ಬಚ್ಚಿರೆ
ಬಚ್ಚಿರೆ ತುಳು ಸಂಸ್ಕೃತಿಡ್ ಮುಖ್ಯವಾದುಂಡು. ಮದಿಮೆ, ಬೂತಾರಾಧನೆ, ಇಂಚ ತುಳುವೆರೆ ಒವ್ವೇ ಲೇಸ್‍ಡ್ ಬಚ್ಚಿರೆ ದುಂಬು ಬೋಡಾಪುಂಡು.
ಬಚ್ಚಿರೆ ಪದೊತ ಅರ್ತೊ
ಸಂಪೊಲಿಪುಲೆ
- ಬಚ್ಚಿರೆ ಪದೊಟು ಇರೆ ಪದೊ ಉಂಡು. ತುಳುತ ಇರೆಕ್ ಕನ್ನಡೊಡು ಎಲೆಪಂದ್ ಪನ್ಪೆರ್. ಅಂವಾದ್ ಬಚ್ಚಿರೆ ಒಂಜಿ ಇರೆ.[೧]
- ಬಚ್ಚಿರೆನ್ ಪಚ್ಚಿರೆಂದ್ ಪನ್ಪೆರ್. ಪಚ್ಚೆ+ಇರೆ=ಪಚ್ಚಿರೆ. ಪಚ್ಚೆ ಪಂಡ ಪಜಿ ಇರೆ. ಪಚ್ಚೆ ಇರೆನೆ ಬಚ್ಚಿರೆಂದ್ ಪದೊ ರಚನೆ ಆತ್ಂಡ್. ಮುಲ್ಪ ಪಕಾರೊ ಬಕಾರೊ ಆತ್ಂಡ್.
- ಲತ್ತ್ ಇರೆನೆ ಬಚ್ಚಿರೆ ಪನ್ಪೆರ್. ಬಚ್ಚೆಲ್ ದೆಪ್ಪುನಗ ಕುಲ್ಲ್‌ದ್ ತಿನ್ಪುನವು ಬಚ್ಚಿರೆ.
- ತುಳುತ ಬಚ್ಚಿರೆಗ್ ಕನ್ನಡೊಡು ವೀಳ್ಯದ ಎಲೆಂದ್ ಪನ್ಪೆರ್. ವೀಳ್ಯ ಪನ್ಪಿ ಪದೊಕ್ಕು ತುಳುಟು ಬಚ್ಚಿರೆ ಪನ್ಪೆರ್.[೨]
- ಮಲಿಯಾಳೊಡು ವೆತ್ತಿಲ/vettilaಂದ್ ಪನ್ಪೆರ್.
- ತಮಿಳುಡು ವೆತ್ತಿಲೈ / vettilaiಂದ್ ಪನ್ಪೆರ್
- ಅರೆಬಾಸೆಡ್ ಎಲೆ ಪನ್ಪೆರ್.
- ಬ್ರಾಹ್ಮಣ ತುಳುಟು ತಮಂತ್ರೆಂದ್ ಪನ್ಪೆರ್.
- ಇಂಗ್ಲಿಸ್‍ಡ್ ಬಚ್ಚಿರೆಗ್ betel leaf. piper betel[೩][೪]
- ಅಸ್ಸಾಂ ಸಂಸ್ಕೃತಿಡ್ ತುಮುಲಪಾನ ಅತ್ತಂಡ ಬಚ್ಚಿರೆ ಬಜ್ಜೆಯಿ ತಿನ್ಪುನವು ಗೌರವೊದ ಸಂಕೇತೊಂದ್ ನಂಬುದೆರ್.
ಬಚ್ಚಿರೆದ ವಿದೊಲು
ಸಂಪೊಲಿಪುಲೆ
- ಮುಂಡೊಲಿ ಬಚ್ಚಿರೆ
- ಪಂಚೊಲಿ ಬಚ್ಚಿರೆ
- ಕುಜುಂಬು ಬಚ್ಚಿರೆ
- ಕುದ್ಕ ಬಚ್ಚಿರೆ
- ಸೇಲಂ ಬಚ್ಚಿರೆ(ಪಾನ್ ಬೀಡ ಬಚ್ಚರೆ)
- ಮರಪೊಲಿ ಬಚ್ಚಿರೆ
- ಕಲ್ಕತ್ತ ಬಚ್ಚರೆ
- ಮೈಸೂರು ಬಚ್ಚಿರೆ
ಬಚ್ಚಿರೆದ ಉಪಯೋಗ
ಸಂಪೊಲಿಪುಲೆ- ಬಚ್ಚಿರೆ ಮರ್ದ್‍ಗ್ ಆಪುಂಡು.
- ಪಂಚೊಲಿ ಬಚ್ಚಿರೆ ತಿಂದ್ಂಡ ಬಂಜಿ ಬೇನ್ ಉಂತುಂಡು ಪನ್ಪೆರ್.
- ಚಿನ್ಹೆದ ಉಪದ್ರ ಉಪ್ಪುನ ಎಲ್ಯಜೋಕುಲೆಗ್ ಬಚ್ಚಿರೆದ ರಸತ್ತೊಟ್ಟುಗು ಚಿಹ್ನೆದ ಮಾತ್ರೆ ಕೊರ್ಪೆರ್.
- ಬಚ್ಚಿರೆಡ್ ಜ್ಯೂಸ್ ಮಲ್ಪುವೆರ್.[೫]
- ಬಚ್ಚಿರೆ ಬಜ್ಜೆಯಿ ತಿಂದ್ಂಡ ಕ್ಯಾಲ್ಸಿಯಂ ತಿಕ್ಕುಂಡು ಪನ್ಪೆರ್. ಬಚ್ಚಿರೆ ಬಜ್ಜೆಯಿ ಪಂಡ ಸುಣ್ಣೊ, ಬಚ್ಚಿರೆ, ಬಜ್ಜೆಯಿ ಸೇರಾದ್ ತಿನ್ಪುನೆ
- ಬಚ್ಚಿರೆ ಬಜ್ಜೆಯಿ ಕೊರ್ದ್ ಹಿರಿಯೆರೆನ್ ಲೆಪ್ಪುವೆರ್. ಅಂಚಾದ್ ಬಚ್ಚಿರೆ ಗೌರವೊನು ಕೊರ್ಪುಂಡು.
- ಬಚ್ಚಿರೆಡ್ ಅಂಜನೊ ಪಾಡುವೆರ್. ಅಂಜನೊ ಪಂಡ ಇಂದೊಂಜಿ ಮಾಂತ್ರಿಕ ಶಕ್ತಿ. ಇಂದೆತ ಆದಾರೊಡು ಕರಿದ್ ಪೋಯಿನ ಘಟನೆನ್ ತೂಪೆರ್. ಕೆಲವೆರ್ ತೋಜಿಂಡ್ ಪನ್ಪೆರ್. ಉಂದೊಂಜಿ ನಂಬಿಕೆ.
- ಬೂತಾರಾಧನೆಡ್ ಸತ್ಯೊ ಸಂದಾಯೊಗು ಬಚ್ಚಿರೆ ಪಾರಾವುನ ಕ್ರಮೊ ಉಂಡು. ಬಚ್ಚಿರೆಗ್ ಬಂಜಿ ಬುಕ್ಕೊ ಬೆರಿಂದ್ ರಡ್ಡ್ ಮೈಯಿ. ಬಚ್ಚಿರೆ ರಾಪಾನಗ ಬೆರಿ ಬೂರ್ಂಡ ಸತ್ಯ ನಡಪ್ಪುಜಿ. ಎನ್ನಿನವು ಆಪುಜಿ. ಬಂಜಿ ಬೂರ್ಂಡ ಪಂಡಿ ಪಾತೆರೊ ನಡಪುಂಡು ಪನ್ಪೆರ್.
- ಬಚ್ಚಿರೆದ ಪೊಡಿ
- ಬಚ್ಚಿರೆದ ವೈನ್
ಬಚ್ಚಿರೆದ ಬಗೆಟ್ ಗಾದೆಲು
ಸಂಪೊಲಿಪುಲೆ- ಬಚ್ಚಿರೆಡ್ದಾದ್ ಪೊಂಗರೆಗ್ ನೀರ್ - ಬಚ್ಚಿರೆನ್ ಪೊಂಗರೆ ಮರತ ಮುದೆಲ್ ಡ್ ನಡ್ಪೆರ್. ಬಚ್ಚಿರೆಗಾದ್ ನೀರ್ ಪಾಡ್‍ನವು ಪೊಂಗರೆಗ್‍ಲಾ ಆಂಡ್. ಪೊಂಗರೆಗ್ ಲಾಬೊ ಆಂಡ್. ಬಚ್ಚಿರೆನ್ ಪೊಂಗರೆ ಅತ್ತಂದೆ ಬೇತೆ ಮರಕ್ಕ್‍ಲಾ ನಡ್ಪೆರ್.
- ಕರಿಯ ಕರುಂಬು ಕಡ್ತ್‍ದ್ ಪನಿದೊಂಪ ಪಾಡ್ಯೆರ್ - ಇಂದು ಬೂತಾರಾಧನೆದ ಪಾಡ್ದಾನೊ ಪನ್ನಗ ಬರ್ಪುನ ಸಾಲ್.
ಬಚ್ಚಿರೆ ಪದಪ್ರಯೋಗೊ
ಸಂಪೊಲಿಪುಲೆ- ಬಚ್ಚಿರೆದ ಕೊಡಿ
- ಬಚ್ಚಿರೆ ಕಿನ್ಕುನೆ
- ಬಚ್ಚಿರೆ ಅಗಿಪುನೆ
- ಬಚ್ಚಿರೆದ ಕವುಲೆ ಪತ್ತುನೆ
- ಬಚ್ಚಿರೆ ಮುದುಪುನೆ
- ಬಚ್ಚಿರೆ ಚೀಲೊ
- ಬಚ್ಚಿರೆದ ಹರಿವಾನೊ/ಬಚ್ಚಿರೆದ ಬಟ್ಟಲ್
- ಬಚ್ಚಿರೆ ತಿನ್ಪುನೆ
- ಬಚ್ಚಿರೆ ತಿನ್ಪುನ ಪೊರ್ತು
- ಬಚ್ಚಿರೆ ಗೂಂಟೊ
- ಬಚ್ಚಿರೆ ದೊಂಪೊ
- ಬಚ್ಚಿರೆದ ನರಂಬು
- ಬಚ್ಚಿರೆ ಪೂಲು
- ಬಚ್ಚಿರೆ ಪೂಲು ಕೊರ್ಪುನೆ
- ಬಚ್ಚಿರೆ ಬಜ್ಜೆಯಿ ಪಗತೊನುನೆ
- ಬಚ್ಚಿರೆ ಪೂಲು ಪಗತೊನುನೆ
- ಬಚ್ಚಿರೆ ಪೂಲುಗು ಬರ್ಪುನೆ
- ಬಚ್ಚಿರೆ ಬಜ್ಜೆಯಿ ದೀಡುನೆ
- ಬಚ್ಚಿರೆ ಬರೆಪುನೆ
- ಬಚ್ಚಿರೆದ ಬಲ್ಲ್
- ಬಚ್ಚಿರೆದ ಬಾಯಿ
- ಬಚ್ಚರೆದ ಬೂರು
- ಬಚ್ಚಿರೆಡ್ ಪರಪ್ಪುನ ಎಲೆನಾಗೆ
- ಬಚ್ಚಿರೆ ಮುದ್ಪುನೆ
- ಬಚ್ಚಿರೆದ ಸೂಡಿ
- ಬಚ್ಚಿರೆದಾತ್ ಅಗೆಲೊ
- ಬಚ್ಚಿರೆದ ಕೊಡಿ
ಉಲ್ಲೇಕೊ
ಸಂಪೊಲಿಪುಲೆ- ↑ "Archive copy". Archived from the original on 2021-09-21. Retrieved 2014-04-30.
{{cite web}}: CS1 maint: archived copy as title (link) - ↑ kn:ವೀಳ್ಯದೆಲೆ
- ↑ https://www.google.co.in/search?q=betel+leaf&biw=1303&bih=671&tbm=isch&tbo=u&source=univ&sa=X&ei=3PinVLWTJ4WpuwSP04LQCQ&sqi=2&ved=0CCgQsAQ
- ↑ en:Betel
- ↑ "Archive copy" (PDF). Archived from the original (PDF) on 2017-08-10. Retrieved 2015-01-03.
{{cite web}}: Unknown parameter|dead-url=ignored (help)CS1 maint: archived copy as title (link)