ಮಡೆ ಮಡಸ್ತನ

ದಕ್ಷಿಣ ಕನ್ನಡ ಜಿಲ್ಲೆತ ಸುಳ್ಯ ತಾಲೂಕುತ ಕುಕ್ಕೆ ಸುಬ್ರಹ್ಮಣ್ಯ ದೇವಸ್ತಾನೊಡ್ ಭಟ್ರುನಕುಲು ಉಂಡಿನ ಮಡೆ ಇರೆತ್ತ ಮಿತ್ತ್ ಉರುಳು ಸೇವೆ ಮಲ್ಪುನೆಕ್ 'ಮಡೆ ಮಡಸ್ತನ' ಪನ್ಪೆರ್. ಉಂದು ಸುಭ್ರಹ್ಮಣ್ಯ ದೇವೆರೆಗ್ ಕೊರ್ಪುನ ಮಲ್ಲ ಸೇವೆ.

ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ಕ್ಷೇತ್ರ

ಪದೋತ ಅರ್ಥ

ಮಡಸ್ತನ ಪಂಡ ತುಳುಟ್ಟು ಅಂಚಿ ಇಂಚಿ ಪುಡೆರುನ, ಉರುಳುನ ಪಂಡುತು ಅತುಂಡು. ಒಂದು ಒಂಜೆ ಶಬ್ದ ಮಡೆ ಸ್ನಾನ ಅತ್ತ್ ಮಡೆ ಉಚ್ಚಿಷ್ಟ ಸ್ನಾನ ಪಂಡ ಮೀಪುನ ಉಂದು ತಪ್ಪು ಪ್ರಯೋಗ ಕನ್ನಡ ಗ್ ಭಾಷಾಂತರ ಅತ್ ಇಂಚ ಅತುನ. ಮಡೆ ಟು ಉರುಳುನೆಗ್ ಮಡೆ ಮಡಸ್ತನ. ಕನ್ನಡೋತು ಉರುಳು ಸೇವೆ ಸರಿಯಾಯಿನ ಪ್ರಯೋಗ.

ಮಡಸ್ತನದ ಬಗೆಕುಲು

1. ಮಡಸ್ತನ : ಕಾಲಿ ನೆಲತ ಮಿತ್ತ್ ಪೊರೆಡುನ ಸೇವೆ.
2. ಬೀದಿ ಮಡಸ್ತನ :ಬೀದಿತ ಉರುಳುಸೇವೆ.
3. ಮೂಲೆ ಮಡಸ್ತನ : ದೇವಸ್ತಾನೊದ ಮೂಲೆ ಮೂಲೆಡ್ ಮಲ್ಪುನ.
4. ಪೊಡಿ ಮಡಸ್ತನ

ಸಾಮಾನ್ಯವಾದ್ ಬಳಕೆ

ಕಾಂಡೆ ಪಜೆಡ್ದ್ ಲಕ್ಕಂದೆ ಆ ಪುಡೆ ಈ ಪುಡೆ, ಕಂಕನೆ, ಮರಂಕನೆ ಪೊರೆಡುಂದುಪ್ಪುನೆಗ್- 'ದಾನೆ ಮಡಸ್ತನ ಪಾಡೊಂದುಲ್ಲ' ಪಂಡ್‌ದ ಕೇನುನ ಕ್ರಮ ಉಂಡು.

ನಂಬಿಕೆ

ಉಂಡಿನ ಇರೆತ್ತ ಮಿತ್ತ್ ಉರುಳು ಸೇವೆ ಮಂತಂಡ ರೋಗ ರುಜಿನ ಬರ್ಪುಜಿ, ಅಂಚನೆ ನಮ ಯೆನ್ನುನ ಕಾರ್ಯೋಲ ಕೈ ಕುಡುಂಡು ಪಂಪಿನ ನಂಬಿಕೆ ಉಂಡು.