ಬ್ರಹ್ಮಪುತ್ರ ತುದೆ

ಬ್ರಹ್ಮಪುತ್ರ ಏಷ್ಯಾದ ಪ್ರಮುಖ ತುದೆಕ್ಲೇಡ್ ಒಂಜಿ. ನೈಋತ್ಯ ಟಿಬೆಟ್‌‌ತ ಮಾನಸ ಸರೋವರ "ಚೆಮಯಂಗ್ ಡಂಗ್" ಕೈತಲ್ ಪುಟ್ಟುನಾ ಈ ತುದೆ ಅಲ್ಪ ಯಾರ್ಲುಂಗ್ ಟ್ಸಾಂಗ್ಪೋ ಪನ್ಪುನ ಪುದರ್ಡ್ ಲೆಪ್ಪುವೆರ್. ದುಂಬು ದಕ್ಷಿಣ ಟಿಬೆಟ್‌‌ಡ್ ಪರಿಪುನಗ ಡಿಯಾಂಗ್ ಪಂದ್ ಲೆತ್ತೊಂದಿತ್ತೆರ್. ಅಯಿರ್ದ್ ಬೊಕ  ಹಿಮಾಲಯನ್ ಕಡತ್‌‌‍ದ್  ಭಾರತದ ಅರುಣಾಚಲ ಪ್ರದೇಶ ಬೊಕ್ಕ ಅಸ್ಸಾಮ್ ರಾಜ್ಯೊಲೆಟ್ ನೈಋತ್ಯಾಭಿಮುಖವಾದ್ ಪರಿಪುಂಡು. ಭಾರತಡ್ ನೆತ್ತ ಪುದರ್  ಬ್ರಹ್ಮಪುತ್ರ. ದುಂಬುಗು ಬಾಂಗ್ಲಾದೇಶೊಟು ಪರಿಪುನ ಪ್ರ ಈ ಮಹಾನದಿ ಅಲ್ಪ ಜಮುನಾ ಪನ್ಪಿ ಪುದರ್ಡ್ ಗುರುತಿಸಬೇರ್. ಬಾಂಗ್ಲಾದೇಶದ ಸರಿಸುಮಾರು ಮಧ್ಯಭಾಗಡ್ ಈ ತುದೆ ಗಂಗಾ ತುದೆನ್( ಬಾಂಗ್ಲಾದೇಶಡ್ ಗಂಗಾ ತುದೆಕ್ ಪದ್ಮಾ ಪಂದ್ ಪುದರ್ ) ಕೂಡುಂಡು ಈ ಸಂಗಮ ಆ ಪ್ರದೇಶಡ್ ಭಾರೀ ವಿಸ್ತಾರದ ಮುಖಜಭೂಮಿನ್ ಸೃಷ್ಟಿಸಾನ್ಡ್ . ಸುಮಾರು ೧೮೦೦ ಮೈಲಿ (೨೯೦೦ ಕಿ.ಮೀ.) ಉದ್ದದ ಈ ತುದೆ  ಕೃಷಿ ಬೊಕ ಒಳನಾಡ ನೌಕಾಯಾನಗ್ ಮುಖ್ಯ ಆಧಾರ. ಈ ತುದೆನ್ ಟ್ಸಾಂಗ್ಪೋ-ಬ್ರಹ್ಮಪುತ್ರ ಪಂದ್ಲಾ ಲೆಪ್ಪುವೆರ್ . ಭಾರತ ಬೊಕ ಬಾಂಗ್ಲಾದೇಶದ ಜಾಸ್ತಿ ತುದೆಕ್ಲೆಗ್ ಪೊಣ್ಣುಲ್ನ ಪುದರ್ ಇತ್ತ್oಡ ಈ ತುದೆಕ್ ಮಾತ್ರ ಆನುಲ್ನ ಪುದರ್ . ಸಂಸ್ಕೃತಸಂಸ್ಕೃತ ಭಾಷೆಡ್ ಬ್ರಹ್ಮಪುತ್ರ ಪಂಡ ಬ್ರಹ್ಮನ ಮಗೆ . ಬ್ರಹ್ಮಪುತ್ರ ತುದೇತ ಜಾಸ್ತಿ ಭಾಗಡ್ ನೌಕಾಯಾನ ಸಾಧ್ಯ. ಭಾರತಡ್ ಬ್ರಹ್ಮಪುತ್ರ ಒಂಜಿ ಪವಿತ್ರ ತುದೆ ಆದ್ ಮಾನ್ಯತೆ ಪಡೆತ್oಡ್ . ಹಿಮಾಲಯಡ್ ಹಿಮ ಕರಗುನ ಕಾಲಡ್ ಬ್ರಹ್ಮಪುತ್ರ ತುದೆಟ್ ಭಾರೀ ಪ್ರಮಾಣಡ್ ಪ್ರವಾಹ ಉಂಟಾಪುಂಡು . ಈ ವಿದ್ಯಮಾನ ಸಾಮಾನ್ಯ. ಅತ್ತಂದೆ ಕೆಲವೊರ ಈ ತುದೆಟ್ ಪ್ರಳಯಸದೃಶ ಅಲೆಕುಳುಲಾ ಲಕ್ಕುಂಡು . ವಿಶ್ವದ ಕೆಲವೇ ಮಹಾತುದೆಕ್ಲೆಡ್ ಇಂಚಿನ ವಿದ್ಯಮಾನ ನಡಪುಂಡು .ಈ ತುದೆಕ್ ದೇಶದ ಭಾರೀ ಉದ್ದದ ರೈಲ್  ಬೊಕ ರೋಡ್ ಸಂಕ ನ್ ತಾರಿಕ್ ೨೫ ಡಿಸೆಂಬರ್ ೨೦೧೮ ತಾನಿ ಮಂಗಳವಾರ ಪ್ರಧಾನ ಮಂತ್ರಿ ನರೇಂದ್ರ ಮೋದಿ  ಉದ್ಘಾಟಣೆ ಮಲ್ತೆರ್ . ನೆತ್ತ ಉದ್ದ ೪.೯ ಕಿ.ಮೀ. ನೆತ್ತ ವೆಚ್ಚ ೫೯೦೦ ಕೋಟಿ. ನೆನ್ ೧೯೯೭ ಡ್ ದೇವೇಗೌಡೆರ್ ಪ್ರಧಾನಿ ಆದುಪ್ಪುನಗ ಅಡಿಗಲ್ಲ್ ಪಾಡ್ದ್ ಇತ್ತೆರ್.

Brahmaputra River View

ಟಿಬೆಟ್ ಡ್

ಯಾರ್ಲುಂಗ್ ಟ್ಸಾಂಗ್ಪೋ(ಬ್ರಹ್ಮಪುತ್ರ)ಉತ್ತರ ಹಿಮಾಲಯದ ಕೈಲಾಸ ಪರ್ವತದ ಕೈತಲ್ ಜೀಮಾ ಯಾಂಗ್ಜಾಂಗ್ ಹಿಮನದಿಟ್ ಉಗಮ ಆಪುಂಡು. ಅಲ್ಪರ್ದ್ ಸುಮಾರು ೧೭೦೦ ಕಿ.ಮೀ.ಮುಟ್ಟ ಈ ತುದೆ ಟಿಬೆಟ್ ಡ್ ಪೂರ್ವಾಗ್ ಮೋನೆಯಾದ್ ಪರಿಪುಂಡು. ಮುಲ್ಪ ಉಂದು  ಸರಾಸರಿ ಸಮುದ್ರಮಟ್ಟರ್ದ್ ಸುಮಾರು ೪೦೦೦ ಮೀ. ಎತ್ತರಡ್ ಪರಿಪುಂಡು .ಇಂಚ ಬ್ರಹ್ಮಪುತ್ರ ವಿಶ್ವಡ್ ಭಾರೀ ಎತ್ತರದ ಪ್ರದೇಶಡ್ ಪರಿಪುನ ಮಲ್ಲ ತುದೆ ಆತ್oಡ್ .ಈ ತುದೆ ನಮ್ಚಾ ಬರ್ವಾ ಪರ್ವತನ್ ಬಳಸ್ ದ್ ದುಂಬುಗು ಯಾರ್ಲುಂಗ್ ಟ್ಸಾಂಗ್ಪೋ ಗುಂಡಿನ್ ಸೃಷ್ಟಿಸಾನ್ಡ್ . ಈ ಗುಂಡಿ ಜಗತ್ತ್ ದ ಮಲ್ಲ ಗುಂಡಿ ಪಂದ್ ಪನ್ಪೆರ್.

ಭಾರತಡ್ ಬ್ರಹ್ಮಪುತ್ರ ತುದೆ

ತುದೆಕ್ ಸುರುತ ರೈಲು-ರಸ್ತೆ ಸೇತುವೆ ನಿರ್ಮಿಸಲಾದ್ ೧೯೬೨ಟ್ ಸಂಚಾರಗ್ ಸುರು ಆಂಡ್ . ಬ್ರಹ್ಮಪುತ್ರ ತುದೇತ ಪಿರಾಕ್ ದ ಸಂಸ್ಕೃತ ಪುದರ್ ಲೌಹಿತ್ಯ. ಅಸ್ಸಾಮಿನ ಸ್ಥಳೀಯ ಹೆಅಸು ಲೂಯಿತ್. ಅಸ್ಸಾಮಿನ ಮೂಲನಿವಾಸಿಗಳಾಯಿನ ಬೋಡೋ ಜನಕುಳು ನೆನ್ ಭುಲ್ಲಮ್-ಬುಥೂರ್ ಪಂದ್ ಲೆಪ್ಪುವೆರ್. ಭಾರತದ ಬಾಕಿದ ಪ್ರಮುಖ ನದಿಕ್ಲೇಡ್ ಹೋಲಿಸಾಂಡ ಬ್ರಹ್ಮಪುತ್ರ ಜಾಸ್ತಿ ಕಲುಷಿತ ಅತ್ ಜಿ . ಆಂಡ ಈ ತುದೆ ತನ್ನನೇ ಆಯಿನ ಸಮಸ್ಯೆಲೆನ್ ಎದುರಿಸಾವುಂಡು. ಪೆಟ್ರೋಲಿಯಮ್ ಸಂಸ್ಕರಣಾ ಘಟಕಳು ಮಲ್ಲ ಪ್ರಮಾಣಡ್ ತುದೆನ್ ಮಲಿನಗೊಳಿಸಾವುಂಡು . ತುದೇತ ನನೊಂಜಿ ಮಲ್ಲ ಸಮಸ್ಯೆ ಪಂಡ ಅಪಗಪಗ ಉಂಟಾಪುನ ಪ್ರವಾಹ. ಅರಣ್ಯನಾಶ ಹೆಚ್ಚಾಪುನೇ ತುದೆಟ್ ಬೊಲ್ಲದ ಸಾಧ್ಯತೆಲಾ ಹೆಚ್ಚುoಡು.

ಬ್ರಹ್ಮಪುತ್ರ ಭಾರತತ ಅರುಣಾಚಲ ಪ್ರದೇಶ ಪ್ರದೇಶಡ್ ಪ್ರವೇಶಿಸುಂಡು . ಅಲ್ಪ ಈ ತುದೆಕ್ ಸಿಯಾಂಗ್ ಪಂದ್ ಪುದರ್ . ಟಿಬೆಟ್ ಡ್ ಬಾರೀ ಎತ್ತರಡ್ ಪರಿಪುನ ಈ ತುದೆ ಅರುಣಾಚಲ ಪ್ರದೇಶಡ್ ಕೆಳ ಮಟ್ಟಗ್ ತೀವ್ರ ಗತಿಟ್ ಜತ್ತ್ ದ್ ಕಡೆಕ್ ಬಯಲು ಪ್ರದೇಶನ್ ಮುಟ್ಟುoಡು. ಈ ಪ್ರದೇಶಡ್ ತುದೆಕ್ ಡಿಹಾಂಗ್ ಪಂದ್ ಪುದರ್. ಸುಮಾರು ೩೫ ಕಿ.ಮೀ. ಪರಿತ್ ದ್ ಡಿಬಾಂಗ್ ಬೊಕ್ಕ ಲೋಹಿತ್ ಪನ್ಪುನ ರಡ್ಡ್ ಮಲ್ಲ ತುದೇಕ್ಲು ಈ ತುದೆನ್ ಕೂಡುಂಡು.

ಈ ಸಂಗಮ ಜಾಗೆತ್ತ ದುಂಬು ತುದೇತ ಅಗೆಲ ಮಸ್ತ್ ಎಚ್ಚ ಆತ್ ಬ್ರಹ್ಮಪುತ್ರ ಪಂದ್ ಲೆಪ್ಪುವೆರ್. ಅಸ್ಸಾಮ್ ದ ಸೋನಿತ್ ಪುರದ ಕೈತಲ್ ಬ್ರಹ್ಮಪುತ್ರನ್ ಜಿಯಾ ಭೊರೇಲಿ (ಕಾಮೆಂಗ್) ತುದೆ ಸೇರುಂಡು . ಅಸ್ಸಾಮ್ ರಾಜ್ಯದ ಉದ್ದಲ ಪರಿಪುನ ಈ ಮಹಾತುದೆ ಅಗೆಲ ಕೆಲವು ಕಡೆ ೧೦ ಕಿ.ಮೀ. ಗ್ ಜಾಸ್ತಿ. ಡಿಬ್ರೂಗಢರ್ದ್ ದುಂಬುಗು ಬ್ರಹ್ಮಪುತ್ರ ರಡ್ಡ್ ಕವಲುಗಳಾದ್ ಪುಡಾಪುಂಡು. ತುದೆಕ್ ಸುರುತ ರೈಲ್-ರಸ್ತೆ ಸೇತುವೆ ನಿರ್ಮಿಸಲಾದ್ ೧೯೬೨ಟ್ ಸಂಚಾರಗ್ ಸುರು ಆಂಡ್ .

ಬ್ರಹ್ಮಪುತ್ರ ತುದೇತ ಪಿರಾಕ್ ದ ಸಂಸ್ಕೃತ ಪುದರ್ ಲೌಹಿತ್ಯ. ಅಸ್ಸಾಮಿನ ಸ್ಥಳೀಯ ಹೆಅಸು ಲೂಯಿತ್. ಅಸ್ಸಾಮಿನ ಮೂಲನಿವಾಸಿಗಳಾಯಿನ ಬೋಡೋ ಜನಕುಳು ನೆನ್ ಭುಲ್ಲಮ್-ಬುಥೂರ್ ಪಂದ್ ಲೆಪ್ಪುವೆರ್. ಭಾರತದ ಬಾಕಿದ ಪ್ರಮುಖ ನದಿಕ್ಲೇಡ್ ಹೋಲಿಸಾಂಡ ಬ್ರಹ್ಮಪುತ್ರ ಜಾಸ್ತಿ ಕಲುಷಿತ ಅತ್ ಜಿ . ಆಂಡ ಈ ತುದೆ ತನ್ನನೇ ಆಯಿನ  ಸಮಸ್ಯೆಲೆನ್ ಎದುರಿಸಾವುಂಡು.

ಪೆಟ್ರೋಲಿಯಮ್ ಸಂಸ್ಕರಣಾ ಘಟಕಳು ಮಲ್ಲ ಪ್ರಮಾಣಡ್ ತುದೆನ್ ಮಲಿನಗೊಳಿಸಾವುಂಡು . ತುದೇತ ನನೊಂಜಿ ಮಲ್ಲ ಸಮಸ್ಯೆ ಪಂಡ ಅಪಗಪಗ ಉಂಟಾಪುನ ಪ್ರವಾಹ. ಅರಣ್ಯನಾಶ ಹೆಚ್ಚಾಪುನೇ ತುದೆಟ್ ಬೊಲ್ಲದ ಸಾಧ್ಯತೆಲಾ ಹೆಚ್ಚುoಡು.

ಚಿತ್ರಳು

Brahmaputra River in 2021.02