ನೀರ್ ಕುಕ್ಕುದ ಚಟ್ನಿ

ಕುಕ್ಕುದ ಚಟ್ನಿ ಉಂದು ನೀರ್‌ಡ್ ಪಾಡ್ದ್ ದೀನ ಕಾಯಿ ಕುಕ್ಕುನ್ ಬಳಕೆ ಮಲ್ತ್ ದ್ ಮಲ್ಪುನ ಒಂಜಿ ಬಗೆತ್ತ ಚಟ್ನಿ. ತುಳುನಾಡ್ ಡ್ ಕುಕ್ಕು ಆಪಿನ ಪೊರ್ತುಡ್ ಅವೆನ್ ನೀರ್‌ದ್ ಪಾಡ್ದ್ ಮರಿಯಾಲೊಗುಂದು ದಾಸ್ತಾನ್ ಮಲ್ತ್ ದೀವೊಂದಿತ್ತೆರ್ ಅವೆನ್ ಮರಿಯಲೊಡು ಬೋಡಾನಗ ದೆತ್ತ್‌ದ್ ಚಟ್ನಿ ಮಲ್ಪುವೆರ್

ನೀರ್ ಕುಕ್ಕು

ಅರೆಗಾಲೊಡು ಕುಕ್ಕು ಜಾಸ್ತಿ ತಿಕ್ಕುನ ಸಮಯೋಡು ಕಾಯಿ ಕುಕ್ಕುನು ಕೊದಿಯೊಂದಿತ್ತಿನ ಉಪ್ಪು ನೀರ್‌ಡ್ ಪಾಡ್ದ್ ಜಾಸ್ತಿ ಬೆಯಿಪುನೆಗ್ ದುಂಬು ದೆಪ್ಪೊಡು ದೆತ್ತ್‌ದ್ ಎಡ್ಡೆ ಚವುಲಿ ಆಯೆರೆ ದೀವೊಡು ಅಂಚನೆ ಉಪ್ಪು ನೀರ್‌ಲ ಎಡ್ಡೆ ಚವುಲಿ ಆಯಿ ಬೊಕ್ಕ ಭರಣಿಡ್ ಆ ಕುಕ್ಕುನು ದಿಂಜಾದ್ ಅಯಿತ ಮಿತ್ತ್ ಈ ಚವುಲಿ ಆಯಿನ ಉಪ್ಪು ನೀರ್‌ನ್ ಕೂಟುದ್ ಬಾಯಿ ಗಟ್ಟಿ ಮುಚ್ಚಿದ್ ಕುಂಟು ಕಟ್ಟ್‌ದ್ ದೀವೊಡು.ಮರಿಯಲೊಡು (ಆಟಿಡ್) ಉಪಯೋಗ ಮಲ್ಪೊಲಿ.

ಬೋಡಾಯಿನ ಸಾಮಾನುಲು

• ನೀರ್ ಕುಕ್ಕು - ೧.
• ಸಂಬರ , ಜೀರ್ದರಿ - .
• ಕೆಂಪುಮುಂಚಿ - ೪/೫. ಇಜ್ಜಾಂಡ
• ತಾರಾಯಿದ ಪೂ -
• ಬೊಲ್ಲುಲ್ಲಿ - ೪ ಅರಿ.
• ರುಚಿಗ್ ಬೋಡಾಯ್ನಾತ್ ಉಪ್ಪು.
• ಮಂಜಲ್ .

ಮಲ್ಪುನ ವಿದಾನೊ

ಸುರುಕು ಒಂಜಿ ಬಾಣಲೆಟ್ ಮುಂಚಿ ಬೊಕ್ಕ ಸಾಮಾನ್ ನ್ ಪೊತುದು ಅವೆನ್ ನೀರ್ ಪಾಡಂದೆ ಕಡೆವೊಡು . ಸನ್ನ ಪೊಡಿ ಆತಿನ ಸಾಮಾನ್ ಗ್ ತಾರಾಯಿದ ಪೂ , ರುಚಿಗ್ ಬೋಡಾಯ್ನಾತ್ ಉಪ್ಪು, ಮಂಜಲ್ ಪಾರ್ದ್ ಕಡೆವೊಡ ಬೊಕ್ಕ ಒಂಜಿ ಪಾತ್ರೊಗು ಪಾಡ್ದ್ ಅಯಿಕ್ ನೀರ್ ಕುಕ್ಕುನ್ ಮೂರ್ದು ಪಾಡ್ದ್ ಎಡ್ಡೆ ಪುರುಂಚೊಡು

ಬೇತೆ ಬಾಸೆಡ್ ಕುಕ್ಕುದ ಚಟ್ನಿ

• ಇಂಗ್ಲಿಷ್ - ಮ್ಯಾಂಗೋ ಚಟ್ನಿ.
• ಕನ್ನಡ - ಮಾವಿನಕಾಯಿ ಚಟ್ನಿ.
• ಹಿಂದಿ - ಕಚ್ಚೆ ಆಮ್ ಕೀ ಚಟ್ನಿ.