ಬಾಕಿಮಾರ್

ಬಾಕಿಮಾರ್ ಪಂಡ ಬೆನ್ನಿದ ಕಂಡೊದ ಒಂಜಿ ವರ್ಗೊ. ಸಾಮಾನ್ಯವಾದ್ ಬೂಡು, ಗುತ್ತುದ ಇಲ್ಲ್, ಬರ್ಕೆ, ಪರಾರಿ ಇಂಚಿತ್ತಿನ ಪ್ರತಿಷ್ಠಿತ ಮನೆತನೊದ ಇಲ್ಲ್‌ದ ಎದುರು ಉಪ್ಪುನ ಪ್ರಧಾನ ಕಂಡೊನು ಬಾಕಿಮಾರ್ ಪನ್ಪೆರ್.

ಪದೊತ ಅರ್ಥ

ಮುಲ್ಪ ರಡ್ಡ್ ಶಬ್ದ ಉಂಡು. ಬಾಕಿ ಬೊಕ್ಕ ತಿಮಾರ್. ಪಿರಾಕ್‌ದ ತುಳುಟು ಮಾರ್ ಪಂಡ ಕಂಡ. ತಿರ್ತ ಮಾರ್ ಪನ್ಪಿನ ಶಬ್ದೊನೇ ಕ್ರಮೇಣ ‘ತಿಮಾರ್’ ಆದುಂಡು. ಬಾಕಿಲ್‌ದ ಎದುರು ಉಪ್ಪುನ ತಿರ್ತ್‌ದ ಕಂಡೊ-ಬಾಕಿತಿಮಾರ್. ಸಾಮಾನ್ಯವಾದ್ ಬಾಕಿಮಾರ್ ಕಂಡ ಇಲ್‌ಲ್ದ ಎದುರೇ ತಿರ್ತ ಬಾಗೊಡು ಉಪ್ಪುಂಡು. ಉಂದು ಇಲ್ಲತಾ ಬಾಕಿಲ್ ತ್ ಉಂತುದ್ ತೂನಗ ಎದುರುತ್ ಪುಡೆ ಜೇರ ಇಪ್ಪುನ ಕಂಡೋಲ ಅತುಂಡು.

ವಿಶೇಷತೆ

ಬಾಕಿತಿಮಾರ್, ಬಾಕ್ಯಾರ್ ಇಂಚಿತ್ತಿನ ಪುದರ್‌ಡ್‌ಲಾ ಲೆಪ್ಪುವೆರ್. ಒಟ್ಟಾರೆ ಪನ್ಪುಂಡ ಇಲ್ಲದ ಎದುರುದ ಪ್ರಧಾನ ಕಂಡೊನೇ ಈ ಬಾಕಿಮಾರ್. ಕಲ್ಲಿಮಾರ್, ಮಾಲೆಮಾರ್, ಮೂಲೆಮಾರ್, ಮಿತ್ತಮಾರ್, ತಿರ್ತಮಾರ್, ಕಟ್ಟೆಮಾರ್, ಕಡೆಮಾರ್, ಕೊಡಿಮಾರ್ ಈ ರೀತಿದ ಪುದರ್‌ದ ಊರುಲು ಉಲ್ಲ. ಮುಲ್ಪ ಬರ್ಪಿನ ಮಾರ್ ಪಂಡ ಕಂಡ. ಬೇತೆ ಬೇತೆ ರೀತಿದ ಕಂಡೊಲೆನ್ ಇಂಚ ಲೆತ್ತೆರ್. ಅವ್ವೇ ಪುದರ್ ಕ್ರಮೇಣ ಆ ಭಾಗೊಗೇ ಬತ್ತ್‌ಂಡ್.

ಕಂಡತ ಬಗೆಕುಲು

ಕಂಡ

• ನೀರ ಕಂಡ
• ಪಟ್ಲ ಕಂಡ
• ಮಜಲ್ ಕಂಡ
• ಬೊಟ್ಟು ಕಂಡ
• ಕುಮೇರಿ ಕಂಡ

ಇಂಚ ಬೇತೆ ಬೇತೆ ಬಗೆತ ಕಂಡೊಲು ಉಲ್ಲ. ಈ ಮಾತಾ ಕಂಡೊಲೆಡ್ಲಾ ಪ್ರಧಾನ ಕಂಡ ಪಂಡ ಬಾಕಿಮಾರ್.

ಆರಾಧನೆಟ್

ಬಾಕಿತಿಮಾರ್ ಪನ್ಪುನವು ಸುಮಾರ್ ಪಾಡ್ದನೊಲೆಟ್ ಬರುಪುಂಡು ಸಿರಿ ಪಾಡ್ದನೊ, ರಾಜನ್ ದೈವತಾ, ಹೊನ್ನಮ್ಮ ಜೇವು ಪಾಡ್ದನೊಲೆಟ್ ಮಾಂತಾ ಬರ್ಪುನಬರ್ಪುಂಡು.

ಕಟ್ಟುಲು

• ಪೊಣ್ಣು ಪೊಂಜೊವು ಕಂಡೊಗ್ ಜಪ್ಯೆರೆ ಬಲ್ಲಿ.
• ಎಲ್ ತಿಂಗೊಲು ಆಯಿನ ಬಂಜಿನಾಲ್ ಲ ದಪ್ಯರ ಬಲ್ಲಿ.
• ಬ್ಯಾಂಡ್ ವಾದ್ಯೋಲೆನ್ ಕೊನೆಯೆರೆ ಬಲ್ಲಿ.