ವಿಕಿಪೀಡಿಯ

ಭಾರತ ಪೊಂಜೊಲೆ ಕ್ರಿಕೇಟ್ ತಂಡೊದ ಪೊಂಜೊವುಲು

ತಾನಿಯಾ ಭಾಟಿಯಾ

ಸಂಪೊಲಿಪುಲೆ
 
ತಾನಿಯಾ ಭಾಟಿಯಾ

ತಾನಿಯಾ ಭಾಟಿಯಾ, ಒರ್ತಿ ಭಾರತೀಯ ಮಹಿಳಾ ಕ್ರಿಕೆಟ್ ಗೊಬ್ಬುದಾರ್. ಮೆರ್ ಬಲಗೈ ಬ್ಯಾಟ್ಸಮಾನ್ ಬೊಕ್ಕ ವಿಕೇಟ್ ಕೀಪರ್‌‌. ದೇಶಿ ಕ್ರಿಕೆಟ್‍‌ಡ್ ಉತ್ತರ ವಲಯ, ಪಂಜಾಬ್ ಕ್ರಿಕೆಟ್ ತಂಡೊಲೆಡ್ ಗೊಬ್ಬುವೆರ್.[೧][೨] ತಾನಿಯಾ ಭಾಟಿಯಾ ನವಂಬರ್ ೨೮, ೧೯೯೭ಡ್ ಚಂಡಿಗಡ್, ಪಂಜಾಬ್‌‌ಡ್ ಪುಟ್ಟ್ದ್‌ದೆರ್.ಮೆರ್ ಸಪ್ನಾ ಬೊಕ್ಕ ಸಂಜಯ್ ಭಾಟಿಯಾ ದಂಪತಿಲೆನ ಮಗಳ್. ಇವರ ಅಮ್ಮೆರ್ ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾಡ್ ಬೇಲೆ ಮಲ್ತೊಂದಿತ್ತೆರ್ ಅಂಚನೆ ಅಖಿಲ ಭಾರತ ವಿಶ್ವವಿದ್ಯಾನಿಲಯ ಮಟ್ಟೊಡು ಕ್ರಿಕೆಟ್ ಗೊಬ್ಬುದೆರ್. ಮೆರೆಗ್ ಮಲ್ಲ ಅಕ್ಕ ಸಂಜನಾ ಬೊಕ್ಕ ಕಿನ್ಯ ಮೆಗ್ಯೆ ಸೇಹಜ್ ಉಲ್ಲೆರ್.

ಸುರುಕು ಮೆರ್ ಡಿಎವಿ ಸೀನಿಯರ್ ಸೆಕೆಂಡರಿ ಶಾಲೆಡ್ ಓದೊಂದಿತ್ತಿನಪಗ ಮಾಜಿ ಭಾರತೀಯ ಕ್ರಿಕೆಟಿಗೆರಾಯಿನ ಅಂಚನೆ ಯುವರಾಜ್ ಸಿಂಗ್‌ನ ಅಮ್ಮೆರ್ ಯೋಗ್ರಾಜ್ ಸಿಂಗೆರೆಡ ಭಾಟಿಯಾ ತರಬೇತಿ ಪಡೆಯೆರ್. ಮೆರ್ ಎಂ ಸಿ ಎಂ ಡಿಎವಿ ಪೊಂಜೊಲೆನ ಕಾಲೇಜಿಡ್ ಬಿ ಎ ಅಧ್ಯಯನ ಮಲ್ತೆರ್.[೩][೪]

ತಾನಿಯಾ ಭಾಟಿಯಾನ ವೃತ್ತಿ ಜೀವನ

ಸಂಪೊಲಿಪುಲೆ

ಸುರುತ ದರ್ಜೆ ಕ್ರಿಕೆಟ್ ಮೆರ್ ತನ್ನ ೧೧ನೇ ವರ್ಸ ಪ್ರಾಯೊಡು ೧೯ನೆ ಪ್ರಾಯಮಿತಿ ತಂಡೊಡು ಪಂಜಾಬ್ ತಂಡದ ಪ್ರತಿನಿಧಿಯಾದ್ ಪಂಜಾಬ್ ಕ್ರಿಕೆಟ್ ತಂಡೊದ ಕಿನ್ಯ ಗೊಬ್ಬುದರಾದಿತ್ತೆರ್.ಬೊಕ್ಕ ಕೆಲವೆ ದಿನೊಟು ಭಾರಿ ಬೇಗನೆ ಹಿರಿಯ ರಾಜ್ಯ ತಂಡೊನು (೧೬ನೇ ವರ್ಸ ಪ್ರಾಯೊಡು) ಸೇರಿಯೆರ್.೨೦೧೫ಡ್ ಮೆರ್ ಗುವಾಹಾಟಿಡುಪ್ಪುನ ಅಂತರ-ವಲಯ ಕ್ರಿಕೆಟ್ ಪಂದ್ಯಾವಳಿಡ್ ೧೯ರ ಪ್ರಾಯಮಿತಿದ ಉತ್ತರ ವಲಯ ತಂಡೊದ ಗುರ್ಕಾರ್ಮೆ ವಹಿಸೊಂಡೆರ್. ಈ ಪಂದ್ಯೊಡು ಮೆರ್ ೨೨೭ ರನ್‍‌ಲೆನ್ ಮಲ್ತೆರ್ .ಮೆರ್ ತನ್ನ ೧೬ನೇ ವರ್ಸೊ ಪ್ರಾಯೊಡು ಭಾರತ ಎ ತಂಡೊಗು ಸೇರಿಯೆರ್. ಮೆರ್ ರಡ್ದ್ ವರ್ಷ ಕಾಲ ವೃತ್ತಿಪರ ಹಿನ್ನಡೆ ಅನುಭವಿಸಯೆರ್ ಉಂದೆಟ್ ಮಸ್ತ್ ಕ್ರಿಕೆಟ್‌ದ ಮಿತ್ತ್‌ದ ಉಮೇದ್ ಕಳೆವೊನುನಂಚ ಆಪುಂಡು. ತನ್ನ ಅಪ್ಪೆನ ಬೆರಿ ಸಹಾಯೋಡು ಪಿರ ತನ್ನ ಕನನ್ ದುಂಬುವರಿಪೆರೆ ಪ್ರೇರಣೆ ಪಡೆಯೆರ್.[೫][೬]

ಅಂತರರಾಷ್ಟ್ರೀಯ ಕ್ರಿಕೆಟ್ ಫೆಬ್ರವರಿ ೧೩, ೨೦೧೮ಡ್ ದಕ್ಷಿಣ ಆಫ್ರಿಕದಡ್ ದಕ್ಷಿಣ ಆಫ್ರಿಕ ಕ್ರಿಕೆಟ್ ತಂಡೊದ ವಿರುದ್ದ ನಡತಿನ ಸುರುತ ಟಿ-೨೦ ಪಂದ್ಯೊದ ಮುಖಾಂತರ ತಾನಿಯಾ ಭಾಟಿಯಾ ಅಂತರರಾಷ್ಟ್ರೀಯ ಕ್ರಿಕೆಟ್ ಲೋಕೊಗು ಪಜ್ಜೆ ದೀಯೆರ್. ಬೊಕ್ಕ ಸೆಪ್ಟಂಬರ್ ೧೧, ೨೦೧೮ಡ್ ಶ್ರೀಲಂಕಡ್ ಶ್ರೀಲಂಕಾ ಕ್ರಿಕೆಟ್ ತಂಡೊದ ವಿರುದ್ದ ನಡತಿನ ಸುರುತ ಏಕದಿನ ಪಂದ್ಯೊದ ಮುಖಾಂತರ ತಾನಿಯಾ ಅಂತರರಾಷ್ಟ್ರೀಯ ಏಕದಿನ ಕ್ರಿಕೆಟ್ ಲೋಕೊಗು ಪಜ್ಜೆ ದೀಯೆರ್ .[೭][೮]

ಪಂದ್ಯೊಲು

  • ಏಕದಿನ ಕ್ರಿಕೆಟ್ : ೦೩ ಪಂದ್ಯೊಲು[೯]
  • ಟಿ-೨೦ ಕ್ರಿಕೆಟ್ : ೨೫ ಪಂದ್ಯೊಲು

ಅರ್ಧ ಶತಕೊಲು

  1. ಏಕದಿನ ಕ್ರಿಕೆಟ್‌‌ಡ್ : ೦೧

ಏಕ್ತಾ ಬಿಷ್ಟ್

ಸಂಪೊಲಿಪುಲೆ
 
Ekta-bisht

ಏಕ್ತಾ ಬಿಷ್ಟ್, ಒರ್ತಿ ಭಾರತೀಯ ಕ್ರಿಕೆಟ್ ಗೊಬ್ಬುದಾರ್ ಆಟಗಾರ್ತಿ. ಮೆರ್ ಎಡಗೈ ಬ್ಯಾಟ್ಸಮನ್ ಅಂಚನೆ ಎಡಗೈ ಲೆಗ್ ಸ್ಪಿನ್ ಬೌಲರ್.[೧೦]ಏಕ್ತಾ ಬಿಷ್ಟ್‌‌ ಫೆಬ್ರವರಿ ೦೮, ೧೯೮೬ಡ್ ಆಲ್ಮೋರ ಉತ್ತರಾಖಂಡದ ತಾರಾ ಬಿಷ್ಟ್ ಬೊಕ್ಕ ಕುಂದನ್ ಸಿಂಗ್ ಬಿಷ್ಟ್ ದಂಪತಿಲೆನ ಮಗಳಾದ್ ಪುಟ್ಟಿಯೆರ .ಅಮ್ಮೆರ್ ಕುಂದನ್ ಸಿಂಗ್ ಬಿಷ್ಟ್ ೧೯೮೮ ಡ್ ಹವಾಲ್ದಾರನ ತಾಣೊಡು ಭಾರತೀಯ ಸೈನ್ಯೊಡ್ದು ನಿವೃತ್ತರಾಯೆರ್. ಮೆರೆಗ್ ಒಪ್ಪ ಪುಟ್ಟಿನಕುಲು ರಡ್ಡ್ ಜನ. ಏಕ್ತಾ ಬಿಷ್ಟ್‌ ಅರೆನ ಆಜಿನೆ ವರ್ಸೊಡೆ ಕ್ರಿಕೆಟ್ ಗೊಬ್ಬೆರೆ ಸುರು ಮಲ್ತೆರ್ .ಮೆರ್ ಆಂಜೊಲೆನ ತಂಡೊದೊಟ್ಟುಗು ಗೊಬ್ಬೊಂದಿತ್ತಿನ ಒರ್ತಿಯೆ ಪೊಣ್ಣು ಮಗಳಾದ್ ಮಸ್ತ್ ಜನೊಕುಲು ಮೆರೆನಂಚಿ ತೂಪಿಲೆಕ್ಕ ಆಪುಂಡು. ಅಮ್ಮೆರ್ ಕುಂದನ್ ಸಿಂಗ್ ಬಿಷ್ಟ್‌‌‌ರೆಗ್ ಬಜಿ ಕಮ್ಮಿ ಪಂಡ ೧,೫೦೦ ರೂಪಾಯಿ ಪೆನ್ಷನ್ ತಿಕ್ಕೊಂದಿತ್ತ್ಂಡ್. ಆಂಡಲ ಮಗಳೆಗ್ ಪ್ರೋತ್ಸಾಹ ಮಲ್ತೆರೆ ಬೋಡಾದ್ ಮೆರ್ ಒಂಜಿ ಟೀ-ಸ್ಟಾಲನ್ನು ಶುರು ಮಲ್ಪುವೆರ್ ಏಕ್ತಾ ಬಿಷ್ಟ್‌ರ್ ಭಾರತೀಯ ಕ್ರಿಕೆಟ್ ತಂಡೊಗು ನೇಮಕ ಆದ್ ಗೊಬ್ಬುನಗ ಮೆರೆಗ್ ಪ್ರಾಯೋಜಕತ್ವ ಮಲ್ಪುನಗುಲು ತಿಕ್ಕುವೆರ್. ಅಂಚಾದ್ ಅರೆನ ಆರ್ಥಿಕ ಪರಿಸ್ಥಿತಿ ಸುಧಾರಣೆ ಆವೊಂದು ಬತ್ತ್ಂಡ್ .[೧೧]

ಏಕ್ತಾ ಬಿಷ್ಟ್‌ನ ವೃತ್ತಿ ಜೀವನ

ಸಂಪೊಲಿಪುಲೆ

ಸುರುತ ದರ್ಜೆ ಕ್ರಿಕೆಟ್ ಏಕ್ತಾ ಬಿಷ್ಟೆರ್ ೨೦೦೬ಡ್ ಉತ್ತರಾಖಂಡ ಕ್ರಿಕೆಟ್ ತಂಡೊದ ಗುರ್ಕಾರ್ದಿ ಆಪೆರ್. ಬೊಕ್ಕ ೨೦೦೭ ಡ್ದ್ ೨೦೧೦ ಮುಟ್ಟ ಉತ್ತರ ಪ್ರದೇಶ ಕ್ರಿಕೆಟ್ ತಂಡೊಡು ಸೇವೆ ಮಲ್ಪುವೆರ್.[೧೨]

ಅಂತರರಾಷ್ಟ್ರೀಯ ಕ್ರಿಕೆಟ್ ಜೂನ್ ೨೩, ೨೦೧೧ಡ್ ಆಸ್ಟ್ರೇಲಿಯಡ್ ಆಸ್ಟ್ರೇಲಿಯಾ ಕ್ರಿಕೆಟ್ ತಂಡೊದ ವಿರುದ್ದ ನಡತಿನ ಟಿ-೨೦ ಸರಣಿ ಪಂದ್ಯೊದ ಮುಖಾಂತರ ಏಕ್ತಾ ಬಿಷ್ಟ್‌‌‌ ಅಂತರರಾಷ್ಟ್ರೀಯ ಕ್ರಿಕೆಟ್ ಲೋಕೊಗು ಪಜ್ಜೆ ದೀಯೆರ ಬೊಕ್ಕ ಜುಲೈ ೦೨, ೨೦೧೧ಕ್ಕ್ ಆಸ್ಟ್ರೇಲಿಯಡ್ ಆಸ್ಟ್ರೇಲಿಯಾ ಕ್ರಿಕೆಟ್ ತಂಡೊದ ವಿರುದ್ದ ನಡತಿನ ಮೂಜನೇ ಏಕದಿನ ಕ್ರಿಕೆಟ್ ಪಂದ್ಯೊದ ಮುಖಾಂತರ ್ಮೆರ್ ಅಂತರರಾಷ್ಟ್ರೀಯ ಏಕದಿನ ಕ್ರಿಕೆಟ್‌ಗ್ ಪಜ್ಜೆ ದೀಯೆರ್. ಬೊಕ್ಕ ಆಗಸ್ಟ್ ೧೩, ೨೦೧೪ಡ್‍ ಇಂಗ್ಲೆಂಡ್‌ಡ್ ಇಂಗ್ಲೆಂಡ್ ಕ್ರಿಕೆಟ್ ತಂಡೊದ ವಿರುದ್ಧ ನಡತಿನ ಏಕೈಕ ಟೆಸ್ಟ್ ಕ್ರಿಕೆಟ್ ಪಂದ್ಯೊದ ಮುಖಾಂತರ ಏಕ್ತಾ ಬಿಷ್ಟ್‌ ಅಂತರರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್‌ಗ್ ಪಜ್ಜೆ ದೀಯೆರ್.[೧೩][೧೪][೧೫] 

ಪಂದ್ಯೊಲು
  • ಏಕದಿನ ಕ್ರಿಕೆಟ್ : ೫೨ ಪಂದ್ಯೊಲು[೧೬]
  • ಟೆಸ್ಟ್ ಕ್ರಿಕೆಟ್ : ೦೧ ಪಂದ್ಯೊಲು
  • ಟಿ-೨೦ ಕ್ರಿಕೆಟ್ : ೪೦ ಪಂದ್ಯೊಲು
ವಿಕೇಟ್‍‌ಲು
  1. ಟಿ-೨೦ ಪಂದ್ಯೊಲೆಡ್ : ೫೦
  2. ಟೆಸ್ಟ್ ಪಂದ್ಯೊಲೆಡ್: ೦೩
  3. ಏಕದಿನ ಪಂದ್ಯೊಲೆಡ್: ೭೯

ಸ್ಮೃತಿ ಮಂದಾನ

ಸಂಪೊಲಿಪುಲೆ
 
ಸ್ಮೃತಿ ಮಂದಾನ

ಸ್ಮೃತಿ ಜುಲೈ ೧೮, ೧೯೯೬ಡ್ ಮುಂಬಾಯಿಡ್ ಸ್ಮಿತಾ ಬೊಕ್ಕ ಶ್ರೀನಿವಾಸ ದಂಪತಿಲೆನ ಮಗಳಾದ್ ಪುಟ್ಟಿಯೆರ್ .ಮೆರೆಗ್ ೦೨ ವರ್ಷ ಆದಿಪ್ಪುನಗ ಮೆರೆನ ಕುಟುಂಬ ಸಾಂಗಲಿ ಜಿಲ್ಲೆಡ್ ಜೀವನ ಮಲ್ತೊಂದಿತ್ತ್ಂಡ್ ಮೆರೆನ ಪ್ರಾರ್ಥಮಿಕ ಶಿಕ್ಷಣ ಮಾತ ಅಲ್ಪನೆ ಮುಗಿತೆರ್. ಮೆರೆನ ಅಮ್ಮೆರ್ ಶ್ರೀನಿವಾಸ ಅಂಚನೆ ಸಹೋದರ ಶ್ರವಣ್ ಅಕುಲು ರಡ್ಡ್ ಜನೊಲ ಸಾಂಗಲಿ ಜಿಲ್ಲಾ ಮಟ್ಟದ ಕ್ರಿಕೆಟ್ ಗೊಬ್ಬುದಕುಲು. ಮೆರೆನ ಸಹೋದರ ಶ್ರವಣ್ ಮಹಾರಾಷ್ಟ್ರದ ೧೬ನೇ ಪ್ರಾಯಮಿತಿ ತಂಡೊಡು ಗೊಬ್ಬಿದಿನ ಗೊಬ್ಬು ಮೆರೆಗ್ ಪ್ರೇರಣೆ ಆಂಡ್. ಮೆರ್ ತನ್ನ ೦೯ನೇ ವರ್ಸೊಡು ಮಹಾರಾಷ್ಟ್ರದ ೧೫ನೇ ಪ್ರಾಯ ಮಿತಿ ತಂಡೊಗು ಆಯ್ಕೆ ಆಯೆರ್. ಅಂಚನೆ ತನ್ನ ೧೧ನೇ ವರ್ಸೊಡೆ ಮಹಾರಾಷ್ಟ್ರದ ೧೯ರ ಪ್ರಾಯಮಿತಿ ತಂಡೊಗು ನೇಮಕ ಆಯೆರ್. ಸ್ಮೃತಿಗ್ ಅರೆನ ಕುಟುಂಬೊಡ್ದು ಮಸ್ತ್ ಪ್ರೋತ್ಸಾಹ ಅಂಚನೆ ಬೆರಿ ಸಹಾಯ ತಿಕ್ಕುಂಡು.[೧೭]

ಸ್ಮೃತಿನ ವೃತ್ತಿ ಜೀವನ

ಸಂಪೊಲಿಪುಲೆ

ಸುರುತ ದರ್ಜೆ ಕ್ರಿಕೆಟ್ ಅಕ್ಟೋಬರ್ ೨೦೧೩ಡ್ ಮಂದಾನಾ, ಮಹಾರಾಷ್ಟ್ರ ತಂಡೊದ ಪರವಾದ್ ಗುಜರಾತ್ ವಿರುದ್ದ ನಡತಿನ ಏಕದಿನ ಪಂದ್ಯೊ ಒಂಜೆಡ್ ದ್ವಿಶತಕ ಬಾರಿಸಯಿನ ಸುರುತ ಭಾರತದ ಪೊಂಜೊವು ಅನ್ಪಿನ ದಾಖಲೆ ಮಲ್ಪುವೆರ್. ೨೦೧‍೬ಡ್ ನಡತಿನ ಉಮೆನ್ಸ್ ಚಾಲೆಂಜರ್ ಟ್ರೋಫೀಡ್ ಮಂದಾನ ಇಂಡಿಯಾ ರೆಡ್ ತಂಡೊದ ಪರವಾದ್ ಇಂಡಿಯಾ ಬ್ಲೂ ವಿರುದ್ಧ ನಡತಿನ ಫೈನಲ್‌‌ಡ್ ಅಜೇಯ ೬೨ ರನ ಪಡೆದ್ ಗೆಲ್ಮೆಗ್ ಕಾರಣ ಆಯೆರ್ ಅಂಚನೆ ಆ ಸರಣಿಡ್ ಮೂಜಿ ಅರ್ಧ ಶತಕೊಲೆನ್ ಬಾರಿಸದೆರ್.[೧೮][೧೯]

ಅಂತರರಾಷ್ಟ್ರೀಯ ಕ್ರಿಕೆಟ್ ಏಪ್ರಿಲ‍್ ೦೫, ೨೦೧೩ಡ್ ವಡೋದರಾಡ್ ಬಾಂಗ್ಲಾದೇಶ ಕ್ರಿಕೆಟ್ ತಂಡೊದ ವಿರುದ್ದ ನಡತಿನ ಮೂಜನೆ ಟಿ-೨೦ ಪಂದ್ಯೊದ ಮುಖಾಂತರ ಮಂದಾನಾ ತಂಡೊಡು ಗೊಬ್ಬುದು ಅಂತರರಾಷ್ಟ್ರೀಯ ಕ್ರಿಕೆಟ್ ಲೋಕೊಗು ಪಜ್ಜೆ ದೀಯೆರ್. ಬೊಕ್ಕ ಏಪ್ರಿಲ್ ೧೦, ೨೦೧೩ಡ್‍ ಅಹ್ಮದಾಬಾದ್‌ಡ್ ಬಾಂಗ್ಲಾದೇಶ ಕ್ರಿಕೆಟ್ ತಂಡೊದ ವಿರುದ್ಧ ನಡತಿನ ರಡ್ಡ್‌ನೆ ಏಕದಿನ ಕ್ರಿಕೆಟ್ ಪಂದ್ಯೊದ ಮುಖಾಂತರ ಮೆರ್ ಅಂತರರಾಷ್ಟ್ರೀಯ ಏಕದಿನ್ ಕ್ರಿಕೆಟ್‌ಗ್ ಪಜ್ಜೆ ದೀಯೆರ್ ಬೊಕ್ಕ ಆಗಸ್ಟ್ ೧೩, ೨೦೧೪ಡ್ ಇಂಗ್ಲೆಂಡ್‌ಡ್ ಇಂಗ್ಲೆಂಡ್ ಕ್ರಿಕೆಟ್ ತಂಡೊದ ವಿರುದ್ಧ ನಡತಿನ ಏಕೈಕ ಟೆಸ್ಟ್ ಕ್ರಿಕೆಟ್ ಪಂದ್ಯದ ಮುಖಾಂತರ ಮೆರ್ ಅಂತರರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್‌ಗ್ ಪಜ್ಜೆ ದೀಯೆರ್.[೨೦][೨೧][೨೨] 


ಪಂದ್ಯೊಲು
  • ಏಕದಿನ ಕ್ರಿಕೆಟ್ : ೪೪ ಪಂದ್ಯೊಲು[೨೩]
  • ಟೆಸ್ಟ್ ಕ್ರಿಕೆಟ್ : ೦೨ ಪಂದ್ಯೊಲು
  • ಟಿ-೨೦ ಕ್ರಿಕೆಟ್ : ೫೦ ಪಂದ್ಯೊಲು
ಅರ್ಧ ಶತಕೊಲು
  1. ಟಿ-೨೦ ಪಂದ್ಯೊಲೆಡ್ : ೦೫
  2. ಟೆಸ್ಟ್ ಪಂದ್ಯೊಲೆಡ್: ೦೧
  3. ಏಕದಿನ ಪಂದ್ಯೊಲೆಡ್ : ೧೩
ಶತಕೊಲು
  1. ಏಕದಿನ ಪಂದ್ಯೊಲೆಡ್ : ೦೩


ಪ್ರಿಯಾ ಪುಣಿಯಾ

ಸಂಪೊಲಿಪುಲೆ

ಪ್ರಿಯಾ ಪುಣಿಯಾ, ಒರ್ತಿ ಭಾರತೀಯ ಕ್ರಿಕೆಟ್ ಗೊಬ್ಬುದಾರ್. ಮೆರ್ ಬಲ ಕೈ ಬ್ಯಾಟ್ಸ್ಉಮನ ಅಂಚನೆ ಬಲ ಕೈ ಮದ್ಯಮ ವೇಗದ ಬೌಲರ್. ದೇಶಿ ಕ್ರಿಕೆಟ್‍ ಡ್ ದೆಹಲಿ, ಇಂಡಿಯಾ ಗ್ರೀನ್ ತಂಡೊಲೆಡ್ ಗೊಬ್ಬುದೆರ್.[೨೪]

ಪ್ರಿಯಾ ಪುಣಿಯಾ ಆಗಸ್ಟ್ ೦೬, ೧೯೯೬ ಡ್ ರಾಜಸ್ಥಾನೊದ ಜೈಪುರ ಪುಟ್ಟುದೆರ್.ಮೆರೆನ್ ಅಮ್ಮೆರ್ ಮೆರೆನ ಕ್ರಿಕೆಟ್ ಜೀವನೊಗು ಯಾಪಲ ಬೆರಿ ಸಹಾಯ ಆದಿತ್ತೆರ್. ಭಾರತೀಯ ತಂಡೊಗು ನೇಮಕ ಆಯಿನವು ಪ್ರಿಯಾ ಪುಣಿಯಾ ಅರೆನ ಅಮ್ಮೆರೆಗ್ ಕೊರ್ನ ಮಾಮಲ್ಲ ಇನಾಮು(ಕೊಡುಗೆ)ಂದ್ ಪನೊಂದುಲ್ಲೆರ್.[೨೫]

'ಪ್ರಿಯಾ ಪುಣಿಯಾನ ವೃತ್ತಿ ಜೀವನ

ಸಂಪೊಲಿಪುಲೆ

ಸುರುತ ದರ್ಜೆ ಕ್ರಿಕೆಟ್ ದೇಶಿ ಕ್ರಿಕೆಟ್‍ ಡ್ ದೆಹಲಿ, ಇಂಡಿಯಾ ಗ್ರೀನ್ ತಂಡೊಲೆಡ್ ಗೊಬ್ಬುದೆರ್. ಮೆರ್ ಮುಖ್ಯವಾದ್ ಬ್ಯಾಟಿಂಗ ವಿಭಾಗೊಡು ನೇಮಕ ಆತೆರ್ , ಎಡ್ಡೆ ಗೊಬ್ಬುದು ಭಾರತೀಯ ಟಿ-೨೦ ಕ್ರಿಕೆಟ್ ತಂಡೊಗು ನೇಮಕ ಅಯೆರ್. ರಾಜಸ್ಥಾನ ರಾಜ್ಯ ತಂಡೊಡು ಮಿತ್ತ ಕ್ರಮಾಂಕದ ಬ್ಯಾಟ್ಸ್‌‍ಉಮನ ಆದಿತ್ತಿನ ಮೆರ್, ಇಂಡಿಯಾ ಗ್ರೀನ್ ತಂಡೊಡುಲ ಗೊಬ್ಬುದಾರಾದುಲ್ಲೆರ್ [೨೬]

ಅಂತರರಾಷ್ಟ್ರೀಯ ಕ್ರಿಕೆಟ್ ಫೆಬ್ರವರಿ ೦೬, ೨೦೧೯ಡ್ ನ್ಯೂ ಜೀಲ್ಯಾಂಡ್‌‌ದ ವೆಲ್ಲಿಂಗ್ಟನ್‍‌ಡ‍ ನ್ಯೂ ಜೀಲ್ಯಾಂಡ್ ಕ್ರಿಕೆಟ್ ತಂಡೊದ ವಿರುದ್ದ ನಡತಿನ ಸರಣಿದ ಸುರುತ ಪಗೆಲ್-ಇರ್ಲ್ ಟಿ-೨೦ ಪಂದ್ಯೊದ ಮುಖಾಂತರ ಪ್ರಿಯಾ ಪುಣಿಯಾ ಅಂತರರಾಷ್ಟ್ರೀಯ ಕ್ರಿಕೆಟ್ ಲೋಕೊಗು ಪಜ್ಜೆ ದೀಯೆರ್ .[೨೭] 


ಪಂದ್ಯೊಲು
*ಟಿ-೨೦ ಕ್ರಿಕೆಟ್ : ೦೩' ಪಂದ್ಯೊಲು[೨೮]

ಹರ್ಲೀನ್ ದಿಯೊಲ್

ಸಂಪೊಲಿಪುಲೆ

ಹರ್ಲೀನ್ ದಿಯೊಲ್, ಓರ್ತಿ ಭಾರತೀಯ ಕ್ರಿಕೆಟ್ ಗೊಬ್ಬುದಾರ್. ಮೆರ್ ಬಲಗೈ ಬ್ಯಾಟ್ಸ ಉಮನ್ ಅಂಚನೆ ಬಲಗೈ ಆಫ್ ಬ್ರೇಕ್ ಬೌಲರ್. ದೇಶಿ ಕ್ರಿಕೆಟ್‍ ಡ್ ಹಿಮಾಚಲ ಪ್ರದೇಶ, ಇಂಡಿಯಾ ಎ ತಂಡೊಡು ಗೊಬ್ಬುದೆರ್.[೨೯]ಹರ್ಲೀನ್ ದಿಯೊಲ್ ಜೂನ್ ೨೧, ೧೯೯೮ ಡ ಪಂಜಾಬ್‍ ದ |ಚಂಡಿಗಡ್‌‌‌ಡ್ ಪುಟ್ಟುದೆರ್.[೩೦]

ಹರ್ಲೀನ್ ದಿಯೊಲ್ ನ ವೃತ್ತಿ ಜೀವನ

ಸಂಪೊಲಿಪುಲೆ

ಸುರುತ ದರ್ಜೆ ಕ್ರಿಕೆಟ್ ದೇಶಿ ಕ್ರಿಕೆಟ್‍‌ಡ್ ಹಿಮಾಚಲ ಪ್ರದೇಶ ಇಂಡಿಯಾ ಎ ತಂಡೊಲೆಡ್ ಗೊಬ್ಬುದೆರ್ ಆಲ್ರೌಂಡರ್ ಆಯಿನ ಮೆರ್ ದೇಶೀ ಕ್ರಿಕೆಟ್‌ಡ್ ಹಿಮಾಚಲ ಪ್ರದೇಶ ಕ್ರಿಕೆಟ್ ತಂಡೊಡು ಪ್ರಮುಖವಾದ್ ಬ್ಯಾಟ್ಸ್‌‌ ಉಮನಾದ್ ಗೇಣೊಗು ಬತ್ತೆರ್. ಇಂಡಿಯಾ ಎ ತಂಡೊಡು ಒಂಜಿ ತಾಣೊ ಪಡೆದ ಬೊಕ್ಕ ಹರ್ಲೀನ್ ದಿಯೊಲ್ ತನ್ನ ಆಲ್ರೌಂಡ್ ಗೊಬ್ಬುದ ಮುಖಾಂತರ ಭಾರತದ ತಂಡೊಗು ಆಯ್ಕೆ ಆಯೆರ್..[೩೧] ಅಂತರರಾಷ್ಟ್ರೀಯ ಕ್ರಿಕೆಟ್ ಫೆಬ್ರವರಿ ೨೨, ೨೦೧೯ಡ್ ಮುಂಬಾಯಿಡ್ |ಇಂಗ್ಲೆಂಡ್ ಕ್ರಿಕೆಟ್ ತಂಡೊದ ವಿರುದ್ದ ನಡತಿನ ಉಮೆನ್ಸ್ ಚಾಂಪಿಯನ್‌ಶಿಪ್ ಸರಣಿದ ಸುರುತ ಏಕದಿನ ಪಂದ್ಯೊದ ಮೂಲಕ ಹರ್ಲೀನ್ ದಿಯೊಲ್ ಅಂತರರಾಷ್ಟ್ರೀಯ ಕ್ರಿಕೆಟ್ ಲೋಕೊಗು ಪಜ್ಜೆ ದೀಯೆರ್ [೩೨] ಅವೆಡ್ದ್ಸ್ ಬೊಕ್ಕ ಮಾರ್ಚ್ ೦೪, ೨೦೧೯ಡ್ ಗುವಾಹಾಟಿಡ್ ಇಂಗ್ಲೆಂಡ್ ಕ್ರಿಕೆಟ್ ತಂಡೊದ ವಿರುದ್ದ ನಡತಿನ ಸುರುತ ಟಿ-೨೦ ಪಂದ್ಯೊದ ಮುಖಾಂತರ್ ಅಂತರರಾಷ್ಟ್ರೀಯ ಟಿ-೨೦ ಕ್ರಿಕೆಟ್ ಲೋಕೊಗು ಪಜ್ಜೆ ದೀಯೆರ್ [೩೩] 


ಪಂದ್ಯೊಲು
  • ಟಿ-೨೦ ಕ್ರಿಕೆಟ್ : ೦೧' ಪಂದ್ಯೊಲು[೩೪]
  • ಏಕದಿನ ಕ್ರಿಕೆಟ್ : ೦೧' ಪಂದ್ಯೊಲು

ಸುಶ್ಮಾ ವರ್ಮಾ

ಸಂಪೊಲಿಪುಲೆ

ಸುಶ್ಮಾ ವರ್ಮಾ, ಒರ್ತಿ ಭಾರತೀಯ ಕ್ರಿಕೆಟ್ ಗೊಬ್ಬುದಾರ್ ಮೆರ್ ಬಲಗೈ ಬ್ಯಾಟ್ಸಮಾನ್ ಬೊಕ್ಕ ವಿಕೇಟ್ ಕೀಪರ್. ದೇಶಿ ಕ್ರಿಕೆಟ್‍ಡ್ ಹಿಮಾಚಲ ಪ್ರದೇಶ ಕ್ರಿಕೆಟ್ ತಂಡೊಡು ಗೊಬ್ಬುವೆರ್ ಸುಶ್ಮಾ ವರ್ಮ ನವಂಬರ್ ೦೩, ೧೯೯೭ಡ್ ಶಿಮ್ಲ ಹಿಮಾಚಲ ಪ್ರದೇಶೊಡು ಪುಟ್ಟುವೆರ್. ಮೆರೆನ ಅಮ್ಮೆರ್ ಭೋಪಾಲ್ ಸಿಂಗ್ ವರ್ಮಾ. ಸುಶ್ಮಾ ತ್ನನ ಊರುಡೆ ಇಲ್ಲ್ ದ ಕೈತಲ್ ಉಪ್ಪೆರೆ ಇಷ್ಟ ಪಡ್ಪೆರ್ ಅಂಚನೆ ಶಿಮ್ಲಾಡುಪ್ಪುನ "ಪೋರ್ಟ್ಮೋರ್ಟ್ ಗವರ್ನಮೆಂಟ್ ಮಾಡೆಲ್" ಶಾಲೆಗ್ ಪೋಪೆರ್[೩೫] .ಮೆರ್ ಕ್ರಿಕೆಟ್ ಮಾತ್ರ ಅತ್ತಂದೆ ವಾಲಿಬಾಲ್, ಹ್ಯಾಂಡ್ಬಾಲ್, ಬೊಕ್ಕ ಬ್ಯಾಡ್ಮಿಂಟನ್‍ ಗೊಬ್ಬುವೆರ್. ಈ ಗೊಬ್ಬುಲೆಡ್ ಅರ್ ರಾಜ್ಯಮಟ್ಟದ ಆಟಗಾರ್ತಿಯಾದಿತ್ತೆರ್ ಅಂಚನೆ ಕ್ರಿಕೆಟ್‌ ಗೊಬ್ಬುನ್ಲ ಗೊಬ್ಬೊನ ಅಭಾಸ್ಯ ಮಲ್ತೋಂಡೆರ್

ಸುಶ್ಮಾ ವರ್ಮ ವೃತ್ತಿ ಜೀವನ

ಸಂಪೊಲಿಪುಲೆ

ಸುರುತ ದರ್ಜೆ ಕ್ರಿಕೆಟ್ ಮೆರ ಹಿಮಾಚಲ ಪ್ರದೇಶ ಕ್ರಿಕೆಟ್ ಅಸೋಸಿಯೇಷನ್‍ಗಾದ್ ಗೊಬ್ಬುದೆರ್.ಮೆರೆನ ಮುತಾಲಿಕೆಡ್ ಹಿಮಾಚಲ ಪ್ರದೇಶ ಕ್ರಿಕೆಟ್ ತಂಡ ೨೦೧೧ಡ್ ಅಂಡರ್-೧೯ ಆಲ್-ಇಂಡಿಯಾ ಪೊಂಜೊಂಲೆನ (ಮ್ಯಾಚ್) ಪಂದ್ಯಾವಳಿಡ್ ರನ್ನರ್-ಅಪ್ ಆದಿತ್ತ್ಂಡ್. ಅಂತರರಾಷ್ಟ್ರೀಯ ಕ್ರಿಕೆಟ್‌ಡ್ ಭಾರತೊದ ಪ್ರತಿನಿಧಿಯಾದ್ ಹಿಮಾಚಲ ಪ್ರದೇಶೊಡ್ದು ಆಯ್ಕೆಯಾಯಿನ ಸುರುತ ಮಹಿಳಾ ಕ್ರಿಕೆಟ್ ಗೊಬ್ಬುದಾರಾದುಲ್ಲೆರ್[೩೬]

ದೇಶೀ ಕ್ರಿಕೆಟ್‍ ಡ್ ಕಡಿಮೆ ಅವಕಾಶ ತಿಕ್ಕ್‌ದಿತ್ತ್ಂಡಲ,ಮೆರ್ ರೈಲ್ವೇಸ್‌ ತ್ಂಡೊಡು ಗೊಬ್ಬೆರೆ ಸುರು ಮಲ್ತೆರ. ಮೆರ್ ಮಿಥಾಲಿ ರಾಜ್, ಹರ್ಮನ್ಪ್ರೀತ್ ಕೌರ್ ಬೊಕ್ಕ ಪುನಾಮ್ ರೌತ್ರೊದರೊಟ್ಟುಗು ಗೊಬ್ಬುದೆರ್[೩೭] .


ಅಂತರರಾಷ್ಟ್ರೀಯ ಕ್ರಿಕೆಟ್ ಏಪ್ರಿಲ‍್ ೦೫, ೨೦೧೩ಡ್ ವಡೋದರ್‍ ಡ್ ಬಾಂಗ್ಲಾದೇಶ ಕ್ರಿಕೆಟ್ ತಂಡದ ವಿರುದ್ದ ನಡತಿನ ಮೂಜನೆ ಟಿ-೨೦ ಪಂದ್ಯೊದ ಮುಖಾಂತರ ಸುಶ್ಮಾ ಅಂತರರಾಷ್ಟ್ರೀಯ ಕ್ರಿಕೆಟ್ ಲೋಕೊಗು ಪಜ್ಜೆ ದೀಯೆರ್. ಬೊಕ್ಕ ನವಂಬರ್ ೧೬, ೨೦೧೪ಡ ಮೈಸೂರುಡು ದಕ್ಷಿಣ ಆಫ್ರಿಕ ಕ್ರಿಕೆಟ್ ತಂಡದ ವಿರುದ್ಧ ನಡತಿನ ಒಂಜೇಒಂಜಿ ಟೆಸ್ಟ್ ಕ್ರಿಕೆಟ್ ಪಂದ್ಯೊದ ಮುಖಾಂತರ ಮೆರ್ ಅಂತರರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್ ಗ್ ಪಜ್ಜೆ ದೀಯೆರ್.. ನಂತರ ನವಂಬರ್ ೨೪, ೨೦೧೪ಡ್ ಬೆಂಗಳೂರುಡು ದಕ್ಷಿಣ ಆಫ್ರಿಕ ಕ್ರಿಕೆಟ್ ತಂಡದ ವಿರುದ್ಧ ನಡೆತಿನ ಸುರುತ ಏಕದಿನ ಕ್ರಿಕೆಟ್ ಪಂದ್ಯೊದ ಮುಖಾಂತರ ಮೆರ್ ಅಂತರರಾಷ್ಟ್ರೀಯ ಏಕದಿನ ಕ್ರಿಕೆಟ್ ಡ್ ಪಜ್ಜೆ ದೀಯೆರ್ 

ಪಂದ್ಯೊಲು
  • ಏಕದಿನ ಕ್ರಿಕೆಟ್ : ೩೮ಪಂದ್ಯೊಲು
  • ಟಿ-೨೦ ಕ್ರಿಕೆಟ್ : ೧೯ ಪಂದ್ಯೊಲು
  • ಟೆಸ್ಟ್ ಕ್ರಿಕೆಟ್ : ೦೧ ಪಂದ್ಯೊಲು

ರುಮೇಲಿ ಧರ್

ಸಂಪೊಲಿಪುಲೆ

ರುಮೇಲಿ ಧರ್, ಒರ್ತಿ ಭಾರತೀಯ ಕ್ರಿಕೆಟ್ ಗೊಬ್ಬುದಾರ್. ಮೆರ್ ಬಲಗೈ ಬ್ಯಾಟ್ಸ್‍್ ಮ್ಯಾನ್ ಅಂಚನೆ ಬಲಗೈ ಮದ್ಯಮ ವೇಗದ ಬೌಲರ್. ದೇಶಿ ಕ್ರಿಕೆಟ್‍ ಡ್ ಬಂಗಾಳ, ಅಸ್ಸಾಂ, ಪೂರ್ವ ವಲಯ ಬೊಕ್ಕ ಇಂಡಿಯ ಎ ಕ್ರಿಕೆಟ್ ತಂಡೊಲೆಡ್ ಗೊಬ್ಬುದೆರ್.ರುಮೇಲಿ ಧರ್ ಡಿಸೆಂಬರ್ ೦೯, ೧೯೮೩ಡ ಪಶ್ಚಿಮ ಬಂಗಾಳದ ಕೊಲ್ಕತ್ತದಡ್ ಪುಟ್ಟು ಬಳತೆರ್.[೩೮]

ರುಮೇಲಿ ಧರ್ ನ ವೃತ್ತಿ ಜೀವನ

ಸಂಪೊಲಿಪುಲೆ

ಸುರುತ ದರ್ಜೆ ಕ್ರಿಕೆಟ್ ದೇಶಿ ಕ್ರಿಕೆಟ್‍್ ಡ್ ಬಂಗಾಳ, ಅಸ್ಸಾಂ, ಪೂರ್ವ ವಲಯ ಬೊಕ್ಕ ಇಂಡಿಯ ಎ ಕ್ರಿಕೆಟ್ ತಂಡೊಲೆಡ್ ಗೊಬ್ಬುದೆರ್ .ಮೆರ್ ಜುಲ್ಹಾನ್ ಗೋಸ್ವಾಮಿನೊಟ್ಟುಗು ಸುರುಕು ಸುರುತ ್ ಬೌಲರ್ ಆದ್ ತಂಡೊಗು ಸೇರಿಯೆರ್. ಬೊಕ್ಕ ಪಾಕಿಸ್ಥಾನ, ಅಸ್ಟ್ರೇಲಿಯಾ, ದಕ್ಷಿಣ ಆಫ್ರಿಕಾ ಇಂಚ ಬೇತೆ ಬೇತೆ ತಂಡೊಲೆನ ವಿರುದ್ದ ದೇಸೋಗು ಬೋಡಾದ್ ಗೊಬ್ಬುದ ಸೇವೆ ಸಲ್ಲಿಸದೆರ್. ಮೆರ್ ೨೦೧೨ರಲ್ಲಿ ಕೈತ ಗಾಯೊಡ್ದಾತ್ರ ಮಾನಸಿಕವಾದ್ ಬೇಜಾರಾದ್ ಕ್ರಿಕೆಟ್ ಬುಡ್ದು ಆಜಿ ವರ್ಷ ದೂರ ಇತ್ತೆರ್. ಬೊಕ್ಕ ೨೦೧೮ಡ್ ಬೊಕ್ಕ ಕ್ರಿಕೆಟ್ ಲೋಕೊಗು ಪಿರ ಬತ್ತೆರ್.[೩೯][೪೦][೪೧]

ಅಂತರರಾಷ್ಟ್ರೀಯ ಕ್ರಿಕೆಟ್ ಜನವರಿ ೨೭, ೨೦೦೩ಡ್ ಲಿನ್ಕನ್‍ಡ್ ಇಂಗ್ಲೆಂಡ್ ಕ್ರಿಕೆಟ್ ತಂಡದ ವಿರುದ್ದ ನಡತಿನ ವಿಶ್ವ‍ ಸರಣಿದ ೨ನೇ ಏಕದಿನ ಪಂದ್ಯೊದ ಮುಖಾಂತರ ರುಮೇಲಿ ಧರ್ ಅಂತರರಾಷ್ಟ್ರೀಯ ಕ್ರಿಕೆಟ್ ಲೋಕೊಗು ಪಜ್ಜೆ ದೀಯೆರ್ ಪಾದಾರ್ಪನೆ ಮಾಡಿದರು.[೪೨]ನವಂಬರ ೨೧, ೨೦೦೫ ದೆಹಲಿಡ್ ಇಂಗ್ಲೆಂಡ್ ಕ್ರಿಕೆಟ್ ತಂಡದ ವಿರುದ್ದ ನಡತಿನ ಒಂಜೆ ಒಂಜಿ ಟೆಸ್ಟ್ ಪಂದ್ಯೊದ ಮುಖಾಂತರ ರುಮೇಲಿ ಧರ್ ಅಂತರರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್ ಲೋಕೊಗು ಪಜ್ಜೆ ದೀಯೆರ್ .ಅಗಸ್ಟ್ ೦೫, ೨೦೦೬ಕ್ [[ಇಂಗ್ಲೆಂಡ್ ದ ದರ್ಬಿಡ್ ಇಂಗ್ಲೆಂಡ್ ಕ್ರಿಕೆಟ್ ತಂಡ ವಿರುದ್ದ ನಡತಿನ ಒಂಜೇಒಂಜಿ ಟಿ-೨೦ ಪಂದ್ಯೊದ ಮುಖಾಂತರ ರುಮೇಲಿ ಧರ್ ಅಂತರರಾಷ್ಟ್ರೀಯ ಟಿ-೨೦ ಕ್ರಿಕೆಟ್ ಲೋಕೊಗು ಪಜ್ಜೆ ದೀಯೆರ.[೪೩] 


ಪಂದ್ಯೊಲು
  • ಟಿ-೨೦ ಕ್ರಿಕೆಟ್ : ೧೮ ಪಂದ್ಯೊಲು
  • ಏಕದಿನ ಕ್ರಿಕೆಟ್ : ೭೮ ಪಂದ್ಯೊಲು
  • ಟೆಸ್ಟ್ ಕ್ರಿಕೆಟ್ : ೦೪ ಪಂದ್ಯೊಲು
ವಿಕೇಟ್‍‌ಲು
  • ಟಿ-೨೦ ಕ್ರಿಕೆಟ್ ಪಂದ್ಯೊಲೆಡ್  : ೧೩
  • ಏಕದಿನ ಕ್ರಿಕೆಟ್ ಪಂದ್ಯೊಲೆಡ್ : ೬೩ ಪಂದ್ಯೊಲೆಡ್
  • ಟೆಸ್ಟ್ ಕ್ರಿಕೆಟ್ ಪಂದ್ಯೊಲೆಡ್ : ೦೮
ಅರ್ಧ ಶತಕ
  • ಟಿ-೨೦ ಕ್ರಿಕೆಟ್ ಪಂದ್ಯೊಲೆಡ್ : ೦೧
  • ಏಕದಿನ ಕ್ರಿಕೆಟ್ ಪಂದ್ಯೊಲೆಡ್ : ೦೬
  • ಟೆಸ್ಟ್ ಕ್ರಿಕೆಟ್ ಪಂದ್ಯೊಲೆಡ್  : ೦೧


ಪೂನಮ್ ಯಾದವ್

ಸಂಪೊಲಿಪುಲೆ

ಪೂನಮ್ ಯಾದವ್, ಒರ್ತಿ ಭಾರತೀಯ ಕ್ರಿಕೆಟ್ ಟೀಮ್‍ದ ಗೊಬ್ಬುದಾರ್[೪೪]. ಮೆರ್ ಬಲಗೈ ಬ್ಯಾಟ್ಸಮಾನ್ ಅಂಚನೆ ಬಲಗೈ ಲೆಗ್ ಬ್ರೇಕ್ ಬೌಲರ್. ದೇಶಿ ಕ್ರಿಕೆಟ್‍‌ಡ್ ಕೇಂದ್ರ ವಲಯ, ಉತ್ತರ ಪ್ರದೇಶ ಬೊಕ್ಕ ರೈಲ್ವೇಸ್ ಕ್ರಿಕೆಟ್ ತಂಡೊಡು ಗೊಬ್ಬುದೆರ್[೪೫].


ಪೂನಮ್ ಯಾದವೆರ್ ಆಗಸ್ಟ್ ೨೪, ೧೯೯೧ಡ್ ದೆಹಲಿದ ಆಗ್ರಾಡು ಪುಟ್ಟಿಯೆರ್ ಮೆರೆನ ಅಮ್ಮೆರೆನ ಪುದರ್ ರಘುವೀರ್ ಸಿಂಗ್ ಯಾದವ್ ಮೆರ್ ನಿವೃತ್ತ ಸೇನಾಧಿಕಾರಿಯಾದುಲ್ಲೆರ್.ಮೆರೆನ ಅಪ್ಪೆನ ಪುದರ್ ಮುನ್ನಾ ದೇವಿ ಮೆರ್ ಗೃಹಿಣಿಯಾದುಲ್ಲೆರ್. ಉತ್ತರ ಪ್ರದೇಶೊಡು ಪೂನಮ್ ಯಾದವೆರ್ ಅರೆನ ಶಾಲಾ ಶಿಕ್ಷಣ ಬೊಕ್ಕ ಪದವಿ ಶಿಕ್ಷಣ ಮಲ್ತೆರ್. ಕೇಂದ್ರ ವಲಯ, ಉತ್ತರ ಪ್ರದೇಶ ಬೊಕ್ಕ ರೈಲ್ವೇಸ್ ಮೆರೆನ ದೇಶೀಯ / ರಾಜ್ಯ ಕ್ರಿಕೆಟ್ ಕೋಪೆಲು . ಬೊಕ್ಕ ಭಾರತೀಯ ಮಹಿಳಾ ಕ್ರಿಕೆಟ್ ತಂಡೊಗು ಬೌಲರ್ ಆದ್ ಆಯ್ಕೆ ಆಯೆರ್. ಹೆಮಲತಾ ಕಲಾ ಮೆರೆನ ತರಬೇತುದಾರೆರ್(ಕೋಚ್) ಆದಿತ್ತೆರ್. ಅರೆನ ವೃತ್ತಿಜೀವನೊನು ಮುಂದುವರಿಸಯೆರೆ್ ಪೂನಮ್ ಯಾದವ್ ಆಗ್ರಾಗ್ ಬತ್ತ್‌ದ್ ಅಲ್ಪ ಆರ್ ಏಕಲವ್ಯ ಕ್ರೀಡಾಂಗಣೊಡು ತರಬೇತಿ ಪಡೆಯೆರ್. ಮೂಜಿ ವರ್ಸೊಡ್ದು ಬೊಕ್ಕ ಯಾದವ್ ಜಾಸ್ತಿಯಾದ್ ಕ್ರಿಕೆಟ್‌ಡ್ದ್ ಪಿದಯಿ ಇಪ್ಪುನ ಯೋಚನೆ ಮಲ್ತೆರ್ ಆಂಡ್ ಅರೆನ ಅಮ್ಮೆರೆಡ್ಡಾತ್ರ ಬೊಕ್ಕಲ ದುಂಬುವರಿಪುನಂಚನೆ ಪ್ರೇರಣೆ ತಿಕ್ಕುಂಡು

ಪೂನಮ್ ಯಾದವೆರೆನ ವೃತ್ತಿ ಜೀವನ

ಸಂಪೊಲಿಪುಲೆ

ಸುರುತ ದರ್ಜೆ ಕ್ರಿಕೆಟ್ ಪೂನಮ್ ಯಾದವ್ ದೇಶೀ ಕ್ರಿಕೆಟ್‍ ಡ್ ಕೇಂದ್ರ ವಲಯ, ಉತ್ತರ ಪ್ರದೇಶ ಬೊಕ್ಕ ರೈಲ್ವೇಸ್ ಕ್ರಿಕೆಟ್ ತಂಡೊಲೆಡ್ ಗೊಬ್ಬುದೆರ್. ಮುಖ್ಯವಾದ್ ಮೆರ್ ಕ್ರಿಕೆಟ್ ಕೋಪೆಗ್ ಬೌಲರ್ ಆದ್ ಆಯ್ಕ ಆಯೆರ್. ಬೊಕ್ಕ ಭಾರತೀಯ ಮಹಿಳಾ ಕ್ರಿಕೆಟ್ ತಂಡೊಗು ಆಯ್ಕೆ ಆಯೆರ್[೪೬]


ಅಂತರರಾಷ್ಟ್ರೀಯ ಕ್ರಿಕೆಟ್ ಏಪ್ರಿಲ‍್ ೦೫, ೨೦೧೩ಡ್ ವಡೋದರ್‍ ಡ್ ಬಾಂಗ್ಲಾದೇಶ ಕ್ರಿಕೆಟ್ ತಂಡದ ವಿರುದ್ದ ನಡತಿನ ಮೂಜನೆ ಟಿ-೨೦ ಪಂದ್ಯೊದ ಮುಖಾಂತರ ಪೂನಮ್ ಅಂತರರಾಷ್ಟ್ರೀಯ ಕ್ರಿಕೆಟ್ ಲೋಕೊಗು ಪಜ್ಜೆ ದೀಯೆರ್. ಬೊಕ್ಕ ನವಂಬರ್ ೧೬, ೨೦೧೪ಡ ಮೈಸೂರುಡು ದಕ್ಷಿಣ ಆಫ್ರಿಕ ಕ್ರಿಕೆಟ್ ತಂಡದ ವಿರುದ್ಧ ನಡತಿನ ಒಂಜೇಒಂಜಿ ಟೆಸ್ಟ್ ಕ್ರಿಕೆಟ್ ಪಂದ್ಯೊದ ಮುಖಾಂತರ ಮೆರ್ ಅಂತರರಾಷ್ಟ್ರೀಯ ಟೆಸ್ಟ್ ಕ್ರಿಕೆಟ್ ಗ್ ಪಜ್ಜೆ ದೀಯೆರ್.ಬೊಕ್ಕ ಏಪ್ರಿಲ‍್ ೧೨, ೨೦೧೩ಡ್ ವಡೋದರಾಡ್ ಬಾಂಗ್ಲಾದೇಶ ಕ್ರಿಕೆಟ್ ತಂಡದ ವಿರುದ್ದ ನಡತಿನ ಮೂಜನೆ ಏಕದಿನ ಪಂದ್ಯೊದ ಮೂಲಕ ಪೂನಮ್ ಅಂತರರಾಷ್ಟ್ರೀಯ ಏಕದಿನ ಕ್ರಿಕೆಟ್ ಲೋಕೊಗು ಪಜ್ಜೆ ದೀಯೆರ್. ಮಾ

ಪಂದ್ಯೊಲು

  • ಏಕದಿನ ಕ್ರಿಕೆಟ್ : ೩೫ ಪಂದ್ಯೊಲು
  • ಟಿ-೨೦ ಕ್ರಿಕೆಟ್ : ೪೮ ಪಂದ್ಯೊಲು
  • ಟೆಸ್ಟ್ ಕ್ರಿಕೆಟ್ : ೦೧ ಪಂದ್ಯೊಲು


ವಿಕೇಟ್‌‍‌ಲು

  1. ಟಿ-೨೦ ಕ್ರಿಕೆಟ್‌‌ಡ್ : ೬೯
  2. ಟೆಸ್ಟ್ ಕ್ರಿಕೆಟ್‌‌ಡ್ : ೦೩
  3. ಏಕದಿನ ಕ್ರಿಕೆಟ್‌‌ಡ್ : '೫೩

ರಾಧಾ ಯಾದವ್

ಸಂಪೊಲಿಪುಲೆ

'ರಾಧಾ ಪ್ರಕಾಶ್ ಯಾದವ್, ಒರ್ತಿ ಭಾರತೀಯ ಕ್ರಿಕೆಟ್ ಗೊಬ್ಬುದಾರ್. ಮೆರ್ ಎಡಗೈ ಲೆಗ್ ಸ್ಪಿನ್ ಬೌಲರ್ . ದೇಶಿ ಕ್ರಿಕೆಟ್‍್ ಡ್ ಮುಂಬೈ, ಬರೋಡ ಬೊಕ್ಕ ಪಶ್ಚಿಮ ವಲಯ ಕ್ರಿಕೆಟ್ ಕೋಪೆಡ್ ಗೊಬ್ಬುದೆರ್ ಆಡುತ್ತಾರೆ.ರಾಧಾ ಯಾದವ್ ಏಪ್ರಿಲ್ ೨೧, ೨೦೦೦ಡು ಬೊಂಬಾಯಿಡ್ ಪುಟ್ಟ್‌ಯೆರ.ಮೆರೆನ ಅಮ್ಮೆರ್ ಓಂ ಪ್ರಕಾಶೆರ್ ಒರಿ ತರಕಾರಿ ಬ್ಯಾರೊದಾರ್. ಅರೆನ ಅಮ್ಮೆರೆಗ್ ಮಸ್ತ್ ತೊಂದರೆಲು ಇತ್ತ್ಂಡಲ, ಮಗಳೆನ ಕ್ರಿಕೆಟ್‍ ಗೊಬ್ಬುಗು ಒವ್ವೆ ರೀತಿದ ತೊಂದರೆ ಆವದಿಲೆಕ್ಕ ತೂವೊಂದಿತ್ತೆರ್. ಮೆರ್ ಏಳ್ ತಿಂಗೊಲುಡು ಪುಟ್ಟಿನಾರ್‌‍ಗೆ. ಸುರುಕು ೧೨ನೇ ವರ್ಸೊಡು, ಮುಂಬಾಯಿದ ಬೊರವಿಲಿದ ಶಿವಸೇನೆ ಮೈದಾನೊಡು ಪ್ರಫುಲ್ ನಾಯ್ಕರೆನ ಮಾರ್ಗದರ್ಶನೊಡು ಕ್ರಿಕೆಟ್ ಗೊಬ್ಬೆರೆ ಸುರು ಮಲ್ತೆರ್.ಮೆರೆನ ಇಲ್ಲಡ್ ಆರ್ಥಿಕ ಕಷ್ಟ ಇತ್ತಿನ ಕಾರಣ ಮೆರೆನ ಕೋಚ್ ಪ್ರಫುಲ್ ಮೆರೆನ ಕ್ರಿಕೆಟ್‍ ದ ಕರ್ಚಿನ್ ದಿಂಜಾವೊಂದಿತ್ತೆರ್. ಬೊಕ್ಕ ರಾಧಾನ್ ಆನಂದಿಬಾಯಿ ದಾಮೋದರ್ ಕಾಲೆ ವಿದ್ಯಾಲಯೊಗು ಸೇರಯೆರ್. ಇಂಚ ಅರೆನ ಶಿಕ್ಷಣದ ಒಟ್ಟಿಗೆ ಕ್ರಿಕೆಟ್ ಗೊಬ್ಬುನು ಮುಂದುವರಿಸಯೆರ್.[೪೭][೪೮]

ರಾಧಾ ಯಾದವೆರೆನ ವೃತ್ತಿ ಜೀವನ

ಸಂಪೊಲಿಪುಲೆ

ಸುರುತ ದರ್ಜೆ ಕ್ರಿಕೆಟ್ ದೇಶಿ ಕ್ರಿಕೆಟ್‍ನಲ್ಲಿ ಮುಂಬೈ, ಬರೋಡ ಹಾಗು ಪಶ್ಚಿಮ ವಲಯ ಕ್ರಿಕೆಟ್ ತಂಡಗಳಿಗೆ ಆಡುತ್ತಾರೆ.[೪೯]

ಅಂತರರಾಷ್ಟ್ರೀಯ ಕ್ರಿಕೆಟ್ ಫೆಬ್ರವರಿ ೧೩, ೨೦೧೮ಡ್ ದಕ್ಷಿಣ ಆಫ್ರಿಕಾಡ್ ದಕ್ಷಿಣ ಆಫ್ರಿಕಾ ಮಹಿಳಾ ಕ್ರಿಕೆಟ್ ಕೋಪೆದ ವಿರುದ್ದ ನಡತಿನ ಸರಣಿಯ ೦೧ನೇ ಟಿ-೨೦ ಪಂದ್ಯದ ಮೂಲಕ ಮೆರ್ ಅಂತರರಾಷ್ಟ್ರೀಯ ಕ್ರಿಕೆಟ್ ಲೋಕೊಗು ಪಜ್ಜೆ ದೀಯೆರ್ .ಇಡೆ ಮುಟ್ಟ ಕೇವಲ ಟಿ-೨೦ ಮಾತ್ರ ಗೊಬ್ಬಿದಿನ ಮೆರ್,ಅವ್ವೆ ರೀತಿ ೨೦ಡ್ದ್‌ಲ ಜಾಸ್ತಿ ವಿಕೇಟ್‍‌ಲೆನ್ ಪಡೆತೆರ್.[೫೦] 

ಪಂದ್ಯೊಲು
  • ಟಿ-೨೦ ಕ್ರಿಕೆಟ್ : ೧೭ ಪಂದ್ಯೊಲು[೫೧]

ವಿಕೇಟ್‍್‌ಲು

  • ಟಿ-೨೦ ಕ್ರಿಕೆಟ್ ಪಂದ್ಯೊಲೆಡ್: ೨೧

ಉಲ್ಲೇಕೊಲು

ಸಂಪೊಲಿಪುಲೆ
  1. ↑ http://www.bcci.tv/player/5068/Taniya-Bhatia[dead link]
  2. ↑ https://www.news18.com/cricketnext/profile/taniya-bhatia/68443.html
  3. ↑ https://timesofindia.indiatimes.com/city/chandigarh/virat-fan-taniya-1st-from-city-to-make-it-to-indian-cricket-team/articleshow/62451378.cms
  4. ↑ https://indianexpress.com/article/sports/cricket/taniya-bhatia-south-africa-odi-series-2018-women-cricket-team-chandigarh-punjab-5019910/
  5. ↑ https://www.cricbuzz.com/cricket-news/104051/india-women-cricket-taniya-bhatia-keeping-up-with-her-genes-interview
  6. ↑ "Archive copy". Archived from the original on 2021-09-20. Retrieved 2021-09-25.{{cite web}}: CS1 maint: archived copy as title (link)
  7. ↑ http://www.espncricinfo.com/series/18087/scorecard/1123206/south-africa-women-vs-india-women-1st-t20i-ind-w-in-sa-2017-18
  8. ↑ <http://www.espncricinfo.com/series/8674/scorecard/1157706/sri-lanka-women-vs-india-women-1st-odi-icc-womens-championship-2017-18-2021
  9. ↑ http://www.espncricinfo.com/india/content/player/883423.html
  10. ↑ https://www.cricbuzz.com/profiles/9080/ekta-bisht
  11. ↑ ttps://timesofindia.indiatimes.com/sports/cricket/icc-womens-world-cup-2017/dads-tea-stall-brewed-ekta-bishts-success-on-pitch/articleshow/59433469.cms
  12. ↑ https://timesofindia.indiatimes.com/sports/cricket/icc-womens-world-cup-2017/dads-tea-stall-brewed-ekta-bishts-success-on-pitch/articleshow/59433469.cms
  13. ↑ http://www.espncricinfo.com/series/8648/scorecard/500224/australia-women-vs-india-women-natwest-womens-t20-quadrangular-series-2011
  14. ↑ http://www.espncricinfo.com/series/8649/scorecard/500228/australia-women-vs-india-women-3rd-match-natwest-womens-quadrangular-series-2011
  15. ↑ http://www.espncricinfo.com/series/11662/scorecard/722387/england-women-vs-india-women-only-test-india-women-tour-of-england-2014
  16. ↑ http://www.espncricinfo.com/india/content/player/442048.html
  17. ↑ http://www.espncricinfo.com/women/content/story/984993.html
  18. ↑ "ಆರ್ಕೈವ್ ನಕಲು". Archived from the original on 2018-12-24. Retrieved 2018-11-16.
  19. ↑ https://www.cricbuzz.com/profiles/10012/smriti-mandhana
  20. ↑ http://www.espncricinfo.com/series/12157/scorecard/625900/india-women-vs-bangladesh-women-3rd-t20i-bangladesh-women-tour-of-india-2012-13
  21. ↑ http://www.espncricinfo.com/series/11662/scorecard/722387/england-women-vs-india-women-only-test-india-women-tour-of-england-2014
  22. ↑ http://www.espncricinfo.com/series/12157/scorecard/625902/india-women-vs-bangladesh-women-2nd-odi-bangladesh-women-tour-of-india-2012-13
  23. ↑ http://www.espncricinfo.com/india/content/player/597806.html
  24. ↑ https://www.cricbuzz.com/profiles/13638/priya-punia
  25. ↑ https://www.crictracker.com/priya-punia-repays-her-father-for-building-cricket-ground-by-earning-a-national-call/
  26. ↑ https://www.womenscriczone.com/priya-punia-dreams-on-the-back-of-her-familys-personal-cricket-ground/
  27. ↑ http://www.espncricinfo.com/series/18819/scorecard/1153858/new-zealand-women-vs-india-women-1st-t20i-india-women-in-nz-2018-19
  28. ↑ http://www.espncricinfo.com/india/content/player/883391.html
  29. ↑ https://www.cricbuzz.com/profiles/13658/harleen-deol
  30. ↑ https://cricket.yahoo.net/players/harleen-deol-70726-playerprofile
  31. ↑ https://www.indiatvnews.com/sports/cricket-harmanpreet-kaur-ruled-out-of-odi-series-against-england-harleen-deol-announced-as-replacement-505424
  32. ↑ http://www.espncricinfo.com/series/8674/scorecard/1172160/india-women-vs-england-women-1st-odi-icc-womens-championship-2017-18-2021
  33. ↑ http://www.espncricinfo.com/series/19117/scorecard/1172163/india-women-vs-england-women-1st-t20i-eng-w-in-india-2018-19
  34. ↑ http://www.espncricinfo.com/india/content/player/960845.html
  35. ↑ "Archive copy". Archived from the original on 2021-09-23. Retrieved 2021-09-25.{{cite web}}: CS1 maint: archived copy as title (link)
  36. ↑ "Archive copy". Archived from the original on 2021-09-21. Retrieved 2021-09-25. {{cite web}}: Unknown parameter |dead-url= ignored (help)CS1 maint: archived copy as title (link)
  37. ↑ https://www.freepressjournal.in/sports/cricket/indian-womens-cricket-team-returns-to-international-action-to-play-odi-t20i-series-against-south-africa-heres-full-schedule-squad
  38. ↑ https://www.cricbuzz.com/profiles/13617/rumeli-dhar
  39. ↑ https://scroll.in/field/869543/rumeli-dhar-returns-the-34-year-olds-journey-through-injury-and-depression-to-india-recall
  40. ↑ https://www.icc-cricket.com/news/624481
  41. ↑ https://www.cricbuzz.com/cricket-news/100450/rumeli-dhar-returns-after-six-year-hiatus-jhulan-goswami-injury-india-women-south-africa-criccket-team
  42. ↑ http://www.espncricinfo.com/series/8589/scorecard/67266/england-women-vs-india-women-2nd-match-world-series-of-womens-cricket-2002-03
  43. ↑ http://www.espncricinfo.com/series/14587/scorecard/225163/england-women-vs-india-women-only-t20i-india-women-tour-of-ireland-and-england-2006
  44. ↑ https://www.espncricinfo.com/player/poonam-yadav-630972
  45. ↑ https://indianhotdeal.com/poonam-yadav-full-biography-indian-cricketer/
  46. ↑ https://sports.ndtv.com/cricket/players/64415-poonam-yadav-playerprofile
  47. ↑ https://www.mid-day.com/articles/radha-yadav-mumbai-vegetable-vendors-daughter-becomes-india-cricketer/19239199
  48. ↑ https://www.news18.com/cricketnext/profile/radha-yadav/68441.html
  49. ↑ https://www.sportskeeda.com/player/radha-yadav
  50. ↑ http://www.espncricinfo.com/series/18087/scorecard/1123206/south-africa-women-vs-india-women-1st-t20i-ind-w-in-sa-2017-18
  51. ↑ http://www.espncricinfo.com/india/content/player/960737.html
"https://tcy.wikipedia.org/w/index.php?title=ಭಾರತ_ಪೊಂಜೊಲೆ_ಕ್ರಿಕೇಟ್_ತಂಡೊದ_ಪೊಂಜೊವುಲು&oldid=190085"ಡ್ದ್ ದೆತ್ತೊಂದುಂಡು