ವಾರಾಹಿ ತುದೆ
ವಾರಾಹಿ ತುದೆ ಉಡುಪಿ ಜಿಲ್ಲೆಡ್ ಪರಪುನ ತುದೆಕ್ಲೆಡ್ ಒಂಜಿ. ಈ ತುದೆಕ್ ಹಾಲಾಡಿ ತುದೆ ಪನ್ಪಿನ ಪುದರ್ಲಾ ಉಂಡು. ಉಡುಪಿ ಜಿಲ್ಲೆದ ಕುಂದಾಪುರ ತಾಲೂಕುಡು ಪರಪುನ ೫ ತುದೆಕ್ಲೆಗ್ ಪಂಚಗಂಗಾವಳಿ ಪನ್ಪಿನ ಪುದರ್ ಉಂಡು. ಐಟ್ ವಾರಾಹಿ ತುದೆಲಾ ಒಂಜಿ. ಬಾಕಿದ ೪ ತುದೆಕುಲು- ಸೌಪರ್ಣಿಕಾ, ಕೇದಕಾ, ಚಕ್ರಾ ಬುಕ್ಕ ಕುಬ್ಜಾ ತುದೆ.
ತುದೆತ್ತ ಪುಟ್ಟು
ಸಂಪೊಲಿಪುಲೆಶಿವಮೊಗ್ಗ ಜಿಲ್ಲೆದ ಹೊಸನಗರ ತಾಲೂಕುದ, ಸಮುದ್ರಮಟ್ಟೊಡ್‍ದು ೭೩೦ ಮೀಟರ್ ಎತ್ತರಡ್ ಇಪ್ಪುನ ಗುಡ್ಡೆಕೊಪ್ಪಡ್ ಪುಟ್ಟುನ ವಾರಾಹಿ ತುದೆ, ಗಟ್ಟ ಜತ್‌ದ್ ಉಡುಪಿ ಜಿಲ್ಲೆದ ಕುಂದಾಪುರ ತಾಲೂಕುದ ಹಾಲಾಡಿ, ಬಸ್ರೂರು, ಕುಂದಾಪುರ ಮುಟ್ಟ ೮೮ ಕಿಲೋಮೀಟರ್ ಪರತ್‌ದ್ ಗಂಗೊಳ್ಳಿದಲ್ಪ ಕಡಲ್ ಸೇರುಂಡು[೧]. ಗಟ್ಟ ಜಪ್ಪರ ದುಂಬು ಶೆಟ್ಟಿಕೊಪ್ಪ, ಹಳಿಗೆ, ಕೊಲ್ಲವಾಡಿ ಬಂಗಾರಗಲ್ಲಿ ಮುಲ್ಪ ಮಾತ ಕಿನ್ಯ ಕಿನ್ಯ ತುದೆಕ್ಲು ವಾರಾಹಿಗ್ ಸೇರುವ.
ತುದೆಡ್‍ದ್ ಪುಟ್ಟಿನ ಜಲಪಾತ
ಸಂಪೊಲಿಪುಲೆವಾರಾಹಿ ತುದೆಡ್‍ದ್ ಪುಟ್ಟಿನ ಒಂಜಿ ಜಲಪಾತ ಕುಂಚಿಕಲ್ ಜಲಪಾತ. ಉಂದು ಶಿವಮೊಗ್ಗ ತಾಲೂಕುದ ಹೊಸನಗರ ತಾಲೂಕುಡು ವಾರಾಹಿದ ಮೂಲಡ್‍ದ್ ೨೫ ಕಿಲೋಮೀಟರ್ ದೂರಡ್ ಈ ಜಲಪಾತ ಉಂಡು. ಅಂದಾಜಿ ೪೫೫ ಮೀಟರ್ (೧,೪೯೩ ಅಡಿ) ಎತ್ತರಡ್‍ದ್ ಬೂರುನ ಈ ಜಲಪಾತಡ್ದ್ ೩ ಕಿಲೋಮೀಟರ್ ಪಿರ, ಮಾಸ್ತಿಕಟ್ಟೆದಲ್ಪ ವಾರಾಹಿ ತುದೆಕ್ಕ್ ಮಾಣಿ ಕಟ್ಟ (Maani Dam) ಕಟ್ಟಿನೆಡ್ದಾವರ ಈ ಜಲಪಾತೊಡು ನೀರ್ ಇಪ್ಪುನ ಕಡಮೆ. ಮರಿಯಾಲದ ಬರ್ಸದ ನೀರ್ ಈ ಜಲಪಾತೊಗು ಆಧಾರವಾದುಂಡು. ಈ ಜಲಪಾತ ಶಿವಮೊಗ್ಗಡ್‍ದ್ ೯೦ ಕಿಲೋಮೀಟರ್ ದೂರೊಡು ಬುಕ್ಕ ತೀರ್ಥಹಳ್ಳಿಡ್‍ದ್ ೪೯ ಕಿಲೋಮೀಟರ್ ದೂರೊಡು ಉಂಡು[೨].
ವಾರಾಹಿ ಜಲವಿದ್ಯುತ್ ಯೋಜನೆ
ಸಂಪೊಲಿಪುಲೆಮಾಸ್ತಿಕಟ್ಟೆದ ಮಾಣಿಬೈಲ್ ಪುದರ್ದ ಹಳ್ಳಿಡ್ ವಾರಾಹಿ ತುದೆಕ್ ಕಟ್ಟ ಕಟ್ಟ್‌ದ್ ಐತ್ತ ನೀರ್‌ಡ್ದ್ ಜಲವಿದ್ಯುತ್ ಉತ್ಪಾದನೆ ಮಲ್ಪರ ಗಲಸೊಂದು ಉಲ್ಲೆರ್. ಈ ಕಟ್ಟ‌ಡ್ದ್ ಬತ್ತಿನ ನೀರ್‌ನ್, ಉಡುಪಿದ ಹೊಸಂಗಡಿದಲ್ಪ ಕಟ್ಟಾಯಿನ ನಿಲತ್ತ ಅಡಿಟ್ ಇಪ್ಪುನ ವಿದ್ಯುತ್ ಉತ್ಪಾದನಾ ಕೇಂದ್ರೊಗು ಬರ್ಪಾದ್ ಅಲ್ಪ ವಿದ್ಯುತ್ ಉತ್ಪಾದನೆ ಮಲ್ಪುವೆರ್. ಈ ಭೂಗರ್ಭ ವಿದ್ಯುದುತ್ಪಾದನಾ ಕೇಂದ್ರೊಡು ಒಟ್ಟು ೪ ಘಟಕ ಉಂಡು. ಪ್ರತಿಯೊಂಜಿ ಘಟಕ ೧೧೫ ಮೆಗಾವಾಟ್ ವಿದ್ಯುತ್ ಉತ್ಪಾದಿಸಾವುಂಡು. ಪನ್ನಗ, ನಾಲ್ ಘಟಕೊಲೆಡ್ದ್ ಒಟ್ಟು ೪೬೦ ಮೆಗಾವಾಟ್ ವಿದ್ಯುಚ್ಚಕ್ತಿ ಮುಲ್ಪ ಉತ್ಪಾದಿಸಾವೊಂದುಲ್ಲೆರ್[೩]. ಕರ್ನಾಟಕ ವಿದ್ಯುತ್ ನಿಗಮ ನಿಯಮಿತ ಸಂಸ್ಥೆ ಈ ಭೂಗರ್ಭ ವಿದ್ಯುದುತ್ಪಾದನಾ ಕೇಂದ್ರೊನು ಕಟ್ಟಾದ್ ಕೊರ್ತುಂಡು.
ಉಲ್ಲೇಖ
ಸಂಪೊಲಿಪುಲೆ- ↑ "ನಾಲ್ಕು ದಶಕಗಳು ಕಳೆದರೂ ಮುಗಿಯದ ವಾರಾಹಿ". prajavani.net. ಪ್ರಜಾವಾಣಿ. Retrieved 12 July 2023.
- ↑ "Kunchikal Falls in Shimoga". shivamoggaonline.in. Pan India Internet Private Limited (PIIPL). Retrieved 12 July 2023.
- ↑ "ಜಲ ವಿದ್ಯುತ್ ಯೋಜನೆಗಳ ಸಾಮರ್ಥ್ಯ". kpcl.karnataka.gov.in. ಕರ್ನಾಟಕ ವಿದ್ಯುತ್ ನಿಗಮ ನಿಯಮಿತ. Archived from the original on 12 July 2023. Retrieved 12 July 2023.