ಪಂಜಾಬಿ ಬಾಸೆ

ಪಂಜಾಬಿ ಒಂಜಿ ಇಂಡೋ ಆರ್ಯ ಬಾಸೆ ಬುಕ್ಕೊ ಇಂದೆನ್ ಜಗತ್ತ್‌ದಾದ್ಯಂತೊ ಸುಮಾರ್ ೧೦ ಕೋಟಿ ಜನೊ ಪಾತೆರ್‌ಪೆರ್. ಉಂದು ದಿಂಜ ಬಾಸೆದಕ್ಲೆನ ಪಟ್ಟಿಡ್ ೧೦ನೇ ಸ್ತಾನೊಡುಂಡು. ಐತಿಹಾಸಿಕ ಪಾಕಿಸ್ತಾನ ಬುಕ್ಕೊ ಭಾರತೊದ ಪಂಜಾಬ್ ಪ್ರದೇಸೊದ ಸ್ತಳಿಯೆರ್ ಪಾತೆರುನ ಬಾಸೆ.

ಪಂಜಾಬಿ ಉಪಭಾಷೆಗಳು~4

ಪಾಕಿಸ್ತಾನಡ್ ಪಂಜಾಬಿ ಎಚ್ಚ ಜನೊ ಪಾತೆರುನ ಬಾಸೆ, ಭಾರತೊಡ್ ಇಂದೆತ ಬಾಸಿಗೆರೆ ಸಂಕ್ಯೆದ ಸ್ತಾನೊ ೧೧. ಉಂದು ಭಾರತೊದ ಉಪಕಂಡೊದ ಮೂಜನೆ ಎಚ್ಚ ಜನೊ ಪಾತೆರುನ ಬಾಸೆ. ಯುನೈಟೆಡ್ ಕಿಂಗ್‌ಡಂಡ್ ೪ನೆ ಎಚ್ಚ ಜನೊ ಪಾತೆರುನ ಬಾಸೆ ಕೆನಡದ ಸ್ತಾನೊ ಮೂರನೆದ (ಇಂಗ್ಲಿಸ್ ಬುಕ್ಕೊ ಪ್ರೆಂಚ್‌ಡ್ದ್ ಬುಕ್ಕೊದ ಸ್ತಾನೊ). ಇಂದೆನ್ ಯುನೈಟೆಡ್ ಅರಬ್ ಎಮಿರೇಟ್ಸ್, ಅಮೆರಿಕ ಸಂಯುಕ್ತ ಸಂಸ್ಥಾನ, ಸೌದಿ ಅರೇಬಿಯಾ ಬುಕ್ಕೊ ಆಸ್ಟ್ರೇಲಿಯಾಡ್ ಎಚ್ಚ ಸಂಕ್ಯೆಡ್ ಜನೊ ಪಾತೆರ್‌ಬೆರ್.

ಪ್ರಮಾಣಿಕ ಉಪಬಾಸೆ

ಅಮೃತಸರ ಬುಕ್ಕೊ ಲಾಹೋರ್ ಸುತ್ತಮುತ್ತೊ ಪಾತೆರುನ ಮಾಝಿ ಉಪಬಾಸೆ ಪ್ರತಿಸ್ಟೆ ಪಡೆವೊಂದ್ಂಡ್. ಈ ಉಪಬಾಸೆನ್ ಪಂಜಾಬ್‌ದ ಮದ್ಯೊ ಪ್ರದೇಸವಾಯಿನ ಮಾಝಡ್ ಪಾತೆರ್‌ಬೆರ್. ಈ ಪ್ರದೇಸೊ ಲಾಹೋರ್, ಅಮೃತಸರ, ಗುರುದಾಸ್ಪುರ್, ಕಸೂರ್, ತರನ್ ತಾರನ್, ಫೈಸಲಾಬಾದ್, ನಾನ್‌ಕನ ಸಾಹಿಬ, ಪಠಾಣ್‌ಕೋಟ್, ಓಕರ, ಪಾಕ್‌ಪಟ್ಟನ, ಸಾಹಿವಾಲ, ನರೊವಾಲ, ಶೇಖುಪುರ, ಸಿಯಾಲ್‌ಕೋಟ, ಚಿನೊಟ, ಗುಜ್ರನವಾಲ, ಬುಕ್ಕೊ ಗುಜರಾತ್ (ಪಾಕಿಸ್ತಾನ ಬುಕ್ಕೊ ಭಾರತೊದ ಜಿಲ್ಲೆಲು) ಜಿಲ್ಲೆಲೆನ್ ಸೇರೊಂದ್ಂಡ್. ಪಾಕಿಸ್ತಾನೊಡ್ ಗಳಸುನ ಮಾಝಿದ ಪದಕೋಸೊ ಎಚ್ಚ ಪರ್ಸಿಯೀಕರನೊ ಆದುಂಡು.