ರಾಜಶ್ರೀ ಟಿ ರೈ
ರಾಜಶ್ರೀ ಟಿ ರೈಕುಲು ತುಳುನಾಡ್ದ ಸಾಹಿತಿ ಅಂಚನೆ ಸಂಶೋಧಕಿಯಾದುಲ್ಲೆರ್. ಮೆರ್ ತುಳು, ಕನ್ನಡ, ಹವ್ಯಕ ಭಾಷೆದ ಸಾಹಿತ್ಯೊ ಕ್ಷೇತ್ರೊಡು ಪುಗರ್ತೆ ,ಮಾನಾದಿಗೆಲೆನ್ ಪಡೆಯಿನ ಯುವ ಪ್ರತಿಭೆ. ತುಳು ಕಾದಂಬರಿಗಾರ್ತಿಯಾದ್ ತುಳುಸಾಹಿತ್ಯೊ ಕ್ಷೇತ್ರೊಗು ಪಜ್ಜೆದೀನ ರಾಜಶ್ರೀ ಟಿ ರೈ ಕ್ಷೇತ್ರೊ ಕಾರ್ಯೊಲೆನ್ ಮಲ್ತ್‌ದ್ ಅನುಭವಿ ಸಂಶೋಧಕಿಯಾಪೆರ್ .ಮೆರೆನ ಮಿನ್ಕ ಪನ್ಪಿನ ಕಥೆ ಮಂಗಳೂರು ವಿಶ್ವವಿದ್ಯಾಲಯದ ದ್ವಿತೀಯ ಎಂ.ಎ ಪದವಿ ಕ್ಲಾಸ್‌ಗ್ ಪಠ್ಯವಾದುಂಡು ಪನ್ಪಿನ ಪೆರ್ಮೆದ ವಿಷಯ. ಮೆರೆನ ಕಥೆ ಕಬಿತೆ, ನಾಟಕೊಲು ಮಂಗಳೂರು ಬೊಕ್ಕ ಮೈಸೂರು ಆಕಾಶವಾಣಿ ಕೇಂದ್ರೊಡ್ದು ಪ್ರಸಾರ ಆತ್ತ್ಂಡ್[೧]
ಪುಟ್ಟು ಬೊಕ್ಕ ವಿದ್ಯಾಭ್ಯಾಸ
ಸಂಪೊಲಿಪುಲೆರಾಜಶ್ರೀ ಟಿ ರೈಕುಲು ೧೯೭೯ಡ್ ಕಾಸರಗೋಡು ಜಿಲ್ಲೆದ ಎಣ್ಮಕಜೆ ಗ್ರಾಮದ ಅರೆಮಂಗಿಲ ಪನ್ಪಿ ಊರುಡು ಬಂಬ್ರಾಣ ಮುಗೇರು ಗುತ್ತುದ ನಾರಾಯಣ ರೈ ಬೊಕ್ಕ ಕೊಡ್ಯಮೆ ಗುತ್ತು ಲೀಲಾವತಿ ಎನ್ ರೈ ದಂಪತಿಲೆನ ಮೋಕೆದ ಮಗಳಾದ್ ಪುಟ್ಯೆರ್. ಮೆರೆನ ಪ್ರಾಥಮಿಕ ವಿದ್ಯಾಭ್ಯಾಸೊನು ಅರೆನ ಊರುಡೆ ಬೆದ್ರಂಪಳ್ಳಡ್ ಮಲ್ತ್‌ದ್ ಅವೆಡ್ದ್ ಬೊಕ್ಕ ರಡ್ದ್ ವರ್ಷ(ಪಿ.ಯು) ಪದವಿ ಪೂರ್ವ ಶಿಕ್ಷಣೊನು ಸ್ವಾಮೀಜಿಸ್ ಕಾಲೇಜ್ ಎಡನೀರ್‌ಡ್ ಮಲ್ತೆರ್ ಅವೆಡ್ದ್ ಬೊಕ್ಕ ಸೈಂಟ್ ಫಿಲೋಮಿನ ಪುತ್ತೂರುಡು ೨೦೦೦ ಇಸವಿಡ್ ಬಿಎಸ್ಸಿ ಪದವಿನ್ ಪಡೆಯೆರ್. ಎಲ್ಯ ಪ್ರಾಯೊಡೆ ಕಥೆ ಕಬಿತೆದ ಬಗ್ಗೆ ಆಸಕ್ತಿ ಇತ್ತಿನ ಮೆರ್ ವಿದ್ಯಾರ್ಥಿ ಜೀವನೊಡೆ ಮೆರೆನ ಕಥೆ ಕಬಿತೆಲೆನ್ ಅಂಕಣ ಬರವುಲೆನ್ ಪತ್ರಿಕೆಲೆಗ್ ಕಡಪುಡೊಂದಿತ್ತೆರ್. ಪತ್ರಿಕೆಲೆಡ್ ಮೆರೆನ ಬರವು ಕಂತ್ ಕಂತಾದ್ ಬರೊಂದಿತ್ತ್ಂಡ್ . ಅಂಕಣ ಬರಹಗಾರ್ತಿಯಾದಿತ್ತಿನ ಮೆರ್ ದುಂಬುಗು ಮಾಮಲ ಸಾಹಿತಿ ,ಸಂಶೋಧಕಿಯಾದ್ ಪುಗರ್ತೆ ಪಡೆಪೆರ್.
ಸಂಸಾರ ಬೊಕ್ಕ ವೃತ್ತಿ ಜೀವನ
ಸಂಪೊಲಿಪುಲೆರಾಜಶ್ರೀ ಟಿ ರೈ ಮೆರೆನ ಪೊಪ್ಪ ಮಗಳೆನ ಪದವಿ ವಿದ್ಯಾಭ್ಯಾಸ ಮುಗಿಕೂಡ್ಲೆ ಅವ್ವೆ ವರ್ಸೊ ಉದ್ಯಮಿ ಅಂಚನೆ ಕೃಷಿಕೆರಾದಿತ್ತಿನ ಪಡ್ದಂಬೈಲು ಗುತ್ತು ತಾರಾನಾಥ ರೈ ಮೆರೆನೊಟ್ಟುಗು ಮದಿಮೆ ಮಲ್ತ್ ಕೊರ್ಪೆರ್. ಮಲ್ಲ ಕುಟುಂಬೊದ ಮರ್ಮಳಾದ್ ಪೊರ್ಲ ಸಂಸಾರೊಡು ಮೆರ್ ಗೃಹಿಣಿಯಾದಿತ್ತ್‌ದ್ ಕಂಡನಿಯನ ವ್ಯವಹಾರ ,ಕೃಷಿಕ್ ಬೆರಿತಾಂಗಾದುಲ್ಲೆರ್. ಸನ್ನಿಧಿ ಪನ್ಪಿ ಪೊಣ್ಣು ಮಗಳ್ ಅಂಚನೆ ಧ್ರುವ ಕಾರ್ತಿಕೇಯ ರೈ ಪನ್ಪಿ ಆಣ್ ಮಗೆ ಉಲ್ಲೆರ್.
ಕೃತಿಕುಲು(ಬೂಕುಲು)
ಸಂಪೊಲಿಪುಲೆ- ಪನಿಯಾರ (೧೯೯೯ ತುಳುತ ಸುರುತ ಕಾದಂಬರಿ ಕಾರ್‌ವಾಲ್ ಪತ್ರಿಕೆಡ್ ದಾರವಾಹಿಯಾದ್ ಪ್ರಕಟಿತ)
- ಬಜಿಲಜ್ಜೆ(೨೦೧೬ ವಿಶ್ವ ತುಲುವೆರೆ ಆಯನೊ ಬದಿಯಡ್ಕಡ್ ಬಿಡುಗಡೆಯಾಯಿನ ಕಾದಂಬರಿ)
- ಕೊಂಬು(೨೦೧೮ ಕರ್ನಾಟಕ ಸಾಹಿತ್ಯ ಅಕಾಡೆಮಿದ ಇನಾಮು ಗೆಂದಿನ ಕಾದಂಬರಿ)
- ಚವಳೊ(೨೦೧೭ ಪ್ರಕಟಣೆ ಕಿನ್ಯ ಕಥೆಕುಲೆ ಕಥಾಸಂಕಲನ
- ಚೌಕಿ(ಪಣಿಯಾಡಿ ಪ್ರಶಸ್ತಿ ಗೆಂದಿನ ಕಾದಂಬರಿ)[೨]
- ತುಳುನಾಡ್ದ ಮೂರಿಗಳ ಆರಾಧನೆ (೨೦೨೧ ಸಂಶೋಧನಾ ಕೃತಿ-ಮಂಗಳೂರು ವಿಶ್ವವಿದ್ಯಾಲಯದ ಪ್ರಸಾರಾಂಗೊಡ್ದು ಪ್ರಕಟಣೆ )
- ರಡ್ಡ್ ಕವುಲೆ(ಅಂಕಣ ಬರವುದ ಗೊಂಚಿಲ್-ಟೈಮ್ಸ್ ಆಫ್ ಕುಡ್ಲ ಪ್ರಕಟಣೆ)
- ಕಲ್ಪತರು(ನಾಟಿ ವೈದ್ಯ ಪರಂಪರೆದ ಅಧ್ಯಯನ ಕೃತಿ)
- ಸ್ವರ್ಣ ಕದಿರು(ಸಂಪೊಲಿತನ ಕೃತಿ)
- ಅಗ್ಗಿಷ್ಟಿಕೆ(ಕಲ್ಪವೃಕ್ಷ ಪ್ರಕಾಶನ ಬೆಂಗಳೂರು)
- ಮಮಿನದೊ(ಪದೊ ಗೊಂಚಿಲ್)
ನಾಟಕೊಲು
ಸಂಪೊಲಿಪುಲೆರಾಜಶ್ರೀ ಟಿ ರೈ ಕಥೆ ಕಬಿತೆ ,ಕಾದಂಬರಿ ಮಾತ್ರತ್ತಂದೆ ಕೆಲವೊಂಜಿ ನಾಟಕೊಲೆನ್ ಬರೆತೆರ್. ಆ ನಾಟಕೊಲು ಮಸ್ತ್ ಕಡೆಟ್ ಪ್ರದರ್ಶನ ಆದ್ ಬಿರ್ದ್ ಸನ್ಮಾನೊಲೆನ್ ಪಡೆತ್ಂಡ್. ಅರೆನ ನಾಟಕೊಲು,
- ಬದಿ ಏತ್ ಕೊರ್ಪರ್-ಅಸಂಗತ
- ಪುಂಚದ ಮಣ್ಣ್-ಸಾಮಾಜಿಕ
- ತತ್ರ್ ಮೋಸದ ಬಾಲೆ-ಪೌರಾಣಿಕ
ಮಾನಾದಿಗೆ
ಸಂಪೊಲಿಪುಲೆಮೆರೆಗ್ ಸಂದಿನ ಮಾನಾದಿಗೆಲು[೩]
- ಪಣಿಯಾಡಿ ಪ್ರಶಶ್ತಿ( ಉಡುಪಿ ತುಳುಕೂಟದ ಕಾದಂಬರಿ ಪ್ರಶಸ್ತಿ)
- ಧರ್ಮಸ್ಥಳ ರತ್ನವರ್ಮ ಹೆಗ್ಗಡೆ ನಾಟಕ ಪ್ರಶಸ್ತಿ
- ಕನ್ನದ ಸಾಹಿತ್ಯ ಪರಿಷತ್ತ್‌ದ ದತ್ತಿನಿಧಿ ಪ್ರಶಸ್ತಿ
- ಕೇಮಾರ ಬಲ್ಲಾಳ ಕಥಾ ಪ್ರಶಸ್ತಿ
- ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಕೃತಿ ಗೌರವ
- ಬರವುದ ಬಿರ್ಸೆರ್ ಬಿರ್ದ್ (ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿಡ್ದ್)
- ಸಾಹಿತ್ಯ ಸೌಗಂಧಿಕಾ ಬಿರ್ದ್
- ಕೇರಳ ರಾಜ್ಯೋದಯದ ಜಿಲ್ಲಾಡಳಿತ ಗೌರವ