ಬಾರೆಬೈಲ್ ದಾಸಣ್ಣಾಚಾರ್ಯೆರ್

ಬಾರಬೈಲ್ ದಾಸಣ್ಣಾಚಾರ್ಯೆರ್ ಕರಿನ ಶತಮಾನದ ಒರಿ ವಿದ್ವಾಂಸೆ.

ಆರ್ ಕುಡ್ಲದ ಬಾರೆಬೈಲ್ ಡ್ ಪುಟ್ಟ್ ದ್ ಕೆನರಾ ಹೈಸ್ಕೂಲ್ ಬೊಕ್ಕ ಅಲೋಶಿಯಸ್ ಕಾಲೇಜ್ ಡ್ ಕಲ್ತೆರ್. ಐಡ್ದ್ ಬೊಕ್ಕ ಬಿ.ಎ. (ಆನರ್ಸ್) ಮಲ್ಪೆರೆ ತಿರುಚಿನಾಪಳ್ಳಿದ ಸೈಂಟ್ ಜೋಸೆಫ್ ಕಾಲೇಜ್ ಸೇರಿಯೆರ್. ಆ ಪರೀಕ್ಷೆಡ್ ಸುರುತ್ತ ಸ್ಥಾನಲಾ, ಐಕ್ ಬಂಗಾರ್ ದ ಪದಕನ್ಲಾ ಪಡೆಯೆರ್. ಬೊಕ್ಕ ಬೆಂಗಳೂರುದ ಇಂಡಿಯನ್ ಇನ್ಸ್ ಟಿಟ್ಯೂಟ್ ಆಫ್ ಸೈನ್ಸ್ ಡ್ ಸಂಶೋಧನೆ ಮಲ್ತೊಂದಿತ್ತೆರ್. ಉಂದೆಟ್ಟೆ ಮುಂದರಿದ್ ೧೯೨೨ಟ್ಟ್ ಜರ್ಮನಿದ ಮ್ಯೂನಿಕ್ ವಿಶ್ವವಿದ್ಯಾಲಯದ ವಿಲ್ಯಂ ವೀನ್ (ನೊಬೆಲ್ ಪಡೆಯಿನಾರ್) ರೆನ ಒಟ್ಟಿಗೆ ಸಂಶೋಧನೆ ಮಲ್ತೊಂದಿತ್ತೆರ್. ೧೯೨೫ಡ್ ಭಾರತದ ಹೈಕಮಿಶನರ್ ಸರ್ ಅತುಲ್ ಚಟರ್ಜಿ ದಾಸಣ್ಣಾಚಾರ್ಯೆರೆಗ್ ೧೫೦ ಪವನ್ ವಿದ್ಯಾವೇತನ ಕೊರಿಯೆರ್. ಆ ಮೂಲಕ ದಾಸಣ್ಣಾಚಾರ್ಯೆರ್ ಪಿಎಚ್ ಡಿ ಮಲ್ತೆರ್.

ದಾಸಣ್ಣಾಚಾರ್ಯೆರ್ ಇಂಗ್ಲೆಂಡ್ ದ ಲಂಡನ್ ವಿಶ್ವವಿದ್ಯಾಲಯೊಡು ಎಕ್ಸ್ ರೇ ಬಗ್ಗೆ ಅಧ್ಯಯನ ಮಲ್ತೆರ್. ಬೊಕ್ಕ ೧೯೨೮ರಲ್ಲಿ ಅಮೇರಿಕೊಗು ಪೋದುಲಾ ಅವ್ವೇ ವಿಚಾರವಾದ್ ಸಂಶೋಧನೆ ಮುಂದರಿತೆರ್. ಬೊಕ್ಕ ಜಪಾನ್, ಚೀನಾ ದೇಶೊಲೆಗ್ ಲಾ ಪೋದು ಅವುಲು ಭಾರತೊಗು ಬತ್ತೆರ್. ಲಾಹೋರ್ ದ ಇಸ್ಲಾಮಿಯಾ ಕಾಲೇಜ್ ಡ್ ರಸಾಯನ ಶಾಸ್ತ್ರ ವಿಭಾಗದ ಮುಖ್ಯಸ್ಥೆ ಆದ್ ವಿಜ್ಞಾನಾಚಾರ್ಯ ಪದವಿ ಸ್ವೀಕಾರ ಮಲ್ತೆರ್. ಬೊಕ್ಕ ಅಲ್ತುಡ್ದು ಬನಾರಸ್ ದ ಹಿಂದೂ ವಿಶ್ವವಿದ್ಯಾಲಯೊಡು ರಿಸರ್ಚ್ ಪ್ರೊಫೆಸರ್ ಆದ್ ಎಂಎಸ್ ಸಿದ ವಿದ್ಯಾರ್ಥಿಲೆಗ್ ಕಲ್ಪಾವೊಂದಿತ್ತೆರ್.

ಉಲ್ಲೇಕೊಲು

ಉಂದೊಂಜಿ ಎಲ್ಯ ಲೇಕನೊ. ಈ ಲೇಕನೊನು ದುಂಬರಿಪೆರೆ ಸಹಾಯೊ ಮಲ್ಪುಲೆ.