ಪೂರ್ಣಿಮಾ ಸಿನ್ಹಾ

ಡಾ. ಪೂರ್ಣಿಮಾ ಸಿನ್ಹಾ ಮೇರ್ ಭಾರತದ ಭೌತಶಾಸ್ತ್ರಜ್ಞೆ ಬೊಕ್ಕ ಭೌತಶಾಸ್ತ್ರೊಡು ಡಾಕ್ಟರೇಟ್ ಪಡೆಯಿನ ಸುರುತ ಬಂಗಾಳಿ ಪೊಂಜೊವುಲೆನೆಟ್ ಒರ್ತಿ. ಜೇಡಿಮಣ್ಣುದ ಖನಿಜಲೆನ ಕ್ಷ-ಕಿರಣ ಸ್ಫಟಿಕಶಾಸ್ತ್ರೊ ಕ್ಷೇತ್ರೊಡು ಆರ್ ಮಹತ್ತರವಾಯಿನ ಕೆಲಸೊನು ಮಂದೆರ್. ಆರ್ ಸಾಂಪ್ರದಾಯಿಕೊ ಯುಗೊಟು ಪ್ರಗತಿಪರ ಕುಟುಂಬೊಡು ಬುಲೆದಿನಾರ್. ಅಂಚಾದ್ ಅರೆಗ್ ಅರೆನ ಶಿಕ್ಷೊಣನ್ ಮುಂದುವರಿಸರೆ ಸಾಧ್ಯವಾಂಡ್ ಬೊಕ್ಕ ಭೌತಶಾಸ್ತ್ರೊದ ಅಧ್ಯಯನನ್ ಮುಂದುವರಿಸುವೆರ್. ಹಾಡುಗಾರಿಕೆ, ಚಿತ್ರಕಲೆ ಬೊಕ್ಕ ಬರವಣಿಗೆ ದಂಚಿನ ಕಲಾತ್ಮಕ ಚಟುವಟಿಕೆಡ್ಲಾ ತೊಡಗರೆ ಸಾಧ್ಯವಾತುಂಡು.

ಪೂರ್ಣಿಮಾ ಸಿನ್ಹಾ
ಪುಟ್ಟು	(೧೯೨೭-೧೦-೧೨)೧೨ ಅಕ್ಟೋಬರ್ ೧೯೨೭ ಕೊಲ್ಕತ್ತ, ಬ್ರಿಟಿಷ್ ಭಾರತ
ಸಯಿತಿನಿ	ಬೆಂಗಳೂರು, ಭಾರತ
ದೇಶ	ಭಾರತ
Alma mater	ರಾಜಬಜಾರ್ ಸೈನ್ಸ್ ಕಾಲೇಜ್ ಕಲ್ಕತ್ತ ವಿಶ್ವವಿದ್ಯಾಲಯ
Known for	ಭೌತಶಾಸ್ತರೊಡೌ ಡಾಕ್ಟರೇಟ್ ಪಡೆಯಿನ ಸುರುತ ಬಂಗಾಳಿ ಪೊ೦ಜೊವು
Spouse	ಸೂರಜಿತ್ ಚಂದ್ರ ಸಿನ್ಹಾ
ಜೋಕುಲು	ಸುಕನ್ಯಾ ಸಿನ್ಹಾ, ಸುಪೂರ್ಣ ಸಿನ್ಹಾ
Scientific career
ಕಾರ್ಯ ಕ್ಷೇತ್ರೊ	ಕ್ಲೇ ಮಿನರಲ್ಸ್‌ನ ಕ್ಷ-ಕಿರಣ ಸ್ಫಟಿಕಶಾಸ್ತ್ರ
ಸಂಸ್ಥೆ	ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಸೈನ್ಸ್, ಬೆಂಗಳೂರು
ವಿವರಣಾತ್ಮಕ ಸಲಹೆಗಾರೆ	ಸತ್ಯೇಂದ್ರನಾಥ ಬೋಸ್

ಆರಂಭಿಕೊ ಜೀವನೊ

12 ಅಕ್ಟೋಬರ್ 1927 ದಾನಿ ಪೂರ್ಣಿಮಾ ಆರ್ ಸಾಂವಿಧಾನಿಕ ವಕೀಲರಾದು ಇತ್ತಿನ ಡಾ. ನರೇಸ್ ಚಂದ್ರ ಸೇನ್-ಗುಪ್ತಾ ಅರೆನ ಎಲ್ಯಾ ಮಗಳಾದ್ ಪ್ರಗತಿಪರ ಕುಟುಂಬೊಡು ಜನಿಸಿಯೆರ್. ನರೇಸ್ ಚಂದ್ರ ಸೇನ್-ಗುಪ್ತಾ ರ್ ಅಜಿಪತ್ತೈನ್ ಡ್ ದ್ ಜಾಸ್ತಿ ಯೇ ಪುಸ್ತಕೊಲೆನ್ ಬೊಕ್ಕ ,ಬಂಗಾಳಿ ಬೊಕ್ಕ ಇಂಗ್ಲಿಷ್‌ ಭಾಷೆ ಡ್ ಅವೆತೋ ಪ್ರಬಂಧಲೆನ್ ಬರೆತೇರ್. ಅಯಿಟುಲ ಕೆಲವು ಪೊಂಜೊವುಲೆನ ಶಿಕ್ಷಣೊದ ಬಗ್ಗೆ ಬರೆತೆರ್. ಆರ್ ಆಂಜೊವುಲೆಗ್ ಬೊಕ್ಕ ಪೊಂಜೊವುಲೆಗ್ ಸಮಾನ ಹಕ್ಕುಲೆನ್ ಕೊರೊಡು ಪಂದ್ ನಂಬುದಿತ್ತೆರ್. ಪೂರ್ಣಿಮಾ ಆರ್ ವಿಶ್ವಭಾರತಿ ವಿಶ್ವವಿದ್ಯಾಲಯದ ಮಾಜಿ ಉಪಕುಲಪತಿ ಆದು ಇತ್ತಿನ ಪ್ರಖ್ಯಾತ ಮಾನವಶಾಸ್ತ್ರಜ್ಞ ಪ್ರೊಫೆಸರ್ ಆಯಿನ ಸೂರಜಿತ್ ಚಂದ್ರ ಸಿನ್ಹಾ ಅರೆನ್ ಮದಿಮೆ ಆಯೇರ್. ಆರ್ ಭಾರತೊಡು ಬುಡಕಟ್ಟು ಜನರೆನ್ ಬೆಳೆಸುನ ಪ್ರಕ್ರಿಯೆಲೆನ್ ಅರ್ಥ ಮನ್ಪರೆ ಗಮನಾರ್ಹವಾಯಿನಂಚಿನ ಕೊಡುಗೆಲೆನ್ ಕೊರ್ತೆರ್. ಅರೆನ ಮಗಳ್ ಆಯಿನ ಸುಪೂರ್ಣ ಸಿನ್ಹಾ ಆರ್ ರಾಮನ್ ರಿಸರ್ಚ್ ಇನ್‌ಸ್ಟಿಟ್ಯೂಟ್ ಬೊಕ್ಕ ಸುಕನ್ಯಾ ಸಿನ್ಹಾ ಆರ್ ಇಂಡಿಯನ್ ಸ್ಟ್ಯಾಟಿಸ್ಟಿಕಲ್ ಇನ್‌ಸ್ಟಿಟ್ಯೂಟ್‌ಡ್ ಭೌತಶಾಸ್ತ್ರಜ್ಞರಾದ್ ಉಲ್ಲೇರ್. ಪೂರ್ಣಿಮಾ ಆರ್ ಅರೆನ ಕಂಡನಿನ ಒಟ್ಟುಗು, ಬುಡಕಟ್ಟು ಜೋಕುಲೆಗಾದ್ ಶಾಂತಿನಿಕೇತನೊಡು ಮೇಳ ಮೇಷ ಆರ್ ಪಾಠ ಶಾಲಾ ಪನ್ಪಿನ ಅನೌಪಚಾರಿಕ ಶಾಲೆನ್ ಲಾ ಪ್ರಾರಂಭಿಸಿದೆರ್.

ಶಿಕ್ಶಣೊ ಬೊಕ್ಕ ವೃತ್ತಿ

ಪೂರ್ಣಿಮಾ ಆರ್ ಆರಂಭಿಕೊ ಶಿಕ್ಷಣ ಪೂರಾ ಕೋಲ್ಕತ್ತಾದ ಪೊಣ್ಣು ಜೋಕುಲೆನ ಲೇಕ್ ಸ್ಕೂಲ್‌ಡ್ ಪ್ರಾರಂಭ ಆಂಡ್, ಉಂದೆನ್ ಅರೆನ ಮಲ್ಲ ಅಕ್ಕ ಸುಶಾಮಾ ಸೆನ್‍ಗುಪ್ತ ಆರ್ ಸ್ಥಾಪನೆ ಮಂತೆರ್. ಆಯಿ ಡ್ದ್ ಬೊಕ್ಕ ಆರ್ ಅಸುತೋಷ್ ಕಾಲೇಜ್, ಸ್ಕಾಟಿಷ್ ಚರ್ಚ್ ಕಾಲೇಜ್, ಬೊಕ್ಕ ಅಂತಿಮವಾದ್ ಪ್ರತಿಷ್ಠಿತ ರಾಜಾ ಬಜಾರ್ ಸೈನ್ಸ್ ಕಾಲೇಜ್, ಕೊಲ್ಕತ್ತಾ ವಿಶ್ವವಿದ್ಯಾಲಯೊಡು ವ್ಯಾಸಂಗ ಮಂದೆರ್. ಇಂಬೆರ್ 1956ಡ್ ಕೊಲ್ಕತ್ತಾ ವಿಶ್ವವಿದ್ಯಾಲಯೊಡ್ದ್ ಭೌತಶಾಸ್ತ್ರಡು ಪಿಎಚ್‌ಡಿ ಮಂದಿನ ಸುರುತ ಪೊಂಜೊವು. ಕ್ವಾಂಟಮ್ ಮೆಕ್ಯಾನಿಕ್ಸ್‌ಡ್ ಕೆಲಸಕ್ ಪುದರ್ ಪೋತಿನ ಪ್ರಸಿದ್ಧೊ ಸೈದ್ಧಾಂತಿಕ ಭೌತಶಾಸ್ತ್ರಜ್ಞ ಪ್ರೊಫೆಸರ್ ಸತ್ಯೇಂದ್ರ ನಾಥ್ ಬೋಸ್ ಅರೆನ ಆಶ್ರಿತರಾದು ಇತ್ತುದು, ವಿಜ್ಞಾನಿಯಾದ್ ಅವೇತೋ ಮಾನದಂಡೊಲೆನ್ ಸ್ಥಾಪನೆ ಮಂದೆರ್ ಬೊಕ್ಕ ಕಲಾವಿದರಾದ್, ಬರಹಗಾರೆರಾದ್ ಬೊಕ್ಕ ಸಂಗೀತಗಾರೆರಾದ್ ತಮ್ಮ ಸೃಜನಶೀಲವಾಯಿನ ಪ್ರತಿಭೆನ್ ಆರ್ ಪ್ರದರ್ಶಿಸಾದ್ ಇತ್ತೆರ್. ಅರೆನ ಸ್ವಂತ ಕಲಾತ್ಮಕ ಆಸಕ್ತಿಲು ವೈವಿಧ್ಯಮ ವಾದುಂಡು. ಇಂಬೆರ್ ಯಾಮಿನಿ ಗಂಗೂಲಿ ಅರೆಡ್ದ್ ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತೊನು ಕಲ್ದೇರ್ ಬೊಕ್ಕ ಪ್ರಸಿದ್ಧ ವರ್ಣಚಿತ್ರಕಾರೆರಾಯಿನ ಗೋಪಾಲ್ ಘೋಷ್ ಅರೆಡ್ದ್ ಚಿತ್ರಕಲೆಲೆನ್ ಕಲ್ದೆರ್. ಪಂಡಿತ್ ಜ್ಞಾನ ಪ್ರಕಾಶ್ ಘೋಷ್ ಅರೆಡ್ದ್ ತಬಲಾ ಪಾಠೊನೂ ಕೂಡಾ ಕಲ್ದೇರ್ . ಮೆರೆನ ಇತರ ಪ್ರತಿಭೆಲೆಡು ಶಿಲ್ಪಕಲೆ ಬೊಕ್ಕ ಚಿತ್ರಕಲೆ ಲಾ ಸೇರುದುಂಡು. ವಿಜ್ಞಾನೊಡು ಪೂರ್ಣಿಮಾ ಅರೆನ ವೃತ್ತಿಜೀವನೊಲು ದಶಕೊಲೆನ್ ದಾಟುದುಂಡು. ಕ್ಲೇ ಮಿನರಲ್ಸ್‌ ದ ಕ್ಷ-ಕಿರಣ ಸ್ಫಟಿಕಶಾಸ್ತ್ರೊಡು ಆರ್ ಡಾಕ್ಟರೇಟ್ ಮಂದಿನಿ.ಆರ್ 1956-57 ಡ್ ಪ್ರಾಧ್ಯಾಪಕ ಸತ್ಯೇಂದ್ರ ನಾಥ್ ಬೋಸ್ ಅರೆನ ಮಾರ್ಗದರ್ಶನೊಡು ರಾಜಬಜಾರ್ ವಿಜ್ಞಾನ ಕಾಲೇಜಿದ ವಿದ್ಯಾರ್ಥಿಯಾದ್ ಕೊಲ್ಕತ್ತಾ ವಿಶ್ವವಿದ್ಯಾಲಯೊಡು ಡಾಕ್ಟರೇಟ್ ಪಡೆದಿನಿ. ಮೇರ್ ಭೌತಶಾಸ್ತ್ರೊಡು ಡಾಕ್ಟರೇಟ್ ಪಡೆದಿನ ಸುರುತ ಬಂಗಾಳಿ ಪೊಂಜೊವು ಪನ್ಪಿನ ಹೆಗ್ಗಳಿಕೆಗ್ ಪಾತ್ರರಾತೆರ್. ಪ್ರೊಫೆಸರ್ ಸತ್ಯೇಂದ್ರ ನಾಥ್ ಬೋಸ್ ಅರೆನ್ ಸೇರುನ ಸುರುಕು, ಆರ್ ರಡ್ಡನೇ ಮಹಾಯುದ್ಧೊ ಆಯಿ ಬೊಕ್ಕ ಕೊಲ್ಕತ್ತಾದ ಫುಟ್‌ಪಾತ್‌ಡ್ ತುಣುಕುದಲೆಕ್ಕ ಮಾರಾಟ ಆವೊಂದು ಇತ್ತಿನ ಹೆಚ್ಚುವರಿ ಸೇನಾ ಉಪಕರಣೊಲೆನ್ ನಾಡೊಂದು ಇತ್ತೆರ್. ಪೂರ್ಣಿಮಾ ಸಿನ್ಹಾ ಆರ್ ಅರೆನ ಡಾಕ್ಟರೇಟ್ ಸಂಶೋಧನೆಗ್ ಅಗತ್ಯವಾಯಿನ ಕ್ಷ-ಕಿರಣ ಉಪಕರಣೊಲೆನ್ ನಿರ್ಮಿಸಾರೆ ಬಿಡಿಭಾಗೊಲೆನ್ ನಾಡೊಂದು ಇತ್ತೆರ್. 1954 ತ ಸುಮಾರ್ ಗ್ ಜಗತ್ತುದ ಬಾಕಿದ ಕೋಡಿಡ್ ಡಿಎನ್ಎ ರಚನೆನ್ ಬುಡ್ಪಾರೆ ಕ್ಷ-ಕಿರಣ ತಂತ್ರೊಲೆನ್ ಅನ್ವಯಿಸಲಾದು ಇತ್ತುಂಡು.ಆರೆನ ಸಂಶೋಧನೆಗ್ ಅಸ್ಸಾಂ ಆಯಿಲ್ ಕಂಪನಿಲ ಧನಸಹಾಯೊ ಮಂತ್ ಇತ್ತೆರ್ (ಆ ಕಾಲೋಡು ಸಂಶೋಧನೆ-ಉದ್ಯಮ ಸಹಯೋಗ ಪೂರಾ ಅಸ್ತಿತ್ವಡ್ ಇತ್ತುಜಿ).ಆರ್ ಅವೆನ್ ನಿರ್ಮಿಸಾಯಿನಿ ಮಾತ್ರ ಅತ್ತಂದೆ, ಭಾರತದಾದ್ಯಂತ ವಿವಿಧ ರೀತಿದ ಜೇಡಿಮಣ್ಣುನ್ ಅಧ್ಯಯನ ಸಹ ಮಂದೆರ್. ಆಯಿಡ್ದ್ ಬೊಕ್ಕ, ಡಾ ಸಿನ್ಹಾ ಸ್ಟ್ಯಾನ್‌ಫೋರ್ಡ್ ವಿಶ್ವವಿದ್ಯಾನಿಲಯೊದ 'ಆರಿಜಿನ್ ಆಫ್ ಲೈಫ್' ಯೋಜನೆಡ್ ಬಯೋಫಿಸಿಕ್ಸ್ ವಿಭಾಗೊಕು ಸೇರಿಯೆರ್. ಬೊಕ್ಕ ಉಂದು ಅರೆನ ಕೆಲಸದ ಜೊತೆಗ್ ಸಂಪರ್ಕೊಲಾ ಆಂಡ್. ಮೇರ್ ಜೇಡಿಮಣ್ಣಿದ ಕ್ಷ-ಕಿರಣ ರಚನೆನ್ ಡಿಎನ್ಎ ಮಾದರಿದೊಟ್ಟುಗು ಜ್ಯಾಮಿತೀಯವಾದ್ ಹೋಲಿಸಾದ್ ಬೊಕ್ಕ ಸಂಪರ್ಕನ್ ಕಂಡ್ ಪತ್ತಿಯೆರ್.

ಪ್ರಕಟಣೆಲು

ಆರ್ ಇಂಗ್ಲಿಷ್ ಬೊಕ್ಕ ಬಂಗಾಳಿ ಭಾಷೆಲೆಡು ಅವೆತೋ ವಿಷಯದ ಬಗ್ಗೆ ವ್ಯಾಪಕವಾದ್ ಬರೆತೇರ್. ಸತ್ಯೇಂದ್ರ ನಾಥ್ ಬೋಸ್ ಸ್ಥಾಪನೆ ಮಂದಿನಾ ಬಂಗಿಯಾ ಬಿಜ್ಞಾನ್ ಪರಿಷತ್ (ಬಂಗಾಳ ಸೈನ್ಸ್ ಅಸೋಸಿಯೇಷನ್) ಪ್ರಕಟಣೆ ಮಂದಿನ ಬಂಗಾಳಿ ಭಾಷೆದ ವೈಜ್ಞಾನಿಕ ನಿಯತಕಾಲಿಕೆ ಆಯಿನ ಜ್ಞಾನ್ ಒ ಬಿಜ್ಞಾನ್ (ಜ್ಞಾನ ಬೊಕ್ಕ ವಿಜ್ಞಾನ) ಗ್ ಆರ್ ನಿಯಮಿತವಾದ್ ಕೊಡುಗೆನ್ ಕೊರೊಂದು ಇತ್ತೆರ್. ಇತ್ತೀಚೆಗ್ ಬಂಗಿಯಾ ಬಿಜ್ಞಾನ್ ಪರಿಷತ್ತು ಬೆಂಗಾಲಿ ಭಾಷೆಡ್ ವಿಜ್ಞಾನೊನು ಜನಪ್ರಿಯ ಮಂದಿನೆಕ್ ಮೆರೆಗ್ ಪ್ರಶಸ್ತಿ ಕೊರ್ದು ಗೌರವಿಸಾದೆರ್. ಆರ್ 1990 ಡ್ ಎರ್ವಿನ್ ಶ್ರೋಡಿಂಗರ್ ಅರೆನ ಮೈಂಡ್ ಅಂಡ್ ಮ್ಯಾಟರ್ ಪುಸ್ತಕ ನ್ ಬಂಗಾಳಿ ಭಾಷೆಗ್ ಅನುವಾದ ಮಂತ್ ಇತ್ತೆರ್ . ಆರ್ 1970 ಡ್ ಎನ್ ಅಪ್ರೋಚ್ ಟು ದ ಸ್ಟಡಿ ಆಫ್ ಇಂಡಿಯನ್ ಮ್ಯೂಸಿಕ್ ಪನ್ಪಿನ ಪುಸ್ತಕನ್ ಬರೆತೆರ್ . ಪಶ್ಚಿಮ ಬಂಗಾಳೊದ ಪುರುಲಿಯೊದ ಬುಡಕಟ್ಟು ಪ್ರದೇಶೊಡು ಮಾನವ ಶಾಸ್ತ್ರೊದ ಕ್ಷೇತ್ರ ಅಧ್ಯಯನದ ಸಮಯೊಡು ಅರೆನ ಕಂಡನಿ ಬೊಕ್ಕ ಆರ್ ಕ್ಷೇತ್ರೊಡು ಮಂದಿನ ಜಾನಪದ ಸಂಗೀತೊದ ಧ್ವನಿಮುದ್ರಣದ ಆಧಾರದ ಮಿತ್ತು ಜಾನಪದ ಸಂಗೀತದ ಬಗ್ಗೆ ಲೇಖನೊಲೆನ್ ಬರೆತೆರ್. ಆರ್ 1988ಡ್ ಅಂಡಮಾನ್ ದ್ವೀಪೊದ ಅರೆನ ಕ್ಷೇತ್ರೊ ಪ್ರವಾಸೊಡು ಆಧರಿಸಾದ್ 2005 ಡ್ ದಿ ಜರ್ನಲ್ ಆಫ್ ಏಷಿಯಾಟಿಕ್ ಸೊಸೈಟಿಡ್ 'ಜರಾವಾ ಸಾಂಗ್ಸ್ ಬೊಕ್ಕ ವೇದಿಕ್ ಚಾಂಟ್: ಎ ಕಂಪಾರಿಸನ್ ಆಫ್ ಮೆಲೋಡಿಕ್ ಪ್ಯಾಟರ್ನ್' ಪಂದ್ ವಿಶ್ಲೇಷಣಾತ್ಮಕವಾಯಿನ ಲೇಖನೊನು ಬರೆತೆರ್. ಆರ್ ಸತ್ಯೇಂದ್ರ ನಾಥ್ ಬೋಸ್ ಅರೆನ ಬಗ್ಗೆ ವ್ಯಾಪಕವಾಗದ್ ಬರೆತೆರ್.

ಸತ್ಯೇಂದ್ರ ನಾಥ್ ಬೋಸ್ ಅರೆನ ಮಿತ್ತು ಬರೆತಿನ ಕೃತಿಕುಲು

ಬಿಜ್ಞಾನ್ ಸಾಧನರ್ ಧಾರಯ್ ಸತ್ಯೇಂದ್ರನಾಥ್ ಬೋಸ್ ವಿಶ್ವ ವಿದ್ಯಾ ಸಂಗ್ರಹೊಡು ಪ್ರಕಟವಾಯಿನ ಪುಸ್ತಕ. ಅಮರ್ ಕಥಾ, ಬಂಗಿಯಾ ಬಿಜ್ಞಾನ್ ಪರಿಷತ್ತು ಪ್ರಕಟಿಸಾಯಿನ ಪುಸ್ತಕ.

ಇತರೊ ಆಸಕ್ತಿಲು

ಡಾ.ಪೂರ್ಣಿಮಾ ಸಿನ್ಹಾ ತಬಲಾ ನುಡಿಸಾವೊಂದು ಇತ್ತೆರ್.ಹಾಡುಗಾರಿಕೆ, ಚಿತ್ರಕಲೆ, ಬರವಣಿಗೆ ಬೊಕ್ಕ ಪುಸ್ತಕಲೆನ್ ಓದುನು ಮೆರೆನ ಹವ್ಯಾಸವಾದ್ ಇತ್ತುಂಡು.ಆರ್ ಇಲ್ಲಡ್ ಪುಸ್ತಕೊಲು ಬೊಕ್ಕ ನಿಯತಕಾಲಿಕೆದ ಮಾ ಮಲ್ಲ, ಅಪರೂಪದ ಸಂಗ್ರಹೊನ್ ಮಂತು ಇತ್ತೆರ್. ತನ್ನೊ 80ನೇ ವರ್ಷೊಡುಲ, ಆರ್ ಜನಕುಲೆನ್ ಭೇಟಿಯಾಪಿನಿ, ಸಂಭಾಷಿಸಾವುನು ಮುಂದುವರಿಸಾದ್ ಇತ್ತೆರ್. ಆರ್ ಸೆಂಟ್ರಲ್ ಗ್ಲಾಸ್ ಬೊಕ್ಕ ಸೆರಾಮಿಕ್ ರಿಸರ್ಚ್ ಇನ್ಸ್ಟಿಟ್ಯೂಟ್‍ಗೆ ಸೇರುನಗ ಡಾ ಸಿನ್ಹಾ ಆರ್ ಮಣ್ಣುದ ಖನಿಜೊಲು ಬೊಕ್ಕ ಸೆರಾಮಿಕ್ ಬಣ್ಣದ ಮಿತ್ತು ಅರೆನ ಕೆಲಸೊನು ಮುಂದುವರೆಸಾದ್ ಇತ್ತೆರ್. ಆರ್ ಕಲಾತ್ಮಕ ರೀತಿಡ್ ಅಧ್ಯಯೊನ ಮಂದಿನ ವಸ್ತುನ್ ರೂಪಿಸಾದ್ ಕ್ಲೇ ಮಾಡೆಲಿಂಗ್ ಕಲ್ತೆರ್. ತನ್ನೊ ಸೃಜನಾತ್ಮಕ ಅನ್ವೇಷಣೆನೆತ ನಡುಟು ಸಮಯ ತಿಕ್ಕುನಗ, ಡಾ ಸಿನ್ಹಾ ವಿಜ್ಞಾನ ಪುಸ್ತಕೊಲೆನ್ ಬಂಗಾಳಿ ಭಾಷೆಗ್ ಅನುವಾದ ಮ೦ತೊ೦ದು ಇತ್ತೆರ್.