ನುಗ್ಗಿಕೇರಿ ಹನುಮಂತ ದೇವಸ್ಥಾನ

ನುಗ್ಗಿಕೇರಿ ಹನುಮಂತ ದೇವಸ್ಥಾನ ಜಾಲತಾಣದಲ್ಲಿನ ವರದಿ] ಕರ್ನಾಟಕೊದ ಧಾರವಾಡೊಡ್ದು 2.5 ಕಿ.ಮೀ ದೂರೊಡು ಉಂಡು. ಈ ದೇವಸ್ಥಾನೊಗ್ ಕರ್ನಾಟಕೊದ ಮಾತಾ ದಿಕ್ಕುಡ್ದು ಭಕ್ತೆರ್ ಬರ್ಪೆರ್. ಶನಿವಾರ ಹನುಮಂತ ದೇವರೆನ ವಿಸೇಸೊ ದಿನ ಅಂಚಾದು ಈ ಜಾಗೊಗು ಮಸ್ತ್ ಜನೊ ಬರ್ಪೆರ್.

ನುಗ್ಗಿಕೇರಿ ಹನುಮಂತ ದೇವಸ್ಥಾನ

ಜಾಗೊ

ನುಗ್ಗಿಕೇರಿ ಕರ್ನಾಟಕ ರಾಜ್ಯೊದ ಧಾರವಾಡ ಜಿಲ್ಲೆಡ್ ಉಂಡು. ಉಂದು ಬೆಂಗಳೂರುಡ್ದ್ 437 ಕಿ.ಮೀ ದೂರೊಡು, ಮೈಸೂರುಡ್ದ್ 520 ಕಿ.ಮೀ ದೂರೊಡು, ಜಿಲ್ಲಾ ಮುಖ್ಯ ಕಚೇರಿರ್ದ್ 7.5 ಕಿ.ಮೀ. ಇಡೆಗ್ ಪೋಪಿನ ಮುಖ್ಯ ಮಾರ್ಗ ಪಂಡ ರಸ್ತೆ, ರೈಲ್‌ಡ್ ಬರೊಲಿ ಸುತ್ತಮುತ್ತದ ಧಾರವಾಡ ಅತ್ತ್ಂಡ ಹುಬ್ಬಳ್ಳಿಗ್ ಬೊಕ್ಕ ಅಲ್ಪಡ್ದ್ ಬಸ್‌‍ಡ್‌ಲಾ ಬರೊಲಿ.

ಇತಿಹಾಸೊ

ಈ ದೇವೆರೆನ್ ನುಗ್ಗಿಕೇರಿ ಗ್ರಾಮದ ನುಗ್ಗಿಕೇರಿ ದೇಸಾಯಿ ಕುಟುಂಬದ ಹಿರಿಯ ಸದಸ್ಯೆರ್ ಆರಾಧನೆ ಮಲ್ಪುವೆರ್ ಪನ್ಪಿನ ನಂಬಿಕೆ ಉಂಡು. ಶ್ರೀಕೃಷ್ಣ ದೇವರಾಯನ ಆಸ್ಥಾನೊಡು ಶ್ರೀ ವ್ಯಾಸತೀರ್ಥೆರ್ ಮೂಲು ಬಾಲಭಿಮನ ಮೂರ್ತಿ ಮಲ್ತೆರ್ ಪನ್ಪಿನ ನಂಬಿಕೆ ಉಂಡು.

ಜಾಗೊದ ಪುರಾಣ

ಈ ದೇವಸ್ಥಾನೊಗು ಶತಮಾನೊಲೆನ ಪೌರಾಣಿಕ ಇತಿಹಾಸ ಉಂಡು. ಅನಾದಿ ಕಾಲೊಡು ಜನಮೇಜಯನ ಪೊಪ್ಪ ಪರಿಕ್ಷಿತ್ ಮಹಾರಾಜೆರ್ ಕಾಡ್‌ಗ್ ಬೋಂಟೆಗ್ ಪೋದು ಬಾರೀ ಬಡವುಗು ಬೂರುವೆರ್. ಸುತ್ತ ಮುತ್ತ ಸುತ್ತಾದ್, ಧ್ಯಾನೊಡು ನಿರಪರಾಧಿಯಾದ್ ತಪಸ್ಸ್ ಮಲ್ಪುನ ಒರಿ ಋಷಿನ್ ತೂಪೆ, ಅಯನ ಎದುರುಗು ಬತ್ತ್ದ್ ಅಯನೊಟ್ಟುಗು ಪಾತೆರೆರೆ ಪ್ರಯತ್ನ ಮಲ್ಪುವೆ. ಆಂಡ ಧ್ಯಾನೊಡು ಮುರ್ಕುದುಪ್ಪುನ ಋಷಿ ಏರ್ಲಾ ಪ್ರತಿಕ್ರಿಯೆ ಇಜ್ಜಂದೆ ಶಾಂತವಾದ್ ಉಪ್ಪುವೆರ್. ಉಂದೆಡ್ದ್ ಕೋಪೊಗು ಬತ್ತಿನ ರಾಜೆ ಮುನಿನ ಮಿತ್ತ್ ಒಂಜಿ ನಾಗೊನ್ ಬುಡುಪೆರ್. ಕೆಲವು ಸಮಯೊಡ್ದು ಬೊಕ್ಕ, ಋಷಿನ ಅವಮಾನೊಗು ಕೋಪೊಡು, ಆರ್ ರಾಜಗ್ ಶಾಪ ಕೊರ್ಪೆರ್ ಅಂಚ ಶಾಪದ ಪರಿಣಾಮವಾದ್ ಆರ್ ಸರ್ಪ ಚುಚ್ಚಿದ್ ಸೈಪೆರ್. ಪೊಪ್ಪನ ಸಾವುಡ್ದ್ ಕೋಪೊಡು, ಜನಮೇಜಯ ಒಂಜಿ ಮಲ್ಲ ಯಾಜ್ಞೆನ್ ಸುರು ಮಲ್ಪುವೆರ್ ಅಂಚಾದ್ ಮಾತಾ ಸರ್ಪೊಲು ಯಾಜ್ಞೆಡ್ ಬುರುದು ಸೈಪುಂಡು. ತಕ್ಷಣನೆ ಒಂಜಿ ದೈವಿಕ ಸ್ವರ ಜನಮೇಜಯಗ್ ಎಚ್ಚರಿಕೆ ಕೊರ್ಪುಂಡು, ಈರ್ ಯಜ್ಞೆನ್ ಮುಂದುವರಿಸಂಡ, ಈರ್ಲಾ ಅರೆನ ಪೊಪ್ಪೆನಲೆಕನೆ ಅಂತ್ಯೊನು ಎದುರಿಸೊಡಾಪುಂಡು. ಉಂದೆನ್ ಕೇಂಡ್ದ್ ಜನಮೇಜಯ ಅದಗನೆ ಯಜ್ಞೆನ್ ಉಂತವೆರ್ ಆಂಡಲಾ, ಸರ್ಪ ದೋಸೊನು ದೂರ ಮಲ್ಪೆರೆ, ​​ಆರ್ ಮಸ್ತ್ ದೇಗುಲೊಲೆನ್ ನಿರ್ಮಾಣ ಮಲ್ಪುವೆರ್. ಅಂಚ ಆರ್ ಕಟ್ಟಿನ ಆ ದೇವಸ್ಥಾನೊಲೆಡ್ ಈ ಆಂಜನೇಯ ದೇವಸ್ಥಾನಲಾ ಒಂಜಿ.