ಇಂಡೋ-ಯುರೋಪಿಯನ್ ಬಾಸೆಲು: ಆವೃತ್ತಿಲೆನ ನಡುತ ವ್ಯತ್ಯಾಸೊ

ಇಂಡೋ-ಯುರೋಪಿಯನ್ ಗುಂಪುಗು ಸೇರ್‍ನ ಭಾಷೆಲು ಬೇತೆ ಒವ್ವೇ ಮನೆತನೊಗು ಸೇರ್‍ನ [[ಭಾಷೆ]]ಡ್ದ್‌ಲಾ ದಿಂಜ ವಿಸ್ತಾರವಾದ್ ಪರ್ಪಂಚೊಡು ಪರಡ್‍ದೊ. ಅತ್ತಂದೆ ಈ [[ಭಾಷೆ]]ಲೆ ಸಂಕ್ಯೆಲಾ ದಿಂಜ ಇತ್ತ್‌ದ್ ಮಿಕ್ಕ್‌ನ ಭಾಷೆಡ್ದ್ ಎಚ್ಚಿಗೆ ವಿಸ್ತಾರವಾದ್ ಪೆರ ಇಂಗಡನೆ ಆತ್ಂಡ್. [[ಭಾರತ|ಭಾರತೊ]]ದ ಜನಸಂಕ್ಯೆದ ದಿಂಜಪಾಲ್ ಜನೊ ಈ ಮೂಲೊದ ಭಾಷೆಲೆನೇ ಪಾತೆರುವೆರ್. ಈ ಭಾಷೆಲೆಡ್ [[ಹಿಂದಿ ಭಾಷೆ|ಹಿಂದೀ]], [[ಉರ್ದು ಭಾಷೆ|ಉರ್ದು]], [[ಬಂಗಾಳಿ ಭಾಷೆ|ಬಂಗಾಳೀ]], [[ಅಸ್ಸಾಮಿ ಭಾಷೆ|ಅಸ್ಸಾಮೀ]], [[ಒರಿಯಾ ಭಾಷೆ|ಒರಿಯಾ]], [[ಮರಾಠಿ ಭಾಷೆ|ಮರಾಠೀ]], [[ಪಂಜಾಬ್ಪಂಜಾಬಿ ಭಾಷೆ|ಪಂಜಾಬೀ]] ಬುಕ್ಕೊ [[ಕಾಶ್ಮೀರಿ ಭಾಷೆ|ಕಾಶ್ಮೀರೀ]] - ಉಂದು ಮುಕ್ಯೊ ಆಪುಂಡು. ಇಂದೆಟ್ ಸಿಂಹಲೊದ [[ಸಿಂಹಳ ಭಾಷೆ|ಸಿಂಹಳೀ]] ಭಾಷೆನ್‍ಲಾ ಸೇರಾವೊನೊಲಿ. [[ಇಂಡೋ-ಆರ್ಯನ್]] ಪಂಗಡೊದ ಪ್ರಾಚೀನ ಸ್ತರೊಲೆಡ್ (೧) [[ವೈದಿಕ ಭಾಷೆ]] : ಭಾಷೆದ ಪಿರಾಕ್‌ದ ಬೂಕುಲೆ ಕಾಲೊ ಸು.ಕ್ರಿ.ಪೂ. ೨೦೦೦೦ ಇಪ್ಪು; (೨) ಅಭಿಜಾತ [[ಸಂಸ್ಕೃತ ಭಾಷೆ|ಸಂಸ್ಕೃತೊ]] ಭಾಷೆ; (೩) [[ಪಾಲಿ ಭಾಷೆ|ಪಾಲಿ]], [[ಪ್ರಾಕೃತ ಭಾಷೆ|ಪ್ರಾಕೃತ]] ಬುಕ್ಕೊ [[ಅಪಭ್ರಂಶ ಭಾಷೆ]]ಲೆನ್ ಸೇರೊಂದಿಪ್ಪುನ ಮಧ್ಯಯುಗೊದ [[ಇಂಡೋ-ಆರ್ಯನ್ ಭಾಷೆ]]. ಇಂದೆಟ್ ಮೂಜಿ ಹಂತೊಲು ಉಂಡು. ಪ್ರಾಚೀನ ಇಂಡೋ-ಆರ್ಯನ್ ಭಾಷೆ(ವೈದಿಕ) ಪಿರಾಕ್‍ದ [[ಇರಾನೀ ಭಾಷೆ]]ಗ್ ಕೈತಲ್ದ ಸಂಬಂಧಿಸದ್ಂಡ್. ಮಧ್ಯಕಾಲೊದ [[ಪರ್ಷಿಯನ್ ಭಾಷೆ|ಪರ್ಷಿಯನ್]](ಪಹ್ಲವಿ), [[ಪಾರ್ಥಿಯನ್ ಭಾಷೆ|ಪಾರ್ಥಿಯನ್]], [[ಸೊಗ್‍ಡಿಯನ್ ಭಾಷೆ|ಸೊಗ್‍ಡಿಯನ್]], [[ಜೋರಾಸ್ಮಿಯನ್ ಭಾಷೆ|ಜೋರಾಸ್ಮಿಯನ್]] ಬುಕ್ಕೊ ಶಕ ಭಾಷೆಲೆಡ್ದ್ ಮಧ್ಯಕಾಲೊದ ಇರಾನೀ ಪಂತ್ಯೆ ಪ್ರತಿನಿಧಿಸವೊಂದುಂಡು. ಆಧುನಿಕ ಇರಾನೀ ಭಾಷೆಲೆಡ್ ಪರ್ಷಿಯನ್ ಬುಕ್ಕೊ ಪಸ್ರುಭಾಷೆಲು ಮುಕ್ಯೊ. ಇಂದೆಕ್ ಕೆಲವೊಂಜಿ ಕಿನ್ಯ ಪ್ರಾಂತೀಯ ಭಾಷೆಲೆನ್ ಸೇರಾವೊಲಿ. ಇಂದೆಟ್ [[ಓಸೆಟಿಕ್ ಭಾಷೆ]] ದಿಂಜ ಗುಮಾನಿಪುನವು.