ತಂತ್ರಜ್ಞಾನ ಸಚಿವಾಲಯೋ
• ರಸ್ತೆ ಸಾರಿಗೆ ಬೊಕ್ಕ ಹೆದ್ದಾರಿ ಸಚಿವಾಲಯೋ
• ರೈಲ್ವೆ ಸಚಿವಾಲಯೋ
• ಬೊಕ್ಕ ಗೃಹ ಸಚಿವಾಲಯೋ.
• ಗೃಹ ವ್ಯವಹಾರದ ಸಚಿವಾಲಯೋ 

ಲಖನೌಡ್ ನಿರ್ಭಯಾ ನಿಧಿತ ಅಡಿಟ್ ಒಟ್ಟು 194.44 ಕೋಟಿ ರೂ.ವೆಚ್ಚಡ್  ಸುರಕ್ಷಿತ ನಗರ ಪನ್ಪಿನ ಯೋಜನೆನ್ ಅನುಮೋದನೆ ಮಂದೆರ್.

• ಅಂಚೆನೆ ರಾಯ್‌ಪುರದ ಒನ್ ಸ್ಟಾಪ್ ಸೆಂಟರ್‌ಗ್  2017 ಇಸವಿದ ನಾರಿ ಶಕ್ತಿ ಪುರಸ್ಕಾರನ್  ಪ್ರಧಾನ ಮಂದೆರ್.
• ನವೆಂಬರ್ 2013 ಇಸವಿಡ್,ನಗರಾಭಿವೃದ್ಧಿ ಸಚಿವಾಲಯ ನಿರ್ಭಯಾ ನಿಧಿತ  ಅಡಿಟ್  ಹಣಕಾಸ್ ನ್  ಕೊರ್ಪಿನಂಚಿನ   ಪೊಸ ಯೋಜನೆಲೆನ್  ಪ್ರಸ್ತಾಪ ಮನ್ಪರೆ  ಬೊಕ್ಕ ಅವೆನ್ ಕಾರ್ಯಗತೊ ಮನ್ಪರೆ  ರಾಜ್ಯಲೆನ್ ಕೇಂಡ್. ಪೊಣ್ಣು ಪೊಂಜುವುಲೆಗ್ ಸಾರ್ವಜನಿಕ ವಾದ್ ಸಾರಿಗೆ ವ್ಯವಸ್ಥೆನ್  ಸುರಕ್ಷಿತ ಮನ್ಪರೆ ಕ್ರಮೊಲೆನ್  ಮನ್ಪರೆ ವಿಫಲ ಆಯೆರ್ ಪಂದ್ ಆಂಡಾ  ಜವಾಹರಲಾಲ್ ನೆಹರು ರಾಷ್ಟ್ರೀಯ ನಗರ ನವೀಕರಣ ಮಿಷನ್ ದ  ಅಡಿಟ್  ಪೊಸ ಬಸ್‌ಲೆನ್ ನಡಾಪಾವೋಲಿ  ಪಂದ್  ರಾಜ್ಯಲೆಗ್ ಬೊಕ್ಕ  ಕೇಂದ್ರಾಡಳಿತ ಪ್ರದೇಶೋಲೆಗ್  ಸಚಿವಾಲಯ ಸೂಚನೆ ಕೊರುತುಂಡು.
• ಹಿಂಸಾಚಾರಕ್ ಒಳಗಾಯಿನ  ಪೊಣ್ಣು ಪೊಂಜುವುಲೆಗ್ ಬೆಂಬಲೆನ್  ಪಡೆಯರೆ  ದೇಶಾದ್ಯಂತ "ಒಂಜಿ ಹಂತದ ಕೇಂದ್ರಲೆನ ( "ಸಖಿ" ) ನಿಧಿನ್ ಬಳಕೆ ಮಂತೆರ್.
• 2013 ಇಸವಿದ ಶಿಫಾರಸ್ದ ಬೊಕ್ಕ ಪ್ರತಿ ಒಂಜಿ ಭಾರತೀಯ  ರಾಜ್ಯೊಡು  ಒನ್ ಸ್ಟಾಪ್ ಸೆಂಟರ್‌ ಲೆನ್  ಸ್ಥಾಪನೆ ಮಂತೆರ್.

ರಾಯಪುರ್ ದ ಒನ್ ಸ್ಟಾಪ್ ಸೆಂಟರ್ಗ್ 2018ದ ನಾರಿ ಶಕ್ತಿ ಪುರಸ್ಕಾರೊ ಕೊರ್ಪಿನ ಪೊರ್ಲು.

• ಮಹಿಳಾ ಸಬಲೀಕರಣದ ಅಡಿಟ್ ರಾಯ್‌ಪುರದ  ಬೊಕ್ಕ ಲಕ್ನೋದ  ಒನ್ ಸ್ಟಾಪ್ ಸೆಂಟರ್ (ರಡ್ಡ್ ಲಾ ನಿರ್ಭಯಾ ನಿಧಿತ ಧನಸಹಾಯ ಪಡೆದುಂಡ್)    ಅಕಲೆನ  ಕೆಲಸಕ್ಕಾದ್  ಕ್ರಮವಾದ್ 2018 ಬೊಕ್ಕ 2019ತ  ಅಂತರಾಷ್ಟ್ರೀಯ ಮಹಿಳಾ ದಿನ ತಪಗ ನಾರಿ ಶಕ್ತಿ ಪುರಸ್ಕಾರ ಪ್ರಶಸ್ತಿಲೆನ್  ಗಳಿಸಿದುಂಡು.

ಅಂಚಾ ನಿರ್ಭಯೋ ನಿಧಿ ಮಸ್ತ್ ಪೊಣ್ಣು ಪೊಂಜುವುಲೆಗ್ ಸಹಾಯ ಆವೊಂದುಂಡು.